亞爺-古早味蛋糕 (已結業)

鬆鬆軟軟的蛋糕最令人回味， 心思思想再吃。 自從朋友介紹 觀塘駱駝漆大廈 的亞爺古早味蛋糕， 總是令我忍不住， 每隔一段短時間就要再買返屋企， 好好地品嚐。今次買咗美祿朱古力 同埋 鹹蛋黃原味😀😀。 美祿朱古力深得我侄仔歡心， 大量朱古力粒粒 香濃又美味， 鬆軟綿密的蛋糕， 夾雜香濃幼滑的朱古力醬。 不用一會大家已經吃了半個蛋糕。本來最喜歡吃芝士味古早蛋糕， 可惜當天來到已經售罄， 改為選擇鹹蛋黃原味。 鹹蛋黃粒粒甘金， 香濃的蛋黃味道， 原味蛋糕 綿密又鬆軟， 清香的蛋味， 實在不錯。蛋糕的size依然是 非常大方， 最啱一家大細開party。 跟住見到新出 細件裝蛋糕， 實在係 返工一族的恩物， 輕量裝可以喺下午茶時間慢慢品嚐， 仲可以試多幾隻味。

今日去左官塘駱駝漆買女女嘅日用品零食，等lift個陣見到呢間古早味蛋糕覺得好吸引，買完嘢就即刻落黎買番屋企試。一出lift已經聞到好香蛋糕味，好吸引，太多味唔知點揀好，最後揀左阿爺三拼同埋合桃杏仁。阿爺三拼$75見到寫住特别推介就叫左。有原味，芝士和朱古力，原來充滿蛋糕香味，蛋糕好鬆軟好棉密。芝士味好濃郁，帶有咸香，芝士層好厚。朱古力味甜少少，面層好多朱古力粒，雪凍左仲好食。合桃杏仁$75呢個平時出面好少有，合桃同杏仁份量多，好有口感，增加飽肚咁。

台灣古早蛋糕開到成行成市，但係觀塘呢間蛋糕店嘅蛋糕，真係我食過咁多間之中最好食嘅一間，所以點都係要返嚟再買，而且一買就買兩個，返屋企同家人慢慢嘆。肉鬆古早蛋糕80元今次買咗台灣肉鬆古早蛋糕，蛋香味濃，而且肉鬆嘅份量夠多，配合彈過彈牙又鬆軟嘅口感，真係好正，食唔晒可以放入雪櫃，基本上keep到兩日，口感和質感依然都係咁靚。合桃咖啡蛋糕75元滿滿嘅合桃，非常新鮮，而且咖啡味好香濃。咖啡味蛋糕唔會太甜，分量大大嚿，屋企人可以盡情食，真係好爽，係下午茶及早餐嘅最好選擇。

一直都好想試吓古早味蛋糕，最近好興，於是今日過咗嚟朋友推介我嘅依間阿爺古早味蛋糕，位於觀塘嘅駱駝漆大廈三期地下，地鐵過嚟都好方便，一於嚟試吓啦💕👅第一次食，真係有意外嘅驚喜！重點係依度嘅蛋糕完全係不加防腐劑，所以只可以保存三日，依家要搵都冇防腐劑嘅蛋糕真係好難，所以絕對保證健康有新鮮，而且全部原汁原味，食返細個嘅味道🤩👍🏻我叫咗一個合桃杏仁味超級推介，上邊材料好豐富，落咗勁多杏仁，咬落去好脆口，而且蛋糕勁鬆軟，好香蛋味😋 食落去超香口🥳另一個係芝士味第一次食芝士味嘅古早味蛋糕，同樣地都好鬆軟，唔同嘅係中間加咗一層好濃好香嘅芝士，所以成個蛋糕食落去口感好豐富😋整體來講呢間蛋糕店真係有意外嘅驚喜，以後會過嚟幫襯！

今日收工經過觀塘開源道駱駝漆大廈3座地下遠遠聞到陣陣蛋糕味,香噴噴,於是行一過去睇下見到好有特色的亞爺古早味蛋糕,有十幾種味道·例如芝士味,朱古力味,合桃咖啡等等,而我購買左大多數人喜歡的芝士味和朱古力味,芝士味好重,中間夾左好多芝士.食入囗唔會好甜,好松化而又松軟,食完返尋味，.而朱古力味都糸好濃·比起芝士味稍為甜少少:而表面有粒粒的朱古力,系我最喜歡的蛋糕,同出面蛋糕店的蛋糕與眾不同.實在是一間古早美味蛋糕

芝士 $80食古早蛋糕竟然都有芝士拉絲，仲要多到就快溜出黎‼️ 蛋糕好濃蛋味，同芝士淡淡既咸香味好夾🤤 食落口感綿密，一啲都唔會乾，就算雪過夜都完全無變硬👍 想有芝士流心既效果當然要叮一叮，天氣咁熱凍食一樣咁正😻美祿朱古力 $75有圖有真相，真係好多朱古力粒，令我有少少密集恐懼症😂 叮熱後朱古力粒仲會半溶，真心好正🍫 本身怕美祿朱古力會好甜，點知又唔會喎😍 叮熱或者雪凍食都唔覺得甜，美祿朱古力味仲好香濃👍 聽日早餐有著落啦🤩

係駱駝漆購物完，落到樓下聞到好香蛋糕味，5月份仲做緊一週年優惠，每盒蛋糕減$10，又幾抵喎，佢都幾多口味可以揀，我都唔執輸一於買返2款口味，返去飲啖茶食件cake，同朋友開心share 先😗 🔸️合桃杏仁 嘩，個蛋糕面勁多合桃同杏仁，食落冇油益味之餘仲好香口同好有口感，個蛋糕好鬆軟，好有彈性，密度仲比鹹蛋黃味高，亦唔係好甜，幾好食 🔸️鹹蛋黃芝士味 鹹蛋黃同芝士味都幾出，好有咸香味，2樣食材擺埋一齊，好邪惡，蛋糕都係好鬆軟，鍾意食鹹蛋黃既朋友唔好錯過 兩款之中，我比較鍾意食合桃杏仁，因為好多果仁，好香口😋

好耐無行過觀塘,諗住去駱駝漆工業大廈睇下D手工件。一入內巷陣陣蛋🥚香味傳入我的鼻👃,即刻吸引左我去搵下D味响邊度傳出黎🐽,大大個招牌寫住「亞爺古早味蛋糕」。古早兩個字通常係台灣見得多,古早味蛋糕亦係由台灣傳入香港,短時間香港已經有十幾個品牌進駐,我梗係唔執輸試返幾味啦!!!店舖主打外賣,所以我就打包左兩隻味回家吃!!原味 $ 60一開盒聞到陣陣蛋香味,禁落手好鬆軟,望落似普通雪芳蛋糕,但食落口~味道同口感都有過之而無不及啊!!口感濕潤軟綿,而且唔會好甜,蛋香味濃,早餐下午茶食就頂呱呱👍🏼👍🏼👍🏼肉鬆芝士 $ 80面頭個層肉鬆超足料,師傅絕對無呃秤,中間層芝士🧀咸咸香香,配埋軟綿綿嘅蛋糕簡直令人一試上隱呀!!😋😋😋🍽 亞爺-古早味蛋糕 (觀塘) Grandpa Castella Cake📌 觀塘開源道60號駱駝漆大廈3座地下A1號舖☎️ 5599 3688⏰ 星期一至日12:00 - 20:30

👧🏻Wodafoodie in Kwun Tong之前食過亞爺之後成日都想encore，放假去觀塘行街忍唔住要兜去駱駝漆再會「亞爺」😆 咁岩撞正5月竟然做緊一週年優惠，每盒減$10😍😍又忍唔住買左兩隻味🤣✨🍰🥚鹹蛋黃原味 $70 —> $60 (1盒)成日食開鹹蛋黃芝士味，兩樣重口味撞埋一齊固然好食但膩左少少。反而食鹹蛋黃原味可以食返純粹既鹹蛋黃香，呢個係新出既味，蛋糕依然勁鬆軟，下午茶食返件真係一大享受🤤😋✨🍰🍫美祿朱古力 $75 —> $65 (1盒)蛋糕口感鬆軟，一d都唔乾，表面鋪滿朱古力粒粒，中間還有一層夾心🍫對比普通朱古力味，多咗一陣淡淡嘅美祿味，唔會太甜太膩，令人食唔停口🤤好鍾意亞爺既蛋糕可以做到雙拼或三拼，真係好岩d有時又唔想買咁多盒又可以試幾隻味既為食朋友😝雖然知道古早味蛋糕唔難整，但食過一次就真係返唔到轉頭係咁買😝😝😚😍🥰📍 亞爺-古早味蛋糕 (觀塘)觀塘開源道60號駱駝漆大廈3座地下A1號舖

觀塘駱駝漆多野食就大家都知，係果邊地鋪有一間古早味蛋糕店，行過都聞到香噴噴既蛋糕香氣😚！朱古力古早蛋糕 $75味道唔花巧，但佢地個朱古力古早蛋糕一樣好好味🥰首先好厚身，而且蛋糕質地好濕潤軟熟，中間再加有一層朱古力醬，朱古力味道超濃郁🤩，但甜度岩岩好，唔會好甜膩😝想試多啲口味既大家不妨揀三拼($75)，當日口味有咸蛋黃原味、芝士🧀同美祿朱古力🤗！三款味道都好有特色~咸蛋黃原味蛋糕裏面夾有唔少咸蛋黃粒，而咸蛋黃既甘香幾突出惹味；芝士味蛋糕中間係加左一層車打芝士，溶化既車打芝士味道帶點咸香，咸甜味道互相交融，唔突兀得黎幾好味😯依家5月做緊一週年優惠🎊，每盒蛋糕減$10，勁抵！吖，有長者卡/學生證一樣有得減$10嫁😊！

又食古早味蛋糕～呢間蛋糕店位於工廈正門，好易就搵到。佢哋嘅出品都算係係性價比之選。口感鬆軟，蛋味香濃。而且仲特別大件飽肚😋。不過一到夜晚，不論口味都好快賣晒😩。🍵紅豆抹茶 $75抹茶清香唔苦澀，中和咗紅豆嘅甜膩。紅豆粒味道香甜而且煮得軟糯。表面仲鋪上大量薄薄嘅杏仁片，添加咗陣陣堅果香。🧀肉鬆芝士 $80蛋糕表面鋪滿厚厚嘅豬肉鬆，賣相吸引而且甘醇酥香。仲有鹹香濃郁嘅芝士夾層，叮一叮就有吸引嘅流心效果😍，令人回味無窮。

適逢母親節，當然要回家聚一聚，連肥哥一家大細也來，我一定要買多啲嘢食返去跟大家分享。剛好行經一間古早味蛋糕，香氣直湧鼻子，就停下腳步看看。店子雖小，但骨子企理。透過大廚窗可看到部份現貨，而廚窗前亦貼了所供應的各款口味存貨資料、出爐時間和價目表。古早味蛋糕有半盒出售，岩晒一個人，讚! 看看有咩口味先? 足足有十二款口味，包括原味、綠茶、紅豆抹茶、芝士、鹹蛋黃、美祿朱古力、朱古力、合桃咖啡、合桃杏仁、台灣肉鬆、鹹蛋黃芝士和肉鬆芝士，可以雙拼一盒，相當多選擇，不過就要睇清楚有冇現貨或出爐時間。不同口味價錢不同，現在憑長者咭或學生証每盒減$10，而一週年優惠亦可每盒減$10，正!*******************細看蛋糕盒，註明「手工‧即烤‧台灣正宗」，而主要成份有麵粉、雞蛋、牛奶、植物油和砂糖，絕不含防腐劑。 現貨有芝士味、朱古力、鹹蛋黃芝士、合桃杏仁、綠茶和紅豆抹茶，我就揀了一盒合桃杏仁和鹹蛋黃芝士，拿上手暖暖地，但盒子有幾個透氣位，唔駛擔心焗出倒汗水。拿着它們，相當墜手，仲邊行邊聞到陣陣香氣，好想快啲返到兩老家一起共享呀!鹹蛋黃芝士古早蛋糕 ($80/一盒)好有份量，仔細看看，周邊看

今日同個朋友去觀塘行街，再一次經過阿爺古早味蛋糕，之前經過好多次都諗住試吓，因為佢有好多唔同嘅口味，好多味道都想試，今日同朋友一齊就啱晒，要兩款口味，每人一半我哋揀咗新推出嘅鹹蛋黃原味蛋糕同埋美祿朱古力味蛋糕，佢哋嘅蛋糕好有份量好大件，美祿朱古力蛋糕上面有好多朱古力粒粒美祿朱古力蛋糕中間會有一層薄薄嘅朱古力餡鹹蛋黃原味蛋糕就會有鹹蛋黃粒粒兩款蛋糕都好軟熟，有時好驚第二日就會食，但係第二日一樣keep住一樣口感！

前日放學經過觀塘，諗起上次食過呢間古早蛋糕🍰覺得好好味😋食過返尋味又想買啲返屋企食～買左嘅口味係抹茶原味同埋台灣肉鬆🥰抹茶原味蛋糕一大條淺綠色嘅蛋糕☺️比平時嘅古早蛋糕更加大條😚所以幾抵食👍🏻隔住個盒都聞到蛋糕嘅香味💕軟綿綿嘅口感😙同埋好濕潤食落有好香濃嘅抹茶味🍵而且幾甜😋幾鍾意佢嘅鬆軟感覺🥰台灣肉鬆蛋糕蛋糕表面有好多肉鬆😍仲有啲紫菜碎～食落超級香💕鹹鹹地，夾心層仲有肉鬆添～口感好滑☺️鹹中帶甜，幾鍾意佢滿滿肉鬆嘅感覺🥰食得好滋味😋

亞爺古早味蛋糕，位於觀塘駱駝漆第三座地下，收工之後聞到蛋糕香味，抵受不住誘惑，買了兩個不同口味回家。蛋糕更設有一盒或半盒選擇，實在非常方便。蛋糕口味非常多，先試原味及朱古力味，下次再試其他口味，台灣肉鬆，綠茶，芝士，太多選擇。原味蛋糕表面非常平滑，超級鬆軟，入口蛋香味道極濃，不會太甜，好食。朱古力味道蛋糕比原味蛋糕略結實一點，但仍非常鬆軟，蛋糕表面朱古力豆佈置平均，朱古力味濃，比原味蛋糕略甜一點點，但以朱古力味蛋糕來說，甜度剛剛好，值得一試。