35
23
2
港鐵樂富站 A 出口, 步行約5分鐘
繼續閱讀
開飯介紹
丼丼屋（DONDONYA）品牌成立於2010年，為日式丼飯專家，以日本產米及嚴選食材，致力提供正宗日式丼飯，務求讓顧客能夠物超所值地享受日本地道滋味。丼丼屋一直嚴選食材，特意選用宮城縣產特A米炮製丼物，令米飯味道更香甜及口感更柔軟。此外，丼丼屋每年均會獨家引入日本名物，更分別於2016年及2018年起從當地兩大美食競賽組織「日本丼物選手權」及「全國丼連盟」引入人氣限定丼物，把充滿獨特魅力的日本丼物文化帶到香港。
繼續閱讀
營業時間
星期一至日
11:30 - 22:30
以上資料只供參考, 請與餐廳確認詳情
招牌菜
尋晚我同屋企人去左樂富丼丼屋食團年飯，因為早前經過樂富地鐵站攞左優惠券，原來呢間分店將會係三月頭結業，所以星期一至四晚有買一送一優惠，只要係正價主餐就可以尋晚都算座無虛席，我地五人總共叫左六個主餐，整體來說份量比我之前食嘅細左，但服務都算可以，環境舒適我點左天婦羅餅烏冬，一開始見餐牌寫住每日只限十客，所以去到即刻叫，期望好大，可惜食落有點失望，天婦羅嘅款式有點似餸頭餸尾，有三文魚碎、蟹柳、茄子、菇、一粒帶子......，不過味道好淡，但烏冬就幾好食，口感佳我其他屋企人就點左咖哩豬排滑蛋飯、饅魚飯、炙燒魚生飯、辛辣海鮮烏冬、䐁肉飯，饅魚飯及魚生飯味道不錯，但都係比較細份量，另外豬排飯就唔夠熱雖然食物質素冇之前咁好，但總算開開心心食團年飯，而且埋單只係三百蚊，買一送一嘅優惠好抵食，最後仲有得抽獎，抽到下次食甜品或飲品可以買一送一，可以再試下
繼續閱讀
今日難得唔洗食飯盒，可以外出食個午餐，樂富唔太熟有咩正嘢，好似有間丼丼屋可以坐得舒服D，所以試一試佢嘅午餐，都幾多嘢揀。價錢由$48至$108！我就揀咗$68豚肉生薑燒定食再加配北海道3.6牛乳軟雪糕😋，同事就叫咗三文魚丼定食，以上午餐都送荔枝凍果茶，本人都喜好荔枝味，所以冇加$5飲奶茶、咖啡。豚肉生薑燒定食好好味，好多肉汁又入味，珍珠米飯量剛好，又有湯飲👍🏼同事食個三文魚丼定食有好大片三文魚，個樣都新鮮，同事好容易肚痛但佢吃完都冇肚痾，應該靠得住！仲有一個小沙律，岩keep fit美媚食！荔枝凍果茶味道都👌🏽 最後，來一個北海道3.6牛乳軟雪糕，奶味濃正到真係不得了！👍🏼👍🏼👍🏼
繼續閱讀
《丼丼屋》在樂富已營業多年，以前經過都以為它是很高級的一家餐廳，沒有多加留意。這天忽然心血來潮，駐足細看餐牌，原來價錢完全不貴，屬中低價位的日本菜～餐廳店面非常大，能容納很多人，裝飾是那種典型的日式食堂格局。沙律太多麻醬了，但亦有不少豆腐，味道清新且感覺健康。雞中翼裡塞滿了明太子，細細粒很幼細，但味道就被雞肉蓋過了。魚生飯的配料豐富，在眾多魚生中以三文魚和蟹籽最多，因是迷你魚生飯所以飯固然不多，但魚生沒有因此縮水，份量甚至比白飯更多，全部切粒，味道鮮甜。平時吃忌廉汁意粉就多了，烏冬配忌廉汁的配搭反而少吃。味道也不錯，忌廉汁很多，吃完烏冬仍有不少醬汁剩，但煙肉就不太多。烏冬不冷不熱，煙韌彈牙。
繼續閱讀
樂富廣場真係越來越多嘢食，又多嘢行，所以成日都區內消費！今次帶埋牙仔去食日本野，嘆番個午餐午餐選擇都幾多全部都唔使＄100，他們最有名的都可以選擇，加少少錢又可以升級今次冇加錢要咗他們白桃紅茶，配搭都清新，同紅茶好夾，不用加錢大大杯豚肉溫泉玉子烏冬，肉的份量都多，不過肉質就有點鞋，溫泉蛋最正！不過最好食反而係他們的烏冬，非常煙人，個湯都係清甜雜錦刺身丼，不過刺身份量我就覺得少了一點，種類都不夠多，不過都係新鮮的，加少少豉油芥辣撈埋一齊同食壽司感覺好不同，不過最好食嘅都係個飯，粒粒豐滿，口感好好所以最好的的確要付出貴一點，他們的所有用了都好好，值得
繼續閱讀
2017年9月27日 (星期三) 11:45am 揉合了現代與傳統的日式料理概念，以日本新潟縣的秋田小町米製作丼飯(日式碗飯)。店內裝潢以時尚樸實為本，感覺舒適和優閑。 環境光亮整潔，餐具乾淨。 為慶祝 ※懶懶熊大聯盟※ 八週年，特地選擇此餐廳用膳。 人數：2人 HK$236不用等位 丼（Donburi）是日文漢字，是一種日式飯食，以大瓷碗盛載著白飯，飯上覆以各款食材。傳統丼包括：牛丼 - 烹煮牛肉與洋蔥後覆於飯面親子丼 - 以雞肉、蛋及洋蔥烹煮覆於飯面。豬扒丼 - 是將豬扒裹上麵包糠後，經油炸而成，油的高溫將肉汁鎖在肉內，混合洋蔥、雞蛋覆於飯面。 什錦刺身丼定食 - 包括：三文魚、吞拿魚、北寄貝、帶子和雞。三文魚肉質軟滑，味道甜美。吞拿魚粉嫩，新鮮可口。北寄貝具咬口，帶子鮮甜。全部款款厚切，完全沒有冷凍感覺和雪藏味道。碗內的珍珠米十分軟綿，一點都不乾硬，在拌勻蟹籽及青瓜片後進食，感覺爽口清新。同時，配合刺身一起吃，味道更是一流！【推介之選】❤❤❤ 蔬菜沙律 - 酸酸甜甜，清涼爽口，開胃之選。( 今次多加了炸蕃薯，脆卜卜，正呀！)【推介之選】❤❤❤ 味噌湯 - 包括：蠔仔、紅蘿蔔和白蘿蔔，令味噌味道濃厚，提升鮮味。 刺身四片 - 三文魚及北寄貝 - 厚切鮮味，肉質光澤，味道很好。只是價錢 HK$28 ，刺身份量少，感覺不算抵食 ~ 日式炭燒咖啡 - 曾經在其他食店飲過炭燒咖啡，印象味道苦澀；但發現丼丼屋的炭燒咖啡不苦，喜出望外！【推介之選】❤❤❤《 現 金 優 惠 劵 》： 堂食滿 HK$200 ，以恆生 enjoy card 結帳，店員便奉送 1 張現金優惠劵，待下次使用。《 餐 牌 》：【溫馨提示】：❶ 提供午市套餐❷ 每款食品都是即叫即製，必須等候 20 分鐘。❸ 套餐只提供果茶❹ 另加 HK$5 可轉咖啡、汽水、橙汁❺ 不提供奶茶❻ 另收加一服務費❼ 結帳付款須自行到收銀處❽ 滿HK$200 以恒生信用卡簽帳可獲一張 HK$20 現金劵
繼續閱讀