九頭鳥米線

營業中

休息中

去開藍田，差不多食飯時間，見到啟田商場對面有呢間米線叫做九頭鳥，個名咁得意一於入去試下入到去發現裝修幾別緻，個感覺有少少似以前嘅茶居，QR code落單，上菜都幾快等嘢食上枱嘅時候，見到枱上面有一樽醃蘿蔔，貪過癮夾兩粒食下，酸爽脆口，正👍🏻清湯過橋米線（$56）🍜大碗、足料！個人最愛豬潤，爽！滑！彈！最重要係唔韌亦唔腥酸辣豬扒米線（$50）🍜🌶️酸辣揀咗2，足味夠辣，份量十足，女士未必食得曬一碗落單時可以再個人化啲，要多酸之類豬扒大件，炸粉好薄上菜時已經剪開一塊塊，食起嚟好方便！霸王雞翼（$25）🍖熱辣辣，調味足夠唔會太鹹，好食！下次會叫五隻！🍽️ 九頭鳥米線🗺️ 藍田啓田道49號地 下 2 號 舖環境 🌕🌕🌕🌗🌑衛生 🌕🌕🌕🌕🌑服務 🌕🌕🌕🌑🌑味道 🌕🌕🌕🌗🌑抵食 🌕🌕🌕🌗🌑

去開藍田，差不多食飯時間，見到啟田商場對面有呢間米線叫做九頭鳥，個名咁得意一於入去試下入到去發現裝修幾別緻，個感覺有少少似以前嘅茶居，QR code落單，上菜都幾快等嘢食上枱嘅時候，見到枱上面有一樽醃蘿蔔，貪過癮夾兩粒食下，酸爽脆口，正👍🏻清湯過橋米線（$56）大碗、足料！個人最愛豬潤，爽！滑！彈！最重要係唔韌亦唔腥酸辣豬扒米線（$50）酸辣揀咗2，足味夠辣，份量十足，女士未必食得曬一碗落單時可以再個人化啲，要多酸之類豬扒大件，炸粉好薄上菜時已經剪開一塊塊，食起嚟好方便！霸王雞翼（$25）熱辣辣，調味足夠唔會太鹹，好食！下次會叫五隻！

20/2 4點幾去食，計埋我全場兩三枱，啲阿姐都係吹下水，喺度搣下柑食好悠閒甘。之後問個侍應想要杯水，佢就一指就叫我自已去斟。即係我覺得，你地甘得閒個個企喺度，係咪有時都要做多一步，見到個客自己去斟水都醒水話幫手啦，仲要叫個客自已去斟，周圍環境競爭咁大，你做少一步就真係會少咗一個客，尤其是做飲食氣氛係大家營造，一個好嘅主管好緊要，真係共勉之。

今日路過藍田,唔想在商場內食連鎖式餐廳. 在商場外見到這間米線餐廳, 被店舖logo吸引,就入去試下吧！自選湯底（有6款）：除清湯之外,其它湯底需要加$3我最喜歡蕃茄湯底~湯底有少許蕃茄粒粒,蕃茄酸甜度適中.米線材料：選了腩肉（有6片）及墨魚丸（有4粒）腩肉片比較厚,有少少豬的騷味,而止仍有豬毛🤢見到都無胃口🤮. 好彩墨魚丸都係比較彈性牙. 米線份量都算多, 不過食唔完😅飲品：凍檸蜜,估唔到有4-5塊🍋係香港茶餐廳算比較多🤣總結：自己素描Bar code自助下單, 今日1人午餐食了$58 ~ 有一大碗米線加一柸凍飲, 價錢算可以.九頭鳥米線地址：藍田啓田道49號地 下 2 號 舖

米線太腍，唔夠彈牙蕃茄湯底偏酸，豬扒都仲可以，服務態度好差，上菜時間等待好耐，唔怪得間餐廳冇乜人。皮蛋怪怪的，份量好多，套餐個碗大到嚇親，因為味道麻麻地所以食唔晒。

服務態度差，陣係掛住傾計，好似係度受薪傾心事咁，全程大大聲咁傾，尤如置身無人之境一樣。想搵佢拎啲野，仲要比佢喝左聲！態度十分不配合，我仲諗會唔會係事頭婆咁霸氣野食味道不提，純粹走平替版譚仔，叫左個米線搭個豬紅，一咬落去咇血水，成陣腥味完全未熟，吐都吐唔切！成晚又痾又嘔，第二朝即刻去睇醫生！餐費90，診金380470食個老翻譚仔真有啲over唯一可以讚既係個點餐系統，牛龜咁大隻字，老花都睇得清，選項都清晰，係啲位置亂咁擺，或者沒有對比沒有傷害，同兩個阿姐一比下去覺得拉上補下，湊合湊合。總結：因為行少兩步同想試新野，所以要冒險就要冒風險，依家大除夕分分鐘係廁所倒數下次都係行多兩步去隔黎三哥食算啦不過千年便秘可以一試，保證麵到病除！

招牌牛肉麵，明明手機落單有得揀加麵底，結果服務員話無得加，淨係米線先可以加，比錢都唔可以加麵底，淨麵都無，係咪搞笑😂做生意靈活小小都得挂，又或者update吓落單系統、以免爭拗

米線愛好者終於試佐九頭鳥啦雖然友人覺得呢間同譚仔三哥差唔多但個人覺得「重慶麻酸辣」真係好正！而且仲有少少酸豆角，個湯底真係幾惹味😝「雲南酸辣」比較酸，怕酸嘅人，唔建議呀～·米線都算滑～唔會好硬身·除佐湯底，啲餸都算精彩個人好鍾意魚肉春卷～無聊的我，發現其實嗌一個餸好似抵啲😂單拼有5條但如果雙拼，同樣嘅價錢，得3條🥸··下午茶時段去，鋪頭無咩人，坐得好舒服見到我哋帶住小朋友，姨姨仲俾佐一隻用熱水沖過嘅碗，好窩心！

噚日同三五知己去咗間米線店食晏，真係有啲意外嘅驚喜喎。😲未落單之前，我哋先係度傾計，店內環境幾舒服，清一清胃都算係一種享受。話唔多說，直接點咗重慶麻辣湯底加上牛肉同鮮蝦，個湯底真係足料，辣得黎唔會蓋過牛肉嘅鮮味，啖啖肉嘅感覺真係過癮。牛肉意外嘅嫩滑，每一口都能咀嚼到肉質嘅細膩，而鮮蝦嘅部分，完美保持住彈牙，同麻辣湯底搭埋一齊，簡直係絕配。😋當然，點米線肯定少不了配點小食。我哋就試咗墨魚頭，佢哋嘅墨魚頭真係又香又脆，濕淋淋一啖咬落去嘅時候，個辣油就四溢開嚟。嗰種鮮味加上微微嘅辣，一言難盡，真係要自己試過先知。雖然等菜嘅時間有少少長，但每一樣菜都令人覺得值得等待。同朋友一邊嘆美食一邊嗌嘢，發現時間喺不知不覺中就過去咗。總之，呢間米線店係一個可以讓人回味無窮，同朋友分享美好時光嘅好地方。下次仲要再黎試下其他口味！👍

餐牌上配料超過30款🤩有6款湯底可選擇亦可按個人口味選擇不同辣度🌶️重慶麻酸辣魚肉春卷米線🍜🌶️湯底揀左重慶麻酸辣(最少要3小辣)，食到麻的感覺比較強烈，辣味好輕微因為叫左3小辣，但完全食唔到酸味，有5大條魚肉春卷份量都唔少😍，表面炸到脆卜卜，其他配菜有腐皮，豆芽，配煙韌的薯粉吸盡麻辣湯的精華，最後食晒整碗蕃茄魚腐米線🍜🍅魚腐較薄身，跟平時其他餐廳有唔同，口感軟腍，湯底揀左蕃茄湯，見到有蕃茄肉一齊煮，食落幾開胃，米線軟硬度適中整體來講，食物質素不過不失，但店員的服務態度感到不友善，可能是趕住收工關係而唔想接客🫠

作為米線控嘅我，都bookmark咗呢間米線好耐，今次終於經過去食🤭平日晏就去到，唔洗等位直接入去坐低~🍴重慶麻酸辣湯底 + 魚肉春卷 🌶️小辣◽️湯底酸味比較出，略嫌咸咗小小🤏🏻◽️魚肉春卷炸過 表面仲有小小脆卜卜，入面魚肉比較實有咬口，都幾好食😋◽️米線正常唔會太淋🍴霸王雞翼(5隻)◽️雞翼唔算好嫩，有小小鞋🫢調味都啱啱好，不過不失，想食都可以叫~◼️整體都ok 正常合格米線，如果經過會再食，特別魚肉春卷值得試😆👍🏻

之前有一日計劃去灣仔那 間九頭鳥米線，怎料上司突然邀約去午餐，結果就取消了到灣仔那間的念頭，還無端吃咗百幾蚊午餐添。這次沒有計劃之下，小嬰又突然睡了，於是就剛剛有個機會可以去藍田這間看一看，原來是之前曾經經過的位置，那就更加好。看看它的餐牌，的確和譚仔差不多，那些湯底的選擇好像比譚仔更多，不過你第一次來，都不知道四川麻辣、麻酸辣、或是湖南酸辣，究竟有什麼分別，電子落單又和實體餐牌的字眼有啲出入，有待改善。一人點了個兩餸試一試，我的酸辣湯底的確偏酸，肯定比譚仔的酸辣更加酸，不過又未去到難以接受的那種味道。的確有點兒像友人所講的狀況，它不算特別好吃，但又未至於令你感到難吃的感覺，其實和譚仔味道差不多，兩間邊間少人，我就會去邊間，至少九頭鳥的配料選項都挺多。不過有些人話九頭鳥是譚仔和南記的混合體，我覺得它的春卷，雖然也標榜是魚肉春卷，不過，內裏的餡料，質地好像偏向人工，沒有找到太多魚肉成份，因此口感還比南記的差一節；只不過它新鮮炸起，外皮帶點腐竹般的味道，較為脆香，這點值得一讚。另外的腩肉，其實和譚仔的，夠厚，都大片，不算太過乾瘦，不錯。太太的雞肉墨魚頭，沒酸的湯底五小辣較香辣，似乎味道較佳

星期五晚上7點幾到達，唔洗等位直接入座餐廳採用掃QR Code自助落單，落單版面唔難用。同其他連鎖米線鋪比較，招牌米線自選餸款式差唔多，特色小食就多啲選擇。落野飲唔會顯示跟餐價，問左侍應話正常，埋單會改返。香辣墨魚頭 $34推薦! 爽口夠辣!麻辣鵝腸 $34推薦! 冇內臟異味同冇乜肥膏!霸王雞翼(細) $25好食，同土匪雞翼差唔多腩肉豆卜麻辣小辣 $41 + 雞肉螺旋藻麻辣小辣 $40米線好大碗，軟硬適中，湯底比譚仔小辣冇咁辣，味道不錯，但冇驚喜螺旋藻同想像有出入，呢間似海帶 

食左個豬扒米線中麻辣的味道非常出色。麻香唔錯。豬扒的質地外脆嫩滑。腩肉厚度夠，肉與脂肪層次分佈好，口感爽軟。米線沒有煮過時，軟硬適中，分量足，味道好，每一次入九頭鳥食米線都有穩定既出品。

🍜🍜🍜大碗足料好味米線▫️QR code點餐☑️霸王豬頸肉 - $33點餐時選了「香d」，所以烤得耐左，會乾身啲，個邊脆啲，味道吾錯，好似土匪雞翼味。☑️霸王雞翼5隻 -$33雞翼大好隻，好香口，同譚仔嘅土匪雞翼基本上係一樣味，雞肉好嫩滑。☑️新鮮油菜（芽菜）- $18油菜可以揀生菜、韭菜或者芽菜，芽菜係銀芽黎，可以揀要蠔油定係唔要蠔油，都幾新鮮爽口。☑️魚肉春卷米線 （蕃茄10小辣）- $41呢個蕃茄湯底做得幾出色，見到好多蕃茄肉，係真材實料，蕃茄味都幾濃，配上微辣，惹味開胃。魚肉春卷份量都唔少，竟然有五條，仲要條條都好大條，個皮好脆，叫少米線可以減一蚊。☑️過橋米線 （四川麻辣）- $56呢度嘅過橋米線比譚仔嘅大碗好多，配料超級多，抵食。好多都有2件添，有雞肉、豬肉、豬膶、魚蛋、牛肉、腩肉、牛丸、豆卜、酸菜火腿、生菜、韭菜、芽菜、竹笙，墨丸、炸醬、腐皮。湯底一樣都正，麻辣味俱全。