74
3
1
所有分店 (2)
電話號碼
34254616
營業時間
今日營業
12:00 - 22:00
星期一至日
12:00 - 22:00
付款方式
Visa Master 現金 AE
其他資料
加一服務費
食評 (79)
等級4 2021-07-11
44 瀏覽
今日下大雨,餐廳位於商場,相比其他海邊餐廳來說很便利,吃完還可以去樓上逛激安。餐廳面積中等,以木系為主調,木製桌椅,配上和風燈籠,感覺溫馨舒適。餐牌上有不同的套餐選擇,有牛排、海鮮、豬排等。⭐️特選海產套餐$208套餐有椰菜、麵鼓湯和飯。有炸廣島蠔、大海老和鰻魚。炸廣島蠔頗肥美,炸粉不會太厚,入口蠔的肉鮮美。炸大蝦很大隻,炸過之後仍沒有縮水,蝦肉彈牙爽口,不錯!鰻魚也是厚肉饅魚,饅魚本身已經有魚脂,入口也很肥美,沒有蝦肉那麼清爽。⭐️鮮嫩脆炸豬柳伴鰻魚套餐$148一半豬柳一半鰻魚,牛肉以外的選擇。提供芝麻給顧客自己磨,配上豬扒醬,入口豬扒酥脆,很鬆化。另外饅魚配芥末醬,味道會清爽一些。⭐️日式柚子茶$28無糖柚子茶可以借膩,淡淡柚子味伴茶香。⭐️白桃蒟蒻冰茶$32這杯茶不錯,底下是蒟蒻粒粒,口感QQ韌韌,很棒。 繼續閱讀
(以上食評乃用戶個人意見 , 並不代表OpenRice之觀點。)
依間日本人氣既過江龍主打吉列牛,之前係日本食過已經覺得好食,最近仲係將軍澳開左分店,終於可以再試到😍京都勝牛三味套餐($228)套餐會有麥飯,椰菜沙律同味噌湯,而且都可以refill,同日本吾同既係香港係用美國同紐澳牛,上枱既時候都係三成熟,可以自己用鐵板再燒一燒,套餐有菲力牛,翼板牛同醬味薄牛,菲力牛係最軟嫩,入口牛味好濃郁而且炸粉既感覺吾會好厚,而我自己最鍾意食既係醬味薄牛,佢既調味甜甜地撈飯食好夾🥰而且額外既醬汁仲有好多可以揀,有咖哩醬,山椒鹽,芥末醬,招排牛排醬等等,仲可以加溫泉蛋!根據自己個人口味選擇更加突出炸牛排既味道鮮嫩脆炸豬柳伴鰻魚套餐($148)先將芝麻磨碎再倒上醬汁,炸豬柳入口嫩滑,而且吾會好油膩,而鰻魚好有驚喜!鰻魚好厚身而且好外脆內軟,鰻魚既味道好出,再點蔥花蘿蔔蓉汁食,因為帶袖子汁所以味道帶酸好特別🥰藍柑荔枝特飲($36)白桃蒟蒻冰茶($32)如果怕甜既可以試下蒟蒻冰茶,吾會好甜而且有好多蒟蒻粒粒好有口感 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-16
2098 瀏覽
最近因為工作需要而要去了將軍澳那邊工作一陣子,所以就下班後就找了將軍澳的朋友一起吃個飯!而最近剛好開了這間日本來的過江龍,就正好有機會可以試試了!京都勝牛三味套餐(228元)這個全都要套餐對第一次來吃的人真的非常友好,每一款都可以試一下!一送到來,整個套餐的份量還可以,有味噌湯,燕麥飯和漬物,當然還有最重要的吉列牛!吉列牛是煮到三成熟左右的,可以直接吃,又或是用鐵板再煎一下,兩款口味都可以試試!直接吃會比較嫩和多汁,鐵板再煎的就會再香一點,多點了嚼勁!這個三味分別有菲力牛,翼板牛和醬味薄牛,最嫩多汁的是菲力牛,然後是有點嚼勁翼板牛,最後是有了調味的醬味薄牛,每款都很不錯,而醬味薄牛配飯就最好!溫馨提示,可以加配溫泉蛋,吃起來口感會更好更嫩滑!鮮嫩脆炸豬柳伴鰻魚套餐(148元)日式炸豬扒也很特別也很考技巧的一道菜,這裡也可以吃到,而且可以配有我很喜歡的鰻魚!這個鮮嫩脆炸豬柳也炸得非常酥脆,內裡的豬柳仍然嫩滑多汁,吃起來完全不會老,而且不油膩,很好!再來的是鰻魚,這個也非常厚肉,入口即化,滿滿鰻魚的香味,而且炸得外脆內嫩,我很喜歡!芒果奇異果味有汽特飲(36元)這個很特別,一開始只是看到黃色的,但當你拌勻以後會變成綠色!喝起來奇異果味很濃,帶點芒果的酸甜,配上梳打的氣泡,喝起來挺清爽!白桃蒟蒻冰茶(32元)這個白桃味很香濃,喝起來不會太甜,而且下面還配有大量的蒟蒻,吃起來非常Q彈,挺推薦! 繼續閱讀
(以上食評乃用戶個人意見 , 並不代表OpenRice之觀點。)
日式吉列豬扒(とんかつ)好好食、好出名就好多人都知,吉列牛?乜料先?其實,吉列牛先至係日式吉列美食元祖,百幾年前已經喺東京銀座嘅日式西洋料理老字號「煉瓦亭」的餐牌上出現。不過,為遷就日本人口味,廚師將牛改為豚肉,而且越來越受歡迎,很快就蓋過元祖的吉列牛。吉列豬扒甚至成為地道日式美食,很多日本人已經忘記其實源自西洋料理。唔知點解,大約六七年前左右,吉列牛扒忽然再次在日本流行起來。這股旋風也在2016年吹到來香港。第一次在香港食吉列牛扒的地方正是香港第一間(印象中)供應吉列牛扒的「琥酌」,估唔到這間將吉列牛扒風氣從日本引入香港的餐廳竟然敵不過疫情,去年結業收場。記得2019年中,將軍澳東港城2樓某一角曾經出現「京都勝牛」的裝修圍板,一直非常期待,但等到年尾都未開幕;去到2020年初,甚至裝修圍板上的廣告照片都消失了。再過不久,舖位已變了另外一間餐廳。在差不多已經忘記了的時候,估唔到去到2020年底,「京都勝牛」終於繼台北及南韓之後,落戶香港,還要在銅鑼灣及將軍澳連開兩間分店。將軍澳分店由原計劃的東港城遷移至近一兩年已成為將軍澳的美食集中地 Monterey Place 。去到時已經有10幾人在排隊,旁邊是台灣過江龍「段純貞牛肉麵」,同銅鑼灣分店的安排一模一樣。原來兩間餐廳同樣由香港某餐飲集團以合作形式引入,唔怪得打孖拍住上。典型日式餐廳佈局,門口櫥窗擺滿了仿真度極高的食物模型,將餐牌上的各款美食呈現出來,對懶得睇餐牌的人有很大幫助。室內設計簡約,一望落去已經知道係日式餐廳。以淺色木材為主要裝修材料,牆上又裝裱了充滿東瀛風情的裝飾品及圖案掛畫。餐牌內的選擇很多,除了主打的吉列牛之外,亦有吉列豬扒、吉列蝦、吉列蠔,甚至吉列三文魚柳!估唔到竟然還有大吟釀,但日本酒似乎同吉列豬扒唔係好合襯?「京都勝牛」創業歷史很短,第一間店於2014年才在京都駅前開業,但短短幾年,分店已經遍布全國主要城市。雖然分店數量同其他大型連鎖餐廳集團比較仍然有一段距離,但業務發展已經非常迅速。烹調技術有精準要求:麵衣用日本產麵粉、雞蛋及麵包糠配制;徹底沾滿整塊牛扒後,再用190度的高溫熱油,快炸60秒將麵衣炸至酥脆金黃,內裡則維持著3成熟的牛扒最佳鮮嫩熟度。另外一個賣點係搭配上7種不同的調料創造出獨特個人化吃法,其中以「元祖炸牛排」沾裹溫泉蛋的濃郁滋味最具人氣!每份套餐都包括無限添加的味噌湯、椰菜絲沙律及麥飯。第一次幫襯一定要揀元祖炸牛扒套餐($158)試吓最基本的味道。看到眼前這份外皮炸得酥脆,裏面卻是剛剛好3成熟、粉嫩無比的牛扒,足以令人垂涎三尺,不得不驚嘆日本人對於油炸溫度與時間掌控的準繩度,甚至可以控制海外分店的質素也要跟足日本店的要求。享用之前當然要睇睇指令説明,原來每種醬汁 / 調料各有特色。隨定食奉上只有5種牛カツ醬汁 / 調料:綠芥末、咖喱醬、招牌牛扒醬、鰹魚和風露及新口味山椒鹽;七味唐辛子及玫瑰鹽則放在餐桌上;至於日式溫泉蛋($15)就要額外加錢 ⋯⋯ 原來總共有8種牛カツ醬汁 / 調料。至於椰菜絲沙律就有胡麻醬及和風沙律醬(即是日式柚子沙律醋)兩種典型配搭,同吉列豬扒店一樣。招牌牛扒醬以 Worcestershire sauce(喼汁)為底,加入芝麻蓉及蔬菜熬煮,增添香氣以及清甜,味道獨特。鰹魚和風露顏色金黃透明,味道混合了鹹香鮮。元祖牛カツ套餐選用翼板牛(Chuck flap),油花均勻,肉質口感有彈性、亦有少少嚼勁;入口表面香脆,咬落牛味濃郁。嚐過3成熟的牛肉鮮味後,可以將牛排放在小酒精烤爐上,煎牛扒之前先利用沙漏睇時間,預熱烤爐 1分鐘。每邊加熱幾秒,剛剛好煎到外脆內軟的五成熟口感。牛扒變得熱辣辣,多了肉香;油脂受熱溶化滲出,牛香更加明顯 ⋯⋯ 又是另一番滋味的吉列牛扒!餐牌推介三款較為貴價的吉列和牛。本來想叫每日限定嘅特選日本黑毛和牛西冷($348),但今日已經售罄,而鹿兒島A4 黑毛和牛西冷($438)又唔係好抵食。退而求其次,只好揀極上和牛M9牛腰脊套餐($285),喺分級方法,就知道係澳洲和牛。再一次要佩服廚房出品質素的穩定,澳洲 M9和牛腰脊同樣是外皮炸得酥脆,裏面卻是剛剛好3成熟、粉嫩無比的牛扒。有比較之下,澳洲 M9和牛明顯較元祖炸牛扒套餐的美國翼板牛更多油花、牛味更香濃、肉質更鬆軟。就算未食,肉眼都可以分辨出兩者的脂肪分布及肉質紋理有所不同。用烤爐稍稍煎香牛扒,蘸一點咖喱汁。日式咖喱獨特的、帶有蔬菜清甜的香辣,估唔到與吉列牛扒也相當配搭。剩下來的咖喱醬用來撈麥飯也相當好味道,就似是食緊日式咖喱。加了日式溫泉蛋($15)。一如推介的人氣品嚐方法,牛扒沾裹溫泉蛋果然滋味濃郁,牛香加上蛋香,美味無窮,食完一件馬上要食第二件!剩下來的溫泉蛋又可以用來撈麥飯!還揀了一個兒童餐($88),包括薯條、炸雞、忌廉蟹餅、北海道忌廉泡芙及果汁一杯。忌廉蟹餅及北海道忌廉泡芙味道相當好,拍得住吉列牛扒的質素;炸雞就令人失望。以為日式料理的炸雞質素一定有返咁上下,點知原來唔係炸雞件,只係類似麥當勞質素的麥樂雞 ⋯⋯ 對比其他出品,可以用難食去形容。吉列牛扒的確好味道,同吉列豬扒比較又是另一番滋味;兩者各有各的美味。唯一美中不足就是一如其他日本過江龍餐廳,香港分店的價錢比起日本店貴40至50%,覺得有點被騙、唔抵食。 繼續閱讀
(以上食評乃用戶個人意見 , 並不代表OpenRice之觀點。)
將軍澳又開新餐廳,之前係銅鑼灣食過京都勝牛覺得唔錯😛 今次就試吓佢其他套餐,睇吓水準係咪差唔多😋 餐廳環境光猛,有卡位,都幾好坐。京都勝牛三味套餐 $228餐廳一般係用翼板牛做炸牛扒,今次就可以一次過食埋菲力牛同薄片醬味牛🥩 牛排外皮炸至脆身,炸皮薄無離肉,牛肉帶粉色☺️ 我另外建議可以加一個小煎Pan 可以將炸牛扒煎香,煎香嘅牛扒牛味更出同香,另外仲可以加岩鹽調味添😙 翼板牛牛脂感較重,比菲力牛冧身,鍾意油脂感嘅一定啱😘 菲力牛就重牛味,香濃啲😜 薄片醬味牛有兩片,食到外面嘅醬油味帶甜,不過我略厭炸粉略厚😗 食日本吉列牛套餐當然唔少得任添生菜絲、白飯同麵豉湯。生菜絲可以配柚子汁/芝麻醬,白飯會有燕麥粒拌。鮮嫩脆炸豬柳伴鰻魚套餐 $148上次試咗三文魚柳,今次就試埋炸豬🐷同鰻魚😎 上菜時候套餐另外會配一份芝麻啦同醬汁,芝麻嘅處理比較特別,你可以親手去「中」碎芝麻,再mix甜味嘅醬油醬汁,當做炸豬同鰻魚嘅醬汁😜 炸豬扒幾出色,佢冧身帶啲肉汁,唔會乾晒或鞋颯颯,點啲芝麻醬汁都好夾,或者點芥辣都唔錯。炸鰻魚平時比較少見,鰻魚肉質都嫩滑同炸皮形成強烈對比。佢另外仲提供蘿蔔蓉醬汁,酸酸哋,更開胃。日式柚子茶 $28(熱飲)本身都擔心會唔會好甜、好膩,不過佢幾好。飲落舒服,唔知係咪另加咗蜜糖,茶有柚子味同一啲柚皮,幾好。白桃蒟蒻冰茶 $32夏天咁熱飯杯冰茶先,冰茶唔會好甜,冰茶入面有好多蒟蒻粒,一粒粒有咬口😋。 繼續閱讀
(以上食評乃用戶個人意見 , 並不代表OpenRice之觀點。)