151
0
0
港鐵銅鑼灣站 B 出口, 步行約4分鐘 繼續閱讀
所有分店 (2)
電話號碼
98883736
開飯介紹
裝修以六、七十年代舊香港為題,令人彷彿置身於昔日香港。主打港式火鍋,湯底均⾃家熬煮,用料十足,香濃又鮮味;另有供應刺身及點心。 繼續閱讀
營業時間
今日營業
16:00 - 02:00
星期一至日
16:00 - 02:00
付款方式
Visa Master AlipayHK 支付寶 現金 銀聯 Apple Pay Google Pay OpenRice Pay
其他資料
網上訂座
Wi-Fi
酒精飲品
自帶酒水
VIP房
電話訂座
賞訂座積分
獨家網上訂座
當面支付
以上資料只供參考, 請與餐廳確認詳情
有關獎賞計劃
招牌菜
日本飛驒牛 賣魚勝海鮮盤 加拿大象拔蚌 老港沙嗲鍋 胡椒豬肚少爺雞湯
食評 (156)
秋風起 人就自然肥🥹一個星期打兩次邊爐的節奏🎼揀左呢間懷舊情調十足 有豬仔錢罌油燈理髮店播著的是懷舊金曲💈所有懷舊元素集中晒係度┈┈┈┈┈┈┈┈┈┈┈┈┈┈┈┈✺⋆* 咸蛋芥菜湯 $118( 好食·͜· ♡)秋冬芥菜當造,所以選擇左佢。店員好細心咁提我地記緊要飲左個湯先,湯底芥菜量都不少,飲落個湯幾清,飲完都唔會口渴,但入面既瘦肉就幾鞋🤣✺⋆* 脆鯇骨腩 $88 ( 好食·͜· ♡)✺⋆* 安格斯牛肉(細份) $198 ( 好食·͜· ♡)牛肉味極香😌又唔會切得太薄身😚碌完都仲健在😚✺⋆* 田園拼盤 $78入面仲有娃娃菜、菜心,蕃茄同粟米樣樣都有d咁 呢個唔錯👍🏻✺⋆*皇帝菜 $42✺⋆*芋絲 $48 細心如佢,上菜時會個專屬既撈,不用擔心佢會走失𓃟ꔛ‬ 啤酒 $78@1 一個大Hoe 一個大藍妹生啤☺️ 唔該🙏🏻✺⋆* 懷舊甜品飯後每人都會送的甜品出賣年齡系列😌真係好驚喜係有遮仔既啫喱仔🍮𓏸 落單用Marker圈 非常環保♻️又方便𓏸 服務超好 會浸碗洗 繼續閱讀
(以上食評乃用戶個人意見 , 並不代表OpenRice之觀點。)
等級4 2022-11-24
727 瀏覽
好朋友生日話想打邊爐,於是book定檯同佢去近期好興復古懷舊風嘅地方打邊爐慶生~裝修擺設懷舊有心思,整晚都播著經典懷舊金曲,氣氛好好。我地次次都必叫沙嗲鍋,今次都唔例外~ 老港沙嗲鍋好大一鍋,厚而濃郁,滿滿嘅花生碎之餘仲有細細芋頭粒係面,正。難得有日本飛驒牛,就order左細份試試,飛驒牛上盤嘅時候仲有少少煙增強仙氣感!店員問我地試唔試生食,我地比較保守,都係prefer熟dd,係沙嗲湯上涮幾下,真係入口即融好嫩滑,係高級嘅享受唷~桂花蚌同五香肉丁墨魚丸都係當晚比較出色嘅食材。桂花蚌份量唔多但鮮甜爽口,第一次食有五香肉丁做餡料嘅墨魚丸,感覺好特別。田園拼盤有西洋菜、油蜜菜、娃娃菜、生菜、粟米、番茄、好足料!鴛鴦滑(黑松露墨魚滑+蟹籽蝦滑)爽口都唔錯。芝士豆腐磚就一般,口感介乎較腍嘅魚旦於同較硬嘅豆腐之間,味道ok但我麻麻地個口感。腐竹控朋友order左鮮腐竹,份量超多,滿足佢嘅慾望。仲有即炸響鈴超鬆脆,沾附上嘅醬汁即食都好ok~ 記住動作要快,等多陣就冇咁脆㗎啦~臨近尾聲當然一貫傳統整返個出前一丁,掛曬汁兼吸曬食材嘅精華,大滿足~飲品方面,order左杞子園肉菊花茶同山楂紫背天葵,樽裝大概500ml好快被我地KO~ 臨尾再order左大菠蘿冰同大檸茶,超大一杯,真係有d相逢恨晚嘅感覺~ 早知一早就order啦,超抵! 帶左個小蛋糕為好朋友慶生,店員好貼心咁幫忙雪蛋糕。不過原來仲有驚喜,播播下嘅懷舊金曲突然變成祝壽歌,店員仲送上抽獎卡同懷舊小禮物,完全冇expect過打邊爐嘅地方會咁,如果唔想under the spotlight嘅記住事先同店員溝通下~ 繼續閱讀
(以上食評乃用戶個人意見 , 並不代表OpenRice之觀點。)
等級4 2022-11-02
698 瀏覽
「又不是80年代……」每次去食打邊爐都會揀啲主打懷舊風格嘅火鍋店,覺得入面啲裝修同staff都會零舍有親切感~而呢間都唔例外,啲卡位特別有懷舊感,同埋啲staff都超有親切感啊~會成日問我地洗唔洗加湯同埋會好主動行過黎幫我地個鍋隔走啲油,服務態度真係200分!🥘冬甫美人鍋 $198第一次食美人鍋!冇諗過除咗隻雞好大隻之外,個湯底仲有好多料,有桃膠、娃娃菜、蟲草花、冬瓜等~重點係❗️竟然有花膠‼️🤩 見到啲料都知有養顏又養生~表示唔建議影太耐相🙈隻雞浸太耐會有機會會太熟,咁就可能會整鞋左隻雞了個湯好有雞味,而且意外地清甜😳完全飲唔出有味精~所以就算係咁飲都唔會覺得口渴~湯底黎講係超推薦!🧡麻辣shake shake炸魚皮 $78一見到店員比左碟炸魚皮,一碗shake shake粉同埋個紙袋我地就忍唔住笑左出聲~操作就同shake shake 薯條一樣🤣 首先炸魚皮係新鮮炸起,超級香脆,而且唔會好油~而麻辣粉都好夠香辣味,我個人覺得好惹味,不過比想像中辣左少少~但同炸魚皮都好夾~🐮本地牛肉 手切 $288碟牛肉擺盤真係好靚好吸引😍不過order完之後都真係等左一段時間先上菜,大概係因為即叫即切比我地🤔 油花分鋪都好平均好靚,肉質鮮嫩且呈紅色~肉味較重,食落口唔會感覺有好多脂肪好肥膩~不過每片牛肉厚度有啲薄同整體都比較細片,所以基本上一個唔覺意唔知幾時就會發現…自己已經食左🙈幾片一齊食會比較有食牛肉嘅實感!🤍聖子皇x2 $136不會話比大家聽我第一次打邊爐叫蟶子🙈 一條蟶子嘅size都幾大舊~肉質超級爽口彈牙🥰 完全冇腥味同埋肉質都好鮮甜😋 超建議order!🐙五香肉丁墨魚丸 $58完全未諗過呢個combination!但冇諗過呢個combination 係work嫁喎🤩 墨魚丸食得出都係手打出黎嘅~而且幾足料,入面會有粒粒墨魚肉,所以有多重口感~ 同埋五香肉丁令到成個丸惹味勁多~多咗啲香辣味同埋鹹香味,但係同時又冇蓋過墨魚丸應有嘅墨魚味~ 咬到中間仲會爆五香肉丁汁添🤣🦐蟹籽蝦滑 $98同其他丸一樣咁彈牙~而且真係好有蝦味~蝦肉滿滿而且係唔腥嗰種~蟹籽都好夠,所以同蝦滑一齊食會增加左成個下滑嘅口感~令到口感更加豐富😋🧀芝士牛丸 $58牛丸都有牛肉味~而入面嘅芝士就唔係平時食芝士丸嗰種,佢係似粒粒芝士嗰種(唔知大家有冇食過可以直接啪嗰隻粒粒獨立包裝芝士🤣)所以就唔係拉絲芝士嗰種,但都好重芝士味嘅‼️然後,原來食完個邊爐之後,呢間火鍋店係會送甜品俾我哋㗎😍 而今次就送咗兩個好傳統嘅甜品比我地-遮仔啫喱 同埋 鯉魚糖不甩🤩 ☂️遮仔啫喱係青檸味啫喱+花奶~十足十以前會喺酒樓食嗰啲甜品咁,會有個遮仔牙籤🥰好精緻~🐠鯉魚糖不甩係店員會將成舊鯉魚形嘅(年糕?)放落去啱啱打邊爐嘅湯度煮熟佢~成件事我覺得有少少新奇🤣 本來以為唔match,但之後再將熟咗嘅鯉魚糕蘸滿花生碎再放落口,個味道又唔錯喎😆其實同其他糖不甩冇乜大分別~浸過湯都唔會覺得鹹/好奇怪~食完真係會超超超滿足🥰而且好少餐廳/火鍋店會有甜品送~仲要送兩個~而且兩個都幾好食😚雖然人均少貴,但係我覺得個品質同埋服務真係好好,都值得! 繼續閱讀
(以上食評乃用戶個人意見 , 並不代表OpenRice之觀點。)
我哋食飯喇,今次我哋試新嘢- 試係銅鑼灣嘅九龍城同撈同煲 - Happy together 😀首先,一定要讚佢嘅,係服務,同事們非常有禮貌,又勤力,好耐冇見過樓上鋪,而服務咁好👍🏻裝修方面,採用懷舊六七十年代裝飾,有霓虹燈、賣魚勝金魚缸、街市招牌、大排檔 Feel。 雖然懷舊,但衛生好,嘢食方面都好好,真係值得再去!講返嘢食先,我哋嗌左個胡椒豬肚雞湯,胡椒味都幾重,但又唔係話好有內臟味,食之前飲左個湯先,暖下個胃,之後先開動🫣主食嗌咗個特級手切牛肉,份量唔係好多,但係質量可以,牛有牛味,同埋都厚切既。另外叫咗個鴛鴦滑 - 蟹子蝦滑同埋黑松露墨魚滑,好彈牙😄炸物方面,老油條一碟,浸一浸個湯食啱啱好,就咁食配埋個醬料又得。海鮮方面,叫咗個鰻魚誠意推介 - 海蝦六隻、鮑魚4隻、帶子2隻、仲有及聖子王2隻! 兩個字- 新鮮,好味,鮮甜!蝕到最尾食唔晒添😮‍💨當然仲有蔬菜籃及豆腐,都要食吓綠色嘢清吓腸胃嘅~最咪甜點仲有啫喱同糖不甩🤣啫喱係細個有把遮係嗰個透明碗上面,酒樓必備既甜品😳糖不甩,佢嘅外型係一條鯉魚,服務員,會將條魚放落去個湯底度,搞下搞下佢,你以為佢係甜嘅,加埋啲餡,會唔會好奇怪呢?原來又唔會,再加埋花生芝麻,味道都幾特別都match架wor 😳食咗咁多嘢,梗係要嗌杯嘢飲,叫咗龍鳳大檸樂!正呀!飲完gur 哂~ 繼續閱讀
(以上食評乃用戶個人意見 , 並不代表OpenRice之觀點。)
等級4 2022-09-30
678 瀏覽
上次試間懷舊邊爐係新試,今次呢間我就二刷,食完九龍城分店,今次同我同撈同煲的姐妹去撈一撈🤣.食店裝修由門口到窗口都有懷舊特色,好似賣魚勝&理髮店,好多打卡位,又播住7-80年代歌曲,如果有90年代更開心🤣.✨試咗幾款特色野,睇下有咩特別好推介!✨🟥湯底 $158🟧✨老港沙爹湯:沙爹濃郁,不會好稠/過鹹,辣(非常少辣)多過甜,好惹味. 🟨肉類 🥩/海鮮🟩✨極級封門柳 $328🐮⏩雪花油脂均勻,肉質軟嫩,好濃牛味.✨家鄉米酒黃沙潤 $128⏩激讚💯米酒浸過,但淥完不減酒的香甜味!唔會厚切/太老或乾,依然爽脆好好食💯.鴛鴦蚌就正常爽脆,不過好欣賞佢有個細網箕放係爐中間for 快熟/細散食品👍.🟦丸/餃類(半份)🥟 🟪✨ 鵪鶉蛋燒賣 $48開頭我哋以為普通點心,點知叫完原來用黎淥🤣燒賣肉餡非常足料,皮吸哂湯精華亦好食,不過就要心理準備面的蟹籽會跌哂🥲.✨芋頭腊味餃 $88臘味飯就食得多,轉餃都好食。絕對唔會覺得多肥膏,有甜甜的臘味香烤味,食落有一粒粒好似桃膠咁的,配上芋蓉,一脆一淋非常特別夠港式.✨鵝肝墨魚丸$68真係有鵝肝夾心,墨魚丸都彈牙鮮甜.芝士牛丸就正常發揮保持到濃牛汁,好配咸香芝士夾心,食的時侯睇熱呀!🔥.🟫 蔬菜類/其他🥗 🟫另叫咗芝士豆腐,炸枝竹&菜, 特別推介。✨ shake shake 炸魚皮 $78俾個袋你加粉shakeshakeshake, 冇哂孜然粉我哋就要"芥末味"wasabi 夠攻, 魚皮唔油唔硬夠薄脆,份量都好多,至少2人係食唔哂🤣.❗️重點重點重點❗️令人興奮的甜品❗️最後送上啫喱及糖不甩糖不甩外型精緻,淥前係鯉魚形好surprise 佢用原有湯底(沙爹)去淥,我哋勁問得唔得架,鹹架喎咁怪!點知好味喎🤩可能沙嗲本身帶花生味,糖不甩淥完沾上花生粒及椰絲,互相融合。店員話係麻辣湯先會另外再處理。而啫喱有懷舊遮仔裝飾,超靚~細個好鍾意玩.唔單止食物質素好,店員都好鍾意同客人傾計講笑,又係一份人情味💗 繼續閱讀
(以上食評乃用戶個人意見 , 並不代表OpenRice之觀點。)