亞洲美食 (已結業)

好多人有high tea習慣，可以鬆一鬆，嘆杯茶，係樂富廣場好多食店，都設有下午茶，呢間AOK還有輕音樂娛客，中西式餐都有，好多街坊捧場，還掂未吃飯順便叫左碟滑蛋肉片飯，餐飲熱檸茶，都係45蚊，抵吃

由於趕時間，所以要提早食晚餐，怎料在落order時發現下午茶時段至18:00，而且有很多選擇😄，所以立即改為食下午茶！以為下午茶一定是少份量，但竟然大大碟，個樣又幾ok ,而且又包湯及 餐飲！早一點吃也可以吃到如晚餐的份量，價錢又平D! 一舉兩得！

這天來樂富買餸, 做苦力之前也得餵飽自己才行, 太座話晚飯來過, 價錢實惠, 夠碟頭,叫咗:  星米$50 - 透明蝦無味, 芽菜有咬口, 义燒平庸, 比較重(突出)咖哩味原來係落咗濕咖哩羔同炒, 不過炒得唔夠均勻, 在米粉內見到成堆仔濕咖哩羔, 由於用咗濕咖哩羔同一般的星米比較的確在香味上優勝一點, 但過了一個星期左右我反而在一個偶然的機會下食到一個有蝦味的蝦仁炒嘅星米!! 另一個係牛腩炒麵$54 麵雖說是炸過但唔算好油膩, 十分脆口, 菜份量是屬於多的, 牛腩則是預先做好的貨色, 鹵味唔算重但廚師出菜前肯定沒太在意過牛腩上的肥羔, 好少見一件牛腩上有一半是淡黃白色的羔!!! 相當之嚇人,

夜晚約朋友諗住搵間茶記食，喺樂富廣場行左陣街就喺度搵食。叫左沙嗲牛肉米，蛋同厚多士。牛肉份量都算多，又入味，有加分。蛋就麻麻，煎得有啲老。厚多士就唔錯，平時唔係間間茶記都有。總括黎講都ok, 下次經過都可以再去食。

當日我跟另一半去食我食司華力腸+煎蛋！他叫了沙嗲，+5 轉出前一丁！點知黎到，根本唔係出前一丁！睇樣已經覺得唔係！(食開出前一丁既朋友一定明白我講咩！) 食落更加肯定！問阿姐，她話有蔴油就等於一定係出前一丁wo!我們唔同她拗啦！費事換出黎，整2啖口水你嘆！估唔到，+$5 買包出前一丁都唔使呢個價！個客肯俾多$5就唔好呃啦！真心失望！black list!!!!!以後都唔會去食！真心嬲！其實我都係想好好地食個早餐！個價本身都唔平！仲要再加$5仲要係呃！

香港人愛吃下午茶習慣，我也不例外，樂富廣場有間叫AOK嘅小店餐廳，地方唔算大，不過座位就夠闊落和舒服，款式經濟又好味，下午茶餐星洲米特別醒神，配搭真材實料，如果兩個人叫多個多士餐就夠晒胃口唔太人多，可以坐耐啲，埋單都係80蚊，算係咁啦。

黎親樂富都係打波，打波前一定要醫肚先！計計下AOK都食左快3年選擇其實重有好多，我覺得份量都好夠，放工運動前食岩岩好我叫左個。鮮茄豬扒飯一黎到我都o左下！好多同好大粒蕃茄！好多汁！豬扒唔會乾！岩岩好足夠我補充體力最後都係一杯熱檸茶，飽晒！

禮拜六試下食這間的下午茶。 不料，啲飯黏埋一舊唔凍唔熱。 煎豬扒飯原來用豬扒條，用油炸到乾柴一樣。 地下十分污糟， 員工態度十分懶散。 唯一可取的是哪杯熱奶茶。 是傳統的香港式絲襪奶茶。 溫度夠熱，茶味濃。 下午茶選擇 少， 不像一般港式茶餐廳可以互相配搭，不可以轉汁。 加隻煎蛋要五蚊，尚可接受。平日下午茶要45蚊，禮拜六日還要加兩蚊。平均四五十蚊一個下午茶餐， 一點也不值得。 如果不是在附近有活動， 就不會中伏。最後都是要列入黑名單沒有下次。

一間普通餐廳，服務算是可以，食物都不錯比茶餐廳好一D，衛生情況都算可以，那時候不需等候10分满分我會評7分，希望大家喜歡如果要推介食物那裹的魚香茄子飯及凍奶茶都算是幾入味的，正

今日第一次食呢間野，見佢門面裝修都幾正常幾乾淨諗住無問題。首先食物好普通，但最大問題我見到舖入面有老鼠，搞到我無曬胃口！唔知個個收銀定侍應態度十分差，對客人講野無禮貌！不知所謂！以後唔會再去！

樂富冇乜嘢好既選擇呢間茶餐廳好飄忽中午時段少去為佳因為中午時段太多人而且食物水準實在難以想像⋯⋯就係好耐冇去過今晚就去咗食晚餐叫咗粟米斑塊呢個一直都支持嘅因為保持水準魚香茄子煲呢個都係好好味又唔會太咸椒鹽鮮魷呢個真係好飄忽有時就好多粉好硬好厚今次底部就好濕但係勝在夠靚又唔會太咸咁算係咁啦我哋次次食晚餐佢都必須會送上來湯我哋都會要的因為太味精了依家乜嘢都貴之前食過唔係咁嘅價錢明顯加左價以前唔係咁嘅價錢我都可以接受因為呢間茶餐廳晚餐都OK嘅只要你覺得有問題可以同侍應講有改善的今晚餐飲凍檸茶都OK架最好就係有免費泊車

我哋幾乎每個星期都去一次，之前食下午茶 乾炒叉燒河，食咗少少，發覺個底好多油，要求佢換，果個管理層(應該睇佢都唔似老細)佢話食咗咁多先呢換(其實碟野细碟)， 做餐廳 有客人投訴，理應立即去換;今個星期日去食早餐 ，食完啲麵先至叫杯熱奶茶， 叫個女部長佢望下，又唔應我哋，但我見到佢好似去咗落單，所以我就再問佢有冇落杯熱奶茶， 佢仲反而話我哋，咪幫你哋落咗单，咁我咪話佢点解唔應我哋，佢話洗唔洗同你哋講已落单， 仲發脾氣話我都唔想做喎， 呢間嘢，其他夥記都冇乜嘢，淨係啲管理層態度好差希望佢老闆睇到

來到樂富，主要的原因也是因為那一個要人上山下海的遊戲。我在摩士公園行了一個大圈之後，事後的落腳點，就是樂富的這一個商場。其實，我幾鐘意樂富商場，因為這兒會有中高檔次的店舖同食肆，啱晒畢架山同九龍塘過來的貴客；也會有比較平民的東西見得到，照顧到周邊的公屋邨居民。而是日的我來到，目的只是食，當然也不希望花費太多在沒有特色的食肆身上，所以我既目標都是茶仔算了，而最後，我決定來這一家叫《亞洲美食》的地方，吃東西。時間已經是兩點幾三點，肚子非常之餓，而且下午茶時間已經開始。開心的，他們的下午茶是有炒粉麵及飯餐的，而我就要快食，叫了一個中學時代最愛的粟米斑球飯。這一個飯，汁多，而且炸魚肉保持到香脆的口感，有這樣的一個汁，有這樣的炸魚，好容易就會大大口地吃飯，我開心到一口氣把整碟飯吃清光。在茶餐廳，奶茶是我必飲的東西。而面前的一杯奶茶，香滑可口，奶味充足，不錯。食物不錯，奶茶不錯，簡簡單單好味道，就是好。

每個星期日，太興都排長龍，呢度附近只有呢间唔洗排隊，因爲要陪個仔綀波所以每个星期日都要食😫沙爹牛肉无沙爹，D蛋好似煎咗几日咁😑紅腸試過有酸味😓仲有D侍應服務態度好麻麻！

茶餐廳當中都算極品- 沙爹牛肉冇沙爹，D麵成碗都係油，大哥，我食油定食麵？早餐真係超差。。。冇下次！仲亂收費。。食物質素十分差，講真早餐都唔平，成＄30幾蚊但比人哋20幾蚊嘅更加差。