影片
開飯介紹
為確保食物質素,每日新鮮選購的海鮮及選用頂級烤肉是“乾杯串燒居酒屋”一直以來的主旨。 新鮮海鮮燒烤，生燒龍蝦，安格司牛柳，大頭蝦,，生蠔，帶子，聖子皇，清酒煮花甲，還有正宗台灣香腸必食，新鮮燒三文魚頭，讚岐手打烏冬正，燒密糖香蕉，燒原隻墨魚筒，原隻燒茄子，配2款潮流生啤，ASAHI ， HOEGAARDEN ， 或日本清酒，清酒香檳。餐廳環境清優設有露天坐位,裝修別樹一格,很適合三五知已邊吃邊飲共聚,朋友聚會,包場party必然之選。
繼續閱讀
營業時間
今日營業
18:00 - 01:00
星期一至六
18:00 - 01:00
星期日
全日休息
以上資料只供參考, 請與餐廳確認詳情
招牌菜
最近發現到一間好特別嘅居酒屋，真係好想分享俾大家，佢既佈置超級有特式同有好獨特的個人風格。好多店主嘅私人珍藏。連餐牌都好用心呀果日好肚餓 所以叫咗好多嘢食呀：有涼拌麻醬豆腐 - 豆腐滑嫩，麻醬香濃。好鍾意食炸嘢嘅，我就揀咗個脆炸秀珍菇 - 秀珍菇外皮非常酥脆，入面嫩滑多汁，炸粉好薄，加埋個天婦羅汁，好食。朋友就揀咗香煎鵝肝配多士 - 鵝肝煎得好香口，外皮酥脆，入口即溶，一定要配搭多士一齊食，中和返油膩感。燒自家製芝士免治雞肉棒加蛋汁喺一項好常見嘅居酒屋菜式。免治雞肉棒好飽滿，配上半蓉嘅芝士，加埋蛋汁真係不錯。燒生蠔係我嘅最愛，生蠔好飽滿加上好多嘅蒜蓉，帶出生蠔嘅鮮味。而清酒煮蜆就可以等我哋暖吓疊，清酒湯汁帶有甜味和淡淡的薑味，加埋肥美嘅蜆，好鮮香。我哋最後再加多咗個燒日式飯團（明太子）作為結尾 （造型好似咸蛋超人） 😆 飯團烤得恰到好處，外皮酥脆，內部鬆軟，帶有濃濃嘅飯香味。明太子餡料增添了鹹味和鹹鮮味。加多兩杯梳打 - 菠蘿味同埋巨峰提子味 ，好chill 呀。
繼續閱讀
呢一間位於西環嘅居酒屋見好有特色🌟，就決定試下同朋友傾下計啱晒🥳泡菜豚肉泡菜嘅酸辣幾醒胃😛，豚肉燒得啱啱好，肥瘦均勻，食落幾香口。配啤酒一流😌麻醬番茄凍凍哋嘅番茄配麻醬，口感好清爽，係一道幾開胃嘅前菜🤪蜜糖蒜蓉雞翼外皮脆身😎，蜜糖同蒜蓉嘅配搭幾平衡，甜甜哋幾惹味😍燒羊架羊架燒得幾嫩😝，肉質軟熟，羶味唔會太重，怕騷嘅朋友都接受到😙明太子雞柳串雞肉幾滑😋，明太子醬鹹香適中，唔會太搶，整體幾夾🤩煙肉荔枝卷煙肉包住荔枝嘅配搭幾特別💯，荔枝嘅甜味同煙肉嘅鹹香幾夾🤩芝士雞肉棒芝士流心效果幾好，雞肉口感紮實👅燒生蠔生蠔燒得剛好，蠔身飽滿，蒜蓉牛油味幾香🤤熟湯烏冬湯底清甜🤣，烏冬滑溜，食完串燒飲啖熱湯幾正😝
繼續閱讀
今次黎左間居酒屋, 地方好大, 坐得好舒服, 木系裝修張枱夠大，唔會坐到好逼！叫左飲品先 一杯菠蘿乳酸梳打 & 一杯荔枝梳打 , ,兩杯個味都唔錯. 香甜與碳酸都清爽可口. 燒韓式頂級安格斯牛肉粒 - 肉質鮮嫩，醬汁美味，燒得啱啱好，油脂分布勻稱, 唔會太肥. 炭燒冬菇免治雞肉串 - 滿滿免治雞肉配埋冬菇一口咬落去, 雙倍JUICY . 好好味 !燒日本扇貝- 新鮮, 火喉剛好, 多汁肉嫩. 燒明太子翠肉瓜 , 燒明太子雞柳串 - 明太子的鮮味提升了雞柳, 翠肉瓜嘅味道 . 關東煮- 好入味. 份量都好多. 最後朋友仲叫左個黑松露卡邦尼烏冬 — 做到好香滑每條烏冬都沾滿卡邦尼醬。 食物質素好好, 店員都好友善 .環境同食物都讓人感到愉悅，非常適合下班後放鬆心情。希望可以再來一次。
繼續閱讀
復古元素之［乾杯串燒居酒屋］餐廳採用木質裝潢，暖黃燈光，牆上有復古海報等元素，讓人感覺置身東京或大阪的巷弄居酒屋，食材選用到調味火候都十分不錯，蜜糖魚乾：作為開胃既前菜，魚乾烤得酥脆帶少少炭香味，蜜糖甜度恰到好處，佐酒一流。燒雞皮：雞皮油脂非常香，入口似薯片口感，撒上少少七味粉，更加惹味同邪惡。燒韓式安格斯牛柳粒：牛柳粒肉軟嫩多汁，醬料醃製入味，外層焦香燒到鎖住肉汁，水準到位。 黑毛豬五花肉：厚切五花肥瘦分明，外皮微脆、入口脂香味重，建議加少少檸檬汁平衡油膩感。 燒煙肉荔枝卷：創意與味覺既結合，煙燻鹹香既煙肉配搭清甜荔枝入口，味道十分夾，驚喜度滿分。 燒明太子雞柳卷：雞肉嫩滑，明太子醬濃郁鹹鮮，燒後微焦既燒明太子與雞肉十分夾。 燒自家制芝士免治雞肉棒配蛋汁：手工雞肉棒混入軟骨增加左入口口感，切開半熟蛋液濃郁滑順，點上醬油更提鮮，飽足感十足。 燒生蠔：蠔肉雖然細隻，但十分新鮮，以清酒蒜蓉燒製，保留海水鮮味又有蒜香味。 總結：每道燒物都展現出師傅火候同調味控制，價格唔貴，份量十足。下次絕對可以再來。
繼續閱讀
朋友生日專登走去過去西環位置方面呢就覺得真係冇咁方便㗎啦不過入到去環境真係係幾唔錯，幾有感覺三個人都叫咗好多嘢食不過牛小排就有啲失望，好多根，同埋好難嚼不過其他嘢食都覺得幾好食嘅，尤其係西蘭花同埋銀鱈魚
繼續閱讀