京都勝牛 (AIRSIDE)

今日中秋節，老公話兩口子出去做節食飯。佢話要打破傳統，唔食中菜，要食日本菜。餐廳係日本過江龍，裝修充滿京都風情，坐位寬闊，坐得好舒服。餐牌選擇有好多，老公發辦叫左個御膳同鍋膳，另外飲品同甜品各兩款。四品牛魔御膳：有翼板牛、菲力牛、穀飼西冷、同醬味薄牛共4款，上枱時職員會用心講解。吉烈牛大約3至5成熟，枱面已附上煎pan同用牛脂起鍋，食之前煎一煎嫩紅色果面，如果用吉烈果面煎就會唔脆。煎完後可點醬汁食，醬汁選擇亦好多。各款牛外層做左吉烈，咬落輕脆juicy，我就覺得生椒最好食，鹹鹹地帶出牛嘅原味道。呢個御膳仲有酸蘿蔔、椰菜、麵豉湯同白飯，其中椰菜、麵豉湯同白飯仲可以無限添加，真係夠晒大滿足。勝牛喜燒鍋膳：鍋裡面有滑滑豆腐、本菇、冬菇、日式粉絲同白菜等。喜燒牛肉油脂豐富，各款材料掛汁，湯底濃味但又唔會過鹹。鍋膳配上酸蘿蔔、麵豉湯同白飯，白飯同樣係可以添加，整個鍋膳其實都幾豐富。特濃抹茶小豆流心蛋糕：流心蛋糕口感軟棉，抹茶味道濃厚，粒粒紅豆甜甜地，旁邊仲有個雲呢拿雪糕球，好食又鐘意。沖繩黑糖雞蛋布丁：口感較實正，好有雞蛋味，焦糖香氣獨特帶甘甜味道，入口好有層次感。果物冰茶：冰茶有白桃、菠蘿同椰果，底部果物多，果味濃，微甜，生果配上紅茶味道夾，幾好。椰子抹茶紅豆冰：椰子同抹茶味同樣香，紅豆淋甜，整體夠冰凍唔太甜，唔錯。#京都勝牛 #GyukatsuKyotoKatsugyu #CafeDecoGroup #現炸60秒的美味 #日本吉列牛肉專門店 #gyukatsu #kyoto #katsugyu #AIRSIDE #香港日本菜 #九龍城 #九龍城日本菜 #香港美食 #香港探店 #香港旅游攻略…查看更多

同朋友逛街後提早食飯想避過人潮，但都好快坐滿人群，第一次嘗試這家餐廳～四品牛魔御膳 一次過品嚐四款牛肉部位，風味層次超豐富，每一口都有不同口感⋯🥩 醬味薄牛肉質鬆軟，配秘製醬汁帶點微甜回甘🥩 穀飼西冷牛油花均勻，牛味較濃郁🥩 菲力牛口感柔嫩，脂肪較少味道相對較淡🥩 翼板牛肉汁豐盈，咬感十足，風味濃厚很滿足搭配六款特色蘸料：山葵和風醬油、青唐辛子味噌、山椒牛排醬、甘柚沙律汁、大根柚子醋、京風咖喱醬等⋯還有溫泉玉子、醃蘿蔔、味噌湯、京椰菜沙律和白飯（可無限續加）🥗🍚非常豐富！🍲 京勝牛鍋膳關西風格湯底呈微甜風味，炸牛肉丸數量超過十粒很充足！肉丸吸收滑蛋與甜醬油精華，配上一碗白飯夠滋味！🍵 特濃抹茶小豆流芯蛋糕抹茶香濃，內餡流心醬香甜可口，配上粒粒紅豆和忌廉，令人滿足🍮 沖繩黑糖雞蛋布丁滿滿的黑糖香氣，口感紮實，蛋香濃郁🍧 椰子抹茶紅豆冰椰香配上抹茶和香甜的紅豆，香甜美味🍑 果物冰茶（白桃、菠蘿、紅茶）清新果茶，底層還有大量椰果粒😙…查看更多

去咗啟德 AIRSIDE 嘅京都勝牛 , 本身都聽過佢個名好耐, 今次終於有機會試下, 重點係要食個吉列牛!!餐廳裝修幾有日本 feel, 乾淨企理, 坐得舒服又唔會嘈入座後店員都好有禮貌, 會解釋餐牌, 好貼心呢~~草草莓莓（薄荷、士多啤梨、紅桑子）$48呢杯飲品充滿少女心, 有薄荷嘅清新、士多啤梨嘅香甜同紅桑子嘅酸味, 顏色好靚, 啱晒打卡甜蜜乳酸（巨峰、奇異果、乳酸）$45飲品酸酸甜甜, 有乳酸味底, 配上巨峰提子同奇異果果肉, 口感好fresh, 解渴又清爽!!勝牛壽喜燒鍋膳 $188配有雞蛋, 味噌湯 & 飯鐵鍋裏面有好多蔬菜、豆腐、冬菇等等配料, 用日式壽喜燒汁煮得入味~~牛肉質素都唔錯, 肉質軟腍, 蘸溫泉蛋液食, 會更香滑!!湯汁幾濃郁, 撈飯一流四品牛魔御膳 $328包括四款唔同部位嘅牛, 吉列牛即叫即炸, 上枱嘅時候仲熱辣辣, 半生熟送上~~放鐵板輕輕加熱, 自己可以控制熟成菲力牛： 菲力牛係牛柳, 脂肪比較少, 肉質最嫩滑翼板牛： 翼板牛油花分佈均勻, 食落口油香十足醬味薄牛： 薄切牛肉醃咗醬汁, 用鐵板燒一燒就熟, 好惹味穀飼西冷： 西冷就係牛嘅後腰脊肉, 肉質比較有嚼勁配埋溫泉玉子、大根柚子醋、甘柚沙律汁、牛排特製醬汁、山椒、和風醬油加山葵、青唐辛子味噌、京椰菜沙律咁多種醬料同配菜，真係可以試到唔同嘅味道，好過癮草莓小豆雪糕三文治 $58外層係脆炸皮, 中間夾住雲呢拿雪糕, 冷熱交加, 好正呀!!連埋草莓雪糕&紅豆一齊食, 有多重口感特濃抹茶小豆流芯蛋糕 $52抹茶味道好濃, 切開入面有流心效果, 暖暖嘅~紅豆粒喺抹茶味之間提味, 甜苦平衡得唔錯, 口感好rich, 甜而不膩…查看更多

好掛住日本嘅旅行嘅日子🇯🇵約朋友去「京都勝牛」回味下😗.⚠️此餐廳收取10%服務費💰.四品牛魔御膳🥩單點$328💰一共有4個唔同部位💁🏻‍♀️分別係醬味薄牛、穀飼西冷🐂菲力牛、翼板牛🐄吉列皮炸得香脆😆肉質約3-5成熟😍另有提供烤爐自行燒製🔥醬味薄牛採用秘製醬汁醃製👨🏻‍🍳肉質鬆軟微甜，帶紫菜香😛穀飼西冷油花均勻，牛味濃郁💯菲力牛肉質極度細嫩柔軟，入口即化😚翼板牛肉汁豐富😬配搭10款蘸料🤗包括山葵加上和風醬油、青唐辛子味噌🌶️和風醬油、山椒🧂牛排特製醬汁、甘柚沙律汁、大根柚子醋🍊溫泉玉子♨️京咖喱蘸醬🍛山葵💚變出多種口味🤤附有醃蘿蔔、無限續加白飯🍚味噌湯及京椰菜沙律🥬沙律可以自行加芝麻醬或醋汁😉.勝牛喜燒鍋膳🍲單點$188💰壽喜燒湯底😋牛肉片嫩滑，有咬口🐮沾上日本生蛋汁🍳配料有豆腐、粉絲🍜蔬菜🥦菇菌🍄‍🟫附有醃蘿蔔🥕可無限續加白飯、京椰菜沙律及味噌湯🥣.草莓小豆雪糕三文治🍨單點$58💰金黃香脆麵包🍞包住幼滑雲呢拿雪糕😍然後伴上紅豆、酸甜士多啤梨乾、士多啤梨雪糕🍓冷熱交融😉.沖繩黑糖雞蛋布丁🍮單點$58💰採用日本蛋製成🇯🇵蛋香濃郁🥚質感紮實挺身，入口順滑😌加上黑糖嘅焦香😙.椰汁抹茶紅豆冰🍵單點$48💰由紅豆🫘抹茶、牛奶🥛椰奶🥥忌廉調製而成☁️整個組合係無糖❌主要依賴紅豆本身甜味☺️帶陣陣椰香👍🏻.草草莓莓🍹單點$48💰由薄荷葉🌿草莓、紅桑子同藍莓調製而成🫐…查看更多

日本吉列牛專門店京都勝牛作為過江龍已在香港5年，一直都很受歡迎。啟德場館開幕後，每當來看演唱會前，Airside的分店就是我們的飯堂，吃飽喝足後開開心心地入場🤣✏️位置（10/10）：商場地庫連接港鐵，不用日曬雨淋直達✏️環境（8/10）：開揚光猛，座位多，環境清新✏️服務（9/10）：掃碼落單，上菜快，侍應亦主動友善✏️食物（8/10）：食材感覺高質，擺碟亦算精美🌟三重鰻丼御膳 - $168有三款不同鰻魚菜式的丼飯，包括蒲燒鰻魚、白燒鰻魚及穴子，燒出來很香，而且有三種不同味覺及口感，是很特別的體驗。套餐會跟酸蘿蔔、京椰菜及味噌湯，絕對能吃飽飽😘🌟四品牛魔御膳 - $328以現炸60秒醬味薄牛、穀飼西冷、翼板牛及菲力牛四個不同部分吉列牛成名的餐廳招牌菜，炸得香脆之餘，肉質仍然保持嫩滑多汁，啖啖Juicy，配合附上的溫泉玉子及青唐辛子醬食味道會更有層次呢！套餐同樣會跟酸蘿蔔、京椰菜及味噌湯，相當讓人滿足😍🌟草莓小豆雪糕三文治 - $58外皮炸得香脆的麵包，中間放入香滑的香草雪糕，然後伴上紅豆及草莓雪糕，味道豐富亦甜美的一道甜品😊🌟特濃抹茶小豆流心蛋糕 - $52抹茶味道超濃郁的心太軟流心蛋糕，蛋糕面放上紅豆及香橙絲，清新香甜，還有香草雪糕及草莓伴碟，令人印象深刻🥰🌟椰汁抹茶紅豆冰 - $48充滿宇治金時特色的典型飲品，抹茶、紅豆及椰汁完美配搭，頂層再加上大量忌廉，又香又滑很吸引😋🌟草草莓莓 - $48用薄荷葉、草莓及紅桑子混合的飲品，味道清新，解渴解膩，食過大量肉類後的最佳選擇😆…查看更多

之前聽人講京都勝牛喺日本好出名，主打吉列牛，炸到外脆內生，自己用石爐燒返熟。而家開咗喺 AIRSIDE，環境光猛闊落，坐得舒服，啱晒同班 friend 慢慢食、慢慢傾。今次試咗幾款嘢，等我逐樣講～.🐮 四品牛魔御膳呢個set一次過試到四款牛：菲力、肩胛、和牛同埋一隻期間限定款（我今次係黑毛和牛）。每件牛炸到金黃色，外皮脆口，入面仲係粉紅色生熟度，跟住自己擺上迷你石爐燒，好過癮！菲力最軟嫩，肩胛牛味濃，和牛就入口即化～ 配埋佢哋特製醬汁同wasabi豉油，層次好豐富。飯同椰菜絲可以免費添，大食朋友都唔使驚。.🍲 勝牛壽喜燒鍋膳呢個係新嘗試，吉列牛浸落熱辣辣嘅壽喜燒湯底度，外皮會索少少湯，但又唔會淋到腍哂，入口有脆有軟，湯底甜度剛好，入面仲有豆腐、香菇、野菜，好暖胃，女仔應該會鍾意。.🍹 果物冰茶（白桃、菠蘿、紅茶）叫咗白桃同菠蘿兩款，白桃味清香唔會假甜，菠蘿味酸甜開胃，飲落好refresh，解膩一流，配炸物好夾。.🥥 椰子抹茶紅豆冰抹茶味濃，椰子香唔會搶，底下有紅豆同啫喱，飲落有口感，唔會太甜，值得一試。.🍮 沖繩黑糖雞蛋布丁（日本蛋使用）布丁超滑！蛋香好出，黑糖漿唔會死甜，食完成餐食呢個好滿足。.🍰 特濃抹茶小豆流芯蛋糕抹茶控必點！切開真係有流心，抹茶味甘濃，配埋紅豆同軟綿蛋糕，邪惡但好幸福。…查看更多

又去啟德行街，行到有啲攰就去搵嘢食🤭四品牛魔御膳 $328見到有成四本唔同嘅部位，包括菲力牛、穀飼西冷、醬味薄牛、翼板牛，好多人都推介話好食，就嗌咗呢個。上菜嗰陣係一成熟，出面有啲炸咗嘅吉列皮，雖然話唔介意食生嘅可以即刻食，佢哋有個煎pan，可以自己喺上面燒到自己想食嘅熟度！每一款牛都有唔同質感同埋味道，我自己話最鍾意菲力牛☺️成個套餐仲包埋沙律菜，飯，味噌湯。個沙律菜仲可以追加。.除咗呢個set我都見到佢哋有壽喜燒同埋其他唔同乳腺，價錢係呢個嘅一半真係性價比十足！…查看更多

和牛狂熱的我，剛同朋友試左啟德 AIRSIDE 京都勝牛，2 人點咗超豪華陣容：銀鱈魚二味御膳＋四品牛魔御膳，再加兩款甜品飲品！全程無限添飯椰菜絲，食到超飽～銀鱈魚二味係季節限定！燒銀鱈表面微焦，魚油香氣四溢，入口即化；吉列銀鱈呢個配搭好新鮮，外酥內嫩，配山葵醬一絕！四品牛魔御膳一次過試晒四款吉列和牛，每塊牛喺迷你鐵板配牛油烤，香到極致，配 7 種醬汁任搭，啱曬貪新鮮的我！甜品同樣驚喜：草莓小豆雪糕三文治外脆內冰，冰火交融；沖繩黑糖雞蛋布丁蛋香濃郁，甜度啱啱好！加埋特色飲品：甜蜜乳酸（巨峰＋奇異果）酸甜清新；時計柑橘（熱情果＋柑橘）又香又清甜！佢地環境和風舒適，服務貼心，旺季建議訂座！下次我想再試勝牛喜燒鍋或蒲燒鰻魚飯～…查看更多

牛魔王好友約我去位於香港九龍城啟德協調道2號AIRSIDE B1樓B129號舖的<京都勝牛>食晚餐，環境舒適，食客雲集，十分熱鬧。🍚御膳附有白飯、京椰菜及味噌湯（可續加）🐮 四品牛魔御膳$328：四個部位的醬味薄牛、穀飼西冷、翼板牛及菲力牛，係現炸60秒的吉列牛（約5成熟），上枱後，餐廳提供吉列牛使用的鐵板（用一分鐘加熱），就可以自主煎吉列牛，然後蘸醬汁和酒泉玉子，十分好味又好食。🦐鰻魚大海老御膳$208：吉列大海老的蝦肉實淨彈牙，兩塊吉列鰻魚的魚肉嫩滑好味。🍨甜點🔅特濃抹茶小豆流芯蛋糕：抹茶蛋糕配小紅豆及雪糕，十分好味。🔅草莓小豆雪糕三文治：吉列三文治外皮酥脆，內裏裝滿雪糕，特色又好味。🍹飲品：🔅時計柑橘（熱情果+柑橘）$45：果味清香，解渴又好飲。🔅椰子抹茶紅豆冰$48：抹茶味濃，紅豆軟綿，口感豐富，層次分明。…查看更多

「京都勝牛」日系環境設計以簡約和風為主調，木質牆身與柔和燈光營造出溫潤氛圍，上菜時服務員細心介紹食法，高質暖心嘅服務加哂分👍🏻👍🏻🐮四品牛魔御膳哩款御膳套餐有齊四款不同部位的牛肉：穀飼西冷油花豐腴，菲力牛細膩鮮嫩，翼板牛彈牙有嚼勁，醬味薄牛預先以自家醬汁調味🥩。吉列牛大約三成熟，另外會附上鐵板可以自行調節牛肉嘅生熟程度，套餐配以白飯、味噌湯、溫泉蛋和椰菜沙律，椰菜脆爽解膩仲可以無限添加，牛肉分量十足，食落去滿足感爆棚，適合肉食愛好者一次過探索牛魔多面風采😋😋🍲勝牛壽喜燒鍋膳牛肉薄片在熱鍋中迅速熟成，壽喜燒醬汁甜鹹適中，滲入牛肉的鮮甜，配以豆腐、菇類和蔬菜，湯底甜而不膩，入口滑順，牛肉嫩滑無韌感。套餐附白飯和麵豉湯同埋生雞蛋，薄切牛肉沾上生雞蛋令整體口感更加滑嫩👍🏻🫘椰子抹茶紅豆冰🍵椰奶細滑綿密比牛奶多一份椰子香氣，抹茶濃郁帶來微苦茶韻，紅豆粒增添甜香，入口涼爽平衡牛肉的濃郁。這款飲品視覺誘人，打卡一流，椰香與茶味交織，作為飯後甜品之一👍🏻🍓草草莓莓（薄荷、士多啤梨、紅桑子）新鮮士多啤梨新鮮酸甜，加上酸酸甜甜嘅紅桑子，薄荷葉增加清新感，淨係睇顏色已經相當吸引📸🍓草莓小豆雪糕三文治好特別嘅甜品😆用鬆軟嘅麵包夾住雪糕後再炸香，冷熱交替，內凍外熱，無論係味道上定係口感上都十分新奇👍🏻另外仲有一球草莓雪糕，完全滿足甜品嘅需求❤️🍵特濃抹茶小豆流心蛋糕抹茶心太軟外層酥脆，切開內層係濕潤嘅蛋糕體帶點半熟感😋😋抹茶苦甜交織，蛋糕鬆軟濕潤，抹茶相當濃郁加上紅豆🫘一齊食完全係絕配❤️…查看更多

1. 吉列牛柳，得個樣靚，牛肉真係完全冇牛味，又貴又唔抵食。2. 入座時間90分鐘，食咗大概30分鐘，隻碟好明顯仲有牛肉未食完，已經有侍應伸手過嚟掂住碟問：「係唔係食完㗎喇？」使唔使咁趕時間？3. 侍應放低吉列牛之後，冇介紹四款醬汁係咩嚟，食咗一半，聽到隔籬枱有侍應介紹，先知道原來係會有人介紹。我嗰個侍應就淨係好嚴肅咁問我要唔要用鐵板燒牛。建議一次都唔好試，可以慳返啲錢，食其他更好嘅餐廳，呢間真係好失望………查看更多

呢度環境舒適，座位闊落好坐，感覺好日式設計我地叫左一份四品牛魔御膳，呢款四品牛魔包括有翼板牛，菲力牛，穀飼西冷同醬味薄牛，每款牛肉既熟成度已經係3成熟，配有飯同麵豉湯，仲可以問職員拎個爐再煎到自己岩既熟成度先食，菜同白飯都可以免費追加。另一份吉列豬扒定食，半肥瘦豬扒加豬扒醬汁好夾。炸雪糕外脆內軟，外熱內軟雪糕岩岩好慢慢溶響口入面真係好正，好creamy，仲配有紅豆既粉嫩一齊擺入口，真係好好味。職員好有禮貌同用心介紹食物俾客人。…查看更多

經常在九龍城AIRSIDE內覓食，都會路過這裏，今晚路過沒有見到人龍，即時便入內一試。四品牛魔御膳，四款不同牛肉，軟硬都有不同的口感，其中以菲力牛的牛肉味道最為濃郁，其他三款，口感都不錯。熟成厚切豚，柚子胡椒御膳（日本豚肉使用），吉列香脆河後，厚切豚肉肉質豐富，加點柚子和芥末醬，可以去除油膩感之餘，又增加層次感。草草莓莓（薄荷，士多啤梨，紅桑子），顏色吸引，酸酸甜甜，如果濃度再高一點更好。時計柑橘（熱情果，柑橘），熱情果的酸甜味道比柑橘味濃，不過兩者都帶生果的酸味，這杯飲品層次感豐富。味噌湯，這裏的味噌湯、白飯和椰菜絲都是任添加的，其中味噌湯的味道鮮甜可口，而且熱騰騰的湯是最好味的，不知不覺吃喝了三碗，原來日本的味噌湯可以這麼美味可口。草莓小豆雪糕三文治，雲呢拿雪糕藏在雪糕三文治內，雪糕三文治外表用吉列炸香，仍能保持內裏雪糕軟硬適中，加上草莓雪糕和紅豆的味道，口感更加豐富。沖繩黑糖雞蛋布丁（日本蛋使用），布丁軟硬適中，蛋香味道十足，非常有日本特色。👍👍👍👍👍…查看更多

Airside京都過江龍吉烈牛店，對牛肉部位講究，從世界各地嚴選最適合嘅產地同年份，質素令人滿意🔥四品牛魔御膳，用左西冷、菲力、翼板等四款牛肉，來自日本美國紐澳，點埋京咖喱醬、大根、柚子醋、山椒等多款調味，吉烈牛外脆內嫩滑，入口即溶牛汁四溢，好滿足🥩😍 勝牛喜燒鍋膳牛肉彈牙，配豆腐雜菜粉絲，湯底鮮甜，暖胃一流🍲飲品方面，椰子抹茶紅豆冰有濃郁抹茶牛奶、椰奶、忌廉加紅豆，抹茶味香濃配上香滑椰奶🧊🍵 時計柑橘酸甜開胃，熱情果青橘味濃郁🍊甜品方面，特濃抹茶小豆流心蛋糕綠茶香濃，甜度啱啱好，配埋開心果碎同雲呢拿雪糕層次豐富🍰 草莓小豆雪糕三文治炸到金黃脆脆，夾冰凍雪糕同紅豆，凍熱口感食落過癮🍓🍨 #京都勝牛 #GyukatsuKyotoKatsugyu #CafeDecoGroup #現炸60秒的美味 #日本吉列牛肉專門店 #gyukatsu #kyoto #katsugyu #AIRSIDE  #香港日本菜 #九龍城 #九龍城日本菜 #香港美食 #香港探店  #香港旅游攻略 …查看更多

之前喺朋友社交平台見到呢間東京勝牛啲吉列牛啲相好吸引， 原來間餐廳 就喺啟德站airside好方便， 今晚約埋朋友去食，餐廳裝修好有日本風情， 原來係日本過江龍，日本東京勝牛已經好出名😍。四品牛魔御膳：呢個御膳擺盤好吸引，四款牛肉，醬味薄牛、穀飼西冷牛、菲力牛、翼板牛， 每款牛口感各有特色，醬味薄牛肉質軟嫩，翼板牛油花分佈均勻牛味濃郁，西冷就肉質比較有嚼勁，菲力牛軟嫩多汁， 另外配搭多款醬汁口味可供調味。勝牛壽喜燒鍋膳：配料豐富，冬菇、金菇菜、娃娃菜、皇帝菜同粉絲， 吸收咗壽喜燒湯好惹味，牛肉份量都唔少肉質軟嫩， 沾上日本無菌蛋食更嫩滑。另外佢哋嘅甜品都好出色，特濃抹茶小豆流芯蛋糕抹茶蛋糕微暖流心，抹茶味濃厚帶甘，與紅豆的甜味互相平衡，配上絲滑嘅雲尼拿雪糕，正👍沖繩黑糖雞蛋布丁:蛋味香濃, 質感嫩滑細膩， 黑糖調味恰到好處， 不會過於甜膩。…查看更多