久久

營業中

休息中

Met up with my friends after their visit to Tsim Sha Tsui, and we decided to have dinner in the food court of the Central Market. .My friend ordered from a Taiwanese resto called Chew Taiwan. She got Popcorn Chicken with Braised Pork Rice. The popcorn chicken was crispy and savoury, and the rice included a standard soft-boiled egg. .The food court is like a semi-open area and the seatings is quite comfy. It is not too hard to grab a seat during dinner time.

我想話中環啲foodcourt質素真係唔差..就好似中環街市呢間「久久」台灣菜唔使加一，唔使趕住交枱，地點方便呢個《 蜜汁滷排骨滷肉飯 $75 》 我每次必食，介紹埋同事食之後變埋佢嘅每星期必食xd蜜汁滷排骨大大塊，滷肉飯大大碗，份量十足！滷排骨好入味，肉腍香甜，滷肉同滷汁渗透進飯中，仲有酸菜亦畫龍點睛好提味！《 士林鹽酥雞 $46 》 一口一粒，炸得薄脆可口，微咸開胃～ 《 大腸麵線 $32 》幼細軟滑，大腸軟棉份量唔多，湯無腥味～《 滷肉A菜 $38 》份量好多，滷肉都舖得滿滿～《 黑糖薑母茶 $12 （跟餐價）》《 古早芋泥三色芋圓 $38 》有齊芋圓、地瓜圓、紫薯圓，咬落煙韌，仲有條狀嘅仙草，啜入口幾得意～

中環街市就嚟變咗我個飯堂！平時同同事食晏、約喺中環做嘢嘅朋友食飯、甚至放工約人食飯，都係揀去中環街市！因為多選擇，座位任坐，每人可以揀食自己想食嘅餐廳。呢晚同朋友都想食台灣野，久久就岩晒啦！《古早老花鵰鷄卷麵 $72》雞肉嫩滑有酒香，麵條份量多，湯底都好香郁～《久久紅燒半筋半肉麵 $82》湯底香濃唔咸，筋肉都夠嫩腍，麵條掛湯～《珍珠奶茶 $16》 《芋香珍珠奶茶 $16》 跟餐抵飲～《古早芋泥三色芋圓 $38》仲有甜品食，一條龍喺度食晒晚餐同甜品，滿足～

中環街市有好多不同餐廳，主要以food court形式，可以食好多唔同口味食物。久久主打台式料理，價錢親民，想食台灣野不妨一試。• 久久紅燒半筋半肉拌麵 拌麵味道濃郁，拼上辣椒粒及鹵肉粒。麵條爽口，紅燒牛肉半筋半肉，口感嫩滑！我喜歡這個多過湯面，有鹵肉粒感覺食緊鹵肉飯的v.2，非常開胃！•蜜汁滷排骨滷肉飯滷肉飯用滷汁燉煮而成，味道非常香濃。大排嫩滑又大塊，配上流心蛋及青菜，好快食哂食碗飯！鹽酥雞鹽酥雞外皮酥脆，鹹味十足，好適合餸飯食。

食物味道好正宗，彷彿身臨台北久久紅燒牛三寶麵 $69久久紅燒半筋半肉麵 $63三寶包含牛筋、牛腱和牛腩，每一種肉都有其獨特口感和風味，牛筋Q彈，牛肉嫩滑，牛肚有嚼口，份量夠晒充足，麵條很滑順，搭配紅燒汁，口感醇厚，肉質鮮嫩，湯頭濃郁甜甜地，很開胃！古早台式烤香腸$48香腸外皮微焦，內裏多汁，有蜜糖風味。滷肉A菜$38元滷肉入味，A菜鮮脆，出奇地唔油膩，很清新，讓整個餐點更為均衡。仲有點少得黑糖珍珠奶茶🧋！

放工衝去中環 Central Market 嘅久久，位置超方便，地鐵出口行幾步就到，快食真係幾好！川味牛三寶麵一上枱熱辣辣，湯底麻辣香，微微嗆好過癮，牛筋腍到好易咬，牛腩軟腍多汁，牛肚爽口彈牙。麵條滑溜，吸晒湯味，食落暖胃，份量夠抵食。蜜汁滷排骨滷肉飯甜甜地好香，排骨嫩滑，滷肉汁滲飯粒，肥瘦啱好，一啖就滿足，忙完食碗飯真係爽！士林鹽酥雞炸得脆卜卜，雞肉 juicy，椒鹽味香噴噴，食到一塊接一塊，啱晒同同事分。冷泡阿里山烏龍清清地，茶味順，配辣麵好解膩。珍珠奶茶唔錯珍珠 Q 彈，飲落好有咬口，甜度啱心水。久久出餐快，十分鐘有得食，午市人多氣氛熱鬧，攤位細但好有效率。牛三寶麵同鹽酥雞最啱放工快試，想食記得晏晝前到，唔使點等位

古早花雕雞卷雞卷賣相金黃，點綴著杞子。雞肉口感滑嫩，花雕酒香氣十足，入口凍冰冰，好開胃！古早榨菜肉鬆蛋餅金黃蛋餅外皮包裹著豐滿肉鬆與榨菜，表面撒上香蔥，色香味俱全。蛋餅外皮柔軟，肉鬆與榨菜鹹香交織，帶來了懷舊味道。鹽酥雞滷肉飯、蜜汁滷排骨滷肉飯大大碗份量十足，鹽酥雞很酥脆沙，口味香鹹。後者滷排骨很入味，口味香甜。滷肉和滷汁渗透進飯中，每一口都充滿了鮮香，香濃入味，佐飯一流！主食加$22就有大大杯黑糖珍珠奶茶，性價比高。

中環街市呢度係手機掃code落單既，落完單收到email拎得就走去拎啦，去到職員問幾多號，我望咗陣個email諗緊邊度寫幾多號，跟住個職員就好唔耐煩咁話，你俾我睇啦不如。當時佢間舖又無乜人幫襯，唔似隔離比較多人幫襯，寸咩呢？俾錢食飯都要受氣

餐廳：久久地點：中環街市菜式：台灣菜餐牌：下午茶餐牌有古早手工麵，家傳滷肉飯，地道小食，甜點，飲品，價錢相宜久久紅燒牛肉麵 $58久久紅燒麵大大碗，面頭係牛肉四大件。牛腱心帶筋，整得好淋好有牛味！伴有兩條小棠菜，好多鹹菜同蔥花。個湯好清，送麵好食唔會肥膩。麵係白色扁身麵條，都有口感，份量唔少，唔錯。呢個下午茶價錢抵食。久久麻辣牛三寶 $98久久麻辣牛三寶包括腱心兩條，牛筋四條同牛肚四片。牛肚好有口感，牛筋好有咬口，滿嘴骨膠原，而且好入味！牛腱心就夠瘦。伴有入味滑溜滷水蛋一隻同鹹菜。面頭灑上蔥花。我叫左走辣，已經好夠味。士林鹽酥雞 $46士林鹽酥雞用鐵兜配紙墊上枱，一客多件細細件易入口，炸得皮脆肉嫩，味道鹹香，面頭有炸菜一片，更香口。滷肉A菜 $38滷肉A菜係油墨菜上面加好多滷肉。油墨菜份量足，滷肉份量多，皮同肥膏有彈性，健康又好味。今餐食物都幾好，上菜快捷，價錢合理，地點方便。

去咗中環街市食下午茶，佢都有好多唔同嘅小店，就是咗呢一間台灣菜，佢都有好多唔同嘅下午茶套餐，我就揀咗呢一個蛋餅，點知實在令人非常失望👎🏻👎🏻我哋等咗半個鐘先有，過咗20分鐘去先發現原來餐廳漏咗單，本身都唔緊要，打算繼續等、點知職員嘅態度非常惡劣，甚至同我哋講話前面好多單，最後等咗30分鐘嘢食，終於有，但係入邊個餡竟然係凍，外皮亦都非常硬，完全入口嘅口感欠佳，我哋都費事拎返去換，否則又要等30分鐘，呢一間嘢絕對blacklist !

中環街市活化後，有唔同餐廳進駐，咁啱朋友從外地返嚟，我地就行下順便坐食少少野，搵到久久，食D台灣地道美食。餐廳以food cour形式，有室內同室外。我地取餐後，就坐喺中庭室外，喺陽光底下進食，感覺chill D😆士林鹽酥雞$46點餐後即炸，熱辣辣又香脆，細細粒容易食，跟喼汁食。大腸麵線$32完全有西門町味道，麵線腍滑，夾雜少少金菇𢇁，增加豐富口感，大腸都煮得好腍。古早芋泥三色芋圓$38芋泥綿密，芋圓Q彈，仙草切條狀，食落滑捋捋。價錢唔貴，份量大，3個小食2個人分享都好飽。

最愛台菜之大食妹又忍唔住去食台灣野去開中環唱錢就行左去中環街市食飯，岩岩兩點可以食下午茶抵食點久久紅燒牛肉麵$58牛肉炆得好淋，牛肉連筋有咬口紅燒湯底清清地，唔會食到口乾蜜汁滷排骨滷肉飯$58排骨先炸後滷，再淋上甜甜地的燒汁，好食滷肉半肥瘦，勁多滷汁撈飯食一流士林咸蛋黃芋泥酥$42三粒芋泥酥漲卜卜，每一粒都好爆餡黃金酥脆嘅外層包滿芋泥蓉，中間有少少鹹蛋黃好香古早台式烤香腸$48台式烤香腸點整好食芋香奶茶$16叫咗走珍珠，淨芋香奶茶唔太甜芋泥鮮奶$22底層有好多芋泥，唔會太甜同鮮奶好match

約左舊同事去中環街市嘅food court食飯大家都不約而同揀左食台灣野😂🌟久久紅燒半筋半肉麵🐮牛腱筋肉分明，炆得入味又超腍，筋腱軟到啫喱咁牛筋腍得嚟有咬口，好似麻糬咁煙煙韌韌麵條亦唔會太軟，湯頭帶微微香料味🌟蜜汁滷排骨滷肉飯排骨炸到香脆🐷用蜜汁滷過鹹鹹甜甜非常好下飯加埋油香滿溢嘅五花腩滷肉撈飯一係一絕🤤🌟古早榨菜肉鬆蛋餅蛋餅皮香脆，蛋層較厚所以蛋味幾出肉鬆嘅甜味同榨菜嘅鹹鹹香香好夾🌟自家芋泥鮮奶芋泥超多，夠晒足料啖啖芋泥超滿足-晚市去食可以用優惠價配飲品超抵食仲可以scan QR code落單送餐送到你枱面🤩非常方便！

喜歡行中環街市，多野睇又多野食，今次食台灣菜<久久>，係地庫位置，牆上寫滿台灣招牌名物，另外廚房為開放式，望落去感覺幾乾淨衛生，建議坐室外，被綠蔭包圍加上微微日光透入很舒適鹽酥雞滷肉飯 整體調味&份量正常，滷肉肥瘦適中，鹽酥雞即炸幾熱，炸皮唔會好厚肉既部份都多，酸菜唔會好咸，飯粒都分明士林咸蛋芋泥酥 有驚喜，芋泥好飽滿，唔會好甜，食刑有粗幼芋泥口感唔會咁單一，外層都好脆芋香珍珠奶茶經典台飲味道，珍珠Q彈有咬口

位於中環街市G/F的久久，主打台式牛肉麵和滷排骨飯，還有各款小食，價錢親民，份量足夠，味道正常，算係打工仔恩物。久久川味牛三寶麵：三寶（牛腱心肉味香濃、牛根軟滑滿骨膠原、牛肚軟淋）手工麵條粗身有咬口，食到底也不會淋掉，掛湯～湯汁偏向香口的辣味唔算太辣，有榨菜提高左湯香，亦配少少蔬菜。古早花雕雞卷：雞卷肉嫩滑配上輕微的花雕味，配以杞子做點綴，冷盤來說幾開胃。蜜汁滷排骨滷肉飯性價比最高！ 排骨份量大、滷肉汁好好送飯、而滷肉肥廋參半，再搭配醬油溏心蛋，餸的份量足夠有餘～滷排骨先滷後炸，入味之餘外皮酥脆，搭配鹹香既滷肉，送飯一流！！！！