影片
以上資料只供參考, 請與餐廳確認詳情
食評 (26)
本人首次食呢間“五十嵐日本料理”，雖然見佢價錢平都唔會抱太大期望，只係冇諗過啲職員服務奇差，以今時今日既服務水準，我真係佩服點解呢間野仲可以存在仲未執。其中一女職員態度惡劣，言語粗魯。而另一男職員上菜時連湯都整瀉。仲要一句道歉都冇，唔粗口問候番個職員，我都覺得先己點解會忍到。仲要叫凍咖啡黎杯凍奶茶算咩呢？一樣都叫凍就可以拎比人架啦咩？定連咖啡奶茶傻傻分不清呢？總之，就算一間商場食肆都唔應該咁做生意囉。以後都唔會幫親呢間野。
繼續閱讀
好耐無幫襯五十嵐, 早兩日經過, 入去食個午餐。餐廳地方寬敞, 裝修尚算 ok, 牆上嘅掛畫好有和風 feel. 午餐點了和風牛肉便當, 個便當超級大份, 好多牛肉, 加了洋葱條及醬汁, 味道 ok, d 飯 "爛" 左少少, 份量多到食唔晒, 仲有 d 菜煮得比較黃, 好油膩, 見到都怕怕, 味增湯好鹹, 飲兩啖已經唔想再飲, 餐飲要了凍金桔檸蜜, 都頗甜。成個餐我最欣賞就係果兩粒草餅, 綠茶味, 獨立包裝夠亁淨。 以前都覺得五十嵐嘅食物多油又鹹, 而家都係, 真係一成不變。
繼續閱讀
黎到葵涌邨做野....無乜選擇見好耐無食三文魚頭呢個餐又咁平所以就試下都等左好一陣時間先上餐三文魚頭係有炸嘅....我諗唔到...有飯有飲品$36算係咁啦！底下都有唔少菜 仲有粉絲豆腐....呢個晚餐唔錯
繼續閱讀
煎蛋轉炒蛋，加兩蚊，絕不合理，仲炒到狗屎咁核突面無味又煮到過晒火，漢堡扒臭的，過期味道，牛油亂咁搽，無一樣嘢好，根本 唔識做港式早餐做返日本嘢仲好， 不過我食過日本嘢都平平無奇冇嘢值得讚賞，做下商場仔就得，出唔到大場面
繼續閱讀
打工仔生活為兩餐, 午餐時間想食日本嘢, 今次行左去葵涌村的"五十嵐".其實都唔係第一次食, 貪佢唔太貴, 而最重要係滿足到我食想日本嘢的欲望.今次選擇左個粒粒魚生飯, 連日本茶. 以性價比來說, 真係超值! 魚生鋪滿飯面,新鮮好食, 日本飯粒粒分明! 同行朋友點左個日式雞扒飯, 熱辣辣, 好脆好靚.
繼續閱讀