二鍋頭 (福苑)

營業中

休息中

秋風起，真係會特別想打邊爐食火鍋架！！！所以呢晚又同左個朋友去食火鍋放題朋友介紹我黎呢度，因為除左有火鍋之外，仲可以以一個價錢食埋雞煲、鴛鴦鴨煲同黑椒豬手煲三款煲之中，最搶眼既一定係呢個火焰鴛鴦鴨！！！店員會即場倒入米酒然後點火再炒勻，氣派十足之後我地要左香茜皮蛋同番茄薯仔鴛鴦鍋做火鍋湯底除左有得落單點上各類既火鍋配料之外，店內亦有自助區自助區主要提供不同既蔬菜菇菌同丸類整體嘅火鍋配料質素都合格， 混合左墨魚糕嘅手打墨魚滑都可以任食添雪糕雪條同飲品都可以自己任意拿取除咗有不同嘅罐裝汽水果汁，仲有呢啲細細支嘅茶飲飲品，選擇都唔少，店員都好友善添架

平時先食雞煲後火鍋既放題食得多，但呢度除左雞煲之外，仲有埋鴨煲同豬手煲食！！！餐廳係二樓，分開左右兩邊，場地都幾大幾多位我地大概六點半去到，已經有一邊坐滿左，大概到七半半左右直頭滿座咁濟平日真係唔多地方有鴨煲任食，呢度既鴨煲仲要好足料！！！除左鴨煲之外，我地仲試左個豬手煲豬手煲以黑椒香味為主導，炆得非常入味火鍋部份有多款湯底可以揀我地見食完濃味既鴨同豬手煲，所以就揀左個清清地既香茜皮蛋煲做湯底可以任食既肉類肉質都唔錯，特別推薦香軟帶有微微羊騷既羊肉片而店內後方亦有不同既蔬菜同火鍋配料可以自行夾取朋友最愛食既炸魚皮同响鈴都可以自己夾返去飲品既款式選擇都幾多最後當然唔少得食返杯雪糕做甜品啦

朋友相聚，信義妹就最鐘意約去任飲任食。價已定，又可以瘋狂地食，又可以狂飲，一起瘋狂一晚吧！今次揀二鍋頭唔係淨係純任飲任食邊爐，仲有任食煲，一次過可以滿足幾個願望。任食煲有 二鍋頭惹味雞煲 ， 火焰鴛鴦鴨煲 和 黑椒豬手煲 。 我地先食咗雞煲，件數都多呀～～～ 味道香濃，雞件滑又入味～ 再來黑椒豬手煲，呢個相對比雞煲更濃味，帶微微黑椒的香辣，配埋啤酒就更一絕啦！食完煲就打邊爐啦～ 各類湯底都有齊，由清淡到濃味既都有。適合大眾口味的芫茜皮蛋，沙嗲，蕃茄薯仔，清湯豆腐都有。而喜歡濃味的可以揀川椒麻辣，泰皇冬蔭功，豬骨煲和滋補藥膳鍋。天氣漸涼，就揀個滋補藥膳鍋啦～～～ 藥材味濃，感覺潤潤的啊～配料都多樣化，豬，牛，羊，雞，鴨，海鮮，內臟等等都有齊。特別係牛，我地不斷ECNCORE呀～菜類，麵類，丸類，菇類就可以到自助配料吧選擇。選擇都比想像中多，豆卜，山根，響鈴，娃娃菜，生菜，腐竹等等。大家都係睇相啦～ 太多了不能盡錄～ 飲品方面都會有汽水，啤酒各樣，信義妹最鐘意既就一定係有清涼爽啦～～～～ 清下熱氣又再食過～～～ 哈哈哈～～ 最後就記得食埋飯後甜品啦～ 有雪糕雪條自助拎，有榴槤雪條啊

最近天氣轉涼開始有D秋天意識，最好就係食D暖身暖胃既食物。鷄煲、羊腩煲、火鍋等等絕對係首選。有咩岩得過呢3樣野可以一齊食？最近同朋友去左旺角既【二鍋頭】，主打各種煲同鍋。最basic既價錢係已經包左3款煲：鷄煲，鴨煲同豬手煲。另外如果先食羊腩煲可以選擇貴少少既價錢。3款煲任食完之後就可以開始打邊爐（開始打邊爐之後就唔可以再食煲，所以記得食夠煲先好開始邊爐）。飲品同甜品都係任飲任食。 鷄煲：可以選擇辣或唔辣，唔會只係俾D骨位，有超多鷄翼、髀位。調味好夠，又唔會太鹹。肉質幾嫩又唔柴。但碎骨比較多。 豬手煲：係黑椒調味，味道唔會好鹹，但好香。但皮唔係炆得好霖。如果鍾意食豬皮同lun骨係唔錯。 因爲我地兩個都怕太飽，所以食左兩個煲就食火鍋啦。2-5人一個湯底，6人或以上可以選擇兩款。我地今次就試左滋補藥膳湯底。肉類，海鮮同餃子就要用紙點，其他蔬菜，丸，腸仔，豆類製品等等都可以係外面自助區任攞。 滋補藥膳湯底：藥材都好多，湯底清淡但唔會無味，好適合天氣乾燥既秋天。 肉都ok，但每一次分量都比較少，同部位唔同，所以睇下你好唔好彩，quality都有唔同。 食材上既添補都好快，基本上轉頭就會加D新既

天氣清涼，成班friend又出咗旺角打機，跟住梗係食雞煲打邊爐啦！佢哋鍾意去二鍋頭，平靚正！任飲任食2.5小時，幾十款食物任你揀，任食雞煲、鴨煲、豬手唔使加錢，性價比高。一坐低店員已經有禮貌地叫我揀咗食乜嘢煲，然後很快上菜，食完仲會問你添食什麼，一啲都唔會慳.二鍋頭惹味雞煲侍應哥哥現場開火炒幾下，然後等一陣就食得，雞肉都幾鮮嫩，大大件又多汁，辣度可以自由選擇，辣啲就刺激啲，勁好味。食完辣野就梗係要飲番啲汽水啦！冰爽清涼又解渴。成個雪櫃任你拎，勁正！黑椒豬手煲唔想成日淨係食雞煲咁悶，一於試埋個豬手，黑椒汁勁惹味，少少辣香噴噴，骨膠原充足，以形補形，炆得軟腍入味，口感有彈性。滋補藥膳鍋湯底滋補藥膳鍋可以當湯飲，先飲一碗，少少藥材味，夠晒滋補又保暖，有益健康。好啦差唔多時間打邊爐，有自助區可以攞嘢食，丸丸腸仔午餐肉烏冬魚皮，想食幾多就拎幾多，我就好少食菜嘅，打邊爐就食少少啦！任叫任食嘅火鍋配料都唔輸蝕，牛肉當然唔會放過啦！美國肥牛、鮮滑牛肉、牛肉味濃郁，口感豐富。鮮蝦雲吞、墨魚滑、海鮮類都幾多嘢食，肉質彈牙，最緊要新鮮。最後仲可以食埋甜品，雪糕雪條，完美啦！

旺角雞煲大滿足天氣開始涼涼地，即刻想滾兩滾，平時呢間假日好多人，趁今日平日即管去試吓環境：平日去都爆場，但坐得都舒服闊落，冷氣夠，勝在交通方便，地鐵站一上就係前菜：必食雞煲，首先雞件好多，我同太太兩個人食食唔晒，雞好滑同埋唔會死咸，調味啱啱好，有一樣野一定要讚，平時食雞煲食完會拎返個煲嚟打邊爐，之後會好油，但呢間就會成個鍋換，值得一讚火鍋：我哋揀咗豬骨湯底，個鍋好大，入邊啲配料都好多，大大嚿豬骨喺入面，好夠味火鍋配料：響鈴炸魚皮，自助吧任拎，出去食好少有得任拎響鈴，今日總算過足癮，響鈴同魚皮浸湯既硬度恰當好處，因為有時會太林或者太硬，這兩樣放湯度浸2秒啱啱好，咁就食到最好既口感肥牛：上枱時都紅潤，新鮮度不過不失，最少唔係啱啱冰箱攞出黎仲要解凍嗰隻，食落都幾重牛味，唔會太肥丸類：普遍大路野都有齊，都係喺自助吧度任拎，值得一讚嘅讚款式多，竟然有燒賣腐竹腐皮，味道都係不過不失，平時會食到嘅味鮮蝦雲吞：呢個值得一讚，首先咬落去蝦既比例佔咗八成半，好爽口，皮夠薄，落湯浸都唔會散開，呢個冇得任拎，要order菜類：款式都有六七種，都算新鮮，同埋補得都幾快仲有我最愛嘅午餐肉加出前一丁，午餐肉夠厚切，

上次同朋友已經去過一次尖沙咀店，今次喺旺角行完街，秋風起涼涼地，咁啱抬起頭見到有間二鍋頭😆就二話不說再去食啦。平日每位$218餐牌上有d要加錢既野食，不過其實免費都已經好多選擇👍🏼佢呢一層係兩間舖打通，所以丸類，麵類同埋蔬菜🥬行幾步路去隔離食物自助區👍🏼先講雞煲，真係好惹味😋本身怕辣叫咗少少辣，但原來都唔辣既😆下次可以叫少辣或中辣。雞煲二人份量來講，都算好多。醬汁好惹味，而且雞件都幾滑同有雞味。值得讚一讚係湯底，最近食咗好多熱氣嘢，所以嗌個清清地豬骨湯，湯底好有驚喜，大大嚿豬骨，好香好入味👍🏼食物方面，其實同其他火鍋店大同小異。呢間店既肥牛值得一讚，唔會好多肥膏脂肪，又有牛味，有驚喜👍🏼另外佢嘅雲吞，泡菜餃子🥟都幾好食😋可以一試。最後甜品方面，有雀巢雪糕，但我鍾意佢有呢隻泰國牌子既雪條😂有榴槤味，椰子味，紅龍果味。如果鍾意食榴槤，超級推介榴槤味😋我一個人都食左兩條😆總括而言，呢間任食火鍋值得推薦，餐廳環境舒適，冷氣夠大唔會好熱👍🏼

同朋友慶祝生日，佢話想打邊爐，我就預早訂好位，同佢黎食呢間又可以食雞煲又可以打邊鍋既二鍋頭。因為之前食過一次，覺得性價比幾高，所以今次再encore我哋唔算好大食，叫咗個雞煲就算了，下次嚟好想再試下佢個豬手煲！打邊爐係任飲任食嘅，點菜紙上邊主要有唔同嘅肉類及海鮮等等，另外亦有食物自助區，提供了各種蔬菜、丸類、炸魚皮及出前一丁等等，選擇很多！飲品都係任飲嘅我哋叫嘅豬骨湯底，入面真係有一夠非常之巨大嘅豬骨湯底清甜，打邊爐一流平時打邊爐成日都食美國肥牛，但呢間提供左新鮮牛肉片，個人比較喜歡鮮肉片嘅口感同味道！除咗肉之外，佢嘅海鮮類都不錯，海蝦肉質爽彈鮮味，蜆肉冇沙及味道鮮甜，放題黎講質素算係不錯！

相信唔少人都鍾意食雞煲同打邊爐，但又唔想用食完雞煲個醬汁做湯底去打邊爐，我本人就係其中一個。今次發現呢間餐廳原來可以食完麻辣雞煲之後，再選用自己喜歡嘅火鍋湯底去打邊爐，完全啱晒我心水👍🏻👍🏻原來除咗雞煲之外，仲有鴨煲同豬手煲都係任食，啱晒大胃王！不過我哋唔係太食得多嘢嘅，就食完個雞煲之後就轉火鍋，今次同阿爸阿媽一齊食，就揀咗個比較大眾口味嘅豬骨鍋雞煲好快就送到黎面前，雞肉大概係八成熟，放上電磁爐加熱後再炒香就可以食。醬汁嘅麻辣程度恰到好處，非常惹味，連唔食得辣嘅阿媽都話唔錯。食完雞煲之後就開始打邊爐，除咗可以喺紙上邊點菜之外，外面仲有一個區域可以自助拎火鍋料。自助區都係比較大眾化嘅火鍋材料。豚肉及肥牛等雖然不算用料上乘，但放題來講品質算合格。寫上餐廳專用嘅出前一丁，麵質冇咁易變淋，外面想買都買唔到

同朋友喺旺中行完街大家都好肚餓所以想食啲任食又坐得耐嘅餐廳😌見到好多人都話呢間好抵食我地就二話不說就去咗餐廳😙一坐低店員就問我哋之前有冇黎過 冇嘅話就會介紹一次佢哋餐廳嘅安排 店員解釋得好詳盡而且好nice☺️第一輪我哋食咗雞煲先 因為我同朋友都唔算大食所以就同店員講要半份 費事食唔到之後想食嘅嘢🤪🤪雞煲黎到之後店員會幫我哋炒兩炒先之後就食得啦 每舊雞嘅size都好平均而且啲肉都幾滑加上個醬汁成件事好好味😍食到一半仲加咗烏冬同埋啲菜落個雞煲度啲醬汁索曬入去好好味😋食完雞煲我哋順次序食火焰鴨煲 本身麻麻哋鴨所以對佢期望唔係太高 但點知幾好食喎應該落咗玫瑰露 所以成個煲都勁香 呢個煲除咗鴨之外仲有啲腐竹呢個不得了我同朋友搶住黎食😂😂啲醬汁入晒去 每食一條就好似飲咗一啖汁咁重口味人士一定要試下😆第三輪食黑椒豬手煲叫嘅時候店員好細心同我地講係會有少少辣🔥呢個真係好重黑椒味每舊都都有肉食唔會剩係得骨整體黎講都唔錯😙食完三輪加上攞咗啲邊爐嘅配料放入雞煲同鴨煲入邊已經好飽😂😂我哋最後攞咗兩個甜品總結呢一餐啦😆

任飲任食兩小時 $198今次同朋友黎食多次 因為上次食完覺得幾抵食 地點又方便等地 所以就帶左朋友黎食啦🥰我覺得佢呢到最好食既係雞煲😆 好多時出去任食個雞煲都只係食一次 之後就要加錢 但佢地呢到係可以不斷比你任食 食到你飽為止🤣🤣 除左雞煲，佢地仲有提供鴨煲、豬手煲同打邊爐🥰 同埋佢地每次都會換一個新煲比我地 感覺上都比較衛生同新鮮啲！👍🏻👏🏻我地今次叫左雞煲、鴨煲同豬手煲。最鍾意都仍然係雞煲 雞煲既醬汁非常惹味可口😚 而且雞既份量都唔少又嫩滑！👍🏻鴨煲就比較特別 上枱後仲點一點火 令到鴨煲更加香😌豬手煲比較辣一啲 因為你黑椒汁做底～ 但啲豬手都好好食😋 夠淋又入味👏🏻 而且重點係無乜毛！！ 所以呢個煲都令我感到非常驚喜😚食完呢三個煲 我地已經好飽同無時間食佢地既打邊爐😂

聚會環境都好緊要環境闊落坐得舒服😌食物質素都唔差任食嘅價錢黎講，呢間其實算好抵任食火焰鴨煲仲可以無限加鴨肉真係夠入味，而且又多肉食完就可打邊爐，留肚食多點！有好多款湯底，一定有款自己鍾意可以自取配菜，選擇夠多唔會少生菜、娃娃菜、西洋菜等等都有，仲有魚皮～仲有好多海鮮、美國肥牛，都係自己用紙佢會根據人頭去安排份量推介呢度嘅肥牛同埋豚肉都唔錯夠牛味而且切得啱啱好每次食完先好嗌啊，因為佢哋上菜都快飲品同雪糕出面自取打完邊路滿足之後仲可以食埋甜品雪糕味道食一食香芋味道🙈

屋企人見我最近成日都出去食好野叫我推介一間好味嘅放題想食得多啲試吓唔同野就揀咗呢間環境闊落選擇多，就去呢間記得可以預先約，咁樣收工都唔怕無位所言鴨煲酒香味濃郁，再加上料都唔少食完之後就可以打邊爐啦！打邊爐媽媽要藥膳湯底，選擇嘅配菜都好多有個自助區可以自己攞嘢食，蔬菜等等都係任食居然有白鱔，新鮮又正，食好多次！美國肥牛、仲有羊肉都可以試，肉類選擇多同埋都夠新鮮好味，當然海鮮都可以食帆立貝、魷魚🦑任食雪糕選擇多我就食咗雀巢嘅雲呢拿雪糕，畫上圓滿的句號

難得同中學同學聚會其實聚會黎講嘢食豐富最緊要任食最好唔洗煩，食乜都可以見到呢間抵食又唔係好貴所以任食雞煲、黑椒豬手煲、火焰鴛鴦鴨煲樂園單之後好快就有熱辣辣嘅煲上黎濃郁酒味同埋啲肉都好滑任食任加不過我就食唔落咁多啦，留番啲肚打邊爐食藥膳湯作為邊爐湯底有藥材喺裏面不過又唔會蓋住食物嘅味道美國肥牛任食，食多幾盆都抵牛肉即叫即切，唔會話水準好差仲有我鍾意嘅鵝腸等等，餐廳有好多配料都可以食，海鮮都係任食啊蔬菜有個自助區可以食，要啲乜嘢去嗰邊攞就可以！服務態度好同埋上食物都好快手，加分！仲有雪糕可以食

首先講吓個地方，店員都好好安排咗卡位俾我哋，不過一張卡位真係完全唔夠四個人放上食物🙈基本上放完兩碟野就已經冇晒位😖-跟住就到雞煲，要講一講佢嘅上菜速度，基本上每換一轉雞煲都要等10分鐘以上，淨係等換煲都已經等咗20至30分鐘🤦🏻‍♀️所以建議大家差唔多食淨一半就好叫換煲喇🙈順帶一提，我覺得佢哋嘅雞煲太過鹹，而且叫咗辣都覺得唔夠辣😖不過要讚一讚，佢哋每一次加雞都會換新煲👍-食完雞煲就直接打邊爐，等打邊爐嘅湯底又係等咗差唔多10分鐘🤦🏻‍♀️係好漫長嘅等待😖跟住佢嘅火鍋料其實質素都麻麻地，除咗牛肉同白鱔片係ok之外，佢嘅豬肉係冇味嘅🙈跟住到海蝦，見到啲海蝦都完全唔敢食🙈因為佢哋嘅蝦頭全部都變晒做橙色🤢仲要蝦頭同埋蝦身係分開，望落梅哂，完全唔敢食呀🤦🏻‍♀️跟住佢仲有火鍋自助區，入面有蔬菜、丸、腸仔等等，隔離仲有魚皮、響鈴同埋公仔麵、烏冬🙈魚皮真係好驚嚇，因為全部擺到淋哂，佢淋嘅程度係即使放咗落啲雞煲入邊，都救唔番，好似香口膠咁好難咬🤮🤮仲有就係烏冬，應該擺咗喺雪櫃太耐，唔新鮮，雪到乾哂🤮可以見到一餅烏冬入邊係分咗做兩個Texture😖