京滬村 (已結業)

在3號風球懸掛，我倆口子又喺元朗搵好嘢食！平時食得西餐多，今晚想試吓中菜，又係時候要想OpenRice搵好嘢食啦，見到中菜邊間京滬村喺前幾位，食評唔錯，見寫住主打京菜，滬菜，川菜，由多位曾於米芝蓮食府工作的經驗師傅坐鎮，睇完都好似好唔錯咁，一於去試吓睇下有冇驚喜先！我地一上到餐廳，見到環境好大，枱與枱之間保持合適距離，唔狹窄，仲有獨立房間，應我哋就安排左座梳化卡位，非常舒服😌，樓頂夠高，坐得舒適係食嘢嘅對本首要條件，呢個係要讚的。好，最後我哋試咗以下幾款菜式:京滬四小龍$58包括：南翔小籠包，蟹粉小籠包，黑松露小籠包，蟲草花小籠包。我就試咗黑松露，濃濃嘅黑松露汁滿口都係，原來味道係可以咁夾嘅，食起嚟有不一樣的風味，我鍾意！另就係原汁原味嘅南翔小籠包，一樣係多汁，唔錯！黑醋排骨$78賣相不錯，黑醋很嘢味，甜酸程度剛好，配菜飯食非常醒胃！火腿扒津白 $78呢個菜盡清淡，可以中和一下剛才ga 重口味🤣🤣雲吞擔擔麵$36擔擔麵湯底有濃郁花生香，帶微辣，另加左大廚秘製炸菜調味，不錯。拔絲地瓜$68睇食評，拔絲系列嘅甜品，喺呢度嘅signature 招牌菜之一！梗係要試下。拔絲地瓜上枱，簡直藝術品

搬左入黎元朗都有一段時間，大多數時間都係喺大馬路果邊流連，今日機緣巧合之下行左去雞地果邊，又咁岩搵到間高質素既中菜館。京滬村既招牌並唔當眼，不過當行到上去一樓鋪頭時，便發現别有洞天。安坐之後，第一時間睇餐牌落單，睇相見到一客石鍋鮮蟹粉蛋炒飯，忍唔住即刻叫左另外再搭多一客椒鹽排骨，南翔小籠包，三鮮鍋貼。未上菜之前，店員比左d前菜，咸花生同酸蘿白絲，開胃一流等左陣，第一樣黎既就係炒飯，個飯蓋全部都係蟹粉，一望見都流晒口水。食之前店員又教路話想多d飯焦就等多陣，果然冇錯等左幾分鐘，攪勻蟹粉同飯焦之後，一入口一方面好大陣蟹膏味，另一方面就食到飯焦既香脆可口。完美！！之後再試小籠包同鍋貼，皮薄多汁，又熱辣辣，非常滿意。最尾黎既椒鹽排骨，又大碟，又唔會好粉，最重要係d炸蒜夠味食完今次之後，雞地將會成為左我個飯堂

今晚同男朋友入左元朗食上海菜🙆‍♀️🙆‍♂️ 因爲大耐無食過上海小籠包啦😍😍 今晚蟹粉小籠包同埋小黃魚是重點！🙆‍♀️🙆‍♂️ 我地叫左就叫左兩粒蟹粉 兩粒黑松露小籠包先🙆‍♂️ 因為要預時間蒸架嘛💁‍♂️ 落完再揀其他食咩💁‍♂️ 揀好之後時間岩岩好！⏰ 小籠包就到了🙆‍♂️🙆‍♂️小籠包外表皮薄 上面點綴既蟹粉同黑松露夠哂靚🙆‍♀️ 小籠包一啖食哂成粒岩岩好😚 蟹粉同黑松露個味道係口腔入面充斥住💁‍♂️ 香氣十足💁‍♂️💁‍♂️五香金錢展係涼盤 份量都有好多塊😯😯 唔係薄薄咁切🙅‍♂️🙅‍♂️ 都有番咁上下厚💁‍♂️ 不過味道我地覺得可以再濃啲💁‍♂️ 而家要點汁食💁‍♂️口水雞都唔錯 辣得黎有啲花生味🥜 仲食到啲芝麻香😯 唔係重慶果種醬汁煮法咁簡單🙅‍♂️🙅‍♂️ 雞又滑 食得過哦！最後既椒鹽小黃魚就嚇左我地一跳🤣 大條到根本唔係小黃魚 係大黃魚！！😝 魚肉超多 抵到喊出黎🤣🤣 椒鹽好夠味 又唔會炸到條大黃魚老哂💁‍♂️💁‍♂️ 我地清哂成條大黃魚 飽到飯都唔洗食🤣提一提 佢壺菊花茶都幾清香 食飽飲幾杯消濟一流哦🙆‍♀️

同朋友今晚近近地喺Yoho 下面條鳳攸南街搵野食,呢度真係好多食店, 各式各類。今次搵左間食京滬菜的, 呢間地方舊舊地 ,仲用緊酒樓茶壺開茶嘅。 叫左壺花茶, 好香, 消滯一流。打開餐牌, 諗緊食咩之制... 竟然發現有蟹粉炒飯... 大熱天時竟然都有蟹粉食, 開心死...蟹粉石頭鍋飯-細細個好似中頭飯咁上下大細,D 飯炒過 仲有D 飯蕉添。好好味嘅蟹粉, 實實在在見到蟹肉同好多蟹膏, 又鮮又甜。兩個人share 食都夠滿足因為夠料。蒜泥白肉-唔係平時食開嗰種味道, 唔算辣唔夠蒜香, 青瓜又好大片, 食落反而fresh 左, 唔係惹味嗰種。 小龍包-正常丫, 多湯嘅, 肉唔鬆散。辣子雞- 炸到脆卜卜嘅, 連骨都好脆可以食埋, 唔算辣。份量都多,抵食。雖然係舊式一點, 但勝在地方夠大,有房有電視, 睇波都仲得🤣 真係簡簡單單嘅好選擇

今晚黎試吓呢間元朗上海菜！🧚‍♂️ 因為上網見好多人讚佢個蟹粉小籠包好食🧚‍♂️ 我就叫咗個京滬四小籠 四款小籠包 每樣一粒試吓🧞‍♂️🧞‍♂️有原味 黑松露 蟲草花 蟹粉小籠包蟹粉小籠包真係幾香 蟹黃油係小籠包入面 啲湯尤其juicy🧚‍♂️🧚‍♂️ 如果有埋啲蟹肉就正啦🤤 黑松露小籠包都有驚喜哦！黑松露提升哂成個湯既味道 令內餡都更突出 整體小籠包既皮都算薄 夾起又唔會好易穿🧚‍♂️ 一咬落去就滿滿既湯汁！$58有蟹粉同黑松露都唔算貴🧞‍♂️🧞‍♂️另外叫左個冷盤重慶口水雞 加餸食飯🧞‍♂️ 個口水雞都幾辣 係after taste既辣 有啲花生碎帶點麻 辣得好過癮🧛‍♂️🧛‍♂️ 送飯一流！ 雞肉都無咩雪味 又夠嫩滑 仲食正脾位 呵呵🧛‍♂️ 太辣既時候我仲食左佢碟前菜 酸蘿蔔解一解辣 然後再食過🤤 滿足哂我既味蕾🧚‍♂️🧚‍♂️

e間係親戚推薦一定要去試既，所以趁住今日得閒就去la(///▽///)，元朗真係好熱丫，入到餐廳個時本身坐左係個冇冷氣既位，店員見到之後，好窩心咁安排我地去個近冷氣既位(;´༎ຶД༎ຶ`)好感動，其他餐廳可能唔會理你，或者要你岀聲先會調位，e到既店員真係好主動！因為都係親戚屋企食左少少嘢，所以泥到e到只係嗌左幾樣嘢食下( *｀ω´)我嗌左奶黃吉士包，重慶口水雞，酒釀小丸子先講下吉士包la，店員會提醒我地小心熱而且話趁熱食，個包同餡既比例做得不錯，而且唔太甜٩(˃̶͈̀௰˂̶͈́)و口水雞係我最最最欣賞既，e個口水雞係我食過最好食既一間，佢係偏辣，但辣得過癮，而且好開胃，食到冇停口，d辣醬真係好香好香，其實上菜個時我已經聞到好香嘅味道⁄(⁄ ⁄ ⁄ω⁄ ⁄ ⁄)⁄酒釀小丸子係一個甜品，但係超足料仲有桂花，呢個價錢只係＄18，好扺食丫

上海嘅食物大家都食過除咗小籠包同埋拉麵之外好似已經諗唔到有啲乜嘢好食今次決定跳出港島同埋九龍區就搵一間有其他特色嘅上海餐廳今次嚟到元朗呢一個京滬村佢就位於元朗市中心附近但平時嘅人流都好長咁決定試一試睇餐牌都有好多特色嘅食物例如我高度推介嘅素翅蟹黃炒飯咁首先講呢一個主角蟹黃炒飯配最特別就係用石頭窩裝着形狀同韓國食嘅石頭飯個形狀係一樣不過佢入面係炒飯二上面鋪滿晒蟹黃同埋三文魚肉，一買到枱已經聞到十分之鮮，真係口水都流埋。不過唔好太快食住因為啲炒飯飯焦係更加好味再配合埋少少蟹黃一齊食又趣又正而且味道十足真係極之推介雖然份量唔大但係價錢都定位係適中之後亦都推介四色小籠包有普通豬肉餡之後有黑松露豬肉另外有蟹黃小籠包同埋素蟹黃豬肉小籠包四款味道都各有特色自己一定推介蟹粉小籠包同樣亦都係蟹味十足一而且都係非常之先再配合埋啲蟹黃湯汁完全極之夾所以呢一間都比到我一個好深刻嘅印象而且亦都服務態度十分之好啲員工都好善談所以真係會留下一個幾好嘅回憶

小籠包好好食 好多湯 都算皮薄片皮鴨都好食 即叫即烤 唔係用平時食開果隻皮 似大陸烤果隻簿餅 幾特別鱔糊好硬 唔太ok但衛生可以再做好d店員有善 但處理問題能力可以改善 老闆可以做得更好

元朗近排多左好多西餐，但食得多有d膩；特然心血來潮好耐沒吃過上海菜，於是就搵到離YOHO MALL大概十分鍾路程既樓上餐廳試下！拿了餐牌看了很久，咩都想食；咁岩睇到套餐價錢，想食既都係裡面，而且價錢還比單點的便宜！食完覺得都滿意！第一道菜先來的是雞絲粉皮；比一般例牌的份量還要多，醬料香濃，不過放進口裡不冷不熱室溫的感覺有點奇怪，雞肉的味道也不重。第二道上菜的是排骨擔擔麵，同樣份量一分充足，不過排骨帶有咖啡味，而且有點過硬。第三道是招牌小籠包，雖然樣子平平，但基本湯汁都是足夠的。雲吞雞湯，味道不錯，每碗都有雲吞在裡面。這道菜算是當天最好吃，香料份量十足，十分野味！味道剛好！最後是甜點豆沙鍋餅，惟外皮有一點點厚，油份也略多，不過味道不錯！ 

是咁的，琴日同長輩食飯，佢地揀左依間餐廳所以費時講啲乜。雖然啲姐姐都好親切，開聲就好食架好食架，但就冇預期咁囉只可以話全場最佳，仲有68折添！如果你lunch去食，大餐牌啲海鮮係有68折架！真係好抵玩百二咋普通餐牌就有麵食，份量就剛好一人，冇乜花生味有趣的是入面似係腸仔多啲，口感上比較彈牙可以見到如果用烏冬炒就好易變到咁，好冧好易斷，都係唔夠正宗依舊羊腩入面係唔錯嘅！但個皮潮左所以咬唔到，水份冇曬啦好傷心嘅係隔離個舊有汁，我個舊係乾嘅，明明個啲係精華係元朗咁多野食，依間拎到咁大個地做都斷厲害，下次等我帶長輩試下元朗地道餐廳啦

話說食父親節午餐，因為有老人家，所以都係為左就腳就去左依間，下就時間人小小唔太多。不過依個都係其中一個原因依個時候食嘅。環境正正常常係酒家咁。坐低之得，好快就有茶水招呼。例牌要洗下碗啦，有小小污糟都正常，不過竟然洗極都唔乾淨。仲係好油，之後再換左套碗。叫左嘅海鮮，其實感覺唔到新鮮。soso！仲同我講今日先到貨！擔擔麵係我食過最唔香同清嘅擔擔麵，只有淡淡的花生味，湯也很清。真係麻麻。小籠包不過不失，不過肉汁比較小。肉質麻麻。津白，我食得最多嘅，不過不失。心諗粗炒一定冇死啦，點知真係得個色，淡味偏甜，而且烏冬好粉，好便宜嘅感覺，食左幾條不了。煎上海餃以為最正常啦，點知入面嘅肉，我唔知自己食緊咩。仲有皮超厚，啲肉完全冇肉味。質感似腸仔。羊肉用咗超重味粉遮住左隻肉味，而且羊水好羶。只係炒蛋白，唔滑。沙煲雲吞雞，最好食係菜。已經不想說了。去到，想點好多嘢都話冇，而且話要預早訂，但係第一次黎食邊個會知？電話預約又冇講。不過餐飯係好平，但係真係一分錢一分貨，感覺很差，不知道自己在吃甚麼 。

話說星期一至日5點半前 主餐牌68折 免茶芥免加一 吸引左我黎試呢度出名既石鍋蟹粉炒飯同埋小籠包!!!😍😍😍石鍋鮮蟹粉蛋炒飯 $59.8 (原價$88)好多蟹粉😍😍 細嚐之下 蟹膏非常多 飯吸收曬蟹油好正😋 石鍋keep住熱辣辣喳喳聲 仲整到完美脆脆飯焦😆 不過份量只係大過平時飯碗少少 唔夠喉呀!!😟味道方面 蟹既鮮味雖然冇想像中咁濃味 但都唔錯😌其他食物冇人地講到咁驚艷 (可能因為我午市去食)京滬四小籠 $39.4 (原價$58) 有蟹粉 黑松露 蟲草花同原味小籠包 隻隻都幾多肉汁幾juicy😋 皮唔算特別厚 不過點解頂上面得咁少料既 明明我見其他人d相好多架......午市仲有好多$42套餐(冇折) 有餸有飯有甜品 叫左回鍋肉同宮保雞丁 味道一般甜品揀左高力豆沙 味道ok 但中間勁少餡飲品揀豆漿 姨姨唔會理你 原來要出去拎杯自己斟 講聲都好啦😂總結: 同想像中有少少落差 如果有折扣我覺得還可以 原價就唔係咁值得食🙈🙈🙈

中伏！不能相信其他食評！小蘢包一般，冇服務，上菜慢，貴又份量小。雖然9點後有75折，但係佢又加一又有茶錢又有前菜。最後要$250埋單两個人。千其唔好試！除咗個湯還可以。

2018.5.15一家人去食6個人蒜泥白肉有驚喜 可以試小籠包 5錯 不過不失重頭戲黎啦水煮魚$188 水煮桂花魚6個人食 每人兩片魚肉 冇哂成碟夾埋我諗有12至13塊 偷工減料得好勁魚頭就大大個芽菜就超多 陳村粉得一碗仔吾係太值呢個價片皮鴨 好彩冇叫 隔離枱叫左隻鴨切緊個時好大煙 明眼人一睇就知係蒸或者係水煮 隔離枱啲人食到炸哂型好彩 冇叫到拔絲地瓜 叫起要整足30分鐘 仲要睇你前面有冇單 個呀姐話得一個人做 所以整要30分鐘一個 我叫左都要等足個半鐘 到最後都係等5到 要走

以前都曾經有食過, 印象都唔太差, 係野食貴D。所以今次就帶埋屋企人黎食。坐低之後睇左一陣menu 諗住嗌野食，點之個個都話唔得閒，話等陣等陣。跟住最後竟然係不了了之，個下真係即刻火都黎。俾錢黎食野都可以唔serve 我，想唔做我生意嗎?叫完D 野食有D 都OK, 但大部分都偏重味。我知有D 菜式會濃味D, 但係雲吞雞會唔會真係咸到好似盬水咁?? 然後前菜兩碟又各收我每樣十蚊，仲有茶錢, 加一。次次想叫人黎又次次都唔見左人，我知入面有間大房有客要serve，但係咪真係可以完全唔理我地呢? 我地唔係客人咩? D 茶冇哂水我都廢事搵人自己黎算數，等得黎真係蚊都瞓。價錢又貴，野食又唔係好得，仲要冇人serve，你叫我點食???