九龍堂

營業中

休息中

間野叫做九龍堂,但其實佢唔喺九龍塘,係石硤尾㗎。好似中一,二個陣間野都喺度。依間係食台灣野嘅,佢啲包裝真係好台灣。今次叫咗台灣風味肉燥便當,薯仔係凍嘅,種肉燥份量都夠,味道就不過不失啦~杯野就係茉莉綠茶叫咗少甜少冰綠茶味出啲,正常發揮。成個便當連野飲計埋就36蚊,幾抵食。題外話,好幾年前嘅炸oreo 真心幾好食。。。 但依家真心唔太建議大家試,個味真係奇怪咗好多， 鹽酥雞都唔太建議,回哂唐。。Total2 out of 5

以前去開呢頭 都會成日去買外賣食自己比較中意食台灣嘢 都會選擇去依間今次約咗朋友去食嘢 就一齊去買外賣食就叫咗雞翼雙拼拌麵有兩隻雞翼 四粒鹽酥雞都炸得好鬆脆 口感煙韌都好入味 唔怕太油膩由於太肚餓關係 加多個麵底有好多蔥 好多炸蒜因為伴麵 撈埋個醬汁味道昇華一個檔次嘢飲就凍鮮香茉莉綠茶(飲品$13內 免費)由於升級700cc 要補差價甜度正常 可以特出綠茶香下午茶3pm-5pm 會有折扣優惠原價$53 折扣後$42 所以比較抵食九龍堂 (石硤尾)石硤尾偉智里2號金玉大廈228號地舖

🥱 小編依晚唔想煮、唔想堂食，搵間外賣自取店買台式晚餐返屋企慢慢食。😌[ 亂闖試食 ]🍽 特製拼盤 (紅燒牛腩、豬軟骨 & 小香腸) 拌麵 😋😋😋😋餸量頗多，紅燒牛腩同豬軟骨都非常入味。最出色係台灣小香腸，咬開會有油脂小爆發 😆 麵質屬正常出準，要自己拌勻醬汁食。整體調味偏濃，好濃烈嘅香蒜同醬油味，食完會有少少口渴。😅晚餐 💵 約港幣$40/人💁🏻‍♀️ 小提示：如果唔跟嘢飲，可以主動唔要，麵餐價錢會有九折，算係相當抵食。

白田遊最後一站就係👧🏻中學時都有幫襯過嘅九龍堂！記得佢係好受附學校學生+居民歡迎！就算而家學生唔洗返學，下午一點都有唔少人幫襯😆🌟紅燒牛腩拌麵是日精選係紅燒牛腩拌麵🐮，牛腩有大概5-6小塊，重豆瓣醬味，偏甜一點。至於拌麵麵線用上扁麵，點嫌煮得太耐有啲腍身😮‍💨。拌麵醬汁較重醬油味，👧🏻就覺得唔太岩口味啦！份量唔算太大碗，男士們最好叫多個小食啦！🌟原味黃金鹽酥雞🐥Quarantine 咁耐都冇點食過炸物，👧🏻決定大解放叫個鹽酥雞自私食！一份細炸雞$18🍗話就有8粒，實際上我諗10粒都有！鹽酥雞先裹上薄身蕃薯粉，口感不錯，可以內裏雞肉太鞋身冇咩肉汁🥲🥾（唔個係未用左雞胸咁健康？連最鍾諗食雞胸嘅👧🏻都覺得一般），睇嚟今次失準啦！🌟黑糖珍珠鮮奶套餐原本已包飲品，但👧🏻就想叫其他飲品，+$13換咗黑糖珍奶🧋！炒黑糖味頗重，珍珠夠煙靭🥰如果店員可以唔好咁重手，落少啲冰，奶味再濃郁啲就好啦😆

好耐無買炸Oreo. 因為要去藝術中心做嘢，所以今次經過就即刻去買個炸Oreo. 點知一入口成舊粉漿，炸完都淋既，一啲都唔好食，最後仲覺得成口都係粉，掉咗😩以前我成日買架，又香又脆，唔知而家係咪頂咗手俾人呢，所以野食差咗，好失望。

呢間淨係做外賣嘅台灣美食佢哋嘅套餐淨係$38仲包埋嘢飲啲嘢飲台式嘢飲都係15至$20一杯真係超級抵食呀呢間專做街坊生意真係良心小店佢普遍嘅食物質素不過不失以呢個價錢來講已經係咁上下同埋佢嘅鹽酥雞都對得住佢嘅價錢我哋嗰日叫外賣拎學校食都仲係新鮮

見foodpanda 有4分咪試試。中晒伏⋯我未食飽就忍唔住上黎開post，就知咩事。叫左個鹽酥雞滷肉飯加炸花枝丸加珍珠奶茶，個雞又冇味又鞋，個飯已經唔係好食，仲要得果小小滷肉咁花枝丸都好難會難食，正常野！珍珠奶茶 珍珠都ok，杯奶茶就好似茶記凍奶茶但啲冰溶晒咁⋯無下次

外賣便當個價錢幾抵食 38 蚊包埋有野飲送 至於食物味道嘛 都不過不失喇 幾好味 呢個價錢黎講都真系幾好味 可以話係平民價囉 如果平平地又想食台灣嘢嘅 其實都推介 但如果專登黎食就麻麻地喇

前幾日買晚餐經過，諗住買袋鹽酥雞返去做餸，叫咗個大嘅鹽酥雞，因為返屋企路程比較遠，所以諗住問店員攞個膠袋。其實本身膠袋要收錢呢就絕對冇問題嘅，平時去超市都收架啦，點知個店員態度串，大大聲好冇禮貌咁同我講：我哋膠袋要收5毫架，收到嘅錢會捐去慈善機構！其實呢，膠袋要收錢呢就唔係問題，5毫我都仲畀得起，不過個態度就真係太串囉，下次如果想做得好啲，比少少禮貌同個客解釋返，仲加多句多謝支持環保咁咪解決問題。本身呢都覺得你哋啲嘢食ok嘅，就連嗌外賣都會揀幫襯你哋，不過如果你哋啲店員繼續當住其他客面前落我面嘅話，就唔使旨意以後再幫襯你哋！

係附近經過 口痕痕 ，睇相又唔差就試下啦，點左一個炸物拼盤 同一杯珍珠奶茶。拼盤有四粒花枝丸、六舊鹽酥雞同兩條台灣腸。花枝丸出色 外面鬆脆 好香魷魚味 其餘兩樣都不過不失 唔錯。

一、兩年前去食，都放得入口，記得個時有鹽酥豬扒餐嘅，但個日去已經冇左。我見Menu都冇乜好揀，就揀左鹽酥雞翼配飯($37)包$12飲品，咁我就另加$6飲黑糖珍珠奶茶，要微糖，共$44蚊。收銀個時都講明微糖可能黑糖味淡d，不過我ok嘅。另外可能多左人投訴啦，所以係收銀前面寫左張notice，話出飛後不能更改，但我忘記講要少冰。好啦，終於可以拎得啦，我記得之前係人手叫no.嘅 (收據有no.) ，依家係用機叫no.，但係用普通話叫no.囉，好怪，好似返左大陸咁。回到家一打開，配菜只得白恰嘅娃娃菜，我記得之前食，都有半隻蛋同微量嘅炒粉絲，依家都冇埋。有3隻雞翼，唔算老，但冇味，似冇醃過咁恰熟佢，再用炸粉炸咁。飯就正常囉，配Ｄ肉碎，但$37蚊食依個所謂雞翼飯真係好貴囉。黑糖珍珠奶茶，超級多冰，之前話微甜可能啖味ｄ，但直情冇黑糖味，同普通珍珠奶茶冇分別，仲要比普通珍珠奶茶貴多3蚊添呀。珍珠冇咬口，唔彈牙，中間好實。依間野比幾年前真係差左好多，我諗我之後都唔會再幫襯嫁啦，祝佢好運啦～

九龍堂開左好多年，自己同屋企人都成日幫襯，但我就隔左一段好長時間無食，今日晏就禁岩想食豬軟過，就諗起呢間有得食，印象中味道又唔錯，於是就揀左呢間 豬軟骨湯麵 $38 番茄湯 + $1豬軟骨味道可以，但肉質有少少乾，可能並非午市時間去買，所以擺耐左。另外，豬軟骨炆得唔夠林，都唔算好入味，整體麻麻地。湯麵煮得太林，一啲都唔彈牙最令我失望係個番茄湯，入面無番茄之餘，番茄味好淡，完全不濃郁，只有甜甜地好假既味道，加上成個湯都好油，明明番茄係清淡健康既野，點解會油膩到咁搞到我完全吃不下去！無下次

以前已經吃過一次 覺得這家店雖然食物味道普通但包裝和裝修上也有一點小心思今天因為想不到吃什麼剛好經過這間店就決定買這個當晚餐， order了一個鹽酥雞便當，因為我不太喜歡吃他便當裏的其他配菜只喜歡吃他的腌蘿蔔，所以就叫店員幫我走了其他我不喜歡的，然後只要腌蘿蔔和滷水蛋，回到家之後我發現他把我喜歡的腌蘿蔔都走了，飯盒你只有滿滿的飯和一點點的肉燥😢😢只能怪溝通有問題然後還叫了一杯黑糖珍珠奶茶還有一份地瓜圓，奶茶還不錯可是珍珠有點硬，地瓜圓一開始我吃得也覺得挺好甜甜的，但發現原來他有灑一些鹽上去，感覺弄得很奇怪

女朋友屋企就喺附近，但因為石硤尾地區其實唔係有太多餐廳可以選擇，所以我哋特登走到上去差唔多去到白田村嗰邊搵好嘢食。呢間台式小店都幾受學生哥嘅歡迎，我哋去到已經見到有五至六位學生喺度排隊買外賣返學校食，我同女朋友就揀咗鹽酥雞同埋滷肉飯，總體來講都算唔錯，鹽酥雞炸得幾跪口，亦都唔算太鹹。滷肉飯雖然對比起台灣嗰啲仲有一段距離，但以外賣飯盒來講亦算唔錯，價錢來講亦唔算太貴，加埋都係$60-$70就有交易，如果下次諗唔到有咩好食，都會再嚟幫襯。

曾經係呢區讀書，以前經常係附近開餐，所以對呢區都好有感情。上個月因工作關係路過見到呢間新開小店，可惜當時有事在身，又好多人排隊，諗住遲下總有機會再幫襯。終於今日係九龍塘等老婆放工，見仲有時間專登搭一個站港鐵去幫襯。order左一杯珍珠奶茶，幾秒後醒起忘記叫少甜，點知收銀哥仔同我講出左單冇得轉。。。首先，岩岩先出單，肯定未開始做; 正值閒日非繁忙時段，成間鋪計埋我先得兩個客其次，水吧就係收銀隔離，你答得我黎都同左夥計改單奶茶味道一般，無驚喜。。正當心裡慨嘆出品唔出色服務又唔flexible，旁邊位哥仔份雞都炸好，接過份雞問左句加辣粉，答案當然唔洗問都知。