丼燃食堂

營業中

休息中

丼燃食堂嘅食物質素一流，無論係新鮮度定味道都令人讚不絕口😍虎燃四皇丼絕對係必試之選🙌虎燃四皇丼裡面有左口魚邊、三文魚、蟹棒、赤蝦同蟹籽，每一樣都新鮮得不得了，魚生切得厚薄適中，口感滑嫩，特別係蟹籽，咬落去有種爆汁嘅感覺，真係好滿足！🍣仲可以自選醬汁，今次我哋揀咗明太子醬😋乜蟹都有丼呢個丼真係蟹肉愛好者嘅天堂😍裡面有盤棒、蟹肉、蟹膏、蟹鉗、蟹籽同蟹蓋，蟹肉鮮甜，蟹膏更係濃郁，食落去每一口都充滿咗海鮮嘅鮮味，真係好過癮！🦀今次配左海膽醬，勁滋味👍焦糖三文魚卷必須相機食先😙😙三文魚外脆內嫩，焦糖嘅甜味同三文魚嘅鮮味完美結合，食落去口感層次分明，令人一試難忘🍣蟹肉忌廉餅亦都唔可以錯過，外脆內滑，蟹肉同忌廉嘅結合，味道濃郁，真係一口接一口，令人回味無窮🤤飲品白桃烏龍同茉莉烏龍都係非常清新，白桃烏龍帶有淡淡嘅果香，飲落去清爽可口，而茉莉烏龍則有花香味，好適合配搭呢啲美食😉📍 丼燃食堂 (旺角)旺角花園街3-5號鴻威大廈地下6號舖

成間舖頭無論環境定係氣氛都好似日本祭典咁熱鬧, 播住輕快嘅J-pop音樂 👹 特別壽司卷物店員會用火槍燒隻碟🔥充滿儀式感! 仲有唔同種類嘅丼飯可以選擇The whole restaurant buzzes like a Japanese festival, with upbeat J-pop tunes playing! For special sushi, the staff even theatrically flame-sear your sushi platter with a blowtorch for extra flair!————————————————食物 Food:❆ 牛牛牛牛牛卷 $98Moo Moo Beef Roll 安格斯肥牛片燒到微焦!🥩 面頭仲要鋪滿和牛他他同炸蒜片, 咬落去先係肥牛嘅油香爆出, 跟住以蒜片嘅脆香收尾🤩❆ 月肝肝鰻魚丼 $148Unagi Don鰻魚厚切,淋住秘製醬汁非常惹味🐠❆ 激突三文魚丼 $148Salmon Clash Don有三文魚, 三文魚腩, 三文魚籽, 甜蝦同帶子🤤 啱晒啲三文魚控!🍣 ————————————————整體

1. 乜蟹都有丼 ($138)呢個丼真係物超所值！每日限量供應，裡面有蟹棒、蟹肉、蟹膏、蟹鉗、蟹籽同埋蟹蓋，全部都好新鮮份量十足好澎湃好豐富！我哋叫左芝士蟹籽醬，醬汁香濃，mix埋食好正，蟹控必叫！🌟 評分: 9/102. 虎燃四皇丼 ($118)呢款丼嘅材料都好豐富，有左口魚邊、三文魚、蟹棒、赤蝦同蟹籽，全部經過火炙處理，配上蜜糖芥辣醬，味道相當出色，蝦肉新鮮，三文魚滑溜，左口魚邊好好食！🌟 評分: 8.5/103. 焦糖三文魚卷 ($68)上碟後會用火槍燃燒，焦糖味道甜而不膩，同三文魚嘅鮮味融埋一齊，入面仲包住青瓜、蟹柳、甜蛋配料，口感好豐富，外脆內嫩，視覺味覺雙重享受！🌟 評分: 9/104. 鰻魚玉子燒 ($28)玉子燒軟綿綿好滑嫩，鰻魚都好香，同玉子嘅甜味好match，加埋明太子醬更惹味！🌟 評分: 9/10🎖️整體評分🎖️ ❤️ 味道: 9/10🧡 環境: 8/10💛 服務: 8.5/10💙 性價比: 9/10📍 丼燃食堂 (旺角)旺角花園街3-5號鴻威大廈地下6號舖

今日經過旺角咁啱見到一間裝修好有個人特色嘅壽司舖想去試吓係咪真係咁好味！虎燃四皇丼哇！呢個丼真係霸氣側漏啊！一上枱就見到四款頂級海鮮鋪到滿瀉 - 仲要全部用火槍炙燒過，聞到陣陣焦香！三文魚油脂香到癲，每啖飯都沾滿魚油同醬汁，邪惡到極點！月肝肝鰻魚丼OMG！呢個丼簡直係膽固醇爆燈但好值得！😍 肥美嘅鰻魚淋滿濃郁蒲燒汁，下面仲藏住超creamy嘅鵝肝！一啖落去，鰻魚嘅甜、鵝肝嘅濃郁、飯嘅醋香一次過爆發，個口感滑到呢～ 重點係佢哋嘅鵝肝煎到外脆內軟，入口即溶，配埋溫泉蛋撈飯，真係食到唔想停口！焦糖三文魚卷喂！呢個卷物真係有驚喜喎！😋 面頭嗰層焦糖脆脆哋，咬落去"咔嚓"一聲，入面嘅三文魚仲係冰冰涼涼，一熱一凍超過癮！最正係佢個甜度調得啱啱好，唔會太搶，食完成個口腔都係魚油香！丼燃食堂 (旺角)旺角花園街3-5號鴻威大廈地下6號舖

🍣旺角人氣日式丼飯小店——丼燃食堂美食實試🍣丼燃食堂午市套餐性價比極高，唔怪得咁人日日幫襯！🐟虎燃丼午市人氣之選，丼飯面頭鋪滿厚切三文魚、鮮甜蟹棒、赤蝦同爆汁蟹籽，每啖都食到鮮味。三文魚爽滑，赤蝦啖啖肉，蟹籽喺口中爆開，壽司飯粒粒分明，酸度啱啱好，唔會太膩，食完好有滿足感！🦐虎燃四皇丼呢個比起午市多左左口魚邊，魚油更加香濃，令到啲飯都有淡淡魚油香味，入口即溶，配埋三文魚、蟹棒、赤蝦同蟹籽，一碗集齊多重口感，啱晒魚生控！🔥焦糖三文魚卷呢個好岩打卡✨三文魚卷面層燒到微微焦糖化，入口帶甜香，三文魚仍然保持油潤，外脆內嫩，配搭新鮮壽司飯，食落層次豐富🐙芥末八爪魚八爪魚夠爽口彈牙，芥末味道突出但唔會嗆喉，幾開胃，做前菜一流🐟秘製三文魚緒三文魚緒油脂豐富，醬汁微甜微鹹，入口即溶，兩件唔夠喉，啱晒add on！🧀芝士年糕年糕煙韌拉絲，配上香濃芝士，鹹香之餘帶少少甜味丼燃食堂無論丼飯定小食都誠意十足，用料新鮮又抵食，下次去旺角記得入嚟歎返碗丼飯，包你一試愛上！

本身以為得尖沙咀有，原來旺角都有一間朋友見到即刻話食虎燃四皇丼餐廳嘅皇牌丼飯之一有三文魚、左口魚邊、赤蝦同蟹籽全部都會用火炙輕輕燒過，令到佢哋油脂更豐富另外可以選擇四款醬汁，包括海膽醬、明太子醬、蜜糖芥未醬同芝士蟹籽醬有我最鍾意嘅明太子醬，拌飯食一流月肝肝鰻魚丼鰻魚超厚切，份量都幾多，肥美又唔油膩上面仲有少少鵝肝，再加黑松露提升香氣，口感層次幾豐富焦糖三文魚卷上枱後店員會即場用火槍灸燒，岩曬打卡三文魚灸燒之後，迫曬啲魚油出嚟更香焦糖燒到脆口，同三文魚嘅味道又意外地夾，仲有蟹籽增添口感，必食！海膽忌廉餅(2件）炸到外脆內軟，入面海膽醬夠多一咬落去好似流心咁，小心熱！桂花烏龍茉莉烏龍係自家製嘅冷泡茶，同樣都係清香解渴

One of the most extra Japanese don places I’ve been to, but it was so good! We ordered a don bowl each and a seared sushi roll. The seared sushi roll came with some 🔥🔥🔥 which at first I thought was extra, but we decided to torch our wagyu seared roll further which actually made the fat from the wagyu stand out even more 🤤 the garlic crisps accompanying it was also so flavourful. The two dons that we ordered - one with sashimi was so fresh, and the one with crab meat was packed with crab meat. I

丼燃食堂嘅菜式每一樣都令人好味😋不過最令我回味嘅一定係招牌虎燃四皇丼😍虎燃四皇丼有三文魚、左口魚、虎蝦同蟹棒四種唔同嘅食材，全部都好新鮮，加埋四款唔同口味醬汁選擇，味道層次分明，食落去真係好滿足🤤焦糖三文魚卷呢個一定要相機食先，有火焰🔥三文魚外脆內嫩，焦糖嘅甜味同魚肉嘅鮮味完美結合，咬落去有種驚喜感，真係好好味🤤蟹肉忌廉餅亦都唔可以錯過，餅皮酥脆，內裡嘅蟹肉忌廉餡料香濃，食落去口感滑順，令人一食上癮😍飲品方面瓶裝白桃烏龍清新可口，桃🍑嘅香甜同烏龍茶嘅清香相得益彰，飲落去非常解渴🤤而茉莉烏龍則茶香濃郁，帶有淡淡嘅花香，飲完之後令人心情愉快😁📍 丼燃食堂 (旺角)旺角花園街3-5號鴻威大廈地下6號舖

同朋友做完運動後，諗住食啲低脂又簡單飽肚嘅美食，就揀咗呢間刺身丼飯專門店，裝修充滿創意，Menu更係玩味十足，食物選擇豐富又高質！ ---🐯虎燃四皇丼呢款丼飯集合左口魚邊、三文魚、蟹棒、赤蝦同蟹籽，刺身新鮮到不得了，配料豐富🐟激突三文魚丼岩哂三文魚控絕！內有三文魚、三文魚腩、三文魚籽、甜蝦同帶子，鮮甜滑嫩，三文魚子撈飯層次感十足🔥 牛牛牛牛牛卷呢道菜絕對係視覺與味覺嘅雙重衝擊！職員會即場喺你面前點火，火焰圍邊嘅壯觀場面非常有氣勢！暖笠笠嘅日本A5和牛，油香四溢

九公丼 🈵 $178講起刺身丼飯，要大家揀幾款刺身係咪好難揀呢？！如果大家都同我一樣有選擇困難症嘅話，揀呢一個九公丼就啱晒啦！入面嘅配料勁豐富，包括有海膽、三文魚、三文魚籽、牡丹蝦、蟹肉、時令魚、帶子、拖羅蓉、壽司薑，款款刺身都非常新鮮鮮甜，尤其是係海膽、牡丹蝦、帶子！！虎燃四皇丼 👑 $118如果大家同我一樣，唔係太鍾意食生嘢，可以試吓佢哋嘅火炙丼，一樣咁正！我今次揀嘅呢一個丼飯，配料分別有左口魚邊、三文魚、蟹棒、赤蝦、蟹籽，仲有四款醬汁可以選擇，我就揀咗明太子醬，鹹鹹地嘅明太子醬，攞嚟撈飯就一流啦！焦糖三文魚卷🐟 $68大家嚟到一定要試吓佢哋嘅焦糖三文魚卷，口感味道都好豐富！首先一入口就會感受到脆卜卜嘅焦糖味，配埋火炙三文魚嘅油香 同埋 蟹籽一粒一粒嘅口感，成件事真係異常地夾，唔使點豉油味道都好豐富！

👾旺角｜丼燃食堂｜豪華日式丼飯人氣日式丼飯專門店，主打 刺身丼飯 份量十足，款式多元，仲有 即場炙燒壽司，視覺＋味覺雙重享受！🔥🐟 虎燃四皇丼 ($118)
超豐富刺身拼盤，有 左口魚邊、三文魚、蟹棒、赤蝦、蟹籽，鮮甜嫩滑，仲可以 自選4款醬汁（海膽醬、明太子醬、蜜糖芥辣醬、芝士蟹籽醬），配搭變化多，好有誠意！🔥 焦糖三文魚卷 ($68)
上枱即場炙燒，火焰點燃瞬間 視覺效果滿分！三文魚 油脂豐富，炙燒後更添焦香，搭配 焦糖、蛋黃醬、蟹籽，口感層次豐富，微甜味道帶出魚鮮，夠特別又有驚喜！✨💡 總結
如果鍾意 刺身丼飯＋炙燒壽司，呢間絕對值得一試！刺身 新鮮又足料，醬汁選擇多，份量夠哂澎湃，性價比高，適合 丼飯迷＋打卡控！📸🍣📍 地址：旺角花園街3-5號鴻威大廈地下6號舖
🗺️：#dummytummy旺角
🍣：#dummytummy日料
💸：$100-$200
👾：⭐️⭐️⭐️⭐️

呢間日式丼飯店唔單止抵食大碗，仲玩味十足，連上菜都有火焰特效，打卡一流📸～即刻同大家介紹3款必食招牌👇 🐯虎燃四皇丼 $118丼飯鋪滿炙燒左口魚、厚切三文魚、赤蝦同蟹棒，仲有勁多蟹籽鋪面～左口魚油脂爆燈，入口即溶🤤三文魚燒到微焦帶香，赤蝦彈牙鮮甜，撈埋自選醬汁（海膽/明太子/蜜糖芥末/芝士蟹籽）一啖食落去，層次豐富到尖叫啊～ 🦐九公丼 $178一次過滿足9個願望🌟！海膽、三文魚、牡丹蝦、拖羅蓉、帶子、蟹肉、時令魚、三文魚籽同壽司薑，全部新鮮到震～海膽又甜又Creamy，牡丹蝦啖啖肉仲帶回甘😍拖羅蓉撈埋醋飯同蟹籽，鮮味爆炸💥大胃王都未必食得晒～ 🔥焦糖三文魚卷 $68視覺+味覺雙重享受！店員即場用火槍燒熔表面焦糖，形成金黃脆面🍯焦糖嘅微甜同魚油香意外地夾🤯！仲有蟹籽同蛋黃醬加持，口感脆中帶軟，好食到停唔到手～.💰人均消費：～$200.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5

必試火焰卷！主打日式丼飯, 有好幾款刺身丼飯供選擇, 另外亦可以以自由配搭刺身, 仲有一系列嘅卷物同日式小食～🥢焦糖三文魚卷推介👍🏻 卷物上枱後, 店員會用火槍喺碟邊點上火焰🔥！好啱打卡🤳🏻！表面有層焦糖脆皮, 卷物食落微暖, 裏面包住玉子、蟹柳、青瓜🥒。炙燒後嘅三文魚更肥美, 帶出焦糖甜味同魚油香～ 加埋蟹籽, 成個口感好豐富, 好味😋！🥢自選刺身丼飯我揀咗火炙左口魚邊、火炙三文魚、拖羅, 炙燒過嘅刺身充滿魚油香！拖羅超級肥美, 富魚油脂嘅甘香, 入口即溶！🥢賽高海鮮丼有三文魚、三文魚腩、時令魚、蟹肉、蟹鉗、海膽、蟹籽, 每款刺身都好新鮮！

我竟然咁遲先第一次食咁正嘅丼飯，佢哋有各式各樣嘅魚生丼，都有不同款式熟食丼，飯好足料好正。焦糖三文魚卷68超正呀，想吹嘅時候職員真係會點火，三文魚卷有火嘅情況底下慢慢火炙，慢慢形成脆脆焦糖，三文魚火炙之後魚油會出晒嚟，好睇又好食！賽高海鮮丼168 三文魚/三文魚腩/時令魚/蟹肉/蟹鉗/海膽/蟹籽一定要食刺身飯，有三文魚、海膽油等等。超鍾意食三文魚腩，因為夠肥美脂感十足☺️ 三文魚子份量剛好鋪滿飯，感覺唔錯非常新鮮。虎士山丼148三文魚蓉/拖羅蓉/帶子/蟹肉/三文魚籽/黒松露係個火炙丼飯😇仲有得自選推介醬汁芝士蟹籽醬，三文魚蓉同吞拿魚蓉夠肥味入口即化，三文魚籽甜黑松露香。個人覺得黑松露唔洗完全落曬，可以自己選擇濃度。芝士蟹籽醬係神來之筆令成個飯更加吸引。丼燃食堂 (旺角)旺角花園街3-5號鴻威大廈地下6號舖

見天氣熱熱地，就好想食魚生飯，咁岩見到呢間丼燃堂，於是決定入去食。見到餐牌有3個手指公，九公丼，虎燃四皇丼，於是就簡呢兩款。果然不失我所望，九公丼魚生豐富份量多，有海膽/三文魚/三文魚籽/牡丹蝦/蟹肉/時令魚/帶子/拖羅蓉/壽司薑。魚生食落新鮮，呢個價錢值得，CP值高。另外虎燃四皇丼用料有左口魚邊/三文魚/蟹棒/赤蝦/蟹籽+芝士蟹籽醬，同樣地材料毫不吝嗇，食到飽飽！小食就簡左鵝肝多士，吉列蠔。鵝肝都做得出色，無腥味。吉列蠔就比較細粒，外脆內嫩。