九哥車仔麵 (已結業)

未去之前看過的報道是$388的車仔麵，又因為在東大街街尾，嫌遠便一直都無去過。前幾日見天氣涼爽，心情靚又加上一直的好奇心，便決定去試一次。本來只打算去一次試過便不會再去，試完後我推介這餐廳，覺得性價比高，食物質素高，廚師用心烹煮，好多都是細心的”手作仔”手工製造。👍👍😊😊值得再去。入去店內平實，乾淨整齊光猛。圓櫈還用心地半搭在枱下，慳位同感覺比較闊落。剛好坐的枱就是這張海報，後來九哥過來推介，乳鴿是每日新鮮製造，不賣隔夜，所以平日要預早訂，因當日早上才新鮮製造。這張便是之前聽過的貴價 至尊大雜麵 $388 我無叫這個，因本身不特別喜歡鮑魚，海報寫用的是日本鮑魚。除鮑魚外，看相像有好多不同料。不知味道如何。車仔麵有這張點麵紙。兩餸麵$33，加餸$7/份淨餸$28，任選三款套餐三寶 $47，包三餸麵、油菜、飲品我推薦這個👍😋💖比起其他的組合和選擇，我覺得這個最抵食🎈💖麵底有好多選擇，我建議較特別的手工薯粉，煙煙韌韌有𡁻頭。另外還有米粉、粗麵、幼麵、油麵、粉絲、米線。餸亦都有好多選擇，亦是我推介此店原因。餸有好幾款是自家手工造的，例如手打魚腐，下面再詳細寫。其他還有四川辣豬手、醬皇豬大腸、媽

繼荃灣掃街日後今天來一場筲箕灣掃街日！東大街多美食很多人都知道，那我們究竟又掃了些什麼好吃的東東！早餐也未吃的我倆決定買多些款式在車上開餐，我們分道揚鑣去買心水美食，我到九哥車仔麵去買評價不俗的車仔麵！ 有點菜紙清晰哋帶領選擇麵類、餸料、湯底和醬汁，一步一步走往美食之路！ 我選了三餸麵＄40爽滑的幼麵配炸得香口又軟淋的阿婆豬扒、清甜蘿蔔和炆至入味的醬皇豬大腸，而湯底則選了雲腿上湯呷一口很香甜，而且沒有丁點師傅的存在很有驚喜。 車爸爸怕辣所以我選擇了將自家沙嗲醬另上，這醬香口得很如果用來配水魷魚和牛栢葉必定很配。

慕名而來的九哥車仔麵, 聽說主廚是在頂級鮑魚飯店學師多年的名廚, 加上街坊口碑贊不絕口, 怎能不試? 小店坐落於東大街街尾, 相較其他食肆, 不太張揚, 卻有很大驚喜. 雖是小店, 容納的人數並不多(大概25人??), 但由整體裝潢到枱面, 餐具都是很乾淨, 絕無一般車仔麵店滿滿的油膩感.店員總是在適當時候過來, 不會催促點餐, 抺枱收拾碗碟的時間剛好, 讓你有很舒適的用餐環境.一入門口就見到這個招牌麵, 非一般價錢, 初次到來真的不夠作重大挑戰.此店是用紙點餐, 不是在門口看到當天餸菜實況再即時決定要點甚麼, 這樣可能失缺了車仔麵檔即睇即點的特色, 卻勝在衞生一點, 可以慢慢選擇.看著點菜紙, 初次來的你, 不其然會望向右下角的套餐三寶, 因為有主食, 有菜, 有飲品真係好抵. 另外, 有選擇困難的人,  可看向精選麵食類, 設計尚算貼心.點了個醬皇豬大腸, 沙薑手撕雞和台式滷蛋幼麵, 配生菜, 豆漿. 豬大腸已被處理到沒臭味, 而且炆得很軟稔又有嚼勁; 手撕雞的份量不少, 每條雞肉比一般麵店大, 撈得非常入味; 滷蛋竟然是溏心蛋, 留到最後才吃還是有流汁, 好感動!! 豆漿是獨立封

路過呢個筲箕灣，朋友話有間新開車仔麵冇得輸，於是我就去拜會一下佢。佢個位都幾隔涉，唔係特登搵都幾難發現到，差唔多起東大街尾果度。鋪仔細細，叫做九哥。時正十二點，侍應多過客，我就入咗去做佢地第一單生意。個人最憎揀呢樣果樣，佢就有大雜燴之類，於是我就叫咗個招牌大雜麵，樣樣都有一件咁。麵底黎講車仔麵，首選一定係油麵啦，我都係揀咗油麵。佢有自家沙嗲汁、麻辣汁等，我唔太食得辣，揀咗沙嗲汁。一黎到，其實啲料賣相已經睇得出唔係靚野，汁就更加少到得一兩滴咁。湯底好甜，唔知點解咁甜，麵就不過不失。料就真係麻麻。食完我鬧返朋友真係好介紹！

#筲箕灣#樂食人生.1.兩餸車仔麵 (阿婆豬扒X沙薑手撕雞) $30-沙薑手撕雞絕對絕對係必點之選，每一口都有極濃烈嘅沙薑味，而且份量好多，不過味道有點過濃，往往會令到個湯底充滿沙薑，係唯一缺點，但相信熱愛重口味嘅朋友都會愛上-阿婆豬扒即係炸豬扒，味道入味但不能稱得上為特別，勝在份量夠多-湯底一定要揀「雲腿清湯」，好香濃嘅火腿香味，而且感覺唔重味精.2.黑白芝麻土匪雞翼 $28-孜然粉味夠重夠濃-雞翼沾滿黑白芝麻先再炸，令雞翼更加脆口-雞翼都幾大隻，兩個人share食就岩岩好啦!.小結:抵食，高質，唔食會後悔，講完!.口水指數: 4.5 / 5 .九哥車仔麵地址: 筲箕灣東大街4-10號地下3A號舖.

噚日見公假，有空坐車過海去東大街，試試呢間車仔麵，據稱大廚來頭好猛咁。由東大街頭尾行上街頭，見左右兩邊既安利企滿等位既人，唸住九哥都會多，誰不知唔係，一來門口招牌得一個，我個仔都唔為意行過咗，門口只有一對夫婦等位，一陣就有位。講返D餸，大雜麵有12樣，其實每款得1件，味道OK啦，湯底幾好，食完唔會口乾。不過招呼彷漫不經心咁，又唔清晰跟客人講解，坐正我對面既女人，就因無酸辣而亂俾咗麻辣，又欠餸而發瀾渣。我地嗰兩碗大雜麵，都無依剔上的給沙嗲，又俾埋麻辣，我食到麻辣，但我太座就有點不太適應。總括可以的，但時常返去光顧，那又未必了。

朋友介紹，朋友話東大街新開咗一間車仔麵，必食推介有幾款都值得試，叫我去試試。這天大概三點鐘到啦，去到店舖都差不多坐滿人，店鋪面積好細，一條走廊形位置，擺放幾張枱。見到隔離兩個人都係食緊手工薯粉，其實我唔係好鍾意薯粉，不過即管試下啦！因為有手工兩個字，而我就揀三餸，醬皇豬大腸、QQ扎肉 和脆齋， 湯底要咗雲腿上湯， 醬汁自家沙嗲小辣。薯粉份量都幾多， 而且佢滑到比較難夾起，雖掛汁，但味道淡，口感好似橡筋咁煙韌， 下次食一定唔揀薯粉囉！豬大腸洗得乾淨，幾入味；QQ扎肉處理得好，唔會有雪藏味；脆齋就差啲，個皮脆但係乾身。 雖然要咗沙嗲醬，但仍然飲到雲腿的味道。下次再嚟已知道點嗌。

東大街出名多美食，聽同事講最近開左間「超值」車仔麵，今日一於去朝聖佢都做好多宣傳，令更多人知道佢地間舖，但可能今日中午落大雨，舖內只有小貓三四隻我地都不約而同揀左「招牌大雜麵」，貪佢有12款餸。有豬扒、生菜、腸仔、紅腸、蘿蔔、冬菇、豆卜……我等……我等……上菜都幾慢如果平時多人幫襯，咁點算味道都 OK, 無咩特別，但我好欣賞老闆咁慷慨，每一份餸都多份量包食得飽我揀左蕃茄湯，真係有蕃茄不過食完之後口乾，相信落左味精除左蕃茄湯，重有雲腿上湯可以揀重可以揀各程度沙爹汁同辣汁Anyway, 都值得一試

車仔麵種港式美食，雖然好多地方都有，但要講好食，其實真係唔多，因為車仔麵有很多配料好多選擇，往往太多選擇食店就買現成的，個人接受部分現成的，但也需要有一些拳頭產品，食落去跟其他店完全不同，這店就做到了。首先蕃茄湯底，飲得出有鮮番茄甜味。墨魚卷必要試，雖然浸咗少少湯但係墨魚卷外面 腐皮都有少少脆，最重要食落去的時候會食得出是鲜墨魚打膠而成，正。正常牛丸應是普通貨色，但這牛丸另我懷疑是手掣的，因為非常之彈牙加上食到牛肉的味道。豬扒就一般。今日去到這店的豬手同乳鴿都賣完了，要再去一試。味道: 再要去食環境: 企理衛生: 一般服務: 尚可 抵食: 簡直超值

長居美食沙漠，出城食個晏都好平常，放假去遠DD食又得🤣⛈就算紅雨都阻唔到我四圍食好西！所以我同朋友去左筲箕灣食碗車仔麵。。到步一刻我已經餓到無力啦。。所以極速睇晒餐紙落單。我同朋友都揀左套餐（一人揀三個餸撈亂食），再加多個雞亦。好豐富🤤套餐：自選三餸、麵底，配油菜、飲品 $47阿婆豬扒、蘿蔔、腐皮波波油麵。蕃茄南瓜湯自家沙爹醬 少辣豬扒肉質鬆軟。蘿白夠淋，清甜多汁。腐皮波波吸左湯汁，好入味。正！湯底係番茄南瓜。微微既蕃茄味，南瓜令湯底清甜。自家沙爹醬香口野味，會越食越辣架。小辣就岩岩好😂墨汁魚肉卷、陳皮魚蛋、沙薑手撕雞油麵。雲腿上湯而加好少地方有陳皮魚蛋。懷舊野來。魚蛋有魚味，陳皮香味齒夾留香。充滿港式既味道。沙薑手撕雞肉質嫩滑。墨汁魚肉卷，店員推介話自家制架！腐皮香脆，裡面魚肉彈牙鮮味，配合香濃雲腿上湯。黑卒卒墨汁衝擊視覺。🌚黑白孖芝土匪雞翼 $28雞亦都幾大隻，肉嫩多汁，加入黑白芝麻香脆野味，不過籽然粉落太多，一執執撈唔埋。有點失色。跟餐油菜大碟。揀左菜芯同唐生菜🥬餐飲揀左豆漿，唔太甜正丫👍聚所週知呢間車仔麵由名廚主理，唔洗介紹啦（睇fb啦），沙漠居民表示呢區街坊真幸福丫🍇價錢親民

筲箕灣大東街食市林立，真係好多選擇，眼花撩亂，出名有安利嘅魚蛋粉，粥棧小廚嘅菠蘿咕嚕肉，鋒@燒嘅燒乳鴿，呂仔嘅魚肉燒賣，等等...今天我第選了去九哥食車仔麵，第一次幫襯，叫了三餸麵，選了手打魚腐/墨汁魚肉卷/蘿蔔+油麵，整體來講滿意食物質素, 特別欣賞油麵😋但重點係表揚個誠實店員，我離開時大懵唔小心留低電話，老實店員幫忙收起交回，低讚👍👍👍 大家真係要多多支持良心小店💪一定會回來再幫襯，聽到隔離枱話薯粉頂呱呱,下次試✌️

藞苴 （那渣）麵一定係藞苴？ 車仔麵一定係重口味？世事無絕對，只有真情趣！每個星期至少跟老媽會面兩次，兩母女大多是藉著散步和用餐閒話家常！講到用餐，筲箕灣食肆不少，老媽家附近就有一條食肆林立的東大街！食量不大、喜歡多菜少肉的我倆，自「九哥」進駐後，一個月也會有三、四趟到東大街去！「九哥」是打正旗號的車仔麵，車仔麵俗稱藞苴麵，可說是五、六十年代的窮人恩物！時至今日，見證了車仔麵不一定藞苴，不一定是重口味、也不一定是窮人恩物的實況！「九哥」由名廚班底組成，主理人九哥是著名廚楊貫一先生授徒的徒弟，雖然隔了一層，但「九哥」的鮑魚車仔麵是車仔麵之中的極品，全因鮑魚是名符其實的日本皇冠吉品鮑，經過四日燜煮，絕非一般罐頭鮑，價錢自然也是非一般，據知新張優惠價為 HK$ 300，嘩....這點肯定不符合窮人恩物的原素！不過「九哥」亦有平易近人的一面，兩餸一麵 HK$30、三款淨餸 HK$28，而包三餸麵、油菜和飲品的套餐三寶才HK$47，完全合符經濟原則！「九哥」地方雖小，但環境整潔，證明車仔麵不一定是藞苴！餸料分為必食推介和滋味之選，再有麵底、自家湯底、自家醬汁和美味小食的選項！平日老媽和我只吃淨餸

聽聞我最喜歡的中菜餐廳大廚 Jacky Chung 同 D 好兄弟一齊合作係筲箕灣東大街開了一間車仔麵店，叫「九哥車仔麵」，我呢個從來都未入過筲箕灣嘅人特登走去試試看。意見（先小人後君子）：服務唔掂。佢有一個員工係乜都唔知 🤣 嚴重欠缺 training。清湯個湯底係非常唔錯。出面 $40 樓下嘅車仔麵係很難找到這個湯底。佢有一陣金華火腿味係湯底裡面。番茄南瓜湯底都好特別。營養價值又高。我會翻兜。老公話麻辣嘅湯底唔掂。唔會再翻兜麻辣。會轉食清湯。餸菜質素都唔錯。豬扒，蘿蔔，雞翼，魚腐，札肉，都跑贏同價嘅其他店。小吃全部讚好，土匪雞翅（雖然係無芝士味嘅 - 但都很好味），蜆芥手打鯪魚球，炸雞塊，性價比 + 色香味全。可惜，離開我家鬼死咁遠。。。我會推介比附近的朋友仔去支持。希望佢地 keep 到呢個水準。臨走，老闆竟然話佢地係有乳鴿食的。不過要早一天預訂。我下次一定試試看。#千祈唔好做做吓hare咗變成普通清水車仔面#東大街4-10號#筲箕灣官立對面

睇到飲X👫介紹，即去試試。湯底好好，加辣只會將成件事嘥哂，麻辣唔見突出。魚腐係好嘅，蘿蔔係無渣，但大到離哂譜，完全違反人工力學。要彈嘅都唔少，成間野油淋淋，新開張筷子盒係爛嘅，每隻筷子都令立立滿佈油漬。樓面混亂無人執。如果自己將檔生意當拿渣麵嚟做就唔爭氣。期待下次有進步。

第一次來這間小店品嚐車仔麵，感覺到老闆很用心制作，也真材實料，這次我叫了招牌雜錦米線，共12款餸，都是美味可口，唯一美中不足是湯底不夠熱，米線也不夠淋身，比較硬。我即時向老闆反應，他很謙虛接受意見！我很欣賞老闆年青有為，用心經營，所以多多支持鼓勵，我吃得出車仔麵沒有添加太多味精，因為我對味精很敏感，一吃就很口渴，這次我選擇南瓜濃湯，很清甜，我相信老闆日後若堅持用心經營，生意一定興隆，在此祝老闆成功創業，加油💪⋯⋯