影片
營業時間
今日營業
全日休息
星期一至六
18:00 - 01:00
星期日
全日休息
以上資料只供參考, 請與餐廳確認詳情
星期六晚收工約咗朋友去尖沙咀一間串燒居酒屋聚一聚！餐廳係木系裝修,貼滿日式poster,加上昏暗嘅燈光,好有地道居酒屋feel！啱晒知己良朋把酒談歡🍺🥖法式焗芝士牛油蒜蓉飽 蒜蓉包面鋪滿牛油芝士,焗到脆卜卜,好惹味！🥨燒日本黑毛豚肉腸香腸原餅上枱好吸睛,肉腸濃味,入口好香,爽脆彈牙!必食之選！🥚燒煙肉日本糖心蛋煙肉捲住流心蛋,淡淡鹹香,糖心蛋好香蛋味,完美融合！🐙乾杯辣魷魚鬚香香辣辣好惹味又有嚼勁,送酒超正,超推介！🦀日本甲羅燒鮮甜美味好邪惡,味道濃厚鹹香,塗上法包食好正好滿足！🦐燒紫蘇葉雞皮蝦蝦身中央係蝦膠用紫蘇葉紫包住再燒,外皮微脆,肉質軟嫩。好特別,我都是第一次咁樣食！🍡燒栗米墨魚粒爽彈,入面仲有墨魚粒粒,食落好有口感！🌽牛油燒原條要米粟米燒得啱啱好,爽甜多汁,好香牛油味！🍻Sapporo食串燒當然唔少得冰凍嘅啤酒,叫咗兩杯Sapporo啤啤佢！
繼續閱讀
環境方面這間居酒屋離公司不到五分鐘的腳程，非常方便。店內提供各式各樣的清酒、啤酒和燒酌，選擇多樣。燈光營造出輕鬆的氛圍，和同事放工後一起聚會聊天，真的不錯。野食方面青芥麻涼拌魚皮：青瓜絲清甜爽口，搭配魚皮的獨特口感，讓人開胃。燒韓式頂級安格斯牛肉粒：5成熟肉質鮮嫩，醬汁美味，第一口非常有驚嚇~ (必點)。涼伴麻醬烏冬（跟糖心蛋）：麻醬香濃，烏冬滑順，加上清甜爽口青瓜及肉鬆絲伴著一起吃，味道不錯。酸忌廉洋蔥雞柳串：酸忌廉的味道與洋蔥的香氣完美結合，雞柳嫩滑。燒明太子雞柳串：明太子的鮮味提升了雞柳的風味。燒黑豚韭菜花卷：韭菜花的香氣搭配黑豚肉，味道層次豐富。燒黑豚皇帝菜卷：皇帝菜的清香與豚肉的油脂互相襯托，口感極佳。燒雞中翼：外脆內嫩，聞落去已經好香，個型都燒得唔錯。。燒生蠔：新鮮的生蠔，搭配簡單的蒜泥調味，鮮味十足。燒牛舌芯：肉質細膩，燒烤的風味令人滿意。飲品方面我都叫左一杯菠蘿乳酸梳打&一杯荔枝梳打。不論是菠蘿的甜味, 荔枝的香甜與碳酸都清爽可口。總的來說，這間居酒屋不論是環境還是食物都讓人感到愉悅，非常適合下班後放鬆心情。希望可以再來一次。
繼續閱讀
🍳 炸日式櫻花豆腐伴糖心蛋: 豆腐用左櫻花蝦包裹黎炸，香濃蝦味，外脆內軟，配埋醃左既半熟蛋甜甜地，浸係關東煮汁度，口感層次豐富，呢個必點，或者下次試埋關東煮。 🦪 燒帶子串: 彈牙，帶點炭香，啱晒海鮮控。🥦 日式炒野菜: 份量足，炒得香口不油膩，吃完無負擔。🍜 日本稻庭冷烏冬: 清新爽滑，夏天食最啱。🍄 牛油焗金菇菜: 滑溜金菇吸晒牛油香，蒜香濃烈。🐷 豬五花: 肥瘦適中，燒得剛剛好，肉汁滿滿。🥓 燒雞皮露筍卷 : 雞皮脆卜卜，蘆筍清新解膩，超有驚喜！🍗 燒麵醬雞柳 : 雞肉配日式麵醬，中意 miso 同 protein 既人會中意。🥩 蒜香薄燒洋蔥牛肉卷： 牛肉軟嫩，洋蔥甜甜地減膩，like.🔥 燒頂級安格斯肥牛粒 ： 香氣十足，惹味。🍇🥤 提子梳打／荔枝梳打： 微氣泡口感，清新解渴，飲完即刻refresh！
繼續閱讀
香港d居酒屋而家開到成行成市，要數其中一間經典居酒屋，就一定有「乾杯」份。乾杯都算係香港初代居酒屋，生存到咁多年，一定有佢過人之處。咁多年黎我都食過唔少次，食物份量好明顯比一般嘅多，而家味道都保持到。青瓜蟹柳沙律（$48）由細到大都咁鐘意食呢個沙律，有蟹籽又有清新青瓜 🥒 。燒原條茄子伴蔥花蒜蓉（$68）燒茄子嘅重點就係要多蒜！呢條係多到鋪滿面～ 勁香勁好味 😋。清酒煮蜆（$138）每粒蜆都大大粒又漲卜卜，仲食到清酒嘅香味。日本稻庭熱湯烏冬（$88）稻庭烏冬比較幼身又滑嘟嘟，食完都唔會太滯。牛小排（$158）估唔到呢塊牛小排咁高質，煮到7成熟，入口好嫩，不失牛香，必點之物。燒自家製芝士免治雞肉棒（$78）$78有兩支算抵食，雞肉棒份量係其他居酒屋兩倍大，又係必點。韓式辣汁燒豬頸肉（$48）汁燒黑豚蔥卷（$38）是拉差雞柳串（$38）其他串串都好出色，火喉燒得岩岩好
繼續閱讀
今次去咗尖沙咀呢間乾杯串燒居酒屋，一坐低就無辦法停口添😝 居酒屋裝修格局好有日本feel，啲燈光調得好chill，完全係做完嘢放鬆嘅好地方～第一round先嚟份冰鎮芥蘭，大熱天時真係必叫嘅頭盤！芥蘭爽甜冰凍，沾埋啲豉油醬油，開胃到爆燈💯 再到炸粟米墨魚餅，外脆內軟咁勁好食，粟米粒粒分明夾埋墨魚嘅鮮甜，每一啖都有驚喜🦑肉類方面，牛小排真係居酒屋嘅王者啊！牛肉燒得香香地，咬落嘅時候肉汁噴晒出嚟，簡直完美～仲有鹽燒雞頸肉都係必試之選，聽落好似好普通，但係師傅嘅手勢真係好神奇，雞皮燒到酥脆，肉質鮮嫩多汁，真係停唔到口㗎！👅講開串燒，呢度嘅汁燒黑豚蔥卷我諗可以畀9.5分日本黑豚肉包住個蔥，再燒到啱啱好嘅熟度，再沾啲特製醬汁，絕配到癲😚想填肚嘅話，明太子日式飯團真係一流！熱辣辣嘅飯糰包住醬香濃郁嘅明太子，飯粒軟硬適中，真係好滿足～🍙至於飲品，我哋飲咗哈密瓜梳打同埋啤酒。哈密瓜梳打好清新，啱晒女仔飲！而啤酒就係居酒屋嘅傳統標配啦，凍凍地配串燒真係天作之合！🍻性價比方面絕對有驚喜，人均$200-300就食到好飽！最啱三五知己happy hour去解決，一路食一路飲一路吹水，真係放假嘅最佳選擇～絕對值得再訪💖
繼續閱讀