九號冰室

營業中

休息中

茶餐廳向來是眾多港人飯堂，食物種類包羅萬有，定價亦算相宜，今晚來到「九號冰室」就是吃頓便飯，乾手淨腳，去完就走。家家茶餐廳格局都大同小異，但難得這裡座位編排得不算密，牆上除了有不同的菜式推介外，最有趣是貼上好些打工金句，非常搞笑。翻一翻餐牌選擇十分之多，但講到最划算非晚市二人套餐莫屬，包例湯、一道鮮魚或鮮雞菜式、一道是日晚餐款式、油菜、是日例湯及熱飲，另加錢轉凍飲或升級特飲。茶餐廳的基本設定，就是將所有餐具、基本調味料都已放在枱旁櫃桶內。先來兩碗「老火例湯」，入口果然夠老火，味道清甜，攪拌一下，看到有很多湯料，製作一點也不馬虎。首先來的是晚餐B的「陳醋骨」，睇睇賣相，再嗅一嗅，嗅到一陣陣酸香味，感覺已十分吸引。入口 一字骨肉質非常鬆化，有少少脂肪香，亮點莫過於這個陳醋醬汁，酸香醒為，拌飯一流。油菜是蠔油生菜，算不上有甚麼特別，灼得剛好，帶著玻璃生菜的口感。鮮魚、鮮雞菜式我們就選了「清蒸馬友」，因為一向吃魚鮮清蒸最能吃出魚的鮮味，簡單少少薑蔥蒸，確實令到鮮味盡出，馬友的肉質超級嫩滑，不過，小心多骨喔！既然晚市二人餐這麼划算，所以，餐飲就升級了「紅豆冰」及「雪山朱古力」，前者一看便知有非常

一入門就看到一塊「食飯最緊要開心」的螢光字牌。對！每次食飯都好開心。靠牆有是舒適的卡座，中間還有長枱和圓枱，座位不少，整齊企理，坐得舒適。多份餐牌，選擇不少，有二人套餐、晚餐、常餐、焗飯、咖哩飯、炒粉麵飯、小菜、蒸類、小食、飲品等。二人套餐（$138）有魚或雞揀，另選一樣小菜，配有油菜、白飯/例湯/飲品。揀咗古法蒸馬友，古法是用肉絲、冬菇絲和紅棗蒸，很特別！魚很新鮮，蒸得剛好，又滑又嫩，肉質鮮美。 另一小菜是三杯雞，啖啖肉，皮脆口，鹹香惹味。油菜（$0/跟餐）係灼生菜，很清爽鮮嫩，少油少鹽，清新健康！例湯（$0/跟餐）係蓮藕蘿蔔豬骨湯煲得夠火喉，蓮藕粉糯微爽，沒有味精，家的味道。乾鍋椰菜花腩片 （$78）熱烘烘上枱，鍋氣十足！用料十足，五花腩煎至焦香煸出油脂，吃落一點也不油膩；椰菜花及各配菜都煮很剛好，很爽口！味道香辣惹味，很有風味，推介！型男餐（$65）包一大碗豬扒鮑魚日本出前一丁、火腿奄列及大大個菠蘿油，份量十足，一定夠型男飽肚。豬扒煎得香口，肉腍嫩有肉汁；原隻鮑魚爽口；出前一丁有咬口，滿有麻油香，此組合一流！火腿奄列也不錯，香嫩的蛋皮包着不少火腿絲，豐富！暖烘烘的菠蘿油夾冰凍的牛

同同事係黃埔放工，決定一齊食埋飯先返屋企經過依間冰室，門面光鮮整潔，放工時間都有唔少街坊食客，睇落夠晒穩陣😎😎再睇睇餐牌，食物選擇多，仲有個百幾蚊嘅二人套餐，都幾吸引。雞/ 魚，二選一，再喺當日晚餐餐牌度揀一樣小菜，仲有油菜，仲有白飯、例湯、熱飲！超抵食！例湯 竟然比我遇上粉葛湯，可以食到粉葛，屋企嘅味道呀！蔥油雞賣相非常靚仔！勁多薑蔥！超正！我就最鍾意雞髀位置，夠晒滑溜，連埋薄薄嘅雞皮、薑蔥、白飯一齊食，超幸福既味道🥰🥰另一款小菜我哋就揀左當日晚餐餐牌上有既西蘭花炒班球。有驚喜喎，好有鑊氣，有少少蒜蓉味道，好惹味。班腩份量好多，啖啖肉，爽😊蜜餞薯仔牛柳粒諗住散叫多一個小菜，大家食得開心啲，好彩冇揀錯😎😎薯仔粒超級好食，入面好軟熟，外面有少少脆皮感覺，正！蜜餞效果令到每粒牛柳都甜甜地，好味😎😎朱古力雪山我見有好多食客都揀紅豆冰，我就揀咗依杯朱古力雪山，工作太攰，實在需要滿滿嘅朱古力味黎攻陷自己😂😂配搭cream, 成杯朱古力即刻好飲咗好多，超開心簡簡單單，食咗餐性價比非常高嘅晚飯，遇到依間冰室，真係意外收穫！

成日經過見到有室外 / 室內, 啱哂d又想放狗又想食茶記嘅狗奴才 😊地方乾淨企理, 燈光舒適, 坐得舒服, 真係可以慢慢食慢慢傾慢慢飲今次絕對係比套餐138$ 吸引咗黎見Set包2飯 1 油菜 1魚/雞 1 小菜2 飲品 (嚇死人咁抵食)一坐低已經人頭例湯, 好足料, 飲完亦都無口渴無哂倉魚 我地揀咗豉汁 - 枝竹 - 蒸黃花 魚肉新鮮無霉霉嘅口感, 肉骨都好易分離, 推介比怕魚骨人士, 啖啖肉枝竹炆到好冧, 非常掛汁, 配白飯真係絕Set 加20$ 有胡椒豬肚雞煲 (用gas爐上真係好有heart)味道辣辣地好惹味 豬肚爽口 配埋西芹﹑雞件﹑豆卜, 味道唔會死咸, 感受到有係經過長時間煲先有咁嘅火侯, + 20$ 絕對推介另外仲叫咗2個煲仔 + 1 炒嘢試試佢- 蝦乾粉絲雜菜煲：澎湃份量, 蝦乾香口, 粉絲吸哂湯汁精華, 菜量又多, 一家大細必叫- 乾鍋椰菜花腩片：微辣送啤酒小食一流，花腩川肥瘦適中， 相當惹味- 豉椒排骨炒河：估唔到排骨份量咁多，真係大方過好多餐廳！豉椒汁加埋河粉真係幾飽都會食哂總結：無諗過冰室有大排檔水準，茶記價錢，冰室環境，大隻佬都必飽份量， 絕對推薦！

週日晚上我哋幾個人嚟咗呢間冰室食晚餐🤣$78「涼瓜肉碎煎蛋」：涼瓜切幼條加埋肉碎一齊煎蛋，煎蛋煎到薄薄哋一大片，香口幾好食🤣呢度有好抵食嘅 $138「晚市二人套餐」可以自由組合，咁我哋揀咗「清蒸馬友魚」同埋「金針雲耳蒸雞」，套餐仲包「油菜」，配「例湯/白飯/熱飲/凍飲（+$3）/汽水（+$5）/特飲（+$8）」🤣例湯係「紅蘿蔔雪耳湯」，味道幾清新🤣油菜係「唐生菜」，唐生菜新鮮幾爽脆🤣「金針雲耳蒸雞」：滑雞🐓真係夠晒滑，仲啱啱蒸好熱辣辣🤣「清蒸馬友魚」：馬友魚肉質新鮮兼幾滑，清蒸簡單得嚟食到原味🤣$52「清湯豬扒麵」加 $6 轉「日本版出前一丁」，配「牛油多士」🤣：豬扒勁大塊，鋪滿咗成個碗🤩，豬扒🐷🥩煎香咗肉質軟熟🤣；另外出前一丁就梗係好食啦🤣「火腿煎蛋」同埋「牛油多士」都係簡單幾好食🤣餐飲叫咗兩杯「熱檸檬水🍋💦」同埋一杯「凍檸檬🍋可樂」，兩樣都清新，簡單得嚟好飲🤣我哋3個人都食得飽飽🤣

餐廳晚市二人餐❤️好抵食，食物有水準，性價比高！清蒸馬友❤️好鮮甜，啲魚肉嫩滑，蒸得啱啱好，保持原汁原味，食落唔會太油膩。同埋係每日新鮮街市買返黎，大大條，絕對推薦！！沙薑雞❤️三黃雞肉夠香口嫩滑，白飯殺手，雞味香濃，沙薑惹味唔死咸。老壇酸菜魚❤️啲酸菜夠晒酸香，魚片啖啖肉，湯頭又清又鮮，仲有小量蔬菜同寬粉，正呀。跟餐仲可以配油菜❤️，紅豆冰❤️同熱檸水，紅豆冰唔會太甜，紅豆綿密，份量十足。另外散叫嘅豉油王炒麵❤️，味道好經典，係我細個食既味道，勁有鑊氣！豉油味香濃，麵條夠彈牙又唔會太油，好易入口。杞子豬膶浸菜苗❤️ 豬膶夠嫩滑，食落唔會膩，零騷味，好健康。呢到食物質素好好，價錢合理，餐廳服務好貼心！！

今晚，我和朋友決定去紅磡的九號冰室食晚餐。一進去，店內的氛圍就讓人感到好舒服。我們首先點了例湯，湯底清淡可口，令人開胃。接下來是杞子豬潤浸菜苗，菜苗鮮嫩，搭配香氣四溢的豬潤，簡直是絕配。最驚喜的是XO蝦乾炒豬頸肉，肉質鮮嫩，配上特製的XO醬，味道濃郁，讓人忍不住多吃幾口。然後，我們還點了豉汁蒸倉魚，魚肉滑嫩，豉汁味道恰到好處，真係好好味！最後，我們選擇了雪山紅豆冰和熱檸檬蜜，甜而不膩，真係令人心情大好。整體來說，九號冰室的菜色不單好味，還帶有濃厚的香港情懷。下次再來一定要試試其他菜式！

成日都聽啲同事話呢間九號冰室嘅質素ok所以今日我都嚟試下。地方唔算細，仲有室外位。佢嘅醒神早餐有十一款可以選擇，以早餐嚟講都算多選擇，而且佢每個套餐都標配3.6牛乳炒滑蛋，呢個都算高質素，唔係hea炒蛋。我就嗌咗個自選扒餐$50雞扒出前一丁麵，腸仔牛乳炒蛋，配丹麥多士，熱奶茶雞扒肉質唔鞋，丁面爽口，丹麥多士夠曬香，杯奶茶出色，茶味奶味都好足。同事嗌咗歐陸早餐吉列魚柳，全熟煎蛋，跟厚多士，凍檸茶呢個配搭完全係一個全日早餐，而且質素比其他餐廳嘅好啲，價錢都係51蚊，今時今日茶餐廳嘅價錢抵食啦！

🏠 店名：9號冰室📍 地址：紅磡民泰街53-73號地下F1號舖💰 人均：$60-$100 (抵食夾大件！)🔥 型男餐：霸氣到震！🍜 豬扒鮑魚日本出前一丁一上枱「嘩」一聲！兩塊手掌大豬扒煎到金黃焦邊，咬落「索索聲」脆皮爆肉汁，仲要啖啖肉唔黐骨，正到犯規！碗底仲有隻迷你鮑魚仔，爽口彈牙唔韌，撈埋出前一丁麻油湯底，鮮味「叮」一聲衝出嚟～ 即食麵煮得啱啱好，索盡湯汁又唔淋，邪惡度爆燈！🍳 火腿奄列一啖咬落去，蛋漿瀑布式湧出！滑蛋包住鹹香火腿碎，仲有微微流心效果，簡單但贏在夠嫩滑濕潤，送多士一流！🍍 菠蘿油熱辣辣酥皮菠蘿包夾住冰凍厚切牛油，上枱仲「滴緊汗」！一啖咬落，「咔嚓」聲穿透耳膜，冰火交織+牛油鹹香，邪惡到痺！🍹 凍檸檬茶茶底夠濃唔澀，檸檬三片唔孤寒，篤兩下再飲，酸香醒神，解膩神器無誤！🥤 龍鳳可樂童年回憶返晒嚟！可樂溝鮮忌廉，入口先係汽水爽勁，後勁係奶滑甜香，詭異但上癮，試過返唔到轉頭～🌪️ 胡椒豬肚雞餐：驅寒必殺技！個湯奶白色超濃郁，一啖飲落喉嚨即刻火辣辣暖笠笠！豬肚爽脆冇異味，雞件嫩滑唔鞋口，啖啖掛滿胡椒辛香，秋冬食直頭想抱實個碗！🥬 豬肉炒莧菜餐：鑊氣小清新莧菜炒到翠綠油亮，莖位爽脆

放工又去左黃埔食飯黃埔真係美食天堂又平又多選擇今次平民食堂九號冰室簡簡單單食個晚飯點咗個二人餐有一條魚加個小菜仲包湯包飲品包一碟菜小菜揀咗蜜椒牛仔粒上枱時覺得賣相好普通以為味道都應該一般但一食就喜出望外居然平平無奇既晚餐可以咁出色魚蒸到剛剛好熟，魚肉好滑嫩豉椒好夠味又吾會太重味蒸魚豉油味道都好好蜜椒牛仔粒勁多牛蜜桃味好夠，甜甜地薯仔同牛仔粒都煎過表耐帶微焦口感佳啫啫雞煲好熱辣辣有雞點豬肚洋蔥蒜頭三色椒好豐富雞件好香好惹味豉椒排骨炒河豉椒汁同排骨份量勁多好抵食涼瓜肉碎煎蛋涼瓜微甘不帶苦味蛋煎得焦脆香口

這間位於紅磡的【九號冰室】，晚市主打中式小菜外，還有多款焗飯、炒粉麵等，其中更有二人套餐只需百多元起，價錢貼地且份量十足。蓮藕紅蘿蔔豬骨湯例湯完全無味道，十分清甜。涼瓜炆䱽魚䱽魚即叫即蒸，蒸至剛熟離骨，魚肉雪白鮮甜，加上爽脆涼瓜更添風味。杞子浸時菜莧菜加上炸蒜及杞子，翠綠嫩腍。套餐還包碟生菜。蜜餞薯仔牛柳粒牛柳粒走油爆至剛熟，表面有陣陣蜜糖甜香及黑椒微辣，送飯一流。菠蘿生炒骨生炒骨即叫即炸，表面掛上酸甜汁，外脆肉嫩，酸甜開胃。

唔知食咩好又黎到黃埔呢邊轉一轉，見九號冰室感覺唔錯就入左去，望一望咁熟口面嘅，原來佢新開張個陣黎食過😆餐牌多左野揀，碟頭飯、客飯套餐、二人餐等，叫幾個小菜一齊食先😋⭐例湯一坐低就送上的熱水同例湯，個湯夠熱幾濃味，ok喎。⭐涼瓜炆倉魚倉魚大大條，肉質鮮味骨又少，醬汁入哂味正呀。涼瓜爽口，顏色翠綠但食落唔苦，好味😋⭐蒜蓉炒時菜時菜要左菜心，有蒜香，但菜心略為老身有啲硬。⭐川味辣子雞一上枱已經聞到爆炒嘅香味，個陣辣味迫人流口水😆雞粒香辣惹味，正！⭐鹹魚煎肉餅叫樣就失色少少啦，鹹魚味較淡，肉餅煎得未夠硬身，味道都ok嘅，我期望再重口味啲啦。⭐白飯大大碗又夠熱。⭐鹹檸七 & ⭐利賓納特飲加$8凍飲加$3，合理吖。即叫即炒製作需時，確保上枱時碟碟都熱辣辣😋三百幾蚊抵食啦。

我們約了住黃埔花園的朋友，去了這間9號冰室吃晚餐，非常近黃埔地鐵站，行兩三分鐘就到。落著滂沱大雨，原本以為會疏落啲，點知都坐咗唔少人，可見這間冰室在附近都幾受歡迎。價錢方面真係好親民，二人套餐$138，選擇又多。魚有倉魚、黃花魚、鯇魚豉同馬友，連煮法都可以自選——我哋揀咗豉汁蒸黃花魚。魚一上枱，熱辣辣，豉汁香味撲鼻，魚肉鮮嫩滑溜，豉汁鹹香唔會搶味，啱啱好帶出魚的鮮甜。搭配埋白飯，真係食得停唔到口。套餐仲包咗小炒皇同油菜。小炒皇鑊氣十足，蝦仁、魷魚、腰果炒得香脆，每啖都有唔同層次。油菜新鮮翠綠，清淡又解膩。例湯雖然係例行公事，但都有住家味，暖胃又舒服。我哋另外叫咗蜜餞薯仔牛柳粒同啫啫滑雞煲。牛柳粒外層煎得香口，蜜餞薯仔帶甜味，牛肉同薯仔一齊食好有驚喜，唔會太膩。啫啫滑雞煲一上枱就聽到「啫啫」聲，雞肉滑溜入味，醬汁香濃，撈飯一流。飲品方面，我揀咗紅豆冰同熱杏霜。紅豆冰大大杯，上面鋪滿綿滑紅豆，甜度啱啱好，冰涼消暑，飲落仲有淡淡奶香，食完熱氣騰騰嘅餸菜再嚟一杯，真係透心涼。熱杏霜滑身香濃，杏仁味非常突出，飲落暖胃又舒服，特別啱落雨天飲。整體來講，9號冰室就係一間好貼地嘅本地茶餐廳，食物有鑊氣

紅磡食肆多羅羅，兜咗一轉，入咗(九號冰室)勝在價錢大眾化。店舖座位寬敞，裝潢好特別，落單同靚仔太子爺傾開知道換咗一批經驗廚房師傅。傾吓傾吓私人醒咗碗例湯❣️冬瓜紅蘿蔔湯冬瓜的清甜與紅蘿蔔的微甘，湯底鮮香，湯品不油膩，特別在炎熱夏季，飲過後令人回味❣️芝士咖喱腸仔牛筋腩焗飯芝士蕉蕉地拉絲，腸仔和牛筋腩肉質鮮嫩，焗飯的米粒吸收咖喱的精華，軟滑而不膩❣️星洲炒米色澤金黃，食材豐富有鮮蝦爽脆，叉燒蜜味，調上香辣的咖哩和醬汁yummy❣️炸珍寶雞髀沙律外皮金黃酥脆，雞皮炸到脆卜卜，口感好似食薯片😋肉質鮮嫩多汁。沙律清甜與雞髀的鹹香絕佳對比 ❣️鮮油多士外層金黃酥脆內裏軟嫩。抹上香濃鮮牛油，每口充滿了奶香和淡淡的鹹味，正是兒時回憶

昨晚出到黃埔，在地鐵站附近有很多食店，我們看到這冰室環境整潔乾淨，門外餐牌的二人餐也很吸引，便進去晚餐。這店的食客不少，店員們也殷勤服務，出餐時間也很快。飯後，店主問及我們對餐廳的意見，在交談中得知他們在掛十號風球當天仍有開門，而且沒有額外收費。真心覺得他們是良心餐廳！二人套餐(雞 + 是日晚餐 D) ($138)這餐性價比很高！美極蔥油雞(半隻)：這隻雞很大隻，雖是半隻，份量很多。肉質也很嫩滑，配以蔥油的香味，十分誘人。西蘭花炒蝦球：西蘭花新鮮，蝦球肉質彈牙，有水準。例湯：足料而不會太咸送油菜小菜 - 紅燒班腩煲 ($83)這班腩十分嫩滑，加上不同的配料和醬汁，味道香濃惹味。配白飯一流！蒜茸炒時菜 (跟小菜+$58)這菜心翠綠、新鮮，面以蒜茸炒，色香味俱全。青蘋果雜 (跟餐特飲+$8)青蘋果味特飲清新涼快，甜度適中，底下有多種雜果可供品嚐。荔枝爽爽 (跟餐特飲+$8)濃郁撲鼻的荔枝香味梳打， 底部有一條條椰果，冰涼梳打與荔枝味交融實在叫人有暢快的感覺！