亞參雞飯

營業中

休息中

一向都幾鍾意新加坡/馬來西亞菜~尤其是當中的海南雞飯🍚雖然係連鎖餐廳, 但招牌菜「海南雞飯」的確幾好食👍🏻海南雞飯餐🍚主角當然是海南雞❗️雞肉質好鮮嫩好滑, 唔係好肥美果種, 份量唔算多~但好香好好食👍🏻配上雞油飯同雞湯~真係香氣撲鼻美味香口得黎又唔會覺得好肥膩, 呢個平衡唔容易拿捏, 試過食海南雞飯好油heavy到唔想再食🙈佢跟個雞有3種醬料點, 雖然個人覺得雞肉就咁入口都好好味😁斑蘭咖央多士🧈除左海南雞飯, 每次食星馬菜都必試咖央多士❗️好肥好邪惡但好好食~ 滿滿嘅斑蘭,再夾埋牛油, 個多士好香好香脆👍🏻

中意佢環境舒服，成日都唔洗等位，又唔會好貴，又幾好食，飲品通常跟餐加$10大大杯。每次都叫海南雞轉雞髀肉，份量一時多一時少，不過都好好食，最緊要係夠滑。油飯好開胃，湯都好飲，唔會好覺係味精湯，飲完唔口乾。今次試埋亞参魚，套餐$100有找，無咩骨又夠味道，配料仲有秋葵同蕃茄等等。煮到入曬味食落仲好juicy。整體黎講都好好，上菜又快，飲品無得係app叫少冰黎到又唔會成杯冰，而且間野無加一，真心抵食！

個樣好似唔錯，賣相OK，但味道真係一般般。首先，表面有一層辣椒碎，所以每一啖都覺得牙齒上嵌上一粒辣椒皮；其實，個粉已經煮到軟淋淋，一夾即斷，我唸要轉個供應商；最後，個湯底係厚重嘅，有花生味，椰香味唔夠；最後的最後。做咩嘢落咁多洋蔥絲？

10.1國慶假期好多餐廳都有做七折優惠我就揀左奧海城一期呢間阿參海雞飯食下午茶喇😚海南雞飯套餐 ⭐️⭐️⭐️⭐️這個套餐包括了一碟去骨海南雞、一碗雞油飯、一碗清雞湯和一杯飲品海南雞是用三黃雞製作的，肉質嫩滑多汁，皮薄而不油膩，配上三種醬料（甜豉油、薑蓉和辣椒醬）每一種都各有特色，辣椒醬最啱我口味😉我特別鍾意個清雞湯是用雞骨和雞肉熬煮的，沒有味精，喝起來清甜而不膩，仲有草菇，可以中和一下雞飯的油膩感～下午茶馬來咖哩豬扒撈麵套餐 ⭐️⭐️⭐️⭐️⭐️這個套餐只在下午茶時段（14:00-17:30）供應，包括了一碟馬來咖哩豬扒撈麵和一杯飲品，馬來咖哩豬扒是用豬梅肉煎至金黃，然後淋上自家製的馬來咖哩醬，咖哩醬香辣濃郁，有椰奶、香茅、辣椒和香料的味道，豬扒肉質鬆軟多汁，不乾柴，跟咖哩醬非常配合，好惹味，份量比較輕盈，男士可能未必夠呢，不過幾抵！

趕上亞森店慶，午餐有折扣。全家一起來試試。海南雞飯真的是很美味，雞肉嫩滑，小孩子很喜歡。自己點了一份喇沙，湯汁味道很濃，份量也十分足，裡面的海鮮也是很新鮮。餐廳環境也不錯，以後不想煮飯的日子都可以來這裡。

本以為這裏會乎合預期，但最終很失望。這裏的服務有待改善，食物不好吃，我點了魔鬼魚、斑蘭多士和海南雞飯，結果魔鬼魚和斑蘭多士都吃剩－半。如果在正常吃中午飯時間的情況下，都吃剩－半，不用多說也知道食物的美味程度，若果以同樣價錢及質素，我覺得附近有其他更好的選擇，例如大家樂、敏華等等。如果要評出色既野，可能是那杯野飲-香矛青檸，食物方面可能這裏只有其招牌海南雞飯是值得吃，餐廳名已話左比你聽-亞參海南雞。

亞參雞飯（奧海城1期）同朋友去奧海城行下，經過見到唔使等位，仲有優惠就試下啦。入面空間大，夠寬，坐得都舒服。員工都好友善，有禮貌。🍴明爐酸辣亞參魚 配白飯 （$88）🤤🤤🤤🤤🤤見個成條魚上嚟都好驚訝，份量多，湯底的蕃茄味道非常突出，而且配菜豐富，包括洋蔥、秋葵和香芧。魚肉嫩滑，而魚骨相對較大，唔使擔心小骨頭。好似見係部分分店先有呢個魚食亞參去骨海南雞飯 （ $79）🤤🤤🤤🤤朋友叫咗招牌海南雞飯。雞肉鮮嫩，帶有海南雞特有的香氣，份量都多，配埋油飯

一行三人，到奧運一期找東西吃，看到海南雞飯店，二話不說，走進來吃！ 我們點了不同的菜式，食物方面正常發揮，不錯的！$98魚好抵食！ 但是員工令我們很費心，為什麼要多番提醒我們需要的東西，我們需要的東西如下- 小碗3隻（至少叫了員工3次）- 水3杯（至少叫了員工3次）- 飲品我們叫了飲冷凍特飲，來到是室溫，其實不要緊，給我來杯小冰可以了（至少叫了員工3次）以上體驗，我們多番四次提醒店員幫我們，其實如果我以自助形式，我們寧願自助，實在是太差的一個體驗，我們不會再來！不好意思，我並不是要投訴什麼，只是想給大家反映事實的真相！🥲 員工的訓練有待提高！為什麼？🥲 太差勁！

朋友想食星馬野，所以揀左呢間亞參，咁啱做promo, 我地都揀左做緊特價既海南雞飯餐同喇沙餐喇沙都幾足料同香，不過就唔係我最鍾意果種超有椰香味既喇沙。海南雞飯好好味，雞好嫩，油飯有驚喜，連個湯都好夠味！我最like 係香茅特飲，超fresh!

亞參--少有令到我震驚嘅餐廳食飯時間去左愉景新城，發覺有一間餐廳賣海南鷄飯，又有好多空位，咪入去試下好唔好食。叫左個喇沙已經80幾蚊，加埋一杯咸柑桔，兩個小食，埋單成百五蚊，絕對唔係平野來。本身已經打定輸數，唔好食就blacklist左呢間野，點知個喇沙未來到已經聞到好香，食左第一啖就無停過口，海鮮份量唔多但係絕對足夠一人份量，再加上我叫個兩碟小食，個蝦卷唔錯，個咖椰吐司仲會夾塊鮮牛油，真係食過返尋味。。本身唔想太吹噓陣間有人話 收錢做打手啊？我就無收錢嘅 都係個句 好食咪讚咯 唔好食我係絕對唔會講反話嘅

亞參雞飯（奧海城1期）地址:大角咀海輝道11號奧海城1期UG樓UG19-21號舖___________________________今日朋友同我一齊行奧海城，佢話有間大型連鎖餐廳叫亞參雞飯都幾出色，於是捉我去試吓！😂😂亞參去骨海南雞飯 $91呢個係佢地主打ge 招牌菜，上碟時會跟埋雞油飯同冬瓜雞湯! 另外，仲會有三款醬料俾我地點黎食！雞油雞飯香得黎又唔會覺得油！配場無骨海南雞食，真係一流！ 雞肉肉質嫩滑，雞味都幾出，而且真係無骨ga🤣!喇沙米線 ＄83湯底非常香濃，而且都有幾多配料，麵底係米線❤️馬來班蘭咖央多士 ＄26呢個真心推介！$26 有4嚿大大舊，雖然邪惡，但好脆口，而且入面真係有好大片牛油，食落非常滋味！香煎手作蝦餅 ＄42食得出用鮮蝦以人手製作出嚟，口感都幾彈牙！最尾我哋叫咗兩杯嘢飲，真係大滿足呀！我覺得揀少甜就啱啱好！- 馬來拉茶 $25- 南洋咖啡 $25

今晚去左澳海城到行街，行行下忽然想吃海南雞飯，我們便入去了這間星馬餐廳。餐牌選擇都好多。亞參去骨海南雞飯（$91）：一送上尼已經聞到好香的雞味。個雞湯好清甜，完全唔會覺得油，又好有雞味。飯都唔係普通白飯，食到有雞的香味，好好食。海南雞就好滑，完全唔會韌，肉質鮮嫩，仲好有雞味，正。馬來咖哩豬排撈麵（$78）：咖哩幾香，但又唔會太過辣，豬排夠軟熟，不會韌，然後咖哩薯仔又好好食！好正。斑蘭咖央多士（$27）：真係好有驚喜！咖央同斑蘭甜甜地又幾香，中間再加大片鮮牛油真係非常邪惡！好好食！係勁match!香煎手作蝦餅（$43）：送上來時熱辣辣，蝦肉非常彈牙，口感好好，點埋辣醬仲更加正！香茅薄荷特飲：好清新的香茅同薄荷味，好fresh好清新，好好飲。薏米水：甜甜地又幾好飲，清熱去濕。

近期愛上食海南雞, 今日試咗這間. 餐廳地方大, 座位闊, 坐得舒適.亞參去骨海南雞飯, 黃油飯香軟, 食落唔油膩, 雞湯有冬瓜粒及秀珍菇.雞肉嫩滑, 因為去了骨, 所以好放心大啖大啖食得暢快, 配埋 3 種唔同嘅醬料 新加坡玉骨茶配白飯有豆腐卜, 大大條一字骨, 肉好淋, 胡椒味湯底好暖胃.香煎手作蝦餅, 靚女職員温馨提示我地要趁熱食, 更香口. 蝦餅煎到金黃色, 蝦肉彈牙爽口, 點埋個甜酸醬 斑蘭咖央多士咖啡色非常特別, 多士好香脆, 內裏有牛油、斑蘭醬, 好邪惡, 但又真係忍唔到口, 好味美祿, 正常味道香茅薄荷特飲, 梳打加了薄荷, 冰凍清新, 好大條香茅仲有進步空間, 可以做到 100 分week day 去食有着數

今晚去奧海城行街，諗唔到食咩好，見到有間亞參雞飯，諗起之前朋友介紹話佢d海南雞飯好好味，就去試下。呢間鋪頭裝修好靚，座位好闊落，坐得幾舒服。d員工好好態度好好。呢排做緊3周年優惠，樣樣都好抵好想試。上菜速度快，好彩張枱夠大😂海南雞飯，賣相已經好吸引，份量又大份。有個好好飲嘅湯，清清地，有d雞湯味，仲有d冬瓜喺入面。油飯好香。配左3種醬汁， 豉油薑汁同酸辣醬。雞肉好厚肉，啖啖肉，都好嫩滑。班蘭咖央多士， 咖央醬加牛油，多士外脆內軟，好味。明爐酸辣亞參魚，一來到，已經好震撼。有2個火熱住d魚，好快已經滾下滾下，個汁唔算太辣，我唔食得太辣既人都食到。仲叫左個小食，蝦餅，熱辣辣即整的，啖啖蝦肉，非常爽口彈牙，非常推介！仲叫左兩杯野飲，馬拉奶茶和馬拉咖啡，好好飲呀！

工作關係今日要係大角咀奧海城附近待一天，午餐時間原本想去對面舊區睇吓有冇小店試試，不過見步行距離有點遠為有放棄。。。言歸正傳，係奧海城一期內走咗一圈見到亞參雞飯一於試吓啦。招牌必點套餐～亞參去骨海南雞飯點餐後5 分鐘不用套餐就上枱、先試一啖靈魂嘅油飯、熱辣辣加分、米飯粒粒分明不油、要挑剔的話係缺小左班蘭葉嘅香味。。。冬瓜雞湯熱度足，不過有點過分濃郁（純屬個人口味），濃郁到會搶走油飯嘅味道，建議食完飯後先飲湯，主角海南雞嘅份量算係足，不過入口偏柴，明顯係用普通冰鮮貨色，至於第二靈魂嘅三色配醬只可以講話係真的一般般，只屬罐頭貨色。。。實說實話以「尋覓99分海南雞飯」為宗旨的口號距離尚有一大段，希望老板同師傅要加把勁，出品暫時只屬一般工廠量做貨色，以優惠價賣$79 尚可以接受，如果原價$116 就真係無下次。。。午餐時間只有小貓三幾隻就知道大家接唔接受。。。