影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
今日全日落黑雨就嚟附近又一城搵嘢食，下午茶商場都冇乜人，嚟咗亞參雞飯試下佢哋嘅下午茶，估唔到有啲驚喜🤤🤤 $38，原隻鴨腿上，其實都幾抵食🤤！今日點咗檳城紅茄參巴醬鴨腿滲滲，好好食。個鴨腿亦都好腍，都怕佢有啲辣，因為我唔食得辣，但其實佢都唔係好辣，比較惹味！平時見呢一間舖都比較多人，今日可能黑雨冇乜人，見到服務員嘅態度，都好好笑容好親切，而且唔會因為冇生意完全見唔到人，依然見到啲服務員行嚟行去，由於我哋用二維碼點單，落唔到單，服務員即刻過嚟幫手，而且呢個鴨腿滲滲，都係佢推介我食，推介得唔錯！下次要再嚟試吓其他😋😋😋
繼續閱讀
今日中午過嚟又一城做嘢，lunch要搵嘢食，就過咗嚟又一城，然後上到頂樓，間間舖都排晒隊，諗住求其搵一間近門口嘅，見到呢一間阿參雞飯，就排隊入嚟試一試，同朋友兩個人點咗一個喇沙米線，豬手飯，試一試佢哋好唔好？食先？誰？不知食完有驚喜。嗰個喇沙米線超濃郁嘅椰香味，再辣辣地，食落去認真過癮😋😋😋然後，再試咗朋友嘅豬手飯，炆得相當之腍，個豬皮，咬落去滿滿嘅骨膠原😘肥而不膩！服務員態度相當之高質素，見佢哋來來回回跑過不停，相當有魄力，依然保持有問必答，舉手即刻回覆，喺咁繁忙嘅鋪入面，依然可以注意到客人嘅需求，並且作出回應，服務水準已經相當不錯！希望佢哋繼續努力！
繼續閱讀
亞參雞飯 (又一城) 夏日炎炎，最好就係行商場，支持香港經濟呀嘛，呢一晚係星期日，又一城又比我想像中多人喎！行街行到餓，求其篤入一間平平地嘅連鎖星馬菜，明碼實價唔使收加一，就決定係你啦！🫵🏻🐷 亞參豬手飯（$76）豬手煮得好腍，柔軟易咬，而且好入味👍🏻豬皮冇毛，油脂甘香👍🏻份量多，白飯粒粒分明，輕鬆送得曬成兜飯🍵 新加坡肉骨茶配白飯（$83）一上枱就聞到濃烈嘅胡椒味，似胡椒豬肚湯多啲，我本來諗係會有當歸味，完全冇，但味道其實係好味，食完覺得手腳都暖和咗配料方面有幾舊一字骨，同埋幾嚿豆卜，此外就乜都冇喇🥬 馬拉盞通菜（＄28）平平地叫個菜食，冇乜馬拉盞味普普通通，唔難食，亦都唔係十分好味🍞 小食雙拼，馬來斑蘭咖央多士+特色秘製炸魚餅（＄39）馬來斑蘭咖央多士係mvp🥇烘到底面都香脆嘅多士，隔住牛油同埋咖央醬，一啖咬落去真係不得了，又香濃又有豐富嘅口感，脆脆嘅麵包同埋軟滑嘅牛油配合得相當出色，咖央醬亦都起到畫龍點睛嘅作用，食到人有一種幸福嘅感覺🤤💞至於魚餅香茅味濃，唔會炸到油淋淋，合格嘅水準☕ 斑蘭咖啡（$10）所有飲品除咗椰青跟餐都係加十蚊，試咗班蘭咖啡，一熱一凍熱飲香甜，凍飲咖啡味嘅苦澀味比較突出，同時班蘭嘅味道都比熱飲突出，我自己就鍾意凍飲喇樓面姐姐服務不錯，餐廳係要掃qr code落單，唔知點解兩部手機都掃唔到，樓面姐姐都好樂意幫我哋手動落單
繼續閱讀
極力推介呢間亞參雞飯，性價比超高，海南雞飯啲雞超滑，然後佢個雞香飯，勁濃郁嘅雞味，平時食開嗰啲油飯，好油，呢一個完全唔會！😋😋然後朋友食個喇沙，超香椰香味，辣中帶甜，好食，如果米線再多啲就好了！佢個通菜，好重蔥油香味，食落去勁香！嗰啲服務員好好好笑容，見到佢哋個個都做到冇停手，依然都係好好笑容，一叫就即到，就係香港嘅服務態度！我鍾意👍👍👍#好服務 #好味道#香港人嘅東南亞味道#推介 #馬拉盞通菜#喇沙米線#阿森海南雞飯
繼續閱讀
今日過到嚟又一城，又嚟到亞參雞飯，發現佢哋有一個新嘅套餐，牛骨煲！服務員依然好好，服務態度好好笑容有問必答，牛骨煲真係有驚喜，啲牛骨全部煲到軟腍腍，送飯簡直一流，佢哋嘅送餐速度亦提高咗好多，見到佢哋相當積極推銷呢個牛骨，心諗試吓都無妨$288實在太抵了！果然係有驚喜！另外想講，佢哋嘅店經理提及到佢哋嘅雞香飯，改咗配方，更加香濃嘅雞味，確實係冇得輸👍🏻👍🏻👍🏻希望佢哋分店繼續加油！😍😍😍
繼續閱讀