103
8
0
營業時間
今日營業
11:00 - 22:00
星期一至日
11:00 - 22:00
食家推介
九龍灣分店的環境真的很驚喜，整個氛圍充滿濃濃的臺灣風味~~好似置身於臺灣街頭一樣係疫情下無得去旅行之際，來這裡感受下也不錯~~美食方面，食物類型繁多！就像臺灣夜市一樣令人款款都想試而且味道也做得很正宗的餐廳哦~~我同朋友選擇 :一個麵類 + 多款小食 一齊share^^這樣才能一餐滿足更多5同美食的欲望呀~哈哈*肉鬆起司蛋餅*.入面的料很多，中間就能看到夾住一層厚厚的料~~每一口都有雞蛋，肉鬆和起司^^沾上旁邊的辣醬（小辣左右）, 非常惹味~~*炸甜不辣*很有咬口！！有點像魚蛋那樣QQ的，但又不會痴牙~~~外脆内軟，粘點甜辣醬很開胃哦！鹽酥排骨刀削湯麵排骨雞扒都炸得非常鬆脆嫩滑，刀削麵條較粗身，更有咬勁^^重會賠有半顆滷蛋+香菜，令到個湯底更有層次飲品方面都是臺式飲品，例如冬瓜茶/珍珠奶茶等等...奶茶控的我~~當然選擇 最邪惡的 *黑糖珍珠奶茶*^^奶味香濃，有黑糖的配合不會太死甜芋圓都係臺灣特色之一拉~~呢度都有得食，而且甜品 大份又抵食！*九份芋圓* 很足料：仙草+豆腐花+芋圓芋圓口感很Q爽的，很有咬勁
繼續閱讀
喺淘大做完gym 要先醫醫肚呢間台灣菜喺整個商場可說是最突出既一間，門口既車站站牌，內裡既紅燈籠紅噹噹高掛著，配合埋戲院、店舖既場景佈置，瞬間恍如走到九份小街。🏮🏮🏮先點杯熱百香果紅茶，所有飲品甜度可揀正常少糖半糖、微糖、無糖。我點左微糖剛好，茶味突出，百香果味微酸帶甜，開胃又可消膩～ 胚芽珍珠奶茶，奶香茶滑，珍珠QQ 彈牙加上胚芽更有麥香。本來想單點魯肉飯再點小吃，不過見鄰檯既香酥雞扒唔錯，就點了香酥雞扒魯肉飯。香酥雞非常酥脆香口，炸漿不過多，皮脆肉厚不膩。魯肉飯用五花腩切粒，肥瘦平均，滷水汁滲滿整碗飯，咸中帶甜，太滋味了!!肉鬆起司蛋餅一分為二剛好一人一件，蛋餅烤得剛好，蛋跟餅皮貼合，肉鬆既咸香跟溶化既香滑芝士，芝味十足，味道複雜亦有層次。大腸包小腸糯米腸有點像糭子入面的黏黏口感，還多了一點煙韌，夾著脆皮香腸一起吃，每一啖都滲著油香，好惹味，肉脯和小黃瓜也豐富了整個味道 。 晚餐要有甜品才滿足，呢度既九份芋圓好足料，可點冷/溫。我點了溫，暖暖地既黑糖水，配上仙草、芋圓、地瓜圓、珍珠、紅豆。最中意芋圓煙煙韌韌，仲有芋泥充滿芋香。
繼續閱讀
九份飽,係一間價位平民既台式小吃店牛肉麵,滷味,小吃,台灣茶飲,款式唔多但水準尚可,所以開左一段時間都好多人排隊最勁最出名係佢既裝飾,整到成間都係打卡風格所以老中青都比佢吸引曬,仲好識選址九龍灣淘大一帶都無台灣菜,佢獨市,由2020年10月底開幕到而家都係日日排長龍,唔到你唔信我今次就襯解禁晚市堂食人數約朋友試下啦先上台灣茶飲,跟餐10蚊優惠價,本身超甜,建議選半糖岩岩好,唔飲甜最微糖比較好牛肉麵,牛展片有5片,薄切,滷得入味,口感帶爽肉質有彈性,用油麵做麵底,油麵無咁易吸到發脹,可以慢慢食,加上紅蘿蔔,酸菜碎,本身唔辣先喝一口湯,再拌勻酸菜同加少少辣油咁就似樣夠曬似樣,紅燒牛肉麵點可以唔辣$50有找,呢個水準算係咁啦小吃,肉鬆芝士蛋餅蛋皮薄,芝士唔多,夾時要小心,好易散但味道唔錯,可能太耐無食台灣野另外叫左個酥炸魷魚,灑左鹽酥椒鹽粉炸得香口,夠惹味最後仲有一碗香酥雞扒滷肉飯肉碎係切粒,唔係用肉碎,食落味道幾好汁太多,食到尾D飯會太濕,口感唔好但調味係唔錯既,雞扒切件上,無骨雞扒滷蛋半隻好入味整體上平均一位100有找,抵食,免加一九龍灣牛頭角道77號淘大商場一期地下G142號舖Shop G142, G/F, Phase 1, Amoy Plaza, 77 Ngau Tau Kok Road, Kowloon Bay
繼續閱讀
台灣價錢台灣味道台灣感受! 不好意思,我需要出返個post!話說最近才發現九龍灣淘大花園開了間台式餐廳– 九份飽。要知道, 多人排隊的餐廳必然有其吸引之處, 所以我是被餐廳長長的人龍所吸引過來的。然後佈置及價錢就是我決定排隊一試的原因!佈置: 已經一整年沒去過旅行, 自不然想念到各地旅遊生活的日子。此家餐廳聰明地利用各人想念台灣的味道, 從一磚一牆都佈置出台式簡樸生活, 掃街邊小食的味道。讓食客感覺置身於台灣之中, 餐廳亦特意播放台灣流行曲, 從佈置到音樂挑選都感受到店主的用心!食物:這個我不得不給予好抵食又好好食的評價!整個餐單除了紅燒牛肉陽春麵是超過50元, 其他不論主食, 還是小食, 甜品, 飲品都不高於50元!!!!價錢是台灣價! 台灣價! 台灣價! 現在哪裡可找到這麼抵食的餐廳呀?不要以為台灣價錢, 食品質素及份量就必定會下降, 非也!我們點了2款主食: 【香酥排骨飯】及【香酥雞扒肉燥麵】。主食基本上有大於一個大手掌的碗量, 排骨大大塊有4-5塊, 雞扒小小件都有6-7件, 而且主食還跟滷水蛋及通菜, 非常豐富!除此, 排骨雞扒都炸得非常鬆脆嫩滑, 我只能用十分好食來形容!小食方面: 【肉鬆起司蛋餅】及【滷味拼盤 (豆腐、雞蛋、豬耳朵、雞翼、牛腱】, 另亦叫了碟【腐乳通菜】。【肉鬆起司蛋餅】個人十分喜歡! 起司不感膩, 再加上肉鬆的味道, 與蛋餅卷在一起,沾上小小辣醬, 非常好味!而去開台灣必食滷味就不用多說了, 【滷味拼盤 (豆腐、雞蛋、豬耳朵、雞翼、牛腱】份量十足, 滷得入味! 而【腐乳通菜】, 最怕就是通菜太老, 到最終只能吃葉不能吃莖, 幸好, 通菜都非常脆綠鮮嫩, 都相當好食!最後跟主食叫了兩杯熱飲【百香果綠茶】及【蜂蜜檸檬】。總結,2個主食, 3個小食, 2杯熱飲都是200元!!! 200元啊! 而且環境食物質素高, 真的物超所值! 必返兜指數: 爆燈!
繼續閱讀
友人新屋入伙，今晚就去她家housewarming。雖然她是入廚高手，但由於搬入去不久，可以話「百無」，加上六點仍是禁堂食，故只好外賣。九龍灣唔止德福食肆雲集，連淘大都有很多選擇架，她今晚就帶我來到這間挺有特式的食店。 門外放了一座寫上「九份飽站」的車站牌，門面的設計已挺有特式。走進內裏就更眼前一亮，柔和的燈光下掛滿一行行的紅燈籠，還搭建了照相館、大戲院、冰菓室等場景，;亦擺放了古式的郵筒、單車、木櫈等等，連下單處都化身成為車票站，非常有心思的裝潢，令食客猶如身處台灣的九份、十份，吃得更有台灣風味。可惜六點後禁堂食，我們今次只好先初步觀摩一下，下次再慢慢坐低感受。看看點餐紙，共有四項，分別有主餐、飲料、小吃和甜品，每項的選擇都唔少。我們就揀了六樣開心share。主餐有紅燒牛肉米粉；小吃有海苔肉鬆起司蛋餅、滷味拼盤和腐乳燙青菜；飲料有凍蜂蜜檸檬；甜品有芋頭芋圓豆奶，係咪好大食呢? 哈哈!********************一吃台灣菜就想起牛肉麵，這客紅燒牛肉米粉($49)挺有份量。米粉和湯料分層盛載，唔會俾米粉索晒啲湯，讚! 米粉Q彈有咬口，口感不俗，掛湯力較弱，還是舀一大羹湯放上米粉同吃，味道香濃，不鹹不油，加埋雪菜和芽菜同吃，更香更美味。牛肉就是牛𦟌，約有六件，厚薄大小適中，腍嫩入味，還配有清爽的油麥菜、嫩口無渣的白和紅蘿蔔，足料!********************海苔肉鬆起司蛋餅($37)脹卜卜，用料十足。餅皮厚度適中，外表煎得金黃微脆，烤得香口且不油膩，餅身帶些煙韌，加埋雞蛋、海苔、肉鬆和半溶的起司，再配上台式的醬汁和少少辣醬，風味十足，好吃! ********************滷味拼盤($35)有豆腐、半隻雞蛋、豬耳、雞翼和牛𦟌，足足五款，真係大滿足。五款食材都烹調入味，味道剛好，正合我口味。雞蛋鹹香兼富有蛋香；腍嫩的牛𦟌夾雜着軟滑的牛筋，富有膠質；豬耳爽脆彈牙；雞翼就肥美肉嫩。最喜歡就是滷豆腐，軟硬適中，味道不會太鹹，能嚐到豆香。********************腐乳燙青菜($18)份量好夠，抵! 誰說腐乳只是跟通菜是最佳拍檔？翠綠清爽的油麥菜以燙的方式製作，少油少鹽，清新健康，配上份量合宜的腐乳，添上鹹香，又不失油麥菜的味道，簡單而美味。********************凍蜂蜜檸檬(+$10/跟主餐)可揀甜度和加配料，我地要了3分甜和加椰果(+$3)。甜甜的蜂蜜配上酸咪咪的檸檬汁，既滋潤亦消滯解膩，加埋大量口感十足的椰果，更加甜美和飽肚。********************芋頭芋圓豆奶($40)本身是椰奶，但我倆都不怕椰奶，幸兒可改豆奶，太感動! 選料豐富多變，仲落足料，滿滿一大碗，超級飽足。逐一數數，內有甜美粉綿的紅豆、黏糯煙韌的三式手工芋圓、Q彈的珍珠、滑嘟嘟的仙草，當然不少得我最喜歡的芋泥，綿滑兼滿有芋頭香，整體甜度剛好，又滿有豆香，飽肚得來又會令人感到甜膩，推介!------------------------------點解友人今晚會揀台灣菜? 皆因她是我的台灣旅伴，一同遊歷過台北、台南和高雄，雖不知幾時可以再出發，但邊吃着正宗的台菜，邊回憶我倆一段段的台灣之旅，就當自己去了台灣啦!
繼續閱讀