3
6
2
港鐵尖沙咀/尖東站 A1 出口, 步行約1分鐘 繼續閱讀
所有分店 (5)
電話號碼
31089908
營業時間
今日營業
06:30 - 00:30
星期一至日
06:30 - 00:30
付款方式
現金
座位數目
98
其他資料
Wi-Fi
酒精飲品
外賣服務 詳細介紹
加一服務費
食評 (16)
之前一直都用開網頁版,剛剛新裝apps,試下學人留食評先😝😝平時好少留意呢類餐室/冰室,但之前喺灣仔試過呢間九龍餐室,有個樓面哥哥好搞笑,唔知係咪因為下午茶時間人流唔算多,所以個哥哥仔好有禮貌,講野又搞下笑咁,好好招呼,所以令我對佢地有啲印象。今日小朋友喺尖沙咀有活動,再次見到呢間餐室,所以又同朋友入去食個飯, 晚餐時間,人流比較多,但等左一陣都算快可以入坐,餐牌都多選擇,焗豬扒飯/意粉,咖哩牛腩,常餐粉麵都有,最出奇係連蟹肉伊麵都有,我唔太鍾意食飯,所以叫左個16°Z厚切西冷,呀女叫左個知味西多士,同場朋友叫左個濃湯素翅雞。上菜算快,食物亦都好夠熱,上菜個姐姐仲提我小朋友小心啲唔好貼到啲碟邊辣親,服務唔錯。講返啲野食先,西冷扒都幾足秤,薯菜唔係一般薯條,真係一隻焗薯仔,菜份量都唔少,牛扒唔韌,味道唔錯😋😋呀囡個知味西多士一上檯有啲嚇親,因為個西多真係好厚好大份,仲好大塊牛油😱😱一條友真係未必食得哂,所以我試左少少,新鮮炸起係熱辣辣,脆卜卜都幾好味,我地比較食得甜,所以要再問樓面個姐姐攞多啲糖漿,好彩個姐姐冇托手爭😆😆最後一個濃湯素翅雞,朋友就話雞都算滑,湯味好濃,又夠熱,係唔錯嘅。同朋友都覺得整體表現唔錯,價錢合理,下次有機會可以再試埋其他野。 繼續閱讀
(以上食評乃用戶個人意見 , 並不代表OpenRice之觀點。)
等級1 2021-08-17
97 瀏覽
話說上星期五係附近行街,行到有d攰就同班friend入去食嗰tea叫jor嗰菠蘿油同杯紅豆冰唸住尖沙咀呢d平平地價錢嘅茶餐廳都mm會好得邊👀點g又ok wo件飽大大件又夠熱杯紅豆冰都mm錯😋性價比幾高對得住嗰價錢ks d 員工dou幾nice ah 又mo好似其他樓主講得gum差😵(at least 同我落單嗰姐姐幾有禮貌)如果想係尖沙咀平平地食嗰下午餐又mm伏geh我覺得幾推介 繼續閱讀
(以上食評乃用戶個人意見 , 並不代表OpenRice之觀點。)
等級1 2021-08-14
114 瀏覽
原本附近裝修最新的茶餐廳,點知食早餐時竟然見到水吧員工可以一邊食煙一邊沖茶。依家疫情而且室內不可能吸煙但佢習以為常咁做。我相信係常常發生。以後黑名單永不再去,尖沙咀仲有好多食肆。 繼續閱讀
(以上食評乃用戶個人意見 , 並不代表OpenRice之觀點。)
等級1 2021-08-11
106 瀏覽
話說身上冇散子, 想買個9蚊菠蘿包。 見佢入面有八達通走入去嘟卡,  但收銀嗰個叫我出去俾現金, 我話我冇散紙要俾八達通, 佢就口UP UP咁唔知佢講乜就嘟咗我10蚊 .....  我問"唔係9蚊咩?" 佢就話頭先講咗八達通要加1蚊!!! 仲話" 唔信你問側面呀姐做証...."      關鍵係佢D態度!! 當然無謂同佢爭議, 但想講自從消費卷後, 好多商戶都 "自行加大" 電子支付手續費, 大家要留意!!!! 繼續閱讀
(以上食評乃用戶個人意見 , 並不代表OpenRice之觀點。)
等級1 2021-07-26
156 瀏覽
咁嘅,我之前食過午餐覺得不錯,今日同呀媽經過想食下午茶,坐低叫咗2個餐,呀姐放低咗餐具,咁啱有位地中海男樓面經過,我就問:唔該可唔可以比2杯水吖~男樓面冇比反應,淨係望咗一望我,冇話唔得或者唔可以。我expect佢轉頭會斟比我,或者叫呀姐拎比我。過咗一陣,野食嚟曬,佢仲行黎行去,冇話特別忙,但好似完全冇件事咁,只係間中有望吓我果張枱,一副「死靚妹,我堂堂大男人,做咩要斟水比你」咁嘅樣,完全無視同睇唔起人。後面枱剛嚟咗2位女士,衣著光鮮,聽住佢落完單,竟然主動斟左兩杯水比佢哋,2位女士冇要求,佢仲望到我望住佢,我完全唔明果位男樓面點解要咁嘅態度,我只知道佢唔會斟水比我,我亦無謂去問佢。其實我冇諗咁多,我亦好有禮貌咁問,亦唔知原來佢自尊咁重,我又冇歧視佢,更加唔識佢🥴可能係我誤會咗,但係佢主動斟水比後面2位美女呢個動作令我覺得佢唔單止唔尊重人,仲好「無聊」。最後,客觀而言,西多士同奶油豬餐都唔錯,完全係地中海男樓面嘅態度問題。 繼續閱讀
(以上食評乃用戶個人意見 , 並不代表OpenRice之觀點。)