么么茶

營業中

休息中

呢間嘢之前係唔差，如果係個男人整嘢食。但今日得嗰阿姨喺到，整得勁難食⋯⋯啲鴨胸肉勁大浸雪味！咬咗一啖想lur 翻出嚟⋯⋯食唔到。⋯⋯杯嘢飲⋯又勁淡⋯我以往都係嗌開抺莉綠茶，之前浸味唔係咁⋯⋯今日翻工嗰阿姨好唔掂⋯⋯如果大家睇到係男員工（定唔知係老闆）先好入去食，女員工就不了⋯⋯之前呢間嘢係唔差，今日完全係難食！成個餐$38（早餐價），都唔平，嘢飲加大，加多$2，八達通俾錢要額外收多$1，total都$41⋯⋯但就俾呢啲食物質素人⋯⋯

下午茶好抵食$34，鹽酥雞翼刀削麵包野飲。碗刀削麵已經有半隻滷蛋，腸肉同少少菜。滷蛋正常，但腸仔應該番炸過，偏淋身。至於個topping,有三隻鹽酥雞翼+三角形薯餅👍🏻超抵食😉味道都唔錯配一杯台式奶茶，飽哂店員非常友善，有禮貌。下午茶時間比較清閒，地方乾淨，坐得舒服👍🏻

鹽酥雞脆嫩新鮮，多汁，微辣調味。主食為芝士豬扒肉燥飯，飲品為香芋珍珠，首先講吓杯飲品，點餐時無嗌到少冰，一飲落去微暖，入面啲粉無搞勻，啖啖粉，飲到尾已經無味無冰，玲珠無𡁻口。到個飯，賣相唔差，份量充足，炸香腸脆卜卜，但拌飯椰菜聞落去有陣「縮味」，叫職員跟跟，佢就話可能夏天擺得耐變咗，收走咗啲菜之後就無補比我，不了了之。肉燥比較濃郁，濃得嚟有陣焦味。芝士豬扒最正路，新鮮多汁，芝士仲要流出，酥脆，夠吉列！