影片
大熱天胃感覺怪怪的，軟軟的又像很多氣裏面，决定來個辣的午餐醒醒胃。上水泰國菜好像選擇不多，“二妹”剛好在我的路線圖中，决定一試，只有一個人，又不想吃set, 點了一客冬蔭功湯，及一客肉碎生菜包。冬蔭功湯很不錯，可以再稍辣一點，肉碎生菜包要加個贊，肉碎其實味稍淡，但我喜歡加點魚露+辣椒醋，這樣配起來剛好，最重要是生菜的選材超贊，新鮮牛油生菜，整塊完整鲜脆，👍，老板沒欺客，小店地方也清潔，希望老闆能保持這樣有heart 哋做。建議照顧單身客，目前冬蔭功湯細的也是2人份內有4只蝦，再設個1人份的就更好了，不用浪費價錢也可優惠點，不然再加點一道菜及飲料就有點貴了。加油！
繼續閱讀
太太早兩日一個人食飯，去咗食泰國嘢，佢返嚟話好好食，那麼我就一個人今晚去試一下。今天我叫了金不換炒金邊粉食我以為金不換會是辣的，但原來不是。金邊粉，入有啲配料，有菜，蘿蔔，豬頸肉同雞蛋炒埋一齊，份量都幾多，金邊粉係乾炒唔係濕炒，炒係上黎都幾乾身，菜的份量都幾多，主要係芥蘭，豬頸肉脆脆的，應該是有煎過的，蛋絲也成為一個點綴，但等的時候較耐，大約等了15分鐘才有。在差不多食完之際，店員奉上一小碟甜品，看樣子似是椰汁大菜糕，大菜糕不是太甜，椰汁味夠，感覺上遠有少許椰子肉。
繼續閱讀
真係好耐無食過泰國野啦，因為之前病左兩個星期，唔敢食辣野，今日襯老公唔返黎食飯，個女又去左爺爺度，我就一支公周圍遊。去左屋企附近既泰國餐廳，餐廳裝修都好有泰國特色，侍應都似喎！叫左泰式海南雞飯，$62，相對其他餐廳，都有少少貴，雞肉好滑，骨不太多，雞皮都唔多，雞飯方面，唔知係咪泰式呢，同新加坡既差好遠，新加坡𠴱d比較油，但呢個唔係油，係香，有飯香味！寡寡地想食d菜我就叫左碟菜自己享用，我叫左個馬拉盞炒通菜，通菜唔係好多油，幾好味，馬拉盞唔辣，好有泰國嘅風味！菜上面有幾多花生碎，都幾有咬口，如果想食辣，仲配有2隻辣椒仔tim！想去食既要留意，逢星期一都唔開架！
繼續閱讀
自從水貨為患，已有好一陣子没去石湖墟了。今天即興與朋友吃飯，提議到石湖墟走一轉，看看變成怎麼樣。 水貨依舊，人面全非。為上水引入第一個雞煲的香島茶餐廳，已經變了一間泰國菜館。泰國菜館沿用前茶餐廳的間隔，感覺豪不陌生。 餐廳雖小，五臟俱全。各款泰菜都有供應，除了散叫，還有套餐可選。 象啤 $30 先來個泰國象啤，$30一大枝，價錢不算貴。 生菜包 - ★★★☆☆ 生菜包辣中帶酸，開胃、惹味。如果可以辣多一點，味道會更好。 生菜還算新鮮、爽甜。 芝士蝦球 $68 - ★★★★☆ 熱辣辣的炸蝦丸外層香脆，粒粒蝦肉起膠、彈牙。芝士份量未到超多，但可以拉絲，也夠足料。這道fusion泰菜，讓我們愈吃愈開胃。 咖哩海南雞 - ★★★☆☆ 黃咖哩香濃中帶點辣，用來送飯／沾薄餅最適合不過。海南雞皮蠻薄，雞味濃郁，沾咖哩汁吃很惹味。若薯仔先輕煎，相信能為這道咖啡海南雞增添口感。 薄餅 - ★★★☆☆ 酥皮薄餅帶有淡淡椰香，用來點咖哩確實不錯。但略嫌不夠酥脆，否則就更惹味。 没想到在上水能吃到有水準的泰國菜。雖然價錢比外面的貴約10-15%，但不用出城可以吃到好吃的泰菜，絕對值得推介。
繼續閱讀
普通一碟生蝦刺身 夠膽死收得貴過出面之餘，又勁少，又難食。 無下次，完全中伏，D青菜炒到勁鹹。本身經常會食泰國菜，呢間係數一數二既差! 開既位本身都難搵，鋪租都無大馬路果d咁貴啦， 收咁既價錢，咁既食物質素
繼續閱讀