五味茶餐廳

營業中

休息中

今日返工趕頭趕命，就落咗去樓下一間茶餐廳度食早餐，呢一度好多時我都只係經過就算！不過今次真係趕時間就落嚟試吓啦！環境算一般，位置亦都算唔多，主要以元枱為主，每張元枱可以坐六至七人左右全部都係以搭枱形式咁樣運行我以話不說就叫咗個沙嗲牛肉麵，再配上炒蛋加蒜蓉包，再配上一杯凍檸茶！3分鐘左右就到齊啦！我蒜蓉包好香，蛋亦炒得唔錯！另外食埋佢嘅沙嗲牛肉麵，沙嗲汁好香濃，牛肉亦都好軟熟！個面質覺得啱啱好，雖然唔係出前一丁，但尚算可以啦！

其實紅橋自大哥哥執左之後，平民既快餐買少見少，聽日你呢一間餐廳食嘅多數都係早餐，而且亦只不過係粉面果一類，絕少食到飯餐，今日揀無可揀，最後揀返平時食早餐嘅呢一間， 入到去嘅時候四個字驚奇晒喺度，呢間餐廳主要只係得七張大台，其實差不多一個人服侍兩張枱， 其實真係比較舒服嘅，跟住佢哋嘅態度都比較好，我睇一睇餐牌就揀咗一個椒鹽豬扒飯，一杯凍檸茶成為$42，插刀5分鐘左右到啦，佢豬扒唔係用千年油炸， 香炸蒜都好新鮮，反上面易林左一些甜豉油；整體上好過好多餐廳，而杯凍檸茶亦不過不失，$42呢個價錢真係好合理㗎啦

呢間茶餐廳早餐同下午茶時段都幾多人😆有時都走嚟食下嘢，貪佢抵食又多選擇😘不過人多就預咗坐得迫😫#下午茶 ($30)😋好味指數：(7/10)+$6 沙嗲牛肉麵我就揀咗炸雞翼配西多😆佢嘅沙嗲牛肉麵其實比較小沙嗲🤣反而有啲花生碎係到~不過呢個價錢算係咁😛西多士熱辣辣，入面仲有花生醬係到😍雞翼都係即叫即炸，好脆😆正常茶記質素，食完都幾飽😩😩下次要試其他嘢食😋.⭐溫馨小提示📌供應時段為14:00-18:00

一個人的浪漫，就係去茶餐廳食晚餐，今次叫鐵板餐，其實同下午茶餐一樣，不過晚餐就貴多五蚊，$47。送埋例湯，未食之前飲碗老火湯，成個人暖晒，唔鍾意中湯嘅話，可以唔要，每次都會問你飲唔飲湯先至俾你，夠惜食。兩塊扒，揀咗吉列豬扒同埋煎豬扒，今次揀配飯，覺得食飯撈埋洋蔥汁冇咁鹹。 吉列豬扒炸得夠脆，肉爽口。煎豬扒好新鮮，而且大塊，食落好爽口，都好香，大塊過吉列豬扒添，又有粗薯條同埋椰菜食，份量真係好多。夜晚又凍凍哋，決定飲熱華田，味道都ok, 不過味道濃啲會好啲。

下午茶餐，點都係鍾意食街坊茶餐廳，因為又平又大份。今日下午好肚餓，要食鐵板餐，介紹畀大家，佢只係$42,已經有兩塊扒，配意粉或飯或薯菜，仲有一杯熱飲，送例湯。今日係西洋菜豬骨湯，超好飲！又甜又夠火喉，西洋菜味好香，連啲西洋菜同豬骨都食晒。飲熱奶茶，佢呢度啲奶茶好飲過咖啡，茶味夠香。兩塊扒，揀咗吉列豬扒同埋炸雞脾，炸雞脾大大隻，正！成個餐份量好大，因為仲有意粉同埋椰菜。意粉份量都唔算少，要夾開吉列豬扒同埋炸雞髀，先至夠位食到意粉同椰菜。揀咗洋蔥汁，味道都不過不失啦，唔會太鹹，又唔會冇味。吉列豬扒大過個飯碗，炸得金黃，外層非常脆，豬扒肉幾爽口。佢呢度人流多，所以啲嘢食算新鮮㗎。

下午茶時段同老婆去食叫蒜香粉絲蒸排骨飯等左十分鐘 廚房先講 唔開爐蒸野……咁得意既，呢間野係睇廚師心情……跟住老婆叫下午茶，又話冇沙律轉薯角又話冇薯角乜野都冇……餐廳比我感覺好唔專業望入廚房，原來幾個廚師賭梗馬……最後老婆叫左個芝士茄汁肉醬意粉！茄汁 芝士落得好少……慳住慳住咁……兩杯飲品仲要三催四請 等左十分鐘先黎以後唔好搞小弟了！怕怕去到賣單時 發現清楚員工用膳時 居然有蒜香粉絲蒸排骨食……當堂啞左……即係廚師蒸就冇得食 個清潔自己去蒸就有得食！

原來呢間茶餐廳唔止食普通小菜，粉麵飯咁簡單，仲有鐵板餐，今晚一於試下。鐵板餐可選兩款肉類，再選擇意粉飯或薯菜，如果六點之前食就42蚊，六點之後食 就47蚊一個餐，有飲品一杯，晚餐仲送埋湯。今晚嘅例湯係節瓜排骨湯，味道淡少少啦，不過冇落味精，有住家湯飲都唔錯。飲品揀紅豆冰加四蚊，喜歡佢呢度嘅紅豆冰好多紅豆，奶味香甜，椰汁味不會太濃。煎雞扒、煎豬扒，配薯菜，原來薯條係粗身，似薯角嗰種薯條，炸到金黃色，灑上椒鹽，香脆可口，不過食得耐就有啲鹹。雞扒都幾大塊，好好味，肉質好滑，感覺新。鮮豬扒都爽口，最緊要咁大塊都冇乜骨。兩塊扒餐，先至47蚊一個餐幾抵食，鐵板仲有椰菜墊底，算係均衡飲食。見到雞扒都算厚身，仍然有肉汁。另一個係吉列豬扒、炸雞髀，配意粉。吉列豬扒好大塊，炸雞髀更加大隻，啖啖肉，炸完之後再淋上汁，會令炸雞髀的皮淋咗，所以要快啲食。意粉份量不算多，但都有幾條薯條同埋椰菜墊底，感覺份量仲多過齋叫薯菜。豬扒炸得爽口但比較薄身，不過以呢個價錢來說，都ok。

喺呢度成日食下午茶，未試過食晚飯，今晚就一於試下佢嘅小菜套餐啦！點左個二人餐$118,可以揀兩個餸，每位奉送例湯，白飯，同埋熱飲。 兩個小菜，分別揀咗菠蘿京都豬扒，同埋椒鹽鮮魷。如果套餐以外再加小菜嘅話就每款$68。例湯係一個正常飯碗上，有嚿豬骨畀我食。例湯好有住家feel ,味道非常香甜，應該畀咗好多豬骨落去煲，夠曬下火。椒鹽鮮魷都幾大碟喎，見佢賣相非常靚，外面炸成金黃色，灑咗好多炸蒜蓉同埋椒鹽，而且每片鮮魷都係大塊嘅，唔係碎濕濕。即刻叫佢上碗白飯先，白飯都唔慳皮，裝到大大碗，食到夠飽為止，啱曬大胃王！鮮魷外面炸得很脆，炸蒜容和椒鹽味道不會太鹹，就是很香口，鮮魷夠新鮮，非常爽滑。菠蘿京都豬扒，平時食開係原塊豬扒上嘅，估唔到呢度將豬扒切成一條狀，感覺就冇咁好，覺得份量少d, 而配菜有洋蔥、菠蘿，份量就多啦，係肉嘅份量覺得少啲。味道方面，豬扒肉爽口，甜酸醬味道偏濃，可能因為汁嘅份量比較多，可以唔使咁多汁 ,乾身少少可能仲好味。餐飲選擇加四蚊轉紅豆冰，因為今晚都幾肚餓，又熱，飲紅豆冰消暑，又夠飽。紅豆嘅份量非常多，椰汁同練奶味非常香濃，夏日消暑必備！ 因為加咗兩杯紅豆冰，多8蚊，埋單$12

放假瞓到晏，起身都已經食下午茶，今日去到五味茶餐廳，坐低落單好快就有得食，所以都好鍾意食茶餐廳，夠快手又方便又夠平。呢個超值下午茶餐，每款都係三十蚊，一邊係揀扒類，一邊係揀小食類，兩樣嘢配搭，仲有餐茶，幾抵食，又多選擇。揀左吉列豬扒配牛油厚多士。吉列豬扒炸得好乾身，炸粉又唔算太厚，好香脆。豬扒size都ok, 大塊又唔算，但係都唔係細塊。上面已經淋咗沙律醬，但係我唔鍾意咁樣食炸豬扒，想食原汁原味，所以比我刮走曬啲沙律醬，食得豬梗係要食佢吉列脆皮，同肉一齊食嘅爽脆感覺，淋咗沙律醬上去整到淋咗，唔開心，建議沙律醬另上或唧在碟邊，人地鍾意食先然會點醬。最後餐飲熱咖啡，好彩都唔錯，咖啡味夠濃，見到加咗奶上去，先飲一啖，好夠味，可以唔落糖都得，雖然塊豬扒加咗沙律醬令我唔開心，不過都會繼續幫襯，最多下次叫佢走醬。

特登請星期一假，連住五一勞動節星期二公眾假期，咁就可以連放四日假，不過冇去旅行，就係日日出去食野，食咩都好，都覺得是享受。不過我估唔到假期真係好多人，連食茶餐廳都咁多人排隊，今日嚟食下午茶， 點咗豬扒包配吞拿魚芝士厚多士$30,送熱飲，我揀熱咖啡。估唔到個豬扒包幾厚身，望落個樣脆卜卜，吞拿魚芝士厚多士，烘得都夠乾身，而且見到芝士同吞拿魚融為一體，睇見都流口水。厚多士好好味呀，因為吞拿魚有好香濃嘅魚肉味，芝士溶左令到佢有拉絲口感又香，多士又夠脆，差唔多個個都點呢個多士食！打開豬扒包，見到原來裏面搽咗牛油先至焗，豬扒包係脆皮豬仔包，裏面夾咗一塊生菜，有沙律醬，同埋半塊豬扒，豬扒薄切就略嫌細塊得滯，不過連買包食就夠飽。要醒神就要一杯熱咖啡，呢度嘅熱咖啡真係慢慢滴漏比你，好香濃幾滑，而且仲有少少奶泡喎，當然賣相就唔係咁靚，但係味道唔錯。

差唔多日日都會食下午茶，今日試下五味茶餐廳，一樣有炸豬扒西多士。超值下午茶$30,揀一款扒同埋一款小食，有餐飲，我揀咗吉列豬扒配半份西多，加四蚊飲紅豆冰。紅豆冰大大杯，好多紅豆，椰汁味幾香，煉奶都好香濃，鐘意有得飲又有得食。呢度嘅甜味，調配得剛好。吉列豬扒配西多，有沙律醬畀你點吉列豬扒，豬扒唔算細塊，下午茶餐嚟講，性價比很高。豬扒炸得脆，豬肉新鮮爽口。 西多士就醜樣咗少少，裏面都係有花生醬，可能蛋漿太多，炸完出嚟外面醜樣啲，不過味道都ok, 點埋糖漿食，又係一餐好味嘅下午茶。

之前試過堂食，佢呢度下午茶真係好抵食，又大分，今次自己一個人食，就外賣自取，一樣咁好味。外賣加一蚊，飲品轉紅豆冰加四蚊，總共35蚊揀咗炸雞髀配西多士。西多士軟綿綿，外面炸到脆脆地，超鍾意食！淋上糖漿，甜甜地，就是完美的下午茶！當然由於肚餓嘅關係，要整個啖啖肉的炸雞髀先夠飽，外層皮炸得脆卜卜，不過油的分量比較多，但是雞脾的size很大隻，同半件西多士西多士差不多一樣大，所以食完都好夠飽。 紅豆冰的分量比較多，令到奶味比較淡，椰味也不夠濃，但甜味就好足夠。紅豆的分量也算多，如果唔係自己一個人食，都係堂食好啲，因為外賣攞返屋企，食得麻煩d。