75
0
3
電話號碼
35909632
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
付款方式
現金 支付寶 O! ePay
其他資料
Wi-Fi
酒精飲品
電話訂座
加一服務費
當面支付
招牌菜
人氣排名 No.1~特上刺身 No.2~牛油果軟殼蟹卷 No.3~ 鹽燒牛舌
食評 (82)
等級4 2018-01-20
629 瀏覽
今日一人駕車到藍地吃午餐,看到這家日本餐廳門面較大很搶眼又見到門口餐牌上的價目很大眾化,於是便內進舒舒服服享受一頓午餐。食物選擇很多,心大心細,但胃得一個,唯有選兩款人氣食品和一個主食啦。等待食物期間看到吧枱處有黑板寫著「酒客恩物」很吸睛!原來飲用清酒滿$300就送回$100搭的士的現金,古都千年的就送回$200現金,哈哈,人們可以讓人放心爛醉了!《吉列廣島蠔 $52》原來有四大件炸蠔, 金黃香脆,蠔細左甘甜,如果炸粉薄一點會更好。《牛肉他他 $88》牛肉他他外層燒過有焦香,內裡嫩紅而且有脂肪,很軟腍。配有醬油、香蔥、烤蒜片、蘿白,全部放在他他牛肉上作調味實在更使牛肉味道更出、口感更佳。《鰻魚炒飯 $76》眼看已經覺得炒飯很豐富,加入了香蔥、蛋、紅蘿蔔碎、紫菜絲和當然有鰻魚肉,鰻魚肉大粒而且厚身。米飯用上日本珍珠米,炒得有油光而且粒粒分明有口感,加入了的鰻魚燒汁份量剛好不會太膩,很惹味。 繼續閱讀
(以上食評乃用戶個人意見 , 並不代表OpenRice之觀點。)
高水準日本菜 焦點食評
等級4 2017-11-02
1815 瀏覽
由於男朋友夜晚係藍地開工,禁我地就係附近食返個晚餐先返屋企,泊好車一落車,就見到間日本菜好吸引佢又唔想行太遠搵其他餐廳,所以就入去試下啦餐具都好精緻,而左上角係餐廳送既前菜黎呢個前菜係用d菜包住紅羅白和肉一齊食,而個醬汁有少少辣,幾正店員好細心介紹餐牌而且部分刺身係半價,真係好抵不過我最後都係想食海膽多d原先唸住叫個$158海膽,不過店員介紹左另一隻海膽比我地,加多$30(即$188)就有日本海膽,而且係更加鮮甜雜綿剌身沙律,刺身大大粒,份量都好多而呢個沙律除左有平時我地食開既蕃茄,沙律菜,青瓜和紅羅白外,竟然仲有牛油果!牛油果配沙律簡直係絕配好好味!仲有好多熟食,價錢都好合理我地就叫左個鰻魚炒飯,炒飯係用左日本米,而每粒日本米都沾滿了鰻魚汁,代表著每一啖都食到鰻魚味,好正估唔到我地去左禁高水準既餐廳,食物高質素,特別係日本海膽,超甜!店員又細心,下次有機會再來 繼續閱讀
(以上食評乃用戶個人意見 , 並不代表OpenRice之觀點。)
日本風情畫 焦點食評
等級4 2017-11-01
213 瀏覽
餐廳既裝潢富日本風,從窗外望去,適逄秋高氣爽,感覺猶如置身日本小店。一坐低店員即刻奉上免費贈送既前菜,係茄子同南瓜,兩樣都炆得非常之腍身同埋入味,連前菜都功架十足,令我對陣間既美食十分期待。土佐豆腐,豆腐外層被炸得酥脆,裏面既豆腐極度嫩滑,醬汁味道恰到好處,特別鐘意佢面頭海量既香蔥同埋海苔,令整個食感更加豐富。天婦羅盛,有一件魚,三件蝦同五件野菜;天婦羅蝦爽口彈牙,表面脆漿並沒有過厚,野菜方面有茄子,蕃薯,青椒,冬菇同埋秋葵,種類繁多,叫人心花怒放。西京燒銀鱈魚,銀鱈魚油脂豐富,經過燒製後油香四溢,入口魚油傾刻爆發,連埋微微焦脆既邊皮位一齊食,口感份外肥美。燒白鱔,呢間餐廳既燒白鱔並無好似其他一貫日本餐廳咁樣用上大量與及多層既鰻魚汁嚟燒製,明顯更見魚味,亦係廚師對選材充滿信心既象徵,絕對值得一試。壽司定食,壽司定食一共有八件壽司,同埋味噌湯,沙律以定食嚟講分量算大,好似散嗌一個沙律咁;味噌湯上枱仲有微微燙口,讚;三文魚壽司新鮮肥美;赤座蝦彈牙爽口,蝦膏特多, 食完仲有大量嘅蝦膏遺留喺個碟上面; 帶子壽司肥大肉厚,清甜無比;喺每一舊壽司之間用一小片生薑嚟清新一番,感覺更好。臨走發現裏面仲有幾張優雅既卡座,下次人多啲可以試吓卜吓。 繼續閱讀
(以上食評乃用戶個人意見 , 並不代表OpenRice之觀點。)
​ 同事住屯門藍地,第一次去覺得地方實在有點隔涉, 夜晚落樓附近幾乎沒有餐廳可以選擇, 然而又突然萌生想食日本料理的念頭, 朋友帶我又季季紅左穿右插行了大約8分鐘終於看見九重町的真面目。 一入餐廳第一個反應是「成間餐廳竟然只有小貓三四隻」。沒錯! 除了樓面外就只有2-3枱客,立即令我擔心起那薄如紙的銀包。 另人出奇地有大部分的食物都是一般日本餐廳價格,時價新鮮刺身除外。 最後點了三文魚刺身一份、鯖魚、吉列廣島蠔同牛肉稻亭烏冬一碗。 2人埋單$243,這食物素質絕對對得住這價錢。 牛肉稻亭烏冬:稻亭烏冬出了名纖巧細緻口感柔滑, 這裏的稻亭烏冬相信是人手拉出來的,口感實在令人讚嘆。 但是湯底味道有少許過重,味噌的味道覆蓋了京蔥、 海苔和牛肉的鮮味,如果湯底的口味能較淡就完美了。 三文魚刺身:刺身三文魚是細膩的橙色而且有一定的厚度, 絕對同出面的平價刺身有很大的分別。口感結實饱,魚油豐盈, 肉質爽滑,點了一點點的醬油味道已經好出好正! 吉列廣島蠔:蠔肉飽滿味道甘香,但略厭包裹的外皮粉漿太厚,形響整體味道。 鯖魚:最令我欣賞的鯖魚, 外皮酥脆肉質又有油脂不乾柴, 帶鹽醃咸香,就算肚子飽極都堅持要食最後一啖。 整體而言,餐廳佈置精美極具日本高級餐廳韻味, 食物性價比高,質素頗高。 但唯一缺點是地點不就腳,有興趣的人建議先做地點資料搜查~ 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-23
968 瀏覽
《三色丼》HKD78。個丼一次過滿足我三個慾望 三款片切刺身都係我最愛。由其是帶子豐厚肥美 仲帶啲creamy嘅口感。三文魚後裔粒粒圓潤晶瑩 知道有d人唔鐘意腥會好抗拒 相反我認為爆珠口感同鹹鮮甘香係佢最獨特地方。至於醋飯 日本醋味道比平時食到嘅壽司飯濃 而且分量多到好似無不見底咁《軟殼蟹牛油果卷》HKD68。上網聽日講牛油果沾豉油味道好似魚生 素食者刺身代替品。我就拎左片試吓 完全唔覺得似lol好重豉油味。 上枱嘅賣相非常唔錯 小清新冇欺場感覺。 加咗沙律醬之後唔點豉油都夠滋味 唯獨係炸軟殼蟹分量有啲小 但係冇油益味 反而牛油果就比較多 而且比較熟 有似入口即溶嘅感覺。 卷物結構穩陣 夾起上嚟唔會散曬。 雖然蟹味唔太出 令到呢道菜少少失色 但係整體嚟講都係味道非常好嘅招牌菜《香煎三文魚扒定食》HKD68。 三文魚嘅可塑性高 無論係法國菜定日本菜都係常客 亦都非常夠體面。 個人認為好食嘅三文魚 肉質必須帶有油脂先至夠香口感。 呢度嘅三文魚肉油潤 香煎過牛油味亦都唔會喧賓奪主 而且份量非常夠誠意。 定食亦都包埋沙律 覺得太油膩亦都可以令味蕾清潔一下《冰幻嘅藍莓特飲》HKD26。 藍莓味嘅有氣飲品 不過不失 夏天應該會更加適合。而且藍莓味嘅飲品係市面比較少見到 都幾特別。。呢間舖頭店員嘅服務態度好細心 見你一個人去到嘅時候仲會同你傾下偈 每一個定食都係會飽肚嘅 相比起出嗌左百幾蚊嘢食都唔飽 係一個幾抵嘅選擇 但交通嚟講對於非豫豐花園嘅居民就有啲唔方便 到咗兆康站之後 轉輕鐵一個站之後去到藍地 過返去對面路軌往泥圍方向大概行十分鐘 轉入豫豐花園 繼續行就會見到商場地舖就到 繼續閱讀
(以上食評乃用戶個人意見 , 並不代表OpenRice之觀點。)