161
23
7
港鐵柯士甸站 A 出口, 步行約4分鐘 繼續閱讀
電話號碼
98102756
開飯介紹
位於佐敦的四川火鍋店,提供四款火鍋湯底,火鍋配料多樣,多選用本地食材,如本地手切牛肉、花雕豬腦、豬肚等。其自製手打丸十分新鮮,有鮮墨丸、鮮蝦丸等。 繼續閱讀
附加資料
VIP 房間供應 ,最多可容納50位。
營業時間
今日營業
18:00 - 00:00
星期一至日
18:00 - 00:00
付款方式
Visa Master AlipayHK 支付寶 現金 AE 銀聯
其他資料
Wi-Fi
酒精飲品
電話訂座
加一服務費
電視播放
當面支付
食評 (200)
等級2 2022-06-03
209 瀏覽
呢幾日落雨涼少少,最啱食麻辣火鍋.今日特登落佐敦食人氣麻辣火鍋店,佢出名食材夠新鮮、湯底夠正宗同埋個裝修好有中國風(牆壁畫)。一行入舖頭滿店都係麻辣香味👍等湯底同配料期間,叫咗個小食-脆皮炸肥腸。(本來我唔太好肥腸,但我個朋友話點咗甜醬同芥末醬之後,獨特嘅「肥腸味」唔係太重,我先夠膽試下,應該係即炸,上枱仲熱辣辣好香脆,果然點左醬料之後「味」真係唔係輕咗好多,所以我都食咗三舊咁多🤣)湯底我地叫咗中麻辣拼藥膳,藥膳清湯好入味啊,我哋每人都飲咗幾啖湯,唔會越飲越頸渴,麻辣香味聞住好香,佢辣度好夠,不過我覺得麻辣味唔係太惹味唔夠香濃,有啲失望😞我哋仲叫咗:魚卜 ($68,有成八九粒好抵食)脆骨腩 (都好厚切,份量都唔少,好新鮮好啖啖肉)豬黃喉 (淥5/6秒一縮食得,爽囗)羊肉卷(嫩,有羊味但唔so)黑豚肉 (賣相麻麻地,但係食落都ok喎唔鞋口喎)雪花肥牛(睇落以為會好鞋口, OK喎幾嫩)珊瑚蚌蟹子墨魚滑(彈牙)埋單 $12xx。二家姐正宗原味麻辣火鍋 (佐敦)佐敦文英街16號地舖 繼續閱讀
(以上食評乃用戶個人意見 , 並不代表OpenRice之觀點。)
等級3 2021-12-10
605 瀏覽
天冷養生火鍋店呢排凍左咁多,今晚同另一半經過呢頭就來打個邊爐暖暖個人,一入到來就有位,裝修好靚,好精緻,古色古香,成間舖頭都瀰漫着好香嘅麻辣煲味,兩個人叫左:-(1) 客家黃酒滑雞鍋(秘製) $198係火鍋湯中唯一一個唔辣嘅鍋,有杞子、紅棗、雞、酒同其他藥材,一上枱就好香,好大浸雞同酒嘅味道,飲左碗湯,感覺好補,個人暖曬。(2) 本地手切牛肉 (大) $308目標係食牛,所以二人叫左個大既,牛肉亦都肥瘦適中,食起嚟帶有牛香及油脂香,淥完有咬口有𡁻頭。(3) 牛骨髓 ($58)牛骨髓唔係度度有得食,吸曬個雞湯味,唔腥口,感係滑同淋。另外叫左以下日常火窩食物(4) 脆鯇片 ($58)(5) 本地豬紅($38)(6) 炸魚皮($38)正常出品,係牛比較好食,兩個人食曬d野都已經超飽,下次有機會食返佢個麻辣火鍋。二家姐正宗原味麻辣火鍋佐敦文英街16號地舖人均: $300-$500抵食: 💰💰💰💰味道: 😋😋😋😋😋服務: 💁🏻‍♀️💁🏻‍♀️💁🏻‍♀️💁🏻‍♀️環境: 😉😉😉😉 繼續閱讀
(以上食評乃用戶個人意見 , 並不代表OpenRice之觀點。)
等級3 2021-10-10
964 瀏覽
成間舖頭都瀰漫着好香嘅麻辣煲味🌶裝修係行古典風🕋牆上都係一啲壁畫加上木紋嘅餐桌🪑非常有格調 佢一條街有兩個舖位🥡而且供有獨立房間🚪坐位都好闊落👌配料選擇非常豐富而且又好味😋每一樣嘢嘅份量都好足店員服務都唔錯好貼心💎🌶重慶麻辣鍋 ($128)點咗鴛鴦鍋🍲內圈係藥膳 又濃郁又清甜周圍就係麻辣湯底湯底又紅又足香料💥正宗麻辣鍋味道 麻辣好濃👃煲耐咗啲麻味會越黎越重👈🍤鬼馬油炸鬼 ($68)都算係佢哋嘅招牌菜🙌全部嘢都熟晒即刻食都得油條入面釀咗墨魚同蝦滑熱辣辣新鮮炸起 外層好脆口🤤墨魚蝦滑好爽彈👅🥩安格斯牛頸脊 (中份) ($188)呢度嘅牛都算性價比高雪花分布均勻👀牛味好濃👃肉質夠嫩滑唔會有筋🦐瀬尿蝦墨丸($88) 呢個係餐廳嘅特色丸🌟值得一試👏 瀨尿蝦新鮮👅墨魚丸包住瀨尿蝦外面非常彈口🦷 繼續閱讀
(以上食評乃用戶個人意見 , 並不代表OpenRice之觀點。)
等級1 2021-08-28
694 瀏覽
被它的正宗招牌吸引,但麻辣味鍋不倫不類,帶甜味又不香。一進門就耍大牌,全程指指點點,分呼我們大人小孩怎樣坐,火不能開大。食到我起嗮🔥之際,頭上滴水下來😡,投訴服務員後,帶著招笑說同事會搞,即時幾把火燒起來。星期六晚7點都坐不滿,知道中服了。 繼續閱讀
(以上食評乃用戶個人意見 , 並不代表OpenRice之觀點。)
又同班老死相約食飯,好耐無打麻辣邊爐,見呢間有咁多特式配料,加上係好喜歡嘅麻辣火鍋,貪新鮮就試一試佢。一入到去,佢原來分左兩間舖,我訂左位,佢就叫我去對面坐,咁啱落完大雨,好在行過去唔洗濕身。坐低左,好大冷氣,可能諗住打邊爐啲人會好熱掛,揀左好多野食下,但飲品方面比較遜色,都係得啲罐裝樽裝飲品,如果有啲自家制飲品會加分。因為有一個朋友唔係好食得辣,我地揀左清湯同麻辣小辣湯底,但清湯都有味,仲幾好味,相反個小辣一啲都唔辣,藥材味重,但好淡味,要點豉油辣椒蒜蓉先有味係可以一試,多人食會抵啲,人均唔算貴。但飲品同湯底嘅進步空間仲有不少。 繼續閱讀
(以上食評乃用戶個人意見 , 並不代表OpenRice之觀點。)