串燒屋

營業中

休息中

貼地平民價仼食，肉類都算多選擇，仲有喵，超癡人，好正，仲有燒棉花糖，呢個不得了，飲品都算多種類，仲有唔甜涼茶，立即解膩，無時間限制，一家人慢慢食，店員見你燒得唔好，會認真教你，哈！有機會再黎，親民價，食材都算係咁。仲有喵，有喵的店不會差！仲有燒生蠔，熟食都算多選擇，岀餐唔會等太耐，但有機會因為唔係太多人，總之可以一食，啲味道同食材係唔錯。店員態度會適量提點你點燒，所以燒岀黎唔會失敗，店員會矯正你點燒🤣

這家餐廳的串燒和炸物令人驚喜，食物新鮮，上菜速度快，炸物則酥脆可口，搭配的醬料更增添風味。服務人員態度親切，熱情的招呼讓人倍感溫馨。總體來說，這是一個值得一再光顧的小店。

今日同朋友慶祝生日 一大班人， 選擇咗呢一間串燒屋 ， 最初選擇佢係因為佢有無限時任飲任食, 初頭都冇乜期望， 純粹係諗住可以盡情吹下水， 點知食物超出咗我哋嘅預期。食物有好多選擇 有網燒，串燒，又有即炸嘅炸物， 其中炸物真係好出色即叫即炸新鮮滾熱辣。網燒方面，其中牛肩肉質素非常之高，估唔到咁嘅價錢可以食到呢個質素。 仲有北上最鍾意嘅燒生蠔,串燒，選擇好多下， 尤其是嗰個 泰式豬頸肉真係一再encore。飲品都係大路嗰啲嘢啦， 佢哋仲有自己煲嘅嘢飲，好似嗰個菊花蜜夠曬清熱氣！總體嚟講都算唔錯有下次，

牛肉嘅質素好麻麻, 好多筋好多肥, 口感都好麻麻. 一入到餐廳好大陣油煙味. 野食選擇唔多. 野飲選擇都唔多. 得服務係好, 同埋餐廳有隻貓超癡人!不過下次唔會再翻去食...The quality of the food were all mediocre and disappointing to be honest. There were very limited choices of each kind of meat, there werent sufficient bbq sauces to go with the food. The resturant smelled like oil the first second you step into it. But service was good, and they had a very cute cat to walk around for pets. However i would not revisit.

朋友介紹，在觀塘搵到一間超抵食的串燒店。它不在繁盛的商場區，且要上一條小斜路，較為隱蔽。5:00開門，我們準時來到。原來還有其他顧客和我們一樣，五點就來吃串燒。因為五點至七點任飲任食只需要$198。若和朋友傾得興起，無限時也只需$248。食物方面分三大類：串燒、網燒和炸物。串燒有很多種選擇，最有趣的是有一個自動會旋轉的爐，真是解放雙手。網燒是把食材放上網來燒，雞翼羊扒生蠔必吃。炸物即叫即炸，三文魚鰭和吉列蠔都很好吃。還有各種前菜和煮物，清酒煑蜆、牛油粟米，雜菇等等。飲品櫃除了有罐裝飲品，汽水啤酒外，還有已沖好的洛神花茶，檸檬薏米水等等，非常解膩。還有燒棉花糖、泡苵、啫喱杯、生果，不能盡錄。我們吃足兩小時已經好飽，但其實還有很多食材沒有嘗試！走時才醒起我唔記得咗攞棉花糖來燒😅。總的來說真係超抵。

可以解放雙手嘅串燒屋 🥳平時韓燒日燒食得多冇諗到仲有呢種串燒佢同一般嘅網燒好相似，但係上面會多咗一個架可以俾你擺放串燒而且擺放完之後啲串燒會識自己轉動所以基本上唔使翻佢就已經熟咗真係好方便而且觀塘呢一間串燒屋食物選擇都多基本豬牛雞有晒，亦都有我鍾意嘅蠔同埋青口蠔上面嘅蒜蓉真係超好食，鹹鹹地好開胃而且佢都有好多種類嘅調味料可以施展自己嘅調味之手令到串燒更加好食而且飲品方面都好用心會有自家製嘅中式飲品叫一大渣嘅洛神花茶就最正啦

最近想食串燒同埋燒肉🥩🔥記得上次食過一間叫串燒屋嘅餐廳🍗🍖🦴用餐經驗唔錯今次就一於試多次啦餐廳位於觀塘地鐵站出🚇經裕民坊行十分鐘左右就到入到餐廳，安排坐到角落位置然後用手機QR code 落單📲餐廳主要供應三種食物🤟🏻串燒🍢🍡，炸物🍤，網燒🥩🔥同埋一大堆汽水，啤洒，前菜🍺🥗✨前菜有青瓜，螺肉，豆腐，啫喱🥒🥚主菜未到前食少少前菜酸酸甜甜好開胃🤤✨串燒有西冷🥩，牛舌，雞脾肉🍖，豬柳肉🐽，多春魚🐟肉嘅大小剛剛好串燒爐都夠熱，好快就燒熟啲肉所有肉都已預先調味，味道剛剛好仲要落埋餐廳提供嘅岩鹽同埋蒜蓉燒肉汁吊味😋睇住啲串燒自己轉轉下到慢慢熟真係幾治癒✨網燒有牛肩肉🥩，一口牛🐮，牛仔骨🦴，蒜蓉燒蠔🦪，蒜蓉燒青口，孜然羊架🐑，燒菠蘿🍍🔥牛肩肉同埋一口牛都好有牛香👍🏻牛仔骨都好多肉，骨肉我好易分離燒蠔好大隻，有好慷慨嘅蒜蓉調味👍🏻👍🏻青口好大粒，幾乎成個鐵兜咁大，咬落唔霉的羊架醃得好香，食落唔羶餐廳做串燒竟然有有蠔油菜心供應🥬菜心都好出色，好脆綠冇菜渣✨炸物炸物有炸雞🐔，炸蝦🍤，泰式魚餅蝦餅，炸蠔🦪，餃子🥟，薯條🍟每樣都炸得恰到好處，唔會好多油，炸粉又唔厚，咬落好香脆，而且仲好熱好新鮮✨蔬菜有蒜蓉雜菇

去開觀塘睇熊貓度，順便過嚟食隱世觀塘任飲任食串燒一個價錢冇限時 超抵 所以佢位置唔近地鐵都全場爆滿要預訂至食到㗎 串燒店入邊有兩隻貓貓好可愛㗎，不過當旺長嗰陣時會收起佢見唔到佢嘅呢個串燒店嘅賣點就有個自動轉嘅串燒烤爐點咗食物掛上去 就不斷轉至 烤好就可以攞起㗎啦食物選擇非常之多 最喜歡安格斯牛肩肉串燒燒蝦好鮮甜。燒𧐢好正炸物 炒菜心都有自助雪櫃擺放各種甜品冷盤 蔬菜飲品有自家涼茶 汽水紙包飲品連喜力啤酒都有 重有雪糕食 我哋早離座重有優惠 好抵食串燒屋 (觀塘)觀塘通明街54號地舖#串燒屋#hkfoodblogger#hkfoodie #Hkblogger

聽晚就系平安夜啦，吾知大家揾好地方慶祝未呢小編今次就帶大家黎到牛頭角，同大家介紹一間幾適合三五知己吹吓水，慶祝節日既隱世自助日式串燒店 一 串燒屋 @bbqhousehk🌟2.5小時自助燒 (黃金時段17:00 - 23:30) $248(21:00後入座 )$198*凡於正價時段惠顧可獲扇貝一隻，四位以上可獲甲羅燒選擇亦相當豐富：玉子、獅子狗、龍蝦丸、牛筋丸、紅腸、芝士腸、德國香腸、海蝦、秋刀魚、蒜蓉烤蠔、蒜蓉烤青口、雞中翼、農場雞腿肉、厚切牛舌、安格斯牛肩肉、熊本一口牛、黑椒牛仔骨、美國榖飼牛肋條、泰式豬頸肉、日式漢堡扒、蜜汁叉燒豬柳、西班牙黑毛豬五花 等等除左以上，亦有即嗌即炸既炸物：吉列蝦、炸鮮奶、炸榴槤、唐揚雞塊、泰式蝦餅、吉列生蠔等等📍串燒屋地址：牛頭角通明街54號地舖

好西好去處——觀塘觀塘有好多好野食，如果講到食串燒，真係要來試試呢間比較隱密的任飲任食串燒燒肉餐廳——串燒屋😋🍡🍢呢度經常滿座，通常最好booking先，雖然來呢度要行斜路又離地鐵不近，但這裡燒烤的食材實在高質，用最好的燒烤食材，牛有牛味，羊有羊味，一試便知是靚野。首先前菜小食，飲品雪糕甜品jelly 蔬菜都係自助式，落單點既肉類我最鐘意就係牛肉同羊架，牛肉更有分好多種類，而且靚料來講D肉質花紋都特別靚，燒起上來倍感滋味。海鮮也是必食之選，燒生蠔🦪就係必食既，記得要試啦😛另外仲有熟食同炸物，炸鮮奶同炸榴槤波波就係最愛啦🤤最後食埋個經典雪糕——牛奶公司雪糕🍦就真係完美極啦😋P.s 呢度仲有兩隻好得意的貓店主🥰

最近成日聽朋友介紹呢間串燒屋好特別而且好好食，雖然自己住喺觀塘，但係竟然未試過，就一於今日約埋朋友嚟試啦。一去到雖然時間只係六點幾，但係餐廳已經好多人，好彩等咗一陣位就入得。見到出面有飲品櫃係自己自助形式嘅，而且出面仲有甜品同啤酒拎，啱晒一大班朋友傾偈同飲啤酒呀。呢間餐廳有別於其他任食串燒，佢嘅環境好乾淨，而且枱面有個爐，除咗可以一直燒住啲串燒唔怕凍晒之外，佢最特別嘅係仲識得轉轉吓，非常得意。我諗如果帶小朋友嚟，佢哋一定都會好開心。我自己覺得最抵讚嘅就係呢個牛肉串，佢嘅牛肉好高質，而且牛味好重，又大嚿又惹味。另外，呢度嘅海鮮都非常新鮮，我自己就最鍾意呢個燒蝦。佢嘅蝦肉質非常彈牙，而且大大隻，一食落就知道佢係新鮮蝦。呢間餐廳又抵食又好玩，唔怪得咁多人啦，下次朋友聚會都一定會提議呢度呀。

串燒屋，食物新鮮、環境舒適，店員態度友善，讓人一進來就感到放鬆！😄一嚟到就即刻用QR code落單好方便，叫咗好多款串燒！烤生蠔 🦪這道烤生蠔真係好正！外焦內嫩，鮮甜的味道，簡直是開胃小食的最佳選擇！咁多樣嘢我最鍾意食生蠔♥️燒豬頸肉 🍖豬頸肉燒得恰到好處，外脆內嫩，肉汁豐富，咬一口，滿口香味！搭配特製醬汁，味道更上一層樓！😋牛肋條 🥩牛肋條肉質軟滑，燒得香噴噴，每一口都充滿肉汁，味道出色！✨燒雞翼 🍗燒雞翼金黃誘人，外皮香脆，肉質鮮嫩，咬下去肉汁四溢，真係吃到停不下來！配上一杯冷飲，爽口又開心！🍻網燒茄子 🍆這道網燒茄子吸收了香味，燒得軟綿綿，味道濃郁，吃得健康又美味！簡單又好味，真係唔錯！👍燒豆卜 🥢燒豆卜外脆內軟，口感層次分明，搭配辣醬更是好味！每一口都有豆香，讓人忍不住想再來一串！❤️多春魚 🐟多春魚新鮮又嫩滑，燒得剛剛好😌海蝦 🦐最後這道海蝦，鮮甜十足，燒出來的香氣令人垂涎，肉質彈牙，吃了真係好開心！😍總括來說，串燒屋嘅串燒食材新鮮、味道出色，絕對值得一試！下次再來時，我一定要再點多幾樣！🍽️✨而且呢度嘅飲品係任飲，仲有埋雪糕食！呢度仲有幾隻貓仔好得意♥️♥️

如果係觀塘區想食串燒可以試吓呢一間，原因係食物種類比較多，你燒串燒之前都可以嗌少少炸嘢食，即叫即炸熱辣辣穩陣。而我嘅步驟係前菜推介炸薯條等緊薯條嗰陣去雪櫃攞嘢飲同埋攞秋葵、螺肉呀雖然嘢飲種類唔算好多，但絕對夠你選擇每次嗌嘢食我都會嗌兩至三隻蠔擺喺側邊慢慢燒而啲店員都會提一提你燒海鮮嗰陣時要反一反，絕對係貼心嘅一個步驟。

原來香港都有自動轉轉串燒，第一次食轉轉串燒係疫情前喺廣州，嗰時已經勁鍾意食，而家喺香港觀塘「串燒屋」隨時隨地都食到，真係開心仔🩷燒爐雖然唔算好大，但係都足夠每次燒6至8串串燒，另外仲可以騰出一個空間做網燒，例如可以燒生蠔、羊架、蒜蓉茄子等等😆餐廳提供嘅大大支任飲飲品都好有誠意，有而家最Hit嘅檸檬茶、洛神花山楂茶、涼茶之類，聽起來勁適合燒烤時飲，感覺好似會冇咁熱氣🤣餐廳採用QR Code點單，因為任食嘅緣故，所以豪氣啲可以樣樣都試吓，最鍾意嘅係西冷牛、泰式豬頸肉、蜜汁叉燒、玉子、鮮蝦等等，枱上有好多調味料，但基本上大多數食材，我覺得就咁點少少海鹽已經好正🩷誠意推介一樣可能唔係咁起眼嘅嘢食，就係呢度嘅炸薯條，粗身炸薯條炸到脆卜卜，味道同回憶中嘅香港舊式快餐店嘅一樣，真係一食停唔到😋

想食串燒又吾想自已燒得咁辛苦，可以來《串燒屋》~有個自動轉轉串燒爐。只需放串燒入爐，就會360度自動轉。火爐仲夠猛，串燒好快燒熟。食物方面有好多款式✨️肉類串燒方面，主要有牛、豬、羊肉。全部肉質鮮嫩，十分美味！✨️海鮮方面就有蝦、蠔、青口、蜆和魚。海鲜很新鮮，青口 和 蠔咁，上都放有蒜蓉，非常惹味。✨️飲品方面有罐裝汽水，例如:可口可樂、芬達 和雪碧。仲有多款自製涼茶,例如：羅漢果、菊花茶 和 洛神花等。味道清甜解膩。📍觀塘 通明街58号地下