影片
以上資料只供參考, 請與餐廳確認詳情
今次嚟咗沙田禾輋商場嘅亞萊泰，試咗佢哋嘅泰式豬頸肉湯金邊粉。啱啱同店員傾偈先知道原來廚房係泰國師傅整，果然味道夠正宗！豬頸肉切得幾厚身，肉質好嫩，唔會韌，食落好有肉香。湯頭係深啲嘅啡色，好濃郁，有啲香料味但唔會太嗆，好順口。金邊粉吸收咗啲湯汁，滑滑哋，好好食。仲有啲青菜同炸豬皮碎，增加口感層次，唔會單調。鋪頭環境簡單乾淨，坐得舒服，啱晒想輕鬆食飯。服務態度唔錯，態度親切，問咗啲餐牌嘅問題都好有耐性答。$48一碗，份量同質素嚟講，性價比幾高。如果你鐘意食泰式粉麵，呢度嘅豬頸肉湯金邊粉真係幾值得試。係沙田區想食正宗泰式嘢，亞萊泰係個好選擇，上次黎食過晚飯，今次試下午茶，性價比同樣高。
繼續閱讀
星期日經過見到好多人食就入去試吓，食左豬頸肉金邊粉$45超有驚喜！豬頸肉脆邊肉爽，好香口問職員拎咗個酸辣汁點 仲好食湯底係泰國船河味道既湯底 好飲可以揀河粉 金邊粉 檬粉食到一半先記得影相下次會再食下其他湯粉👍🏻🤍🤍🤍🤍🤍🤍另外叫咗個炸魚柳咖哩飯咖哩汁好好味 撈飯一流成條炸魚柳超大塊 食到係新鮮炸熱辣辣👍🏻配泰式奶茶 加$10 有少少貴，但味道正宗🤍🤍🤍🤍🤍🤍職員姨姨好nice 環境乾淨企理希望繼續保持水準！
繼續閱讀
價錢貼地食物質素良好環境舒適職員與客人人數比例非常之充足但小食價格較高，叫咗泰式鳳爪，但較為少。米飯的質素需要改善，色澤有啲灰，口感有啲硬，而且有腥味不妨一試！ 就得啦
繼續閱讀
該分店安排入位非常之差 我地拎返4人枱飛 已等超過15分鐘分店店員 可以先比兩張4人枱 俾岩岩拎飛嘅七人如果俾岩岩拎飛既七人飛分兩張 4人枱坐咁我地排咗超過15分鐘為咩？明明兩張4人枱 可以先比我地入點解 可以咁？ 仲細細聲 叫排七人枱既人入 當我地睇唔到 完完全全極差服務為食客奉上
繼續閱讀