二一八火鍋餐館

營業中

休息中

二一八火鍋餐館，位於佐敦德興街4-6號富麗閣地舖。 餐廳主打港式火鍋， 店內座位有點逼，點了 ～ 酸菜$13、醬油$52(四位) 、養顏花膠螺頭雞鍋加象拔蚌$498 、頂級手切肥牛$338、 頂級黑毛豬腩$88、 鮮田雞$98、 桂花蚌$138、 蟹子墨魚滑$88、 鮮蝦雲吞$78、皇帝菜$42、 萵筍片$48、 出前一丁$38、 竹蔗水$30、 蘆薈蜜$30、可樂$10、 青島$28、 紅酒$228。 🔸養顏花膠螺頭雞鍋 ～ 食材豐富，花膠大大片，雞肉鮮嫩入味，湯頭更加香濃美味。 🔸象拔蚌 ～ 象拔蚌鮮甜新鮮， 必點之選。 🔸頂級手切肥牛 ～ 手切肥牛正常發揮。 🔸頂級黑毛豬腩 ～ 黑毛豬腩肉質鬆化而不肥膩， 肥美香滑。🔸鮮田雞 ～ 非常肥美，肉嫩鮮甜。 🔸桂花蚌 ～ 爽口鮮味。 🔸蟹子墨魚滑 ～ 墨魚滑份量多，口感彈牙。 🔸鮮蝦雲吞 ～ 皮薄而紮實，粒粒脹卜卜。 🔸紅酒 ～ 估唔到二百幾蚊都有呢個質素， 幾抵飲。 火鍋店性價比高， 下次一定再嚟。 🏷️溫馨提示～ 整個用餐體驗均屬個人分享意見， 只作參考😊。

第一次試食，叫咗人蔘雞湯底配象拔蚌孖寶，安格斯牛盤，六寶丸等等。花膠雞肉好鮮嫩，湯超好味。經Open Rice訂位送鮑魚（每人一隻）。隻鮑魚都唔細，頗新鮮。芫茜$20蚊碟份量好足，浸熟湯內好好味。牛脊肉好滑嫩，入口即溶。自製響鈴都唔錯，不過我自己比較想食紫菜響鈴，可惜冇。手打丸水準不低，蝦膠墨魚膠好彈。總括嚟講呢餐都唔平，兩人消費過千蚊。服務都唔錯。初初想俾門口位，我地拒絕，因為太多人出出入入好滋擾。

同朋友一齊去食呢間打邊爐，入到鋪頭個裝修好殘舊，間中聞到陣陣廁所味。坐底叫野食，火鍋醬料得幾款，牛肉正常，但又係得幾款。海鮮方面象拔新鮮，但其他海鮮一般。一人送一隻鮑魚，但質素可想而知唔洗我講。其他火鍋配料選擇也不多，價錢偏貴，比起一年前食都加左價。湯底越食越咸又油，部分員工極度冇禮貌，態度好差，食到差不多尾聲又趕住執枱。環境麻麻，服務麻麻，食物麻麻，價錢貴貴，平均$500一位只能食到普通野，我唔會再幫襯。😩😩

一直都有聽朋友講過佐敦218火鍋好值得去試下，難得約到火鍋腳又有位就去試下，地點係佐敦地鐵站E出口行2-3分鐘就到，實在方便。一坐低就叫左2個孖寶超抵食🔸 孖寶1 - 象拔蚌刺身 + 養顏花膠螺頭雞鍋，湯底超濃郁好好飲，花膠亦好大舊食得好滿足，一開始一定要飲湯先。象拔蚌刺身都好大份，鮮甜爽口夠新鮮，好味到食唔停🔸孖寶2 - 鱆紅魚刺身+手切雪花肥牛，鱆紅魚肉質彈牙鮮甜，肥牛肥瘦啱啱好，淥幾秒口感岩岩好，不過牛味唔算重未覺得好出色 其他火鍋料都係正常發揮，未有特別出色之作。反而係經OpenRice訂位每位會送一隻鮑魚就真係勁大隻勁新鮮，上左枱都係咁郁嚟郁去😂埋單飲埋啤酒都係大約$2000左右，抵食過任食多多聲‼️

平時食到唔好食既舖頭，我都當係自己唔好彩，果日師傅心情唔好，但對於態度唔好既舖頭，我就真係要花時間去提醒大家要有心理準備先好去話說打去問有冇位，佢話有咁就一班人直接過去舖頭，20:25到左，佢話執緊位，攪左20mins比左間房我地，嗌左三個鍋，點知啲插蘇負荷過重，啲電磁爐Keep住唔著，咁見肚餓就催佢是但拎住啲熟食黎先，催左真係五六次，期間一次佢地都冇人入過黎服務我地，最後拎左炸魚皮好似要我地頂住先咁，又話幫我地轉Gas爐，又話隔離房啲人埋緊單就走，等呀等，到21:20話可以轉房，過到去，一張大枱我地十六個人根本坐唔哂，然後個冷氣仲要係咁滴水，嗌左佢但當然解決唔到啦！中肯總結係食物質素：正常，冇咩特別，象拔蚌三份都好鬼少，唔知平時係咁定特登比少、啲牛肉味還可以，其他野食炸物認真馬馬，炸粉多過舊肉服務：冇得讚，差劣價錢：唔係平，中等囉激氣到相都係求鬼其影就算，

今次要介紹嘅係位於佐敦嘅二一八火鍋餐館🥘我地就揀咗佢個養顏花膠螺頭雞鍋湯底嘞🤤→花膠大大舊，個湯超濃郁 好好飲👍🏻建議一開始就咁飲咗個湯先，之後先再落嘢～→仲有象拔蚌刺身都好正 超大盆 又爽口😋真係會食唔停🤣→牛就肥瘦啱啱好 不過牛味唔算重 未係話非常好食 但係唔差嘅🫢我地係經OpenRice訂位，只要九點前入座就每位送鮑魚一隻！→送嘅都勁大隻！仲要勁新鮮！係咁郁嚟郁去😮 依間真係唔錯 至於環境就唔會好迫 不過枱同枱之間其實都有啲近 所以都會有啲嘈 但係可以接受🫢 為咗食好嘢都建議大家去🤣

呢間鋪頭嘅特色高係 孖寶🤣今次揀左👇🏻🌟象拔蚌+豬肉湯底🌟鱆紅魚刺身+手切雪花肥牛🫶🏻呢個可以揀半份or 一份👍🏻人少都可以食到😋🌟係OP訂位，重人頭送一隻鮑魚😍雖然送但都好岀色，上到枱重識郁😌🐟海鮮全部都好新鮮👏🏻但值錢又吾係好貴，十分抵食！🐖豬骨湯底十分足料，有三至四嚿豬骨係入面👍🏻🐂牛肉方面，牛味吾係好濃，但肥瘦適中！都好味🤤其他火鍋料都係正常發揮，但值得一讚嘅係！佢個響鈴卷係即嗌即炸，十分鬆脆😍😍😍絕對吾係嗌貨果啲實的的🤭呢間餐廳絕對係可以安哥！佢有獨立房間，人多可以book 房，人少可以座卡位絕對係收工晚飯，飲翻兩杯嘅好地方👏🏻👏🏻👏🏻

其實我算比較少出街打邊爐，就算去都係去開一兩間。今次朋友揀左係佐敦呢間二一八海鮮火鍋。我地5個人安排左卡位俾我地坐，入面仲有電視睇添😁叫左兩個孖寶，好抵食。一份活鱆紅魚併手切肥牛 $788。原來個鱆紅魚係刺身，我頭幾塊仲傻傻下淥左黎食😆刺身勁新鮮，肉質彈牙又鮮甜，好推薦食刺身嘅你一定要點！食哂之後，佢地會黎收返條骨然後炸到脆卜卜當一個小食！肥牛切到剛剛好，淥幾秒口感岩岩好👍🏻另外會一個孖寶係象拔蚌併俾湯底$388，象拔蚌反而覺得唔夠喇鮮甜，不過都係新鮮的。另外推介黃金魚皮$68，落咗椒鹽去炸，好香口！雞腸，非常爽口，入口鮮甜，唔怕食內臟嘅你可以一試！丸類都係正常水準，唔會伏。不過韭菜餃就一般般，皮太厚，可以唔使叫。埋單5個人，飲埋啤酒大約$2400，比起出面按人頭計任食嘅火鍋，我絕對推薦呢度！記得訂位，都幾full下！📍：佐敦德興街4-6號富麗閣地舖

七個人食。叫曬四個孖寶，又加多碟手切牛肉，又加D其他。埋單4200, 都可以。美中不足就坐座太狹窄，太擠迫，坐到好似插針咁，枱又太细，放野食也唔方便。如果4個人坐卡位，可能就無咁迫。但人多就要自行諗下。至於野食都新鮮，牛肉嫩口。雪花肥牛入口即溶，龍躉腩都好正，個場就太旺了。星期五食要早幾日訂枱先有位，平日食應該會好啲，無咁多人。至於刺身方面，一定要一開始就要叫，中途再點要等好耐。不過食魚生刺身本人覺得都係日本餐廳食好啲。

周一同女友晚上七點walk in去咗呢間火鍋店，佢極力推薦話聽聞好抵食又好食，佢班朋友咁啱嗰晚又訂咗包房两圍。咁去到店員問有冇booking，我話冇，佢問我九點交檯可唔可以，我話得，之後安排入一間小廂房 其中一張二人檯，裡面分別已有两檯客人。咁我馬上同店員阿姐order 了一個孖寶套餐" 龍躉片加極上超級雪花牛" 半份、胡椒豬肚雞鍋底及雜菇併盤，同一渣竹蔗茅根水，鍋底同飲品好快就來了，肥牛同魚片一直無嚟，等了半小時再催問店員阿姐，回覆放心無走單，師傅做唔切，咁又繼續等，直到八點半我再追問阿姐，另外一位男店員話無哂龍躉，叫我轉食另一個刺身孖寶套餐，我女友唔食得生冷嘢點轉，迫於無奈散叫了一份極上超級雪花牛，極之無奈。其間，女友被友人邀了進包廂作客，女友告之我其友人房內桌上美食齊全、即叫即到。最後埋單五百六十幾，咁嘅服務同質素，胡椒豬肚雞鍋底味道平平無奇，心諗再無下次光顧，同等價錢對面大X口任食火鍋性價比不知優勝幾多，不建議人少去呢間👎

網上訂座有優惠，每人一隻鮑魚，大大隻，價錢實惠，很用心的一間火鍋店，推介👍🏻刺身、牛肉都無得輸，特別鵝腸一定要試，全塲爆塲，要去在網上訂台比較方便，服務員也熱誠招待，正👍🏻

經朋友介紹嘅火鍋餐廳果然好有驚喜粗略睇咗個 menu 覺得價錢非常 reasonable所以之後 order 都好隨心 冇再留意 menu首先叫咗個 $388 孖寶包括象拔蚌同豬骨湯底由於自己鍾愛胡椒豬肚雞湯底 所以加 $10 轉咗個象拔蚌極新鮮 好正另外仲叫咗好多其他嘢食包括龍躉, 脆肉鯇片及腩, 北海道帶子, 雪花肥牛, 黑毛豬腩片, 響鈴, 炸午餐肉, 窩筍, 鮮蝦雲吞, 淮山, 凍豆腐, 豬皮, 六色手打丸, 墨魚滑, 娃娃菜等等九點前入座仲每人有一隻鮑魚送龍躉同脆肉鯇片及腩都係 highlight其他嘢食基本上都好正唯獨個胡椒豬肚雞湯底喊咗啲下次可以試下其他湯底美中不足就係有好幾樣嘢都冇貨(例如手打肥牛)最後埋單每人只係 $317真係非常抵食 絕對值得推介

3個老友聚會， 諗起第五波疫情後都未邊爐過， 於是提前兩星期book 呢間疫情前必食既邊邊店食物質素keep 住水準， 價格亦都好合理叫左象拔蚌刺身， 鮮味同埋唔貴環境就麻麻， 台都擺得幾密， 不過招呼相當唔錯， 姐姐同埋一位高佬哥哥好熱情3條友食勁多野又飲左24支大啤， 都只係2000蚊落樓， 已決定下個月會再食多次

原本今日book左另一間火鍋店慶祝點知訂枱個位職員竟然攪錯左無幫我訂房，唯有臨時臨急改去呢間火鍋店，好彩我朋友識人，我哋一行8人噤突然都唔知點樣可以攞間房食飯一進店，full場心想已經知道係勁東西，我地都等左一陣才有房間呢間火鍋店，超高質～係全部野都好好食,我地8人都食到有讚無彈比啲相大家睇吓，同介紹下我地食左啲咩呢個係花竹蝦刺身出面好少有，蝦好大隻好新鮮肉質彈牙象拔蚌海膽刺身又係好新鮮鮮甜，大小適中，口感一流，海膽大大舊唔腥鱆紅魚刺身超級鮮甜大大盤，足秤生蠔大隻肥美擺盤都好花心思呢個椒鹽墨魚咀，即叫即炸，唔會食到成口炸醬粉炸功一流呢個係鱆紅魚食淨啲骨位攞去炸出色，炸得恰道好處，一魚兩食美國安格斯牛頸脊大碟抵食，有牛味自家製手打墨魚丸彈牙鮮味自家製手打黑椒牛丸自家製韮菜餃我啲至愛豬膶另外個2碟唔記得左每碟野食都有裝飾伴碟，食到食得開心啲

之前同朋友去過兩次. 幾好食. 今日兩個人再去食. 食物真係好新鮮同好食. 兩個人食到飽飽.218真係唔無限loop.煲加象拔蚌真係必食. 手切肥牛真係好夠牛味. 魚皮同響鈴真係要試