影片
營業時間
今日營業
07:30 - 00:30
星期一至日
07:30 - 00:30
以上資料只供參考, 請與餐廳確認詳情
我哋起初俾門口$29粉麵宣傳牌吸引，但原來只限外賣，睇真啲堂食都有精選套餐，$52包一碗河粉，送油菜同飲品，每天款式不同，星期四係手打牛丸河，份量超多，牛丸爆汁好出色，都算好抵兩位同行朋友都話天氣熱唔想食粉麵，一個叫咗飯餐，一個叫咗撈麵。鴨腿湯飯喺住家靚湯冇味精，濃郁香甜，鴨腿啖啖肉；麻辣牛筋牛腩撈粗我試咗兩啖，個麻辣醬係店家秘製好惹味，牛筋牛腩份量都好多整體嚟講食物價錢喺銅鑼灣算中等，但份量夠多，冷氣夠，服務都算唔錯，社交媒體打卡仲有得送紫菜湯/汽水/油菜，可惜OpenRice唔計😂 如果唔係一定叫多碟油菜🤭
繼續閱讀
銅鑼灣駱克道「九運來粉麵世家」係咪咁神？試完佢哋嘅鎮店四寶直接跪低——牛舌、牛筋、牛肚、牛腩樣樣高質，湯底仲要甜到入心，街坊私藏名單+1！ 牛四寶米 牛控終極盛宴🐮✨ 牛舌薄切爽嫩唔韌，牛筋 膠質多到黏嘴，牛肚 吸湯脆卜卜，牛腩鬆化帶肉香！四寶滷得入味冇雪味，湯底用牛骨熬足鐘數，飲完喉嚨唔黐笠，抵俾👏 ▫️ 牛腩牛筋飯 雙重暴擊飯桶胃🍚 牛腩大件厚身，筋膜位入口即融；牛筋冧到筷子一篤就散～秘製滷汁甜鹹平衡，撈飯食到刮乾淨！ 魚片河 清甜派必點🌟 魚片厚切雪白，啖啖肉零骨渣！湯底每日用大地魚+豬骨滾，奶白色仲飄住魚香，河粉嗦嗦聲吸湯，鮮到舌頭打冷震～ ▫️ 凍朱古力 濃郁控尖叫🍫 朱古力漿掛杯壁！入口先苦後甜，奶香順滑唔漿喉，冰粒少少融反而更香～ 紅豆冰復古粒粒心機作💥 紅豆煲到外皮完整內裏起沙！椰奶甜度輕手，撞碎冰啜落「嗦嗦聲」，懷舊感MAX！ 凍奶茶 茶膽贏九成茶記👑 茶香突出帶回甘，奶比例啱啱好，入口絲滑冇苦澀，飲完杯底冇冰水溝淡，堅揪！ 一碗靚粉麵，勝過九碗頹飯！由湯底到牛件都落足心機，懷舊冰飲仲完美還原老字號風味～銅鑼灣食飯諗唔到？衝「九運來」實冇伏😎
繼續閱讀
位於銅鑼灣SOGO附近既粉麵店店內環境光猛整潔餐牌上有多款粉面,湯飯,小食等 選擇都幾多 而且價錢有好實惠同埋每碗份量都幾多 魚片墨丸粗麵爽彈魚片加上彈牙既墨魚丸搭配鮮甜嘅湯底 加上吸收晒湯底既味道既粗麵💯而且佢啲粗麵完全冇鹼水味冬瓜鴨腿湯飯原隻既鴨腿 都好大隻 肉質嫩滑又夠入味一啲都唔會太靭配上清甜既冬瓜湯 呢款湯飯好啱夏天食夠晒消暑👍🏻小食試咗麻辣墨魚鬚墨魚有嚼勁秘製麻辣醬食落麻香兼備夠哂惹味鍾意食辣嘅就啱晒😋
繼續閱讀
今次嚟到銅鑼灣嘅九運來粉麵世家，位於駱克道鬧市，細舖環境街坊味十足。小店主打傳統港式粉麵同小食，行過見到都被濃濃湯底香吸引住，啱晒返工放工想食個窩心快餐嘅你！🍲 招牌牛腩麵 牛腩麵係店內人氣之選！牛腩厚切，燉得腍滑入味，油脂分布平均，一啖咬落啲肉完全唔柴。湯底呈微棕色，牛骨香氣濃郁，配上清甜菜心同爽滑幼麵，每一啖都倍感滿足，完全係經典港式風味。🍛 沙薑手撕雞米線雞絲嫩滑，鹹香分明。麵條保持彈牙，唔會太油膩，伴以生菜底，感覺更清新健康。每條雞絲都吸滿豉油鹹香，食落啖啖滋味。🥖 吉列魚柳+西多士+薯條西多士熱辣辣、牛油香撲鼻，一咬鬆軟；吉列魚柳外脆內嫩，金黃色澤好吸引，無論點醬定淨食都好夠滋味。配埋薯條，加埋沙律醬，食完半飽之後再加番碗粉麵，超滿足Combo！
繼續閱讀
係銅鑼灣返工，同事話想食牛雜河，揀咗駱克道嘅呢間試一試！揀左一碗五香牛雜河粉👍🏻份量超足，牛肚、牛腸、牛膀同牛肺，口感各有千秋。牛肚爽滑，牛腸脆口，牛膀粉糯，而牛肺就有獨特嘅口感。全部都清洗得好乾淨冇腥味，調味不錯，河粉吸收咗五香牛雜濃汁嘅精華，配上芹菜蔥同埋炸蒜，更加提升味道層次，推介👍🏻另外叫咗一碗王牌牛四寶河粉，配料有牛腩、牛筋、牛肚同牛舌。牛腩肉質軟嫩，夠入味，牛筋就炆得好腍，充滿膠質。牛肚滑順，而牛舌更加係有豐富的肉香👍🏻湯底清爽，配合河粉食唔停口！仲加左一碗鮮蝦雲吞，蝦仁新鮮大大粒，皮薄餡靚。蝦仁同肉嘅鮮甜，加上湯底嘅清香，做到完美搭配，絕對係必試。黎粉麵店緊係要叫酥炸魚皮！魚皮炸到脆卜卜，但係絕對冇油膩感，調味亦啱啱好，鹹香適中，必試！整體來講，呢間粉麵店嘅食物質量高，味道絕佳，性價比超高，會再去！🍽️ 九運來粉麵世家 (銅鑼灣)銅鑼灣駱克道513-515號永勝大廈地下A號舖
繼續閱讀