丼瀛 (已搬遷) 新店位置

香港地小人多跟朋友外出食餐飯都似覺沒有隱私的枱與枱之間不存在空間感想搵間像樣的可以閒談聊一下私語也許工廈裡的隱世食店可以幫到手雖然最近相約朋友吃飯都在吃日本菜因為相比西餐日本菜更合我心意跟友人相約於觀塘搵一下好西 呢間位於觀塘工業大廈內既日本餐廳原來同樣由 S2 Kitchen 既樂師傅開設好讓工業區既識食之人可以吃到非一般既日本菜 地方清雅整潔外面仲有雅座以工廈來說實屬難得跟三五知己來聊私語實在是不錯當日客人不算多不會太嘈雜 由於n_cc不好生吃所以生吃既重任就交比朋友品嚐好了丼瀛跟S2 Kitchen一樣以新鮮生吃出名 先來一客 刺生除了三文魚更有牡丹蝦、帶子以及吞拿魚質感豐厚鮮嫩 令人一見傾心可惜是n_cc不愛吃 一客厚燒鰻魚飯令人一見動容鰻魚之厚加上有成隻手掌般長 咬落肉質多汁濃味不過略嫌有點乾 令人嘩然既七色杯隨即上枱七隻分別是不同刺身既小杯實在令人垂涎三呎連不愛吃生的n_cc看到都覺得不錯每杯分量剛好 不會太多也不會少完全可以滿足愛好刺生的朋友們除了刺生以及飯之外還叫了好幾款燒物小吃分別有燒牛舌、燒白膳、燒羊架、燒三文魚頭以及蟹蓋 牛舌不會太乾 不過太細

中環S2 海膽杯好出名，不過太遠未有機會試到，現在觀塘有分店較方便。有丼、壽司、串燒等北極極光海膽杯 $198海膽滿瀉，還有魚子、海葡萄海膽不算太新鮮，微鹹的魚子跟海葡萄脆卜卜下層就有松葉蟹、蟹膏豆腐、海膽豆腐，味道好鮮甜幼滑。最底是超甜的紫薯蓉，除了海膽有少少失色外，其他部分都好完美。牛油果金龍卷 $98一上檯就見到煙霧瀰漫，因為下面放了乾冰，視覺效果一流。熱炸蝦再配牛油果、芝士，味道好夾好好味。丼瀛龍蝦刺身爆丼 $228，簡直是豪華丼飯有大過手掌的龍蝦、三文魚、吞拿魚、北寄貝、魷魚等厚切刺身，喜歡食魚生的朋友就有福了。P.S: service一般，因為是一個粗心大意的中年叔叔serve我們，上菜時令人覺得煩，又弄跌餐具，但又以為自己服務好好...再加上跟師傅閒談時一大輪粗言穢語，有少許反感，影響心情及食物的味道。

今日朋友生日，有朋友介紹所以一早就book咗呢度食日本嘢，入到去見到環境都唔錯，坐得幾闊落。睇吓個menu先朋友話呢間嘢啲嘢食同出面嗰啲日本餐廳唔同，睇完個menu又覺得都真係嘅，都幾特別。先嚟一個牛脷前菜呢個海膽沙律好有仙境feel由於本人係1個海膽控，所以叫咗呢個，驚喜位係底下嘅紫薯，出奇地配撘！！手掌咁大隻嘅龍蝦丼，味道唔錯油甘魚海膽丼，啲油甘魚幾新鮮吓，最緊要係啲海膽唔苦！！7色杯 海膽杯 吞拿魚 蝦 尤魚 三文魚加魚子 紫菜卷加埋其他串燒，食到好飽，埋單400令蚊左右，唔錯！！

係fb 睇到新餐廳開左咪book 黎試試lol環境唔錯ge位唔迫ge百零蚊個魚生飯佢d 海膽係唔苦geok 新鮮呢個價錢都算唔錯但係...d藍鯨有渣ga另外果舊魚蓉係無味ga仲有...餐廳經理好似好趕我都係第一次由叫賣單到找埋錢都只係3分鐘..😂😂

都幾多選擇，但啲丼好多都有三文魚吞拿魚撈埋一齊，每個選擇都唔夠突出，係可食到唔同既魚生，但食到自己唔中意既野機會都大左。魚生唔可以話好新鮮，不過不失啦，但個飯唔酸真係食唔落咁多飯，因為啲三文魚都肥膩。蛋流心都幾有誠意，但冇咩味，第一次食魚生飯有蛋都幾唔夾下。海膽都係有股係香港食海膽既臭味，果然又一次中伏。新開張有75折，遲下就冇咁抵食了，魚生飯唔夠醋真係不了，雖然料算多。折左蝦丼$88， 海膽丼 $111，壽司杯$111.

本人在3月16日從openrice訂座午膳，已被確認。在這食店的食材非常美味，視覺上被吸引了，細膩味嚐，津津樂道。唯獨是其後數天取消被確認入座。是否系統出錯運作。

今次黎到觀塘的工廠大廈搵食，最近新開左間日本嘢，價錢都幾貼地，午餐仲有八五折，相對同區的餐廳化算一坐低，就叫左燒雞泡魚乾，加左七味粉的沙律醬，令魚乾更添惹味。串燒都幾好，價錢公道！即叫即燒保證熱辣辣。牛舌更是juicy，一串4件厚切好滿足。燒鱔都係每次必點，不得不讚丼𤅗的燒鱔抵食，38蚊一串未見過咁平。另外，燒粟米清甜可口！叫左幾串串燒，開支清酒，同屋企人把酒談心，真係一樂也！壽司六件，呑拿魚無筋，帆立貝鮮甜。加上乾冰的效果有仙氣，視覺效果一流！唔錯唔錯。最後唔夠飽，點了一道黑松露海膽炒飯作結。飯香，粒粒被黑椒包住！炒得好乾身，唔油膩，簡單的一碟炒飯幾好食！幾時都話工廈絕對有好西，下次同多d朋友過黎食先。夜晚有加一，但OpenRice book位再有優惠！

可能因為工廈嘅租金比較平, 餐廳就願意付出較有質素嘅食材, 同埋食材既份量亦都非常多。呢度有間房仔tim👆👆首先送上前菜, 前菜就係牛脷漬, 口感非常之嫰滑, 咬落去之後, 肉味慢慢滲進去口里, 令人回味無窮，但店員稱前菜日日唔同款架！海膽杯海膽新鮮味道濃郁，三文魚籽大大粒，唔腥之餘，粒粒一咬爆汁，下面有鮮味不足的蟹肉、滑蛋同埋甜甜紫薯。啖啖的蟹肉夾雜住滑溜的蛋，香濃的海膽，味覺多重享受。鰻魚丼蒲燒的鰻魚，淋上甜醬汁，柔軟豐滿的肉質，烤得恰到好處的嚼勁，再搭配上有咬口的珍珠米，齒頰留香呢。下面的珍珠米分量頗多，相信男士都夠飽。

北極光海膽杯 $198今晚打頭陣黎個北極光海膽杯 ，一杯可以滿足曬食咁多種剌身既願望最頂白色果塊係魚仔脆脆，咬落酥脆可口。啲海膽舖到滿一滿，睇見都興奮！每種剌身都好新鮮，食到中段有松葉蟹絲，清甜美味。最底果層係紫薯蓉，甜甜地作為結尾。牛舌 $38牛舌嫩滑肥美，作為佐酒小食一流築地壽司杯 $148一客築地壽司杯共有6款食材：海膽黑魚子、甜蝦、蟹籽魷魚、三文魚+三文魚籽、舌拿魚茸同舌拿魚茸手卷。壽司杯雖然望落唔大但份量都幾多，飯多之餘剌身都放到好滿，食完都幾有飽足感。鵝肝 $98鵝肝係微微炸過既，入口充滿油脂。黑松露海膽炒飯 $128呢個黑松露海膽炒飯係全晚最出色既炒飯有穫氣而且粒粒分明，將海膽撈埋落飯度食多左層creamy既口感，除此之外炒飯中加入左蔬菜粒，食落好清新唔油膩。芝士雞翼 $30雞翼已經起左骨，雞肉都好嫩清，但芝士味唔算太濃郁。芝士翠玉瓜 $22芝士翠玉瓜有驚喜，一咬落爆汁好juicy又清甜。油甘魚牛油果洋風海膽沙律 $98呢個沙律一上枱我就"哇~"左一聲，飄住仙氣咁隆重登場，當然就係相機食先啦～不過有賣相之餘都要有實力牛油果+沙律菜同個意式香草醬汁好夾，油甘魚有淡淡既鮮味，

行過巧明街見呢間日式餐廳似係新開，今晚要係公司OT, 一於近近地食完就返去做嘢。一行入餐廳感覺幾好。d佈置幾日式幾得意，感覺乾淨企理。我同朋友坐低唔知食乜好，侍應哥哥推介咗油咁魚魚頭，龍蝦丼等等招牌菜式。招牌龍蝦丼果然聞名不如見面！龍蝦開邊，個鉗好大隻，好夠肉！其他材料如帶子都好新鮮。最正係個油甘魚頭，一上碟已經聞到好香，我同朋友係咁new d肉黎食，好多肉整得好香呀個刺身出煙托住，好正豐富omega 3. 今餐感覺良好，下次要再黎！

官塘的工廈，真係百花齊放 食極都有新驚喜~ 註：我已經成為朋友間的官塘詢問處，成日問我官塘有咩好食~XD 今次，就想介紹下呢間最近去過既 丼瀛 J-city (丼 讀 "噹 "呀) 呢間鋪係間係正APM 後面條街，由APM一穿出黎就到 (如果你識) 好方便，唔使行到好入好遠的海皮個邊 店鋪入面都以日式裝修為主~ 而且佔地都唔算細，枱櫈又可以自由組合，一大班人都OK 有番5-6個朋友，更可以坐入呢間半開放既房 (半開放係因為上面有個窿囉) 而且仲唔使另外收費架~ 此外，呢度仲有個大大的露台 又有風，又有景~ 可惜當晚有D凍，唔係既話，老公一定坐出面呀~ 這塊玻璃，盡顥老闆的幽默~XD 第二個賣點，呢度做緊開業優惠 龍蝦刺身爆丼又大碗又抵食, 只係賣緊 228其他丼都係講緊百鬆D都有一大碗~絕對滿足香港人既心態，大件夾抵食 開始以為佢送錯，都未叫野食就有菜上 原來呢個炸物係前菜黎架 係炸三文魚黎，味道酸酸地，好開胃 第一次食咁樣的前菜，真係好特別喎~ 今晚同老公食飯，俾D好野佢食下啦~XD 中吞拿刺身~ 食件刺身者，咁有仙氣~必影打咭位呀~ 淨係望住D分怖均勻, 縱橫交錯

因為我係3月之星丫，朋友話要食飯賀一賀佢，問我想食咩，我緊係食啲正野，幫佢放下血先！去食貴野！之前山長水遠去左中環一間食海膽，超好味！之後發現原來觀塘有同集團嘅，即去啦～近到咁。其實我真係好中意食日本野～　見到呢個門口，我真係好興奮！！！今日因為怕等位~ 我地早D 到~就有位~ 正~遲多小小都要排隊啦~個場有日本風得黎~又幾過引~ 個牆咁樣樣~ 可以遠遠地見到師傅整野食~ 好有風味~招牌菜:::北極光海膽杯 $198呢個又係超推介, 呢個仲要平左!!! 上次喺中環食~~ 同一杯~要298~~ 唔係講笑~ 各位住觀塘~ 值得一試~ 因為佢一層層~ 有海膽, 海葡萄, 蟹肉等等... 但因為今晚海膽夜~ 本身見平, 想一人一杯, 但都係怕怕膽固醇太高~~ Hahahaa另一招牌:丼瀛龍蝦刺身爆丼 $228呢個係招牌丼~ 黎到超巨型~ 成隻龍蝦~ 係凍的~超多膏~另外仲有唔同嘅刺身~ 真心推介大家中意刺身~ 可以叫呢D爆丼~ 因為份量真係好多~又好新鮮~就咁睇都睇到~ 唔係講笑~ 大大碗好抵~好岩香港人!!!油甘魚牛油果洋風海膽沙律 $98哈哈~ 大家唔好覺得悶丫~ 係丫~的確又係叫左海骼沙

自公司搬到觀塘後, 發現覓食係ㄧ件樂事, 由街鋪至工厦, 形形式式, 各國美食, 應有盡有, 今晚就發現這間~ 丼灜特上十點壽司盛合, 包括( 牡丹蝦, 海膽 ,三文魚籽, 蟹籽,  油甘魚, 吞拿魚, 三文魚腩, 劍魚, 鯛魚) 不同款式, 共十件。所有魚生新鮮由日本直送, 薄薄一片, 晶瑩通透, 啖啖鮮甜, 非常脆口 。 先講三文魚腩壽司及吞拿魚壽司, 厚厚肥美三文魚腩, 咬一口已經佈滿魚油味, 因為係魚腩, 所以肉質更加嫩滑。 吞拿魚壽司, 口感也不錯, 入口味美, 冇得彈。 最愛三文魚子軍艦, 粒粒魚子都非常豐滿, 金黃橙色非常新鮮, 每粒魚油都載滿口腔。👍👍👍, 牡丹蝦壽司, 肉質細緻 味道甜蝦肉厚實及爽口。海膽壽司味甜, 入口即溶, 真滋味!日本蟹蓋麵豉燒，味道濃郁入味，燒得好香好正蟹肉蟹膏絲絲綿綿細滑

係工廈裏面, 食日式嘅料理, 真係第一次, 平時食嘅都只係啲cafe之類, 今次朋友帶咗我去新開嘅一間日式料理, 享受這個豐富嘅晚餐見到嗰個menu, 最頂頂就係一個 龍蝦刺身爆丼, 228蚊, 賣相非常之吸引 丼嘅份量非常之大, 基本上兩個人食先可以食曬!龍蝦丼嘅presentation做得非常之華麗, 令人食慾大增, 帶子好鮮嫰, 仲有油甘魚, 海膽, 吞拿魚,三文魚, 每樣食材都非常新鮮, 厚切, 唔需要貼醬汁食, 已經非常正食到最後就係個重頭戲, 龍蝦刺身, 龍蝦非常之大隻嘅, 肉質一啲都唔鞋口, 啲龍蝦膏喺個頭度, 龍蝦羔既香, 配埋蝦肉一齊食, 十分之邪惡

一家三口到店享受吓工厦式飲食文化，兩個月前見初開張未有營業，所以留待今次一試，店內人客數枱，店員只有兩位，侍應就放低餐牌後就我自己睇，少推介，最後點咗鰻魚炒飯， 壽司船，串燒八件，六件花卷壽司，食後感見串燒可以，但壽司就感覺需則有噴煙花巧工藝，但入口真係未夠班，飯質差别，壽司船只有六件壽司，但要成$168,加埋一就要$180,等於成三十蚊一件。確實有啲貴，另外蝶鰻鱼飯，鰻魚有八吋長，但飯份量就太少，只夠一個人進食，現場經理重手重腳，枱發出好多雜聲破壞氣氛，最後埋單要五百多元， 經理向我哋解釋 你哋消費已經超過五百蚊 已經幫你減100蚊呀,盛惠四百六十多蚊，我問之前你無講出呢優惠?佢話依家就講，態度一般，環境一般，只覺今餐結論_，試一次便足夠