九號冰室

營業中

休息中

放工又去左黃埔食飯黃埔真係美食天堂又平又多選擇今次平民食堂九號冰室簡簡單單食個晚飯點咗個二人餐有一條魚加個小菜仲包湯包飲品包一碟菜小菜揀咗蜜椒牛仔粒上枱時覺得賣相好普通以為味道都應該一般但一食就喜出望外居然平平無奇既晚餐可以咁出色魚蒸到剛剛好熟，魚肉好滑嫩豉椒好夠味又吾會太重味蒸魚豉油味道都好好蜜椒牛仔粒勁多牛蜜桃味好夠，甜甜地薯仔同牛仔粒都煎過表耐帶微焦口感佳啫啫雞煲好熱辣辣有雞點豬肚洋蔥蒜頭三色椒好豐富雞件好香好惹味豉椒排骨炒河豉椒汁同排骨份量勁多好抵食涼瓜肉碎煎蛋涼瓜微甘不帶苦味蛋煎得焦脆香口

這間位於紅磡的【九號冰室】，晚市主打中式小菜外，還有多款焗飯、炒粉麵等，其中更有二人套餐只需百多元起，價錢貼地且份量十足。蓮藕紅蘿蔔豬骨湯例湯完全無味道，十分清甜。涼瓜炆䱽魚䱽魚即叫即蒸，蒸至剛熟離骨，魚肉雪白鮮甜，加上爽脆涼瓜更添風味。杞子浸時菜莧菜加上炸蒜及杞子，翠綠嫩腍。套餐還包碟生菜。蜜餞薯仔牛柳粒牛柳粒走油爆至剛熟，表面有陣陣蜜糖甜香及黑椒微辣，送飯一流。菠蘿生炒骨生炒骨即叫即炸，表面掛上酸甜汁，外脆肉嫩，酸甜開胃。

唔知食咩好又黎到黃埔呢邊轉一轉，見九號冰室感覺唔錯就入左去，望一望咁熟口面嘅，原來佢新開張個陣黎食過😆餐牌多左野揀，碟頭飯、客飯套餐、二人餐等，叫幾個小菜一齊食先😋⭐例湯一坐低就送上的熱水同例湯，個湯夠熱幾濃味，ok喎。⭐涼瓜炆倉魚倉魚大大條，肉質鮮味骨又少，醬汁入哂味正呀。涼瓜爽口，顏色翠綠但食落唔苦，好味😋⭐蒜蓉炒時菜時菜要左菜心，有蒜香，但菜心略為老身有啲硬。⭐川味辣子雞一上枱已經聞到爆炒嘅香味，個陣辣味迫人流口水😆雞粒香辣惹味，正！⭐鹹魚煎肉餅叫樣就失色少少啦，鹹魚味較淡，肉餅煎得未夠硬身，味道都ok嘅，我期望再重口味啲啦。⭐白飯大大碗又夠熱。⭐鹹檸七 & ⭐利賓納特飲加$8凍飲加$3，合理吖。即叫即炒製作需時，確保上枱時碟碟都熱辣辣😋三百幾蚊抵食啦。

我們約了住黃埔花園的朋友，去了這間9號冰室吃晚餐，非常近黃埔地鐵站，行兩三分鐘就到。落著滂沱大雨，原本以為會疏落啲，點知都坐咗唔少人，可見這間冰室在附近都幾受歡迎。價錢方面真係好親民，二人套餐$138，選擇又多。魚有倉魚、黃花魚、鯇魚豉同馬友，連煮法都可以自選——我哋揀咗豉汁蒸黃花魚。魚一上枱，熱辣辣，豉汁香味撲鼻，魚肉鮮嫩滑溜，豉汁鹹香唔會搶味，啱啱好帶出魚的鮮甜。搭配埋白飯，真係食得停唔到口。套餐仲包咗小炒皇同油菜。小炒皇鑊氣十足，蝦仁、魷魚、腰果炒得香脆，每啖都有唔同層次。油菜新鮮翠綠，清淡又解膩。例湯雖然係例行公事，但都有住家味，暖胃又舒服。我哋另外叫咗蜜餞薯仔牛柳粒同啫啫滑雞煲。牛柳粒外層煎得香口，蜜餞薯仔帶甜味，牛肉同薯仔一齊食好有驚喜，唔會太膩。啫啫滑雞煲一上枱就聽到「啫啫」聲，雞肉滑溜入味，醬汁香濃，撈飯一流。飲品方面，我揀咗紅豆冰同熱杏霜。紅豆冰大大杯，上面鋪滿綿滑紅豆，甜度啱啱好，冰涼消暑，飲落仲有淡淡奶香，食完熱氣騰騰嘅餸菜再嚟一杯，真係透心涼。熱杏霜滑身香濃，杏仁味非常突出，飲落暖胃又舒服，特別啱落雨天飲。整體來講，9號冰室就係一間好貼地嘅本地茶餐廳，食物有鑊氣

紅磡食肆多羅羅，兜咗一轉，入咗(九號冰室)勝在價錢大眾化。店舖座位寬敞，裝潢好特別，落單同靚仔太子爺傾開知道換咗一批經驗廚房師傅。傾吓傾吓私人醒咗碗例湯❣️冬瓜紅蘿蔔湯冬瓜的清甜與紅蘿蔔的微甘，湯底鮮香，湯品不油膩，特別在炎熱夏季，飲過後令人回味❣️芝士咖喱腸仔牛筋腩焗飯芝士蕉蕉地拉絲，腸仔和牛筋腩肉質鮮嫩，焗飯的米粒吸收咖喱的精華，軟滑而不膩❣️星洲炒米色澤金黃，食材豐富有鮮蝦爽脆，叉燒蜜味，調上香辣的咖哩和醬汁yummy❣️炸珍寶雞髀沙律外皮金黃酥脆，雞皮炸到脆卜卜，口感好似食薯片😋肉質鮮嫩多汁。沙律清甜與雞髀的鹹香絕佳對比 ❣️鮮油多士外層金黃酥脆內裏軟嫩。抹上香濃鮮牛油，每口充滿了奶香和淡淡的鹹味，正是兒時回憶

昨晚出到黃埔，在地鐵站附近有很多食店，我們看到這冰室環境整潔乾淨，門外餐牌的二人餐也很吸引，便進去晚餐。這店的食客不少，店員們也殷勤服務，出餐時間也很快。飯後，店主問及我們對餐廳的意見，在交談中得知他們在掛十號風球當天仍有開門，而且沒有額外收費。真心覺得他們是良心餐廳！二人套餐(雞 + 是日晚餐 D) ($138)這餐性價比很高！美極蔥油雞(半隻)：這隻雞很大隻，雖是半隻，份量很多。肉質也很嫩滑，配以蔥油的香味，十分誘人。西蘭花炒蝦球：西蘭花新鮮，蝦球肉質彈牙，有水準。例湯：足料而不會太咸送油菜小菜 - 紅燒班腩煲 ($83)這班腩十分嫩滑，加上不同的配料和醬汁，味道香濃惹味。配白飯一流！蒜茸炒時菜 (跟小菜+$58)這菜心翠綠、新鮮，面以蒜茸炒，色香味俱全。青蘋果雜 (跟餐特飲+$8)青蘋果味特飲清新涼快，甜度適中，底下有多種雜果可供品嚐。荔枝爽爽 (跟餐特飲+$8)濃郁撲鼻的荔枝香味梳打， 底部有一條條椰果，冰涼梳打與荔枝味交融實在叫人有暢快的感覺！

收工夜咗，街市都已經冇咩餸菜買😓到附近睇有冇嘢好食，見到新開九號冰室，有晚餐，常餐都幾多選擇，原來都差不多滿座😊嘩😮原來晚飯套餐好抵食🤩$138就有二人套餐😋二款小菜，仲有白飯、例湯、仲有時菜送、飲品，真係抵過自己買餸煮飯。 我地又多一個好選擇👍🌟明火例湯（霸王花，紅蘿蔔排骨湯）冇味精靚湯😋🌟古法蒸馬友魚🐟馬友魚又夠大又新鮮，一點腥味都冇，古法蒸魚味道比薑蔥蒸仲好食😋🌟胡椒豬肚雞煲🐓明火煲仔上😍胡椒味夠香夠濃，雞肉滑，好耐冇食猪肚，蚊得好腍，吸收胡椒湯，真心比大酒樓好味多😋🌟苦瓜炒牛肉🐂牛肉量好多，苦瓜炒爽脆，配白飯一流👍🌟咸魚雞粒炒飯炒飯炒得都幾干身，咸魚咸香味加雞肉，炒飯炒得好香，食清盤😂🌟凍檸樂、咸檸7🥤夠凍，二杯凍飲配今晚餐飯，正到暈🤩茶餐廳價錢，比酒樓更有獲氣，份量又足，超值👍

到黃埔處理事務，順道在附近晚餐。九號冰室，門面吸引，加上鄰近黃埔地鐵站，回家方便。門前有小雅座，提供伴露天座位選擇，甚為貼心。餐廳環境企理寬敞，感覺舒適自在！點了二人套餐 $138，超值的二人套餐，天天吃也無妨。是夜的豐富晚餐，所費無幾的大滿足！豉汁蒸䱽魚，䱽魚肉多少骨，䱽魚又夠大條，加上豉汁惹味，老少咸宜！西蘭花炒牛肉，西蘭花軟硬適中，吸滿了牛肉汁，比牛肉更好味。跟餐凍檸茶及凍檸樂另外點了乾鍋椰菜花腩片 $78，乾鍋微辣，花菜都是近年的大熱食材，配搭豬腩肉片，拌飯一流。胡椒豬肚雞煲 $98，胡椒味道香濃，雞件滑溜，濃湯好味，很不錯的一個雞煲。是日例湯 - 甘筍菜乾豬肉湯，沒有奢華的賣相，卻是實實在在的老火湯，菜乾下火，家常湯水。蒜茸炒時菜 $58，菜心嫩綠無渣，蒜香滿滿，簡單好味道。

入去見到無乜人。諗住嗱嗱聲食啲野就算。叫左個黯然銷魂飯 (叉燒煎蛋飯)個飯一黎到。嘩左一聲啲叉燒薄到透光。柴到豬肉干咁叉燒夾硬落啲糖漿落去。甜到咳嘅叉燒真係第一次食。豉油要問先有。雖然話餐牌啲相係只供參考啫，都唔係離譜到咁！餐廳無人係有原因嘅。

想去的餐廳無開門，兜左一個圈，入左一間新開的餐廳叫九號冰室。餐廳感覺還不錯，店員雖然唔太識講廣東話，聽唔明佢講咩但態度熱情。⭐例湯晚餐有餐湯送，是晚係紅青蘿蔔豬骨湯，湯頭幾甜但幾油下。⭐三眼仔餐肉飯叫左份快餐，貪佢有特飲送。蛋同餐肉正常味啦，甜豉油幾香，飯略乾身同硬，撈下豉油同蛋汁ok啦。⭐啫啫雞煲朋友叫左晚餐C，個煲燒熱左要小心，雞件入味豬潤唔柴，都幾好食。⭐熱檸茶 & ⭐雪山朱古力新張期內有特飲送，外觀幾吸引，但冰太多朱古力味淡，過下口引ok嘅。正常價位，味道同份量合格，一試無妨啦。

今日落樓行過去食lunch，就去咗9號冰室。見佢午餐都有五個選擇，都算係唔錯。叫咗個午餐B，鮮茄焗豬扒腸仔飯。個飯一嚟到真係x左聲。味道係正常嘅，但個份量就少到好似食緊下午茶咁。正常人食呢個午餐係一定唔會飽。杯奶茶就冇茶味，雖然本身都冇乜期望，但冇諗過咁差。建議如果細食嘅人可以去幫襯，對於我嚟講，冇咩事我都係唔會再幫襯。

開工前食返個茶餐先。行下行下經過呢間，見係新開的茶餐廳，環境光猛寬敞，就決定入去試吓。紅磡區一般茶餐廳下午茶餐粉麵飯一般$45-50，呢度$3x就可以食到，👍🏻! 叫咗個黑椒牛肉炒烏冬，食物方面都OK。絲襪奶茶有濃濃嘅茶香。新張期內，仲送雪山朱古力特飲👍🏻下次試吓先。我估計由於新開店，人手不足，落單有啲慢，同收錢機未用得，只可以收現金。運作上仲有代改善。但以價錢同食物來講，呢度係可以再幫襯之選。

之前啱啱開，個時淨係收現金，而家好似都接受其他支付工具，所以終於有機會試吓啦！新裝修，新感覺，好乾淨！今日黎試吓我最鍾意嘅下午茶炸雞髀薯角（如果係揸住條更加好）一出場大大碟，見炸得幾靚，有啲肉地，咁就有啲希望！食落又點呢？無失望！唔乾，有汁，皮脆！ 終於係黃埔區食到有質素既炸雞髀下午茶！薯角份量都多，建議可落多啲黑胡椒鹽鹽（？）會更香口，因為本身叫得炸雞髀薯條，就默認邪惡㗎啦，所以唔爭在啦🤟🏻食完啱啱先見到原來OpenRice有人推介紅豆冰，早知我都叫紅豆冰試下啦！不過唔緊要，有下次！之後想食炸雞髀都會黎呢間食👍🏻同樣，希望佢地可以keep住一直咁乾淨！呢度有兩/三張室外座，岩曬啲有毛孩既朋友隻，食住野又可以睇到隻狗（應該得掛）

喺黃埔站附近有間九號冰室，首先吸引我喺門口嗰兩張卡位感覺好正，跟住嗌咗個泰式肉碎米同奶茶，因為喺出邊未食過嗰啲豆角同肉碎配搭啱啱好，味道都好好味，杯奶茶都好好飲，起碼好飲過出邊啲大集團，第日再去都一定會幫襯，食完先發現原來新開張期間仲有忌廉朱古力送👍

同屋企人出街食飯，見呢間新開張(前身係新澳餐室)格局差唔多，但裝修靚啲開張有特別餐牌，叫指定「吧king推介」送雪山朱古力飲品🍫本身諗住試黯然銷魂飯，點知冇叉燒…然而選擇唔多，最後唯有叫常餐同幾碟小菜▶️ 蕃茄鮮牛肉通粉 配火腿奄列 牛油厚多士 ($50)一上枱心諗：點解一啲牛肉都冇？係咪落錯單之後先發現原來起旁邊🙈牛肉幾腍，不過冇牛味🐂個湯底唔掂🫢食咗一粒蕃茄覺得超鹹最後要加水溝淡食，自己食晒成碗成個口鹹晒🙅🏻‍♀️鹹到要洗腎蕃茄味夠濃郁嘅，可能落得太重茄膏好係有雜菜同蕃茄渣，似足羅宋湯通粉本身質感都唔錯，唔係快熟通粉，唔會耐咗膨脹變爛火腿奄列不過不失，正常茶記水準牛油厚多士唔脆，普通白方包搽上一層牛油🧈▶️ 乾炒牛河 ($58)細佬叫嘅，個樣ok色水似模似樣，味道反而偏甜唔夠鹹😅▶️ 菠蘿咕嚕斑腩 ($80)呢個好食👍🏻斑斕大大件又厚肉食到魚鮮味，肉質軟腍外皮香脆，唔厚皮咕嚕醬汁酸甜度適中配料亦較多，三色椒同菠蘿🍍▶️ 蜜餞薯仔牛柳粒 ($88)炒得幾有鑊氣，似打冷嘢牛柳粒份量唔算多，較細粒但整到外脆，香口惹味，細佬覺得好食調味OK，有少少蜜糖甜味唔知原來小菜跟白飯，最後叫佢淨係嚟一個白飯就