亞參雞飯 (啟德零售館1)

營業中

休息中

七一回歸假期去咗商場行街，行到攰無意中入咗「亞參」醫肚，竟然有意外驚喜！呢間係太興集團旗下嘅品牌，裝修幾有特色，環境舒適，坐得寬敞，喺商場入面都覺得輕鬆自在。就算假期旺場要等位，都唔怕日曬雨淋，坐喺商場等都幾舒服。我哋點咗二人套餐「檳城盛宴」，有海南雞、檳城紅茄森巴牛骨煲、一個菜，兩個小食，兩杯嘢飲，兩個飯，分量足，四個人Share都夠食，CP值高，味道有驚喜，價錢又唔貴，真係抵食之選👍🏻最想特別一讚嘅係佢哋嘅服務態度。雖然當日人流非常多，但每位員工都態度有禮，忙中依然井井有條，令人感覺好親切。好適合一家大細或者朋友聚餐，值得比個大大個LIKE！💛

今日去啟德零售館1號館food court附近嘅阿參一向都係海南雞飯聞名嘅，雞味的確好鮮嫩好滑，油飯軟硬適中，但係佢唔係黃薑油飯冇薑味，驚喜竟然係佢跟午餐嗰碗雞湯，係兒時嘅回憶🥰六七十年代….透露咗自己年齡秘密添🤭家人每次蒸雞燉完嗰碗精華上湯嘅味道👍🏻阿參豬手偏鹹，幸好肉嫩同埋好夠腍嘅，另一個推薦嘅係斑蘭咖映鮮油多非常鬆脆👍🏻仲有馬拉盞怡保芽菜跟獨特沙茶醬食好味，鳳尾蝦春卷炸得非常乾爽，全場冇+1，出色，可以再幫襯👍🏻