影片
嚟到Happy Friday但要趕deadline，唯有買lunch返公司食。呢頭差唔多都試過晒，今次行遠少少嚟到遠東金融中心呢邊，見呢間九湯屋有拉麵同烏冬食又唔太貴，於是就試下佢~😆豬軟骨烏冬 ($60) 🐷🍜✨豬軟骨份量有啲少，肉質有小小乾柴，我覺得唔太合格~✨烏冬帶點粉粉哋嘅質地，唔算好彈牙，但都ok嘅~✨湯汁係普通醬油味，鹹鹹地咁~菜心(+$8) 🥬跟餐加8蚊有個菜，加咗豉油，份量同味道都正正常常，勝在夠健康有菜食~
繼續閱讀
金鐘出名難搵食，難得呢度五六十蚊仲有得坐，如果紅開有位都會去食。拉麵quota一定留返出面，一直以黎都係好safe咁叫飯餐，仲可以加$8配埋菜，喺金鐘黎講算好抵。試過佢既鰻魚飯同豬軟骨飯，雖然鰻魚唔係大舊，不過收得咁平其實都預左，而且真人同上鏡都分別唔大。鰻魚唔腥有啲肉又有汁撈下，不過不失啦。豬軟骨就有驚喜，甜甜地、入味又稔身，半隻糖心蛋都正常發揮，又有啲粟米撈下，真心覺得幾好食，之後都翻兜咗幾次。都係嗰句，五六十蚊，有飯有菜有嘢飲有位坐，喺金鐘黎講算係咁，食嗰幾次，覺得間嘢無佢嘅食評講到咁差。或者嘅嘢食同個人期望都唔同啦。
繼續閱讀
以前去開食元朗yoho果間好ok, 幾好味又唔算好貴，所以都食左好多次，但果間已經執左，覺得幾可惜。最近返工發現金鐘原來有分店，所以即刻去試啦，試完就開始明白元朗果間會執嘅可能其中一個原因。唔知係咪因為要方便金鐘多白領take away, 加上可能租金貴、地方細、請洗碗工人又難又貴....咩都好啦，而家就算堂食都係用紙碗。好心啦，如果個客一心連拉麵都選擇take away, 相信對拉麵都冇乜要求（即使將湯同麵分盒），但揀得堂食，都真係希望唔好用紙碗！唔要求有咩服務，但堂食環境可以差到堂食客食完啲紙兜、膠兜、餐具，叫啲客自己掉去落單櫃檯隔離個大垃圾桶，但個垃圾桶冇蓋不特止，仲要積到好滿都冇人清理，好唔合衛生！而且啲拉麵有湯架喎！［咁當然大家食完都知機唔會連湯倒埋落去，而係方返上佢地出餐（拉麵/飯）嘅枱］佢餐單幅相冇話加左錢至有半隻蛋，但實物原來冇蛋嘅！我加左錢要多兩片叉燒，加埋本身有果兩片，相信個疊埋都唔知冇第二啲拉麵店正常一片咁厚！洗唔洗寒底成咁？午餐話送一罐罐裝飲品，但落晒單至同你講冇晒，得返250ml 紙包飲品，好心啲職員知人叫午餐就一早單聲同人講冇罐裝飲品啦！又或者你啲職員怕醜唔想講就痴張紙出黎通知啦！排我前面果個人又係堂食叫午餐，但可能佢冇留意午餐包飲品，但個職員又冇出聲，佢係之後等餐時聽到我問飲品佢至知包埋問個職員。咁嘅質素但收咁嘅價錢，雖然我本身唔鍾意一風堂，但下次想食拉麵都係過返對面間一風堂算，唔洗俾人揾笨！
繼續閱讀
金鐘返工，平價餐選擇唔多，見到餐廳環境都幾乾淨，又光猛，決定試吓。叫咗個豚骨拉麵，$59，只可以話食得飽，唔係特別好食。不過以咁嘅價錢都係預咗嘅，但係唔會再幫襯。
繼續閱讀
0係附近STAYCATION周圍搵食呀見呢間拉麵都吸引雖然主力做外賣要等一陣位我地兩個人就等陣呀STAFF知道我地堂食見我地未等到位就主動HOLD住我地個ORDER好HELPFUL點左~豚骨拉麵(轉烏冬)個湯比想像中濃郁呀可能我比較重口味就幾鍾意呀烏冬又幾滑份量唔算好大份女仔就剛好呀~和風牛肉飯(好似係)朋友點的見佢食到津津有味咁問佢味道如何佢話可以啦
繼續閱讀