丼造

營業中

休息中

今日收工去咗附近一間日式小店，買咗食咗兩款丼飯及串燒、燒物，真係好正！小店可以堂食又可以外賣，夠哂方便我點份 [ 三文魚親子丼 $148 ] 丼飯上面鋪滿咗新鮮嘅三文魚，中間塊三文魚摺成花形，中間放滿 滿滿魚籽，咬落去爆汁，味道超級正，仲有厚肉嘅扇貝刺身，味道十分鮮甜；飯粒軟滑，吸收咗三文魚嘅鮮味，再配上少許豉油，令整道菜更加提味另一款 [ 牛油果燒三文魚帶子丼 $140 ] 燒得啱啱好嘅三文魚帶有少少燒焦嘅香味，三文魚外焦內嫩，再加上香滑嘅牛油果，仲有鮮甜嘅帶子，食落好有層次感，真係忍唔住想讚！而且兩款丼飯會附送前菜 ( 沙律菜 ) 新鮮清脆可口，跟餐會搭配汽水或者茶，不過我就加 $16 轉 [ 魚湯 ] 香濃魚香味，味道鮮甜，係個唔錯嘅選擇，味道絕對唔會令你失望除了丼飯之外，亦有串燒和燒物。揀咗 [ 串燒雞翼 $30 ] 雞翼皮脆，口感軟滑、[ 串燒雞軟骨 $20 ] 雞軟骨就更有嚼勁，配上檸檬汁，實在絕配！至於 [ 燒玊子 $18 ] 外層燒焦過，味道甜甜，食夠兩串先夠過癮最後，仲點咗 [ 雞泡魚乾 $65 ] 味道非常獨特，咬下去有驚喜，油脂清香，每條口感香脆，食唔停口

中上環嘅打工仔應該都知道呢一間專食日式丼飯嘅丼造😎 舖頭唔算大，有幾個堂食位，夜晚嚟到都坐滿人㗎😆 所以今日就選擇咗外賣😌 呢度嘅丼飯出名新鮮，價錢唔貴，而且選擇多，配搭豐富🫶🏻 🌟火炙之選丼 火炙之選丼真心正🫶🏻 食材好新鮮，外賣拎到返屋企都仲keep到好靚仔😎 有隻燒帶子、蟹膏蟹肉、隻燒吞拿魚等等😍 我最鍾意食炙燒帶子，非常肥美😍 蟹膏蟹肉亦都好有驚喜，滿滿嘅蟹肉絲，蟹膏同飯勁夾勁香🥰 呢個飯份量都好大，食完已經飽晒😌🌟燒三文魚扒 （加配白飯）呢度除咗丼飯之外，仲有好多唔同嘅選擇，我就揀咗一份燒三文魚扒🥰 三文魚扒非常厚肉，啖啖肉，而且keep到肉質嫩滑，好香三文魚油昧🫶🏻 柚子汁同檸檬嘅調味令到三文魚更加清新😍 🌟魚湯呢度嘅食物係會跟埋沙律同埋茶/汽水，仲可以加少少錢轉做魚湯😎 建議大家都可以轉魚湯，非常鮮甜，飲得出係用鮮魚煲出嚟嘅，足料冇味精,仲暖笠笠🫶🏻 小店都咁有質素，唔怪之得咁受歡迎，真係值得支持，真心推薦俾大家🫶🏻

炎炎夏日想吃個日式丼飯，推薦丼造，丼造位於上環，主打海鮮丼飯，喜愛日式料理老饕會尖叫，丼造食材每日進貨，現點現做，刺身堆疊浮誇，新鮮美味，這裡還有串燒供應，若喜歡喝魚湯的話更可加15元升級。丼造首先端出冰爽辣味螺肉的開胃前菜，辣味螺肉頗濃香的，些許辣度可刺激味覺，等候餐點上桌前也不怕無聊沒東西咬嚼，邊吃辣味螺肉邊閒聊，沒多久餐點陸續上桌。颱風韋帕來臨，來丼造吃丼飯前先喝魚湯暖暖身子會更有食慾，丼造不愧是日式海鮮料理店，乳白色的魚湯樸實無比，魚鮮無窮，溫潤好喝，喝上一碗魚湯全身暖呼呼。三文魚親子丼將三文魚捲成玫瑰花形狀，以三文魚籽美麗點綴，擺盤浪漫吸睛，加上份量不少的凡立貝，海洋風味令人難忘，醋飯飽滿大顆，粒粒分明，天熱時吃醋飯最好，開胃解膩。三文魚鮮度無法挑剔，必須大力推起來，橙紅晶亮的三文魚籽多到快要滿溢出來，大口咬下三文魚籽鹹鮮在口中飄散，美妙得不可言喻，玉子咬起來軟綿紮實，充斥豐沛蛋香。七色魚生丼一整碗非常豐富，多達七款刺身，色彩繽紛，光看好不誘人，每一片刺身都高達好幾厘米厚，沒在客氣的，用料給得大方，油甘魚腩鮮美，可以吃得到自然甜味，大吞拿魚腩嫩口，口裡滿載甜鮮，厚實的三文魚油

上環呢間小店，有著令我念念不忘嘅魚湯同丼飯，可以媲美好多高級日式餐廳。唔知食乜好，店員仲會好親切咁樣介紹，唔怪之得見到都有唔少熟客仔幫襯叫丼飯會贈送汽水，不過我大大力推薦一定要加$16轉魚湯，呢個魚湯真材實料零味精仲要勁濃郁，啖啖魚香一啲都唔腥，鐘意飲湯嘅我超愛！七色魚生丼：難得七款都做到新鮮好食，魚生厚切有光澤，仲有鮮甜海膽，相當有誠意。至於拖羅蓉海膽丼係我至愛combo，入口綿密脂香，瞬間清碗。其實呢度嘅串燒都唔差，我哋叫嘅串燒盛每款肉類嘅調味都唔一樣，襯返食材，食得出佢哋嘅用心。特別鍾意超厚玉子燒，口感豐厚好正！

有時突然想食個魚生丼都唔知有咩選擇 有日朋友推薦我試呢間 #丼造 主要做外賣但係有少量位置可堂食 咁啱呢晚去開上環 就醒起去試吓 見到Menu都有唔少款式 最後選擇咗：✨極上粒粒魚生丼✨拖羅蓉三文魚籽丼同埋最緊要加錢轉嘅魚湯！外賣返到屋企打開好有驚喜 魚生排得好靚而且新鮮 本身包埋一個沙律同埋轉左朋友極推的魚湯～先試一啖魚湯 飲落就明白點解朋友提我一定要試 完全飲得出係足料冇味精 呈少許奶白色 唔腥 而且可以先暖一暖胃 好飲亦都建議要加錢轉👍🏻魚生丼好豐富 粒粒魚生加上蟹籽、三文魚籽同海膽鋪滿飯上面 魚生都好新鮮 切粒好大粒 可以每一啖都食到魚生配飯 好滿足至於拖羅蓉三文魚籽丼幾有層次 拖羅蓉份量好多 油脂感剛剛好 配埋大量三文魚籽 帶有少少鹹香味 十分之夾

--同朋友講開食丼飯邊度最好食！大家竟然一致認同係上環「丼造」，舖頭面積唔算好大，都可以坐到大概8-9個人！但飯類選擇相當多！👍🏻今次我就同朋友選擇左外賣-🍱拖羅蓉三文魚籽丼邪惡到震！拖羅蓉多到滿瀉，口感超綿滑，魚油瘋狂轟炸個嘴，香到難以形容，上面鋪滿三文魚籽，咬落『卜卜聲』鹹鮮爆汁，同拖羅蓉夾到癲！飯底吸晒魚油同醬油，濕潤鮮甜唔乾身，wasabi 吊一吊味，成碗魚油香衝擊腦門～食完個嘴油淋淋，罪惡感滿分但爽到唔捨得停口！🍱三文魚親子丼三文魚🍣、三文魚籽、帆立貝舖滿哂飯面，色彩繽紛，擺盤亦好精緻，三文魚刺身切得厚薄適中，食落超肥美又唔腥，啖啖魚油香！面頭堆滿爆汁三文魚籽，一咬落去『卜卜脆』，鹹鮮味同飯好夾！飯底係微暖醋飯，鬆軟唔黐口，撈埋wasabi豉油一齊食，鮮味直衝上腦！份量夠晒大碗，成碗丼新鮮、抵食、夠滿足！鍾意食魚生嘅必試跟餐仲包括沙律同魚湯！鯛魚湯每日新鮮熬製，超濃郁鮮甜！沙律菜新鮮爽脆，搭配芝麻醬超夾！@don.jo.rice 丼造 (上環)📍上環禧利街27號富輝商業中心地下D號舖#日本菜 #丼造 #丼飯 #日本丼飯 #日式飯 #上環美食 #香港美食 #日本便當 #便當 #

天氣咁熱，放棄自己煮，於是喺公司附近嘅丼造買咗兩個丼飯返屋企食。丼造牛嘅牛肉片份量唔少，蓋滿飯面，啖啖都係肉味，溫泉蛋拌壽司飯食好啱，個醬汁甜甜地好好味。七色魚生丼刺身新鮮，特別係三文魚，滑得嚟又有油脂，海膽味濃，其他嘅左口魚裙邊、油甘魚、帆立貝、赤蝦都唔錯，配搭好豐富。奶白色嘅魚湯鮮味十足，大小朋友都啱飲，值得加配。附送嘅前菜螺肉就正常發揮。兩個丼飯都值得推介，性價比高。下次再返嚟試下其他菜品！

丼造上環有間做魚生丼好出色的外賣小店,餐廳裝修簡約,地方雖小,但樣樣齊全,魚生丼即叫即製作,每天嚴選新鮮食材,服務員招乎態度笑容滿面。魚湯魚湯奶白色,不膩,魚味香濃,入口鮮甜,無味精,好足料,熱飲好暖胃。沙律沙律有車厘茄,沙律菜,口感清爽,酸酸甜甜好醒胃。特選刺身盛刺身盛三文魚,油甘魚,左口魚/赤蝦,吞拿魚,三文魚肥美,油甘魚細膩,左口魚入口即溶,赤蝦鮮甜,吞拿魚嫩滑,新鮮魚生厚切,最喜歡赤蝦夠鮮甜。燒三文魚餃廚師燒三文魚餃燒到魚皮微微焦香,三文魚肉仍保持濕潤,食落帶有鹹香味。燒雞扒丼雞扒丼配料有白芝麻.紫菜,香葱和酸蘿荀,燒雞扒燒到皮脆肉嫩,油香肉滑,美味可口,飯粒口感軟糯有飯香味。

🍱丼造 Don Jo🍱主打新鮮當造海鮮丼飯同壽司 🍣，店舖不多，大約有十個位可以堂食，亦歡迎外賣，我今日就買外賣～🍱丼造牛 $99溫泉蛋牛肉飯，白飯上邊鋪滿薄薄牛肉片，肉質軟滑唔柴，香氣四溢，醬汁甜鹹平衡，溫泉蛋美味可口，拌飯食一流。🍱七色魚生丼 $168七款海鮮分別係赤蝦、海膽、帶子、吞拿魚 、三文魚、劍魚 、左口魚裙邊，剌身新鮮，尤其是赤蝦好鮮甜，左口魚邊炙燒後更香，口感柔嫩。玉子燒印上「丼造」，醋飯調味恰當，份量十足。🍱附送前菜（中華沙律）中華沙律，味道清新。🍱轉魚湯 $16顏色呈奶白色，不油膩，魚湯鮮味濃厚，已經隔渣，大啖飲唔怕飲到魚骨，值得加錢。

今日又喺上環附近放工，有啲想食日本嘢，所以又諗到再嚟呢一間專做日式丼飯外賣嘅專門店。餐廳位於上環地鐵站3分鐘路程，舖頭面積唔大，但係飯類選擇好多，不過因為座位唔算多，所以我就選擇咗外賣冇喺度堂食。拖羅蓉海膽丼 $253 （+$8升級魚湯）雖然係外賣，但係都可以食得好正。今日就揀咗佢哋呢一個拖羅蓉加海膽嘅刺身檔。一打開好驚喜，因為海膽同拖羅嘅份量都超多牛丼 $99另外佢個牛丼份量都好多，而且飯室都唔會過腍。另外想讚一讚佢個魚湯，雖然冇任何配料，但熬製嘅時候應該煮咗好耐同用咗真材實料，所以好香魚味。

呢間魚生飯好食，分量又多，所以周不時買外賣做晚餐。⭐️七色魚生丼魚生丼有三文魚、帶子、油甘魚、吞拿魚、蝦、海膽、玉子燒，每樣都好新鮮同肥美，個海膽一啲都唔腥，好好食，推薦。⭐️牛油果燒三文魚帶子丼呢款魚生丼有燒三文魚、帶子、大量三文魚籽，燒三文魚燒得剛剛好，仲好嫩滑，分量都唔少，有四大塊。丼飯仲有牛油果，岩哂我朋友呢個牛油果愛好者，推薦。⭐️沙律+湯套餐仲有埋沙律&魚湯，如果唔想飲魚湯，可以揀汽水。

呢間上環日本料理餐廳裝修簡約溫馨，成間餐廳都充滿人情味，好似返到日本小店咁！🍣原來呢間店2018年10月開到而家，老闆同客人都仲keep住溝通，感覺好溫暖。大家好似朋友咁，唔止食飯，仲可以傾下心事，真係好有人情味！😊 客人仲帶埋佢嘅小朋友返嚟食！ 我就叫咗以下呢啲日本料理啦～ 燒三文魚鮫：外層微脆，內裡油脂豐富，魚肉嫩滑，鹽香或照燒味都好惹味！ 串燒雞軟骨：爽脆彈牙，咬落有咔嚓聲，鹽燒或醬燒都好香口。 三文魚：魚肉嫩滑，脂肪豐富！

上環的大街小巷有唔少美食，間唔中仲會發掘到驚喜。🤩🤩今次試左呢間日本丼飯店🍱🍱🍱，味道唔錯呢!店面面積唔大，大概坐到7,8個人，我見都幾乎滿座，就直接買外賣算。丼造牛🐂🐂牛嘅份量足，牛肉質素好好，食得出唔係普通連鎖集團嗰種肥牛片，其實好驚食太肥嘅牛丼，食完滿嘴油，呢盒丼飯嘅牛肉瘦多肥少，但肉質又唔鞋，係健康嘅感覺。😍😍燒雞扒丼雞扒燒到微焦，食落仲有少少脆口，😋😋照燒汁嘅味道亦唔會太咸，大大塊雞扒，真係餸多過飯吖。😎😎串燒雞肉大葱🐤🐤其實我平時就唔好食大葱，但呢個串燒嘅大葱可以接受，唔會辣口，仲要沾上左燒雞肉時嘅肉汁同油脂，好香口，有得同日本嘅居酒屋質素比。魚湯🥣🥣+沙律🥗🥗魚湯就正正常常，好彩佢唔咸，又唔會太腥，因為本人鍾意飲魚湯，我覺得唔錯。😚😚其實店內仲有好多魚生丼飯，但始終天口熱唔敢外賣返屋企，如果下次堂食，一定要試下佢啲魚生，因為我見有其他食客食緊，睇落唔錯。😊😊

間中想外賣，但又想食日本野既話，我都會去📍丼造買外賣 🫶🏻 其實佢堂食有位既，不過小店位唔多既，要睇下果日多唔多人🤭餐牌好多選擇，其實好多樣野都好吸引 🤭我今次叫咗兩個set，再散叫左2 件軍艦，$353 價錢合理既🌟🍱丼造牛：牛肉質地鮮嫩，口感豐富。佢哋用咗高級嘅牛肉，經過精心烹調，令到每一口都充滿咗肉香。再加上佢哋特製嘅醬汁，真係令人回味無窮👍👍🍱特選壽司拼盤：呢個拼盤有各種唔同嘅壽司，每一件都係精心製作。壽司嘅飯粒飽滿，魚生新鮮，配埋佢哋特製嘅醬油，真係一流。而且，佢哋嘅壽司擺盤好靚，睇落去都好吸引。🍱吞拿魚軍艦：吞拿魚新鮮，口感鮮美，正 😋🍱海膽軍艦：海膽新鮮，佢哋將軍艦卷得恰到好處，唔會太緊亦唔會太鬆。加上佢哋特製嘅醬汁，又係正 👍

最近天氣反覆，最咁就係留家chill 住食! 丼造主打各式唔同嘅丼飯，凍嘅熱嘅都有，一家大細都啱食今次要咗佢哋嘅 Naruto 鳴門丼，一款已經有勁多唔同嘅款式🤩有齊炙燒左口魚、赤蝦、炙燒蟹棒、三文魚籽、蟹籽同埋海膽醬，好豐富！而且食材都好新鮮~滑蛋豬扒丼 酥脆厚實嘅豬排、滑嫩的雞蛋、加埋甜美嘅醬汁真係送飯之選~🐣幾欣賞佢哋除咗洋葱之外仲加咗好多本菇更加有口感又健康啲~私心力推一定要加佢哋嘅魚湯！乳白色嘅湯有超香濃嘅魚味，啖啖都係海洋嘅精華，仲要飲完完全唔會口渴，讚！雖然佢哋係外賣主打，但係都有啲堂食位可以俾你店內進食