影片
開飯介紹
丼丼屋（DONDONYA）品牌成立於2010年，為日式丼飯專家，以日本產米及嚴選食材，致力提供正宗日式丼飯，務求讓顧客能夠物超所值地享受日本地道滋味。丼丼屋一直嚴選食材，特意選用宮城縣產特A米炮製丼物，令米飯味道更香甜及口感更柔軟。此外，丼丼屋每年均會獨家引入日本名物，更分別於2016年及2018年起從當地兩大美食競賽組織「日本丼物選手權」及「全國丼連盟」引入人氣限定丼物，把充滿獨特魅力的日本丼物文化帶到香港。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
以上資料只供參考, 請與餐廳確認詳情
相關文章
位於HomeSquare IKEA出入口前，諗住食完飯去行吓，6點到店...已經坐滿人，門口有得拎飛仔排隊 第2張枱就到我哋，都幾多街坊過嚟食🔸四色貝刺身丼 $88馬刀貝+北寄貝+小貝柱+帆立貝丼除咗4種貝之外 仲有火灸三文魚，幾種貝刺身好新鮮 醋飯底味道都調得唔錯，實物上枱時 個丼竟然砌返同menu一樣(通常日本先做到) 小驚喜 🔸特選刺身盛 (+$35)蝦+北寄貝+三文魚+油甘魚 4款，價錢唔貴，感覺成個餐豐富咗🔸蘋果梳打 (+$15)富士蘋果清爽嘅甜味+梳打泡泡 好解渴refresh，仲放左新鮮蘋果薄片同粒粒🔸濃厚三重開心果雪糕 (+$18)雪糕口感係輕輕淡淡嘅，而開心果醬同開心果碎味道就極香濃，最後我將所有開心果碎一粒不剩食晒🔸鹽蔥厚切牛舌丼 $85 (+$18 升級定食)鹽蔥是真惹味 加上蛋黃拌飯 溫滑咸香，厚切牛舌成粒粒 是全熟狀態，定食可選果茶 淡淡果味 唔會好甜，仲有漬物同黑糖小甜品🔸北海道濃厚芝士薯餅 $12外層鬆脆 炸得透徹 唔會有油回滲情況，炸物師傅手勢唔錯*收+1服務費*QR code落單*每枱都有小水瓶 方便自斟*日式木系裝潢 座位乾淨闊落，坐得舒服
繼續閱讀
同同事喺呢間餐廳食咗兩次，每次總有個人遲出餐，今次更加誇張，等足30分鐘先有嘢食！食物味道普通，質素同價錢完全唔相符，收加一服務費真是一個笑話。餐廳明顯人手不足，服務慢到令人髮指，連付款都要排長龍，等到不耐煩。整體體驗極差，環境一般，服務態度亦無可取之處，絕對唔值呢個價，下次唔會再幫襯，建議大家慎選！
繼續閱讀
丼丼屋 DONDONYA📍沙田沙田鄉事會路138號HomeSquare 5樓502號舖放假日同朋友去HomeSquare睇傢俬，本來想食少少輕食就算，但見到丼丼屋做緊下午茶心血來潮想食日本嘢，於是決定先食飽再掃貨！丼丼屋雖然係連鎖店，但勝在水準穩定，而且款式夠多、價錢算親民，啱晒想食飽飽又唔想太傷荷包嘅朋友仔！ 💰$38豚肉うどん 🐖豚肉烏冬熱辣辣，湯底有淡淡昆布味，鹹度適中，配上少少豚肉油脂，super comforting！烏冬煙韌有咬口，豚肉片肥瘦適中且量多，夾雜洋蔥，有日式家庭料理豚汁嘅感覺。豚肉片入口柔嫩，呢個價錢嚟講真心無得輸，夠晒平靚正。イカゲソの唐掦げ 🦑湯麵類配炸物是必須的！呢款唐揚魷魚鬚外層炸得香脆，魷魚肉彈牙唔韌，熱辣辣食，份外滋味！ 💰$42和風牛肉丼 🐄難得嚟到丼飯專門店，又點可以唔食牛丼？丼丼屋嘅牛丼超高性價比，以下午茶份量嚟講，牛肉量多，而且煮得入味，咬落既有甜味，亦有洋蔥香氣，飯底索晒汁，朋友一啖接一啖，完全停唔到口。北海道のび〜るチーズコロッケ 🧀一切開可樂餅，芝士真係「のび〜る」！外皮酥脆，內餡綿密，有芝士香濃嘅味道，口感順滑，又唔會油膩，芝士控必點。 💰$98炙り海鮮四色丼 🦐除咗下午茶外，我哋被主餐牌吸引到，額外點選咗兩款主色，一次過食埋晚餐！首先為大家介紹炙燒海鮮四色丼呢個打卡之選，四色海鮮分別有三文魚、油甘魚、帆立貝同赤蝦，每款都炙燒得恰到好處，既帶少少焦香，又保持到海鮮嘅嫩滑。飯底選用醋飯，微微酸味平衡海鮮油脂感，無論視覺定味覺都大滿足，值得一試。 💰$98鰻重 🍱鰻魚炭香味重，醬汁甜中帶鹹，飯粒唔會太濕，配搭得宜。雖然唔稱得上係高級鰻魚飯，但以呢個價錢，可以食到呢個水準，已經非常驚喜！
繼續閱讀
行完IKEA又要揾食，今次揀左主打日系丼飯的「丼丼屋」🤗舖內裝潢以暖色木質元素為主，簡單的燈光點綴，營造出舒適與放鬆的用餐氛圍。💫拖羅蓉丼· 帆立貝 🍱丼飯採用新鮮的拖羅蓉，新鮮的帆立貝大大粒帶來海洋的鮮味，搭配柔滑的米飯🍚口感細膩，加上少少芥末豉油，層次豐富💕💫炸魷魚鬚 🦑酥脆的炸魷魚鬚外層金黃，裡面鮮嫩多汁彈牙，搭配特製醬料，餐前小吃一流🙂↔️💫咖哩滑蛋吉列蝦飯 🍛我自己比較喜歡日式咖喱較甜無咁濃味🤩滑蛋嫩滑搭配炸得金黃酥脆炸蝦🍤飯份量多絕對飽肚👍🏽💫德島魩仔魚漬蕃茄 🍅獨特的魩仔魚漬蕃茄，酸酸甜甜的滋味，小清新😍不錯的開胃菜😳💫灸燒焦糖芝士蛋糕 🍰灸燒焦糖芝士蛋糕外焦內嫩，不過略嫌烘燶太多焦糖有點苦，芝士味香濃🧀不算太甜☺️為晚餐寫上完滿句號👏🏾
繼續閱讀
垃圾，30分鐘先有野食，人地一落單就有野食有冇搞錯呀，仲要收人加一離那哂譜，又唔係特別好笑喎唔推薦，員工又唔會主動追單廚房出餐有問題😡😡😡😡😡😡😡😡😡
繼續閱讀