38
0
0
港鐵佐敦站 E 出口, 步行約2分鐘 繼續閱讀
電話號碼
28868992
開飯介紹
佐敦港式火鍋店,散叫形式,亦有供應套餐。火鍋配料選擇多,有多款肉類、海鮮及丸類等。另外還有供應小菜。 繼續閱讀
營業時間
今日營業
12:00 - 00:00
星期一至日
12:00 - 00:00
付款方式
Visa Master 現金 銀聯
其他資料
網上訂座
賞訂座積分
球賽直播
獨家網上訂座
有關獎賞計劃
食評 (39)
等級4 2019-04-21
2235 瀏覽
早前與愛食火鍋的友人去了位於佐敦的二一八火鍋餐館食飯。我地選了皮蛋芫茜湯底. 選了一個二人的海鮮拼盤, 當中包括鮮海斑片, 鮮魷魚片, 新鮮海蝦, 脆肉骨腩和帶子. 仲送新鮮蔬菜瓜盆. 食火鍋當然要混醬. 個海鮮拼盤俾我想像中大份量.每款食材也夠新鮮, 當中我最鍾意食帶子和鮮魷魚片. 美國特級安格斯牛頸脊. 色澤幾靚, 而且唔多脂肪, 最啱我口味.牛肉的肉味不俗, 而且肉質幾嫩滑, 唔會覺得硬和乾身. 鍾意食牛的朋友, 要試下這個牛頸脊.響鈴.我自己鍾意滾得軟身, 完全吸收晒湯的精華. 芝士蝦丸.蝦丸幾爽口彈牙, 唯獨芝士味道唔太突出. 一口氣食了多款的肉, 當然要食下蔬菜. 這盆蔬菜幾新鮮, 可以起中和作用. 繼續閱讀
(以上食評乃用戶個人意見 , 並不代表OpenRice之觀點。)
天氣稍涼些,就很想去打邊爐,今次朋友約我來到這間叫二一八火鍋打邊爐,地鐵一出就到,都幾方便找到。我們叫了個海陸空火鍋套餐,份量都頗多,叫多個朋友來吃都應該夠吃。卡位還可以睇電視,感覺好像屋企打邊爐。打邊爐前先緊要調味料,9種配料選擇。海陸空火鍋套餐分別有活貝、海蝦、牛柏葉、豬肝、肥牛、雞件、魚頭、魚腩、牛丸和蔬菜。擺得很整齊,又新鮮。蟶子鮮甜爽彈,洗得乾淨。魚腩、魚頭都很滑,又不太多骨,很適合吐骨不叻的我。安格斯肥牛,分量十足,脂肪和肉比例均勻,入口嫩滑。響鈴,鬆化得來又脆卜卜。我們對今次打邊爐都非常滿足啊! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-05-08
82 瀏覽
位於佐敦,一出地鐵站就見到,好方便。餐廳環境幾闊落,價錢唔算貴,每碟份量都好多,好抵食!海鮮拼盤,主打新鮮食材,蝦肉爽彈,脆肉鯇啖啖肉!加錢仲有肉類拼盤,每款肉有2-4件,讚! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-04
110 瀏覽
最近朋友搬了出佐敦,找到間在旺區轉入小巷的火鍋店,初次去,光猛,環境也舒服,兼伙計非常有禮。火鍋有很多配料,而且也有餐,點餐再有優惠價加其他食物,也不錯!最後點了408元的4人海鮮餐加208的肉併盤。湯底是醉雞鍋。 想不到份量很多,超級超值,重點是每樣都很新鮮,食上咀就知道是靚料。 這樣的價格,這個份量,這種料,賺到了。肉併盤華麗登場, 有安格斯牛小排、安格斯牛頸脊、極品黑豚肉、黑草羊肉、美國頂級肥牛。 牛肉味道自然鮮嫩,意外的是羊肉香而不算太羶,非常喜歡。 主食海鮮盤如一艘船,有6款不同海鮮,份量廷多,沒有只吃一件意猶未盡的感覺,新鮮!小吃我們點了咸蛋魚皮,即叫即炸,好惹味!不得不讚是未開動前,店舖送了1人1碗燉湯,應該是推廣吧,鮮鮮鮮,我連湯渣都吃掉了。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-04-25
77 瀏覽
熱愛食火鍋既我要捉緊冬天尾巴,趁住落雨有小小濕凍,即去食個火鍋暖一暖先。二一八火鍋餐館位於佐敦,交通便利,係地鐵站E出口只需行2分鐘就到達。餐廳有獨立箱房,可以一大班人食野打麻雀;如果3-4人唔包房亦可以坐卡位,卡位設有小型電視,好周到。 侍應姐姐告知餐廳唔止有邊爐打,仲有小菜食,不過都動搖唔到我打邊爐既決心。湯底未滾時,我叫左碟蛋黃流心墨魚丸。每粒墨丸都包住半粒咸蛋黃,再用滾油炸至外皮金黃,超香口,但亦有d熱氣。湯底我揀左胡椒豬肚雞湯,豬肚份量多,雞足足有半隻,加埋越煲越出味既胡椒,食完成身暖返哂~侍應姐姐推薦我地叫一份海鮮超值套餐,仲送送蔬菜瓜盆。$268就試到海斑片、脆肉骨腩、魷魚片、帶子、海蝦。呢盤海鮮食落好新鮮,當中我最喜愛帶子,因為原粒上夠哂厚肉彈牙。斑片亦係又爽又滑,只可惜得4片,唔夠喉啊!蔬菜瓜盆即使係免費既亦唔馬虎,有生菜、油麥菜、白蘿蔔、粟米。打邊爐又點可以唔食肉呢?姐姐就提議我地加購超值孖寶配搭 - 一碟試齊5款肉既拼盤,岩哂有選擇困難症既朋友!拼盤包括: 美國極品安格斯牛小排、美國特級安格斯牛頸脊、美國頂級肥牛、中國黑草羊肉片、極品黑豚肉。我最鐘意牛頸脊,因為佢油脂分布平均,食落嫩滑又有濃濃肉香,每片淥10秒就食得啦~另外,我散叫左響鈴同手打牛肉丸。響鈴係新鮮即炸,淥2-3秒食既索到少少湯汁,亦保留到脆既口感。手打牛肉就麻麻地了,有一陣肉羶味。兩個人食咁多海鮮、肉類同小食,埋單都只係$831,真係超抵食! 繼續閱讀
(以上食評乃用戶個人意見 , 並不代表OpenRice之觀點。)