二撇雞

營業中

休息中

睇左Social Media介紹 順路去試 中午過後仍需排隊 等了10分鐘入座 我哋兩位叫了熔岩凍豆腐 估唔到好有驚喜 辣度剛好 大熱天時冰涼快感 ，吊你引小鍋米線 相等於雜錦有很多餸大冬菇 蟹柳 雞肉 豆卜 拳頭大的雲吞 大隻蝦豬肉夠味 😋酸菜酸甜度很不錯 😋二撇雞米線 雞夠淋滑 一般吧！ 再來一個炸豬扒$28 大大件 夠酥脆香香 正 👍 只接受掃二維碼落單 對長者有點難度😅埋單只接受八達通及現金.

收藏咗三年終於食到呢個出名雞湯米線🥹特登同朋友11:45pm嚟，避開人潮，唔洗等位▶️ 黃酒藥膳雞 ($59)勁足料大碗滿滿紅棗、黑木耳、花旗參、蟲草花🥰藥膳味感覺滋補養顏，帶天然甜味湯底金黃，黃酒味勁重，正🤩令人想飲曬成個湯底轉上海麵 (+$3) 麵條雖幼，但咬落煙韌彈牙，而且十分索湯雞件啖啖肉無骨，有鮮雞味，食落唔算太嚡🐔肉量仲好多，滿足到protein需求💪🏻-完全達到我嘅期望😍食完仲想返去食多次我試咗朋友個沙薑雞米線，沙薑雞調味唔錯，肉質比起雞件更加滑，仲有海南雞啲啫喱米線質感Q彈🍜環境坐得舒服，佢有兩個舖位服務態度幾好，姐姐有禮貌☺️唔收加一，性價比高，絕對值山長水遠過嚟食❤️‍🔥

今天來到駱駝漆吃午飯，看見很多人排隊，所以便跟著排隊吃飯。重慶口水雞的醬汁調味平庸，麻辣香氣不足，味道偏咸而不辣。雞肉雖嫩，但完全未充分吸收醬汁風味，整體吃來乏層次感，口感一般，與正宗川味相比之下顯得平淡。加咗2粒雲吞，只能够說是過下心癮。招牌海南雞飯的雞肉口感尚可，但未達滑嫩多汁的標準，油飯香氣適中，缺乏雞油與薑蒜的濃郁滋味，搭配的醬料也中規中矩，整體無驚喜。兩道菜雖然不難吃，但無記憶點，性價比一般。

我知道大家應該都已經聽過呢間嘢好耐，但因為次次經過都大排長龍，所以而家先食到🥹但真係驚艷到我🤤⭐️生滾花膠雲吞雞米線 $88超足料！雲吞好似拳頭咁大，仲要有成三大粒，每粒入面都有蝦同豬肉，皮薄餡靚，完全冇肥豬肉，唔係「揸流攤」，基本上食咗兩粒雲吞已經飽🤣花膠都俾得好大方，碗碗都有兩大塊～ 啲雞肉好淋好滑，就算係雞胸位都係好滑，份量都多！米線係幼身嘅，食落好滑，仲要非常掛汁。以為咁已經好高質，試埋個湯底先驚為天人，實在係太入味啦！一飲就知係真材實料，用咗好多隻雞同埋材料煮出嚟，鮮甜又唔會好重味精味，忍唔住係咁飲🤤仲加錢配咗枝無糖黑豆漿，真係完全唔甜，而且黑豆味濃郁。食完米線再飲返啖，你話唔正呀！🤣📍二撇雞 (觀塘)觀塘開源道60號駱駝漆大廈第三座4樓O室#米線 #九龍美食 #觀塘美食 #駱駝漆美食 #alwaysgugu #gugu #hungry #粉麵餐 #美食 #香港美食 #food #hkfood #foodhk #foodie #foodiehk #hkfoodie #花膠雞 #打卡美食 #打卡餐廳 #打卡好去處 #香港打卡 #香港好去處 #雲吞雞 #假期好去處 #情侶好去處 #

流心醉蛋：有花鵰酒味，蛋汁流心招牌花膠雞湯花膠雲吞：有蝦雲吞特大，如網球般尺寸大，花膠三件，還有滑雞件，味道4分(滿分5）。女士食好大碗。還試了「失傳的豬扒」好脆好鬆軟，入口鬆化。整體4分

Chef Ecy’s Dining Experience:🥰 Food | Service | Price | Easy Access | Wheelchair | Easy Parking 🙂 Ambience😠 Pet Friendly | Cake Cutting Fee | Corkage Fee | Restroom CleanlinessThis small restaurant is located in a commercial industrial building in Kwun Tong (駱駝漆大廈). They serve mostly noodles with soup but also have chicken rice and pork chop. Their chicken soup is amazing good and the portion is very generous too. I ordered one of their signatures Wonton chicken with fish maw and it comes wit

之前逛駱駝漆，已見識過佢既人龍，心諗真係咁好食咩？睇過食評，都幾多人讚，所以 bookmark 咗搵日去試。店家話只休星期日，咁勞動節係假期，但5係星期日，應該會營業吧。。。於是照殺過去碰碰運氣。去到係11:40，竟然無人排隊，以為店家休息。好彩行近d望，係有營業。我地係主舖坐，裏面坐1/2 人。店員服務都幾 nice，5會似d 店舖出咗名就態度差。我地2條坐咗4人枱，全程都係我地2人坐，無人來搭枱，5知係咪假期就少人來？？！！我地掃碼，點咗2個米線+1樽飲品：1. 花膠竹笙雲吞米線 ($62)：米線如其他食評所講，係比較彈牙。如果鍾意食淋身就5好叫米線，可以叫米粉 or +$3轉上海麵。花膠size 真係5吝嗇，5係碎碎 or 薄片，真係可以夾起慢慢咬。竹笙也算大條。雲吞比粉面舖大粒，而且入面有2-3隻小蝦肉，好味架，難怪見到食評話雲吞係值得食。2. 花膠濃湯雞米線 ($69)：湯底又5算好濃郁，不過都ok。米線份量適中。雞就分開上，雖然大部份係雞胸，但5算嚡身。而雞本身醃過，係咸咸地，幾好味～3. 低糖黑豆漿 ($6)：散叫就$9，但有叫粉面再加叫，就$6。佢樽身招紙話係香港製造，

呢間我知道一直都人氣好火爆，最誇張嘅係lunch time 12:05已經排緊隊😅見到咁大陣仗，就令到我更加期待碗米線到底有幾好食😂今次同朋友試咗兩碗，一碗係招牌嘅花膠雲吞雞米線，我真係俾佢個份量嚇親，勁大碗！啲米線多到呢！雞又係勁多，好似差唔多有10舊😅雲吞有三大嚿，每一嚿都差唔多女仔拳頭咁大😅花膠都有三大片，真係好離譜😂講完個份量啦，認真講吓佢嘅味道，真係好好食，雲吞啖啖肉，一舊雲吞好似有蝦家族喺晒入邊咁😂花膠都食得出，唔係用最cheap嘅花膠至於雞，真係估唔到咁嫩，因為好多時米線嘅雞肉，都係好嚡嘅！好好食！佢個湯底更加係冇得頂，勁濃郁，米線亦都好滑好彈牙，真係諗唔到有啲咩嘢即刻彈佢😂另外一碗，黃酒藥膳雞米粉，又係啲雞多到嚇死人，好香嘅藥膳味！雞一樣都係好嫩滑！另外有叫到個紅油抄手，佢係用返拳頭咁大嘅雲吞去做，而佢啲紅油真係好香，唔係得個辣字！叫咗個無糖黑豆漿試吓，呢個就普通咗少少整體嚟講，諗唔到有咩缺點，唯一一個缺點可能就真係會食完超級飽，同埋食唔晒

喂！大推！多謝同帶我嚟觀塘食lunch！由於呢間星期日唔開，平時都唔做晚市，所以要lunch嚟排隊。不過絕對值得排！我推薦「生滾花膠雲吞雞」，雲吞拳頭👊🏻咁大，有豬肉有蝦；個湯勁好飲，完全唔係平時飲完會頸渴嗰啲，係鮮甜，咁大嘅米線碗，我都飲曬；雞肉已去骨，唔鞋口份量頗多；佢嘅米線🍜偏幼身；呢個一般女仔食唔曬嘅份量，$88係值。怕食唔曬，可以跟朋友點「花膠濃湯雞米線」，雞會分開手另上，好似海南雞咁。「失傳已久的豬扒」係偏向鬆軟嘅豬扒，同樣唔鞋口，但脆度唔算高。誠意推介比大家：觀塘嘅「二撇雞」！

一直人氣不減的雞湯米線店😋今日係平日，不過咁岩係12點左右lunch hour,一去到就見到門口條人龍了。好彩我係一個人，好快就有位比我攝😂駱駝漆呢度有2間好有人氣既雞湯米，兩間都唔錯既。距離我上次食都大半年啦，上之食應該係胡椒雞湯，今次就試下花膠雞先（本人不好花膠😅）,排隊其間仲聽到人話最鍾意佢既雲吞雞，所以特意加一粒（$8）試下先😆呢度網絡收得比較差，落單掃code都需要load一陣嗌左花膠雞濃湯米線+一粒雲吞+低糖黑豆漿 （一共$83）先講湯底，咸淡適中，有一啲啲濃稠，係骨膠原既感覺，哈仲有幾舊湯匙大小既花膠，夠淋又冇腥味，對於唔好花膠既我黎講，覺得幾好食👍而雞就唔使多講啦，整得非常嫩滑，冇雪味，冇雞腥味，好食👍👍👍而$8一粒既雲吞，真係非常驚喜，大大一粒仲係落足料，唔怪得係熱門之一。成餐lunch都好感足，仲係好養生既感覺，哈。只係實在多人，我剛剛放低筷子，店員就立即收起😅好匆忙嘅感覺呢。

喺觀塘想食米線，就會即刻諗到二撇雞，花膠雞湯湯底和味精飲完唔會口渴，配上米線暖身。首先講咗佢個雞件先，雞蛋雞皮好爽口，本身自己唔食雞皮，但係呢個雞皮彈牙，忍唔住食多幾啖。米線都好爽口，加埋湯底會食唔停，呢間餐廳嘅份量都比較多，女仔食完都好飽。

@brotherchickenhk📍二撇雞觀塘開源道60號駱駝漆大廈第三座4樓O室🌸🐔🍜花膠雞濃湯 米線 $69+🥛無糖豆漿 $5🤤🥘吊你癮小鍋 米粉 $66 (加底 +$3) 🐖🥩失傳已久的豬扒 $28平時好抗拒去觀塘嘅女朋友，今日放假過黎觀塘搵我拍拖🥰仲搵咗佢想食嘅米線😋女朋友話原來未去過觀塘嘅駱駝漆工廈食野🤣但對於喺觀塘蒲開嘅我，發現原來駱駝漆仲有好多餐廳未試過🤣今次又發掘多一間駱駝漆嘅美食😋首先我覺得呢間米線餐廳嘅優點係唔止可以狠米線，仲有米粉同上海麵可以揀😆雖然我都鐘意食米線，但我更鐘意食米粉😋咁呢間餐廳就滿足晒我同女朋友嘅口味😍花膠雞濃湯幾清，入口好舒服嘅感覺🤤而米線比較彈牙，我個人就pefer冧身啲，但女朋友覺得好食😆吊你癮小鍋好豐富，有雞肉、雲吞、豆卜、冬菇、蟹柳、酸菜，湯底有小小酸辣，但甜味比較重，我同女朋友都好鐘意個湯底🤤但我覺得如果酸辣味再重啲就更加惹味😋炸豬扒超大份🤤啖啖肉嘅表面共有薄薄嘅粉漿，但我地就食唔出失傳已久嘅特別之處喺邊🤣不過都值得推薦，性價比勁高😆#bunnytummy_九龍#bunnytummy_觀塘#bunnytummy_米線#brotherch

今日去開觀塘，又咁啱約到喺嗰頭做嘢既朋友去食lunch，朋友就推薦咗我去一間位於駱駝漆大廈三座一間專賣雞既小店度食。去到大約11點尾仲未肚餓，大家就行吓駱駝漆大廈先，見到有啲以前有既店都執咗，不勝唏噓。平時行街見到有啲店舖執咗都唔會太覺，但喺駱駝漆大廈啲舖頭咁密佈既地方，分別就好明顯。行到大約12點鬆啲返去二撇雞就發現大鑊，成條長龍有幾十人已經排緊隊，好彩係原來佢有兩個舖位，條龍都算去得幾快，排咗大約半個鐘就到。排緊隊嗰時聽朋友講哩間舖係疫情時開，老闆係幾個當時喺酒店做既廚走出嚟開，主打係經濟實惠，賣既係實力。好，要鐘意就係試啲真材實料!門口有簡單餐牌，有幾款招牌菜, 第一次試既朋友可以試吓哩幾味先:我同朋友各自點咗一份黃酒藥膳雞米線同一份重慶口水雞米線:黃酒藥膳雞米線湯底好濃，質地已經煮到有少少黏，再加上黃酒同中藥材冬天食好啱，但較重口味既人會大略嫌中藥味唔夠濃。米線質地綿密煙軔，同某啲連鎖大牌子米線店真係差幾皮。雞既肉質厚實但又滑，有一半以上係雞肶肉。重慶口水雞米線既醬料同出面食既口水雞醬有些少分別，比較少麻辣而偏甜，鐘意邊種睇個人口味。我朋友+$13蚊轉哂雞肶肉，所以總價錢係$6

今日同朋友去咗觀塘駱駝漆工業大廈買化妝品, 見到隔離間餐廳好多人排隊 ，應該唔錯 ，所以入咗去試 佢餐牌上寫明係不加味精 。我哋每人嗌咗一個米線 冇加一服務費. 麵線煙韌 有口感 ,湯底用上濃雞湯有 木耳 ,腐皮 ,杞子 .雞肉嫩滑， 醬汁係小辣 非常惹味 。值得推介，難怪咁多人排隊重慶口水雞 54蚊

行街經過見到有湯飲，入嚟試吓食下午茶，店舖在下午茶時間都坐咗八成枱，食物應該唔錯。選擇都幾多，品質味道很好，好想推薦給大家。今日試咗個竹笙花膠濃湯，濃度夠，料多，花膠竹笙杞子枝竹都好多，仲有大大隻的雲吞，大細比美獅子頭。－定會再來👍🏻