影片
營業時間
今日營業
11:30 - 16:30
17:30 - 23:00
星期一至日
11:30 - 16:30
17:30 - 23:00
以上資料只供參考, 請與餐廳確認詳情
潮州菜係我較為喜歡既中菜，位於中環行市既「久両菜」由名廚邵德龍師傅夥拍潮州師傅與Lubuds Group主理既首間手工潮州菜餐廳，lunch過去試下迷你燒椒皮蛋味道無我想像中咁辣同惹味，比較淡口迷你蔥油腐竹腐竹被蔥油既香味包圍住，但又唔會話好濃味，清香爽口迷你滷水拼盤有橙色墨魚、豬腩肉、豬大腸、豬耳、紅腸、鵝件等等既滷味，每款都滷得好入味牛肉清湯鮮牛小排河粉牛小排肉質唔會過老，牛肉清湯有著濃郁既牛味，有種似食緊越式湯河既味道牛肉清湯潮式三寶粉麵叫左牛丸、魚片頭、墨丸米線，牛湯絕對係成碗粉既靈魂，味道都唔錯沸騰魚湯湯鮮魚片米線魚湯無我想像中咁濃郁但都嚐到魚既味道，魚片嫩滑，加左辣味道更加有層次，但整碗我都係覺得有少少魚既腥味食物質素同味道都不錯，Lunch time時段好多人，所以係搭枱咁坐，但呢個價錢其實都算中環餐廳價，我就覺得坐到好似食茶記咁，茶記既坐位，無服務都收加一，中環打工仔既宿命，硬食
繼續閱讀
好耐無食，老實講，味道ok嘅。但服務好差！今日去到發覺唔見嗰塊是日快餐嘅黑板仔，咪直接去櫃位落單。我問快餐係乜，個收銀黑面話日日都係鵝同白切雞㗎啦，佢塊面黑到咧，眼神極唔耐煩咁。跟住佢問我飲湯定可樂，我答湯，佢先講要加$5，我咪轉可樂，佢塊面仲黑。第一，我係客，我唔會知你餐廳何年何月何日轉咗咩menu，問一句好閒第二，有咩理由俾人揀餐飲之後才講要加錢，加唔加錢去換野飲亦係我嘅事，你黑咩面唔落comment 都唔知原來唔單止我覺得佢d人服務態度差！咁嘅伙計，倒米！
繼續閱讀
今晚同屋企人去食飯，本身開開心心去食佢個炸蠔餅，點知俾佢啲服務攪到唔想再幫襯！我哋好早去到，六點幾用餐，食到飽飽，傾吓計諗住抖下再食埋未食完嘅嘢，當時隔離左右後面都仲有空枱，外面都無人排隊等位，有個女侍應，頭髮到膊頭位嘅女侍應埋嚟話”食埋啲嘢先啦”，我哋4個都呆左，我答佢我訊息哋等陣會食！我想問翻，你入場有無話限時？而且我食都未夠一個鐘喎！壽司郎都唔會埋嚟叫係食快啲呀！呢啲係咩服務態度？咁巴閉限時啦！半個鐘要人食完起身啦！一個鐘未夠你咁樣態度？我唔會再幫襯你！
繼續閱讀
食物好細碟，魚，要5百元，不是好食到呢d價錢，鹵水過，醎最差是服務態度，90分鐘用餐，不用黑住臉說你們差不多夠鐘，但有吉枱，應該不該不會有下次。呢d價錢，可以有其他選擇。
繼續閱讀
中環街市一家新潮的潮州菜，佢D野碟頭比較細，所以可以叫多D野試，就好似我地兩個人就叫了四個餸。蔥油腐竹係呢度嘅廚師推介，算係餐前小食，味道唔錯，清清爽爽咁。春菜雞煲就頂替咗平時嘅炒菜，佢D春菜都幾新鮮，個湯唔太鹹可以飲埋佢。糖醋麵真係好食，不過係花時間整嘅，所以如果要叫就最好一坐底就叫咗先，然後先至慢慢睇其他餸菜。個麵夠香脆，食得出用高湯燴過嘅味道。普寧炸豆腐都唔錯，入面嘅豆腐都算滑。呢度嘅茶位比例驚人，要$18一位，仲要加一，即係差唔多$20一位。
繼續閱讀