469
37
16
港鐵黃埔站 A 出口, 步行約1分鐘 繼續閱讀
電話號碼
23210188
59306468 (Whatsapp)
開飯介紹
韓式海鮮蒸氣火鍋專門店,海鮮塔選用新鮮食材,如原隻沙巴肉蟹。 繼續閱讀
營業時間
今日營業
18:00 - 00:00
星期一至日
18:00 - 00:00
公眾假期
18:00 - 00:00
付款方式
Visa Master AlipayHK 支付寶 現金 AE 銀聯
座位數目
120
其他資料
Wi-Fi
酒精飲品
切餅費
VIP房
泊車
電話訂座
外賣服務
加一服務費
獨家網上訂座
當面支付
食評 (559)
又到食海鮮🐟🦐🦀既時間,俾Annie發現左黃埔有一間食蒸氣海鮮既放題,作為海鮮腔既我就梗係要去試下🤤 放題分為3個不同價位,另外每位加$12仲有無酒精飲品任飲,今次一於試下中等價位既B餐 -「弘益塔」,平日任食3個鐘都只係$268咋🤩·首先店員會送上3款海鮮,每人一份龍蝦🦂、帶子🐚、鮑魚,龍蝦雖然唔算好大隻,但勝在肉質鮮嫩彈牙,十分吸引呢😻 而帶子鮮甜十足,鮑魚爽口彈牙,食完第一round已經令人很共期待之後既美味😋·任食海鮮包括海蝦🦐及4款貝類🐚 (沙白、白蜆、沙蜆、蕃薯蜆),海蝦食幾多寫幾多,蜆類則有自助區自己出去任攞,個人最喜歡肥美又大隻既蕃薯蜆,佢亦係最受人客歡迎👍 每次refill完都好快俾人攞哂,而refill速度都好快,所以唔洗擔心攞唔到😚 而活海蝦個人表示十分滿意,海蝦每隻都大大隻,有啲仲好生猛喺到郁嚟郁去😄 肉質厚實爽彈,蝦頭仲充滿蝦膏,而且味道鮮甜, 食得十分滿足呢🤩·食海鮮之餘,仲有其他熟食都係任食架!韓式烤肉、串燒、炸物、涼菜等應有盡有👍 當中特別推薦一定要食 😻 銀子燒用鍚紙包住,再喺上面點火🔥 令裡面食材全部均勻受熱,入面既韓式粉絲索哂湯汁既精華,超級鮮味😋·仲未完㗎,蒸鍋最底層係吸收左全晚海鮮精華既粥底🍜 粥底可選豬手🐷/泡菜味道,粥底延綿又鮮甜,食到勁飽都要食返兩碗先至得,可想而知有幾正🤩·最尾記得一定要食埋個甜品 - 原個🥥椰皇子奶凍🍮 上下兩層為椰子水大菜糕mix椰汁奶凍,清甜香滑,食堆佢真係一個非常完滿既happy ending💓 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-12
2699 瀏覽
餐廳門口掛上七彩燈籠, 十分悅目吸引, 還有免費自助韓服 ,提供打卡留念, 進入餐廳先量度體溫及提供搓手液,十分貼心。重鮮主打韓式蒸氣海鮮火鍋 加串燒烤肉放題, 我好喜歡 用蒸氣方法, 完全保留海鮮的原味道, 也可以食得健康。 我選了弘益塔套餐, 每位$288 ( 任食三個鐘),套餐有龍蝦、帶子及鮑魚 ( 只提供一 份 ), 仲可以任食海蝦、貝類、 串燒 、 炸物 、 天婦羅、 粥底及甜品等, 加$12 還可以升級任飲無酒精飲品, 認真豐富。最吸引我是龍蝦、 帶子和鮑魚,用蒸氣方法烹調,可以享受到海鮮的鮮甜, 入口肥美紮實,爽口彈牙, 鮮味誘人。 任食海蝦蒸熟後, 顏色悅目,肉質彈牙,蝦頭還有滋味蝦膏, 新鮮貨色,十分滋味 。 自助貝類, 有四款蜆, 沙白、白蜆、沙蜆及番薯貝, 蒸熟後, 貝殼打開, 發現好肥美 ,肉質鮮味、紮實, 令人食指大動。天婦羅有南瓜 、蕃薯、茄子、 大蝦及冬菇, 被金黃色薄薄的脆漿包裹著, 令人垂涎, 酥脆可口, 完全唔覺得油膩, 最喜歡南瓜天和蕃薯天婦羅, 軟糯和蜜甜, 十分窩心。炸物有吉列蝦、吉列蠔、紫心脆薯餅及鳳尾蝦網米春卷等, 作為愛蠔的粉絲, 當然最喜歡吉列蠔, 外脆內軟, 蠔汁在口中爆發 , 滋味無窮。串燒牛舌,肉質濕潤,孜然粉令肉香更惹味過癮,串燒菠蘿, 香甜多汁, 好juicy。再 吃味付螺肉, 彈牙的螺肉配上 甜甜醬汁,十分惹味。蟹籽芝麻冷烏冬,烏冬煙煙靭靭, 拌勻脆卜卜 蟹子和芝麻醬一起吃 , 十分津津回味。粥底提供豬手或泡菜配料選擇,經過兩小時熬煮, 粥底吸收了海鮮的精華 , 口感鮮味而綿密,加上咬下就骨肉分離的軟淋淋豬手, 充滿骨膠原 , 十分滋補,女士恩物 。 最後店員送上心形的布丁椰皇子, 賣相精緻可愛,布丁滑溜, 配上誘人的椰香, 美味的飯後甜品,完美作結。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-09
2458 瀏覽
朋友約了我去黃埔食飯,說要請我食餐好既,讓我在黃埔的範圍內找間餐廳。既然他這樣說,我唯有順從他的意思,在網上找到一間集蒸鍋+串燒烤肉放的「九重鮮」,就在地鐵站旁邊的黃埔聚寶坊。難得約了朋友,就當然邊食邊吹水。九重鮮可以讓我們坐足210分鐘,放題來說實在有超長時間,可以邊飲邊食邊傾計。我們選了中間的「弘益塔」,先試試這個level 。➯ 1. 弘益塔弘益塔首先包括三款海鮮,有龍蝦、扇貝及鮑魚,另外仲可以任食海蝦及四款貝類(沙白、白蜆、沙蜆及蕃薯蜆)。話明「九重鮮」,海鮮的質素絕對值得一讚。特別是龍蝦及鮑魚,蒸鍋上可以令到其鮮味鎖實,在沒有半點調味料的伴隨下,仍然可以食出那種海鮮的新鮮味道。份量只有每人一份,真是好食到令人想再encore。四款貝類入面,蕃薯蜆是最受人歡迎,可能因為蜆肉比較大粒,而且鮮味在四款入面較強,所以我亦會轉登取多一點。➯ 2. 串燒、烤肉在串燒和烤肉的放題方面,款式實是包羅萬有。原本食海鮮都會食得有點飽,再加埋這個任食,整個餐變得極為豐富。串燒和烤肉有着多款選擇,我建議可以每個肉類抽一至兩款味道試試,比較一下。我個人覺得海鹽燒牛脷串和新疆16味烤雞肉串比較香口惹味,可以食多幾轉。➯ 3. 韓風銀子燒我和朋友都是第一次點這份韓風銀子燒。店員會將錫紙點火,燒一陣後打開錫紙,原來內裡有韓式粉絲、蜆貝、海蝦等材料,像是一份韓式小食一樣,十分趣致,不坊一試。➯ 4. 飲品飲品方面則是最為特別,除一般的任食汽水和啤酒外,竟然還有一個角落有着紅酒和白酒,適合飲酒之人。我還是吃完之後,沖一杯熱玄米茶暖暖胃還好。今餐實在是非常豐富。「九重鮮」,鮮味十足。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-07
1442 瀏覽
香港嘅海鮮蒸鍋已興咗幾年,但好少有任食海蝦丶蜆、串燒、炸物嘅放題,食足三個鐘,絕對係值得試嘅!B. 弘益塔 $268龍蝦丶鮑魚丶帶子,店員提示蒸十分鐘,即翻2次漏斗就食得每枱都會有一個漏斗用嚟計算蒸海鮮時間用,每轉5分鐘每枱有一個筲箕仔,用嚟自助取蜆任食海蝦丶四款貝類(番薯蜆丶白蜆丶沙蜆丶沙白),海蝦新鮮丶算大隻,好鮮甜;外型最大隻嘅番薯蜆,肉滑嫩,但味道較淡;沙白丶白蜆好似,都係厚肉,味道清甜;個人認為當日嘅沙蜆雖然外型較細,但肉質較結實,亦最有蜆味!飲品+$12任飲非酒精類 熱嘅有日式玄米茶丶煎茶;凍嘅有罐裝可樂丶七喜丶樂天忌廉奶丶樂天芒果汁丶樂天檸七丶得米凍頂烏龍茶丶鴻福堂支裝檸檬茶+$38任飲酒精類紅酒丶白酒丶日本清酒丶真露水蜜桃氣泡酒丶Hite啤酒丶Hite芒果啤酒丶森堡啤酒註︰同一枱可以自訂幾多位飲酒精類及幾多位飲非酒精類,唔使全枱都揀同一類飲品,任君選擇,好fair 👍🏻韓風銀子燒係用鍚紙包住海蝦丶沙白丶粉絲,可以選擇麻辣或者清湯,店員會即場灑酒及點火,火熄後就可以食㗎。湯底有酒香,幾得意!烤肉丶串燒18款烤肉丶15款串燒,算多選擇,好啱一大班朋友嚟傾偈,送吓酒。天婦羅丶炸物7款天婦羅,外層粉漿適中,趁熱食!12款炸物,即點即炸,香口又脆!涼菜&飯胃嘅容量有限,揀咗較輕量嘅中華沙律同埋螺肉淺嚐,其他粉面飯類就真係食唔到了粥底可選豬手或泡菜,我就揀咗豬手,一開始店員會先將年糕丶豬手同埋米放喺最底層。食到最尾海鮮嘅「蒸」華落晒鍋內,個粥底好綿,豬手已經好腍,可惜已經食到好飽,只係食到一碗份量。椰汁布甸每位奉送一個,面有椰絲碎,中間半透明係椰青啫喱,最底白色係椰汁布甸,椰味十足嘅甜品。自助爆谷機 繼續閱讀
(以上食評乃用戶個人意見 , 並不代表OpenRice之觀點。)
等級4 2020-07-05
1061 瀏覽
今日去Aeon 行街買野順便去民泰街搵食,點知比好朋友見到對面馬路有間餐廳門面裝修幾靚,八八掛掛走睇下發覺原來係間韓式蒸氣煱同串燒放題。天氣咁熱,原本有點怕餐廳冷氣唔夠就熱上加熱,蒸海鮮變左蒸自己...行到門口望下,見雖然人多,但冷氣都好夠,而且每張枱座位都好闊落,唔會迫埋一齊,門口仲放左幾盤鮮蜆,睇落都幾吸引,兩個就忍唔住轉軚。坐低後店員好好禮貌又好用心慢慢講解點樣食,店鋪仲提供埋計時用既漏斗,非常貼心。我哋今日點左呢個弦益蒸鍋套餐,有三款海鮮同埋任食新鮮蜆同蝦,仲有燒肉、串燒、炸物等等再加個自選粥底!揀好粥底,侍應就去幫你準備海鮮塔,當中包括有兩隻帶子,半邊龍蝦兩份,同鮑魚兩隻!仲有自家種茄子!見到都流晒口水!等待食物蒸熟嘅時間就可以慢慢揀下其他熟食,選擇都好多㗎,同時當然可以爭取時間出去攞新鮮蜆食啦!門口位置擺放左幾款唔同嘅蜆類,分別有蕃薯蜆、沙白等等,蒸幾分鐘開咗殼就食得!眨眼間10分鐘已經過去,一揭開蓋,迷矇嘅蒸氣之中見到帶子已經熟透,夾起點少少醋同辣醬,食到帶子嘅鮮甜,而且夠厚肉有咬感!龍蝦肉肉質爽彈:不過我最鍾意都係鮑魚!最鮮甜味美!跟住就蒸蜆嘞,咁岩呢個時間就有熟食到!個韓式燒雞扒烤得又香口又嫩,超好味!串燒火喉控制都非常之好,唔會燒得太乾,鍾意食韓式食物嘅朋友必點!食完熟食又再開蓋,啲蜆已經蒸好!不停食,真係好忙啊!見到咁多蜆肉任食真係超開心,食完一轉轉頭又再去拎!除咗放題之外,只要加$12就有汽水任飲,出邊餐廳一罐都唔止呢個價錢!!又或者加$38就有酒類任飲,除咗啤酒之外仲有清酒添!食到咁上下有啲飽滯,食返豬骨碗粥舒緩下就最啱,粥底已經煲左好一段時間,夠晒味,仲爆曬花軟綿綿,鍾意嘅再加啲蝦肉或者蜆肉落去,更加鮮味呢!準備埋單嘅時候先發覺原來仲有個甜品布甸椰皇子,上層係炒過嘅椰絲,入口嘅時候有重重嘅嘢香味,下層係香濃嘅椰汁糕,雖然不斷嗌飽,但最後都我可以成個K.O.!佢嘅椰香味真係令我無法抗拒!!成晚食咗好多款唔同食物,好滿足,店員清枱又主動,食都食得舒服d!讚! 繼續閱讀
(以上食評乃用戶個人意見 , 並不代表OpenRice之觀點。)