五穀豐收 (已結業)

呢排都幾忙，唔係咁得閒打食評……之但係又好想寫黎呢間食野完全因為0個日附近0既食肆都好爆，我見呢間幾新淨，又未full，就急急腳走入去lu~店員阿姨帶我到卡位，當時有兩個人一人坐一邊，阿姨要求佢地住埋一邊，好彩兩個客人都好好人，同埋都差唔多食完，坐埋一齊都唔會太逼，我本來諗住坐0係出面d檯搭位咋~我叫左鮮茄湯豬扒貢丸米線+椰汁西米露，等食期間，兩個客人都走了，然後黎左另一個客人坐我對面，佢好快咁叫左野，我0既米線就黎左，個碗都幾大，好多湯，飲左一啖，應該係冇味精，好好，不過有d0徙，因為咁多根本飲唔落，有3粒貢丸，都幾彈牙，而d豬扒竟然係煎豬扒，好熱氣雖然浸住0係湯入面，都係有d韌都鞋口，唔知d豬扒係咪一早已經切好哂，只要有人叫呢個材料就係咁拿一份掉入碗米線度而唔係逐塊豬扒入一碗……因為我食左4條，3條都有骨架~呢個時候，又有客人黎，阿姨竟然要求我對面個客人調去另一張檯，等3個客人坐入黎，但今次客人唔肯，仲俾個客得左句：「我唔調，得唔得!」阿姨即刻say sorry，幾個新客人之中0既一個就體諒地話：「我地下次先黎啦咁~」就走左喇~我繼續食個米線，覺得米線唔夠多，同埋好淋，浸得太耐卦當

經過佐敦想找嘢食,就見到這間新舖，可能少人行到這裡,店內竟無人,當時已十一點(但近彌敦道就開始多人),裏面的亞姐走出來推介有健康的五穀飯食12點半前有糖水送,又話早餐至十一點半(聽到仍有早餐開始心動...哈哈)咁就即刻入咗去坐，睇咗餐牌選咗兩個中式早餐,要老火粥(當天是菜乾猪骨粥,勁好味,另可選籮蔔糕(自家製作好正),因兩個早餐可試多樣,就是炒米又是好好味,佢加咗美極落去炒好正呀，下次再去食過,我覺得早餐最抵食。

湊巧經過見到新開張於是進去試下第一次來到不知道能吃什麼不過見到五穀飯好似幾得意又好似幾健康試下無妨叫了個牛腩五穀飯加了杯木瓜奶看樣子就不錯味道也其實ok牛腩都幾好味還有好似蒸蛋 ? 定豆腐的滑滑的 ^^聽說木瓜奶又是鮮榨都幾好ge~唯一覺得不足的就是分量有點不夠對我來說

星期六忙得食也無時間... 就 call 了外賣 , 選了這間新的店舖 ... 由於見外賣紙上寫著下午茶時段有 85折 , 而且又有健康五穀飯配搭及唔同糖水/飲料 , 好期待.... 平時就無咩機會call 啦... 因為佢要 50大元才送外賣() , 先來個蜜糖黑椒雞中翼 + 五穀飯 + 熱付足薏米 .... ( 雞亦同飯還可以 ,但無咩特別囉 , 因為送過來時拖了很耐 ...半暖 , 但腐竹薏米就 too bad... 稀而無腐竹味 , 可惜)再來個鎮江骨 + 菜飯 + 木瓜汁.... ( 鎮江骨 + 菜飯都係可以囉 ...但木瓜汁...絕對用難飲來形容 , 溝了很多冰去打...淡+稀)2個飯 set 都會免費加送一兜蒸豆腐 ....講真...整頓飯反覺得免費送的是最好味的 ... 真係可惜 ... 可能人手唔夠.... 送外賣很慢 , 我已唔係繁忙時間 , 差不多3點才 order..... 竟然差不多 3點 40分才送到..... 我只係恆豐中心 , 距離只係2條街的近.....

第一次幫襯,一定要試試她的五穀飯,好吃,有一種健康的感覺最好吃的是豆腐,每個餸都另外送上一份豆腐,很滑,說是自家製的蕃茄湯底很不錯加甜品,雖不是特別出色,但品質不錯抵食!會再試其他食品

在景霖吃過極失望又不滿足的晚餐, 大食太公不夠飽。鄰店五穀豐收門外的阿姐，宣傳賣力，擋不住其風情之下，選擇了在此店再戰。小食餐可配甜品，多種配搭可選，價錢介乎 $19 - $29不等。太公要了XO醬炒腸粉＋芝麻糊，才$25元。XO醬炒腸粉裏的XO醬，味道與在超市購得的不同，不辣，但醬汁銀魚乾很有滬式紅燒魚的味道，非常香口；可惜鑊氣不太足，也太咸。芝麻糊的芝麻不夠香，也不夠滑，只屬一般的貨色。埋單，發現十點後的宵夜時段，全單還有八五折！此頓宵夜雖不算完美，但此店出品都算有心機，又抵食，至少能給予我心靈上的一點慰藉；希望店家能秉持這份誠意，在食物的質素上繼續下功夫，更上一層樓！