亞金南洋茶室 (黃大仙中心南館)

這道餐點由兩部分組成：左側是滑嫩的海南雞飯，雞肉鮮嫩多汁，搭配香米飯和黃瓜片，口感清新；右側是濃郁的喇沙蝦魚旦麵，湯汁濃厚，令人一試愛上，必定會再次光顧，而且午餐價錢非常之抵，一百蚊都不用。…查看更多

亞金南洋茶室有別於香港的茶餐廳，因為它標榜有南洋風味。我最喜歡星期六放工後去這裡食下午茶，因為星期六都是2點鐘就開始下午茶時段，時間很親民，因為好多餐廳星期六的下午茶都是3點才開始的甚至沒有下午茶時段。我在這裡食過3款亞金招牌輕盈茶餐，都有些南洋風味。一字骨肉骨茶湯飯 配 熱檸檬薏米水:肉骨茶是用小煲直接上枱的，每煲有2條一字肉骨，2隻雞腳，2件半舊豆卜，湯底是馬來口味，即中藥材+香料，深啡色甜甜地。薏米水煮得夠濃稠，加埋檸檬，酸酸地，醒胃。檳城炒貴刁 配 熱即磨白咖啡煉奶底:檳城炒貴刁餡料有蝦仔，魚片頭，臘腸，肥短芽菜，香味十足，但份量就只能夠給正常女士胃口，如果男士食的話，應該不夠喉。白咖啡用煉奶，咖啡夠晒香濃奶味。南洋沙嗲牛肉米粉配嫩滑炒蛋，腸仔，牛油多士 配 熱即磨白咖啡煉奶底:港式沙嗲牛肉米就食得多，南洋口味第一次食，比較重香料，其他配菜都正常水準。…查看更多

知道新年會有特定餐牌，只供應某些餐點。當QR code落單新年甜品時，menu有寫清楚會奉送熱飲，實際卻要額外付費，有誤導。跟工作人員反映menu有誤，只不斷重覆說新年甜品並不會送熱飲。其實要付費不是問題，都預料新年會比平日貴一點，但既然不送就不要寫會送好了...…查看更多

今日中午經過黃大仙但係呢間餐廳，比門口啲相吸引，見1點幾先入，仲有位就入去平時我都好少打食評，但係真係好難食。生牛肉河，泥到啲牛肉已經熟哂 ，好難咬個湯底仲冇乜味，:(加咗$20食雞翼超鹹。…查看更多

下午茶時間見餐廳入面唔算太多人，又有個$20優惠下午茶餐，就同男友試吓。海南雞飯：下午茶份量都有一大碗，雞胸多，都有一隻雞翼，三個醬汁好正，特別係個酸辣醬，帶少少甜；薑蓉點雞都好正。另外碗湯有少少冬瓜，唔重味精味。鮮油咖央多士：咖央多士配杯嘢飲真係幾平，切開有四件。上碟時仲係暖暖的，入面塊牛油都算幾大塊，咬落口真係即溶化，一個字「正」👍🏼餐飲：叫咗凍檸茶同熱檸水，都係跟餐。整體嚟講食物質素方面算不過不失，可以一試。…查看更多

叫個下午茶餐，炸雞翼西多士，應該油浸雞翼方包先啱…方包完全浸透油份，油而不脆，雞翼能做到炸完後充斥飽滿油份而不脆不香！我住北區…一年內連執幾間分店真的不無道理，應該好快會全線結業，成為不良的集體回憶！…查看更多

買了個外賣返屋企食。食咗10幾年檬粉。。第一次食檬粉啲檬粉係生，硬骨骨，未煮熟。。。一啲幼一啲粗。顏色都唔同。 會唔會太出奇呢？連基本檬粉都未煮好。。。 食咗一塊生菜係酸，係變咗味嘅酸。。唔係啲汁雞髀多士正常，價錢都便宜$ 39蝦餅5件正常，但係味道一般，我仲以為自己係食緊炸豬扒。。。而唔係炸蝦餅…查看更多

如果有上黎睇睇食評先再決定入唔入去 或者而家就唔使痾得咁辛苦...事源都好耐無去黃大仙中心 見到呢間亞金d野好似都啱食 阿媽又想食中菜 就入去坐低叫左 叫左半個海南雞連油飯 加個海味粉絲雜菜煲 我飲涷美祿 阿媽就飲中湯個煲正常 雞呢 雞皮就比較肥 盛惠189蚊 不過當時食落都未知道有問題 點知食完過左兩三個鐘 已經好辛苦 痾左3次 然後再嘔獲勁 嗰晚就已經發燒 然後第2日6點就開始又痾 痾左十幾次 全部都係水 病徵我係度唔講太多喇 自己後生病都無所謂 第2日連阿媽都又痾又嘔我都真係過意唔去 咁多年出街食都未試過搞成咁!…查看更多

吾敢再去。以前一直食開咖喱牛腩，滲慘，對上一次去試左咖喱雞，都係個啲問題啦，生雞肉，我問侍應係咪真係粉紅成咁？（皆因小弟都係做飲食行業，明白如果急涷肉類就算全熟都有機會有啲粉紅）首先吾係自己地方，二黎又吾知人地用咩貨，咁就唯有問清楚女侍應話幫我問下師傅，返轉頭話我知「師傅話熟嫁啦，係咁」到呢度 佢無俾返個舊（熟）雞肉我😂咁我都講聲吾該就由佢啦，費事難為人地打份工，就再睇下第二舊係咪都係一樣粉紅係既就證明佢無講大話，啲貨就係咁，點知好明顯 我有影相呢舊係白啲，熟啲既我睇完呢舊肉根本吾敢再食呢碗野第一件已被收走無留底既雞肉粉既程度同呢件根本無得比較😂可能我細膽🤣驚有交叉感染利申，單照埋，無話cancel 要折扣個啲弱智野只係想反映返家禽類應該要熟先食得吾知其他地方係咪有吾同既習俗有機會係我才疏學淺…查看更多

很少去黃大仙那邊吃東西，由於自己未食中午自己到黃大仙商場都5點多，有點餓。在商場三樓見到意樂，想入去食嘢，很多人，唔想食得咁辛苦，行過D，見到亞金，亞金給我的印象不錯，問題是很少人，我心知不妙，但自己想找到個靜靜又舒服的地方食下嘢，前台收銀的員工有招待，都不錯，但當我坐下叫菜時，主管給我下單，我就發現她態度有點差，很想立刻走，但我又累又餓，就忍她，她又問幾多位，我說一位，她就叫我去另外一面牆邊的單人位，場內無幾個客，我坐得不太舒服，之後菜到裏面的蕃茄和雞翼質素都很差！結果無食蕃茄，雞翼不是肚餓也不想吃！同事我看見主管拿抹枱的毛巾抹長身，非常不衛生！下次也不會去那邊食！…查看更多

哇！講起亞金南洋茶室，真係食得我口水都標晒出嚟喇！🤤 呢間茶室嘅嘢食又靚又抵食，絕對係平靚正三寶王啊！😍首先推介佢哋嘅招牌「亞金龍鳳配」，真係食到我打卡嘅心都有！🤩 無骨海南雞油飯香噴噴，雞肉嫩滑多汁，配埋香濃嘅油飯，簡直係絕配！🍗🍚 大蝦喇沙就更加係驚喜，湯底香辣惹味，啖啖都係大大隻新鮮彈牙嘅蝦仔，仲有好多配料添，食得我成個人都暖笠笠！🦐🥣 中辣嘅辣度啱啱好，辣得過癮又唔會辣到標眼水。黑白配都唔錯，夠晒特色！黑色嘅涼粉配搭白色嘅椰汁，一黑一白，配埋紅豆，靚到好似藝術品咁！😋🥛想食小食嘅話，香茅雞翼都係必試之選！香茅味香噴噴，雞翼又炸得香脆可口，真係食到停唔到口！🍗😋最後梗係要嗌杯凍即磨白咖啡啦！咖啡香濃順滑，一啖入口就醒神，配晒成餐嘢食都啱！☕️😌重點係呢度嘅價錢真係好抵食！質素咁高，價錢又唔貴，性價比絕對係高到上天花板！💯 無論你想搵個地方食午餐定係約朋友聚會，亞金南洋茶室都絕對係個好選擇！👍👍 我以後實會成日去幫襯，真係好正！🥰🥰…查看更多

老人家明明指住個下午茶餐牌要49$海南雞飯（老人家唔識用手機，唔識用QR CODE)個侍應直接同佢落正餐70$，你話剩叫餐都可以理解，指住牌來叫都可以咁落，住黃大仙既老人家要小心…查看更多

晚上七點，叫左個肉骨茶，味道一般，唔明白點解條油條完全咬唔入，問過侍應，我仲用過筷子篤落去條油條度，硬到又石頭咁，侍應話攞過第二條出嚟可能都一樣，我一面無奈，唯有算數。…查看更多

舖頭環境係幾大，入座時周圍都有位，但職員就咁指我哋去坐個門口好窄嘅一人位（我哋係兩個人），嗰個位隔離客人個袋已佔咗一半，一睇就知會坐得勁唔舒服，於是我環顧四周，見入啲有卡位，我就問可否坐入面，個職員就黑面話“是但你”，由於餐廳係qr code落單，個職員將夾住qr code張飛嗰塊板好粗魯咁飛落我哋張枱，朝早面對咁嘅態度，我對佢個早餐已經冇期望，就算冇發生呢件事我都不會有特別期望，因為只是人均$40蚊食例牌嘅沙爹牛麵同炸魚柳，結果我食完個沙爹麵，我家人塊魚柳都未到，我哋已經冇催單，因為我哋一心認為魚柳係即叫即炸，製作需時，點知結果係凍嘅，魚柳個邊又燶又硬。…查看更多

食左雞翼叻沙同越式湯河，只能說極失望，價錢又不是平，連最基本的質素都無，炸雞翼都整得吾好食，炸到又硬又無味，自己煮仲好食！差吾多$70一碗，收得呢個價，就應該比番應有的質素～不值得一試～難得無咩客人～…查看更多