串燒仔

本身住大角咀，相約友人太子晚飯， 鍾意食燒蠔海鮮嘅我，朋友推介試食呢間串燒。去到小店不大，但乾淨企理，已經好肚餓落單嘢食上枱，鮮肥大，三隻味，火候掌握精準，值得一讚其中有一隻老闆推介佢哋自家製海鹽香草、有一隻係走蔥、因為朋友唔吃蔥，睇得出處理得非常乾淨和新鮮，試完朋友話海鹽香草好正黑松露鹽燒安格斯、燒鮮白鱔～皮脆肉彈，充滿油香有厚燒玉子，泰式鮮蝦餅，一口炸芝士、非常香口唔油膩，最後上燒菠蘿就完美結束🔚總括嚟講，超乎一般小店水準，服務招呼都無可挑剔，重點係仲要開到凌晨四點👍👍晚飯和宵夜都值得推介，應該會成為我哋一個新飯堂！…查看更多

夜晚喺油尖旺區想搵串燒食, 見到呢間評分唔錯就去試下。去到格局似係街坊生意舖頭嘅感覺, 枱同位唔多, 3-4 張枱。但以街坊感覺小店黎講可接受嘅。 睇餐牌價錢都唔平， 肉類average 都要$50+ 一串, 所以期望都大, 始終佢環境唔係好靚嗰啲居酒屋。 但出到黎細份味道都普通，絕對唔值呢個價。 點左娃娃菜, 無諗到黎到得4 片葉, 一人一片無左😅 呢個真係估唔到咁少。 總括黎講唔係難食, 但要食飽嘅話揀返燒烤堂嗰啲舖頭更抵食。…查看更多

小店環境舒適，地點方便裝修滿佈電影海報，有日本小店感覺，適合打卡食物質素超高質，尤其是牛舌，先以新鮮高湯餚煮，所以非常入味入口非常鬆軟雞泡魚乾，原條茄子燒雞皮超級鬆脆，生𧐢超級新鮮，必點…查看更多

約咗friend收工太子坐車北上，夜媽媽條龍排到元朗冰室🤬索性喺附近搵嘢食再上裝修幾得意嘅串燒店，店仔細細條馬友有驚喜，魚油香正，不過都要等左半個鐘大推蒜蓉味，夠大隻夠肥美叫黎送下酒，枝清酒甜甜地幾易入口厚切牛舌好食 雞肝都好正年糕外脆內軟 口感一流雞翼真係好食，燒得啱啱好！個汁甜甜地啱晒我最估唔到係豆卜 鹹鹹香香又脆口，好似啲小食咁送酒真係冇得輸翠玉瓜都好大粒好甜，整體水準都唔錯，好食最後食完都係要等車😓…查看更多

星期二太子收工即興三人行晚飯、又唔知食咩好，路經此地見有間串燒小店，兩位友人見有日式feel 又有興趣想試下，於是在門口看了食評好似唔錯，於是抱住試下心態。入去坐低招呼都唔錯應該是老闆😂😂我們叫了蒜蓉燒蠔，炸物、花甲、一夜乾、安格斯牛、三文魚頭，腐乳豆卜⋯⋯蒜蓉燒蠔打頭陣，呢個不得了🦪夠肥美多汁，加埋惹味蒜蓉配合簡直就係一絕，花甲鮮味冇沙，相信茄子也是串燒必點，令我眼前一亮竟然大條到呢個盤都裝唔晒，炸物本人比較喜歡芝麻雞翼夠香脆仲有肉汁，本人唔食魚😂😂一夜乾、三文魚頭朋友都話好好味，腐乳豆卜外脆內軟加上腐乳嘅鹹香👍👍牛舌夠大串厚切唔錯。雞軟骨豬頸肉正常、皇牌雞中翼夠入味！竟然小店有咁多食物選擇、有如此食物質素、絕對可以再戰再戰…查看更多

啱啱幾條友打完牌肚餓，又唔知食乜好，當中有個fd 提議推介去食串燒隊啤。一行4人嚟到坐低我哋叫咗燒蠔、牛舌、皇牌雞中翼、雞泡魚乾、蒜芯、豆卜、鮮白鱔、黃立䱽魚等等⋯⋯首先上枱雞泡魚乾送酒一流，叫一打兩味燒蠔、非常肥美而多汁、調味火候都控制得剛剛好值得一讚👍王牌厚切牛舌我們覺得口感出邊不同外脆內軟、可能是個人口味！黃立䱽魚食得出新鮮、白鱔皮脆肉爽油香豐富！當中腐乳燒豆卜和牛舌我們都encore了一次、食得出每一樣串燒都係心機認真之作、地方不算闊落、但吹水宵夜絕對係一個好去處、收凌晨四點、仲要全單免收加一、👍👍可能當時太夜蟶子已經全部賣晒、下次一定要試下海鮮😂😂、不過老闆叫我們最好叫留或預訂就一定有得食，因為小店每天入貨唔多、保持新鮮買晒就算啦、話做质唔做量⋯⋯ 有料有料…查看更多

約左個好耐冇見既朋友食飯👩🏻‍🤝‍👨🏼、朋友約左去太子食串燒。其實本身好少起香港食串燒、不過朋友之前食過推介呢間小店叫我去試吓、所以就過左太子食飯。舖頭本身較細、不過都坐得幾舒服。值得一讚係佢地既食物全部都係即叫即燒、唔似其他舖頭會先整熟起爐焊一焊就上、不過相對等既時間會比較長一D。不過真係食到D野好新鮮👍🏻。最想講條馬友、有油香同燒到外面D皮脆卜卜。真心正！其他串燒都好好食。仲有大大碌既茄子船🍆起抵食。同埋佢地d野食都幾適合我、可以食到食物本身既味道。唔係川式嗰D串燒淨係好似起到食調味粉甘。整體唔錯、下次有機會會再黎。…查看更多

今晚收工未食飯就去搵食，行下行下都係抱住求其醫下肚既心態，無諗過會好好味的。無影相，但叫咗雞全翼（燒再脆啲就更好）， 腐乳豆卜（好味 唔咸 小小甜），燒土豆片（好味），一口和牛（都幾好味 但幾舊58就貴啲），牛仔骨（好味）， 蘆筍（好味），粟米（唔好彩 無味） ，金菇（好味），雞皮（好脆）， 煙肉鵪鶉蛋卷（都係有驚喜 入面 鵪鶉蛋好嫩 ）， 蒜蓉包， 八爪魚， 娃娃菜。其他都好好味整體黎講，師父超用心燒，燒出黎既野都好好味。價錢就費…查看更多

去貓貓經過見有幾間串燒，見到突然間想食店面比較細見到有d人氣，望左陣就揀左而間有d舊電影海報似d日或居酒屋，都望到少少師父燒嘢食燒生蠔🦪夠肥美，個蒜蓉醬好嘢味翠玉瓜 燒完都好爽口夠甜牛舌 估唔到幾大串，外焦內淋一口咬夠哂滿足雞腎 爽口冇腥味燒得岩岩好燒白鱔 個皮脆脆口感同魚肉有對比冇得彈燒粟米 🌽 好香牛油味，粟米夠甜燒雞翼 外皮焦香 內裏多汁！正燒雞子 爆漿粉粉 朋友話好食！本人就有啲燒茄子 🍆幾大條好惹味，可以一個人食一條平時大條燒魚通常係啲泰式舖頭食！第一次見喺串燒鋪有大條既燒魚，可能我孤陋寡聞魚皮焦焦香香，最緊要條魚冇乜骨食起上嚟好正整體來講好好食，環境就真係細左小小 幾張枱個日坐滿氣氛唔錯…查看更多

遲黎聖誕聚餐，一班fd係旺角搵到太子見食評唔錯黎試下坐底叫左支清酒，易入口 fruity 聖子夠大隻，落單老闆話每日街市買新鮮貨建議鹽燒食返個原味，果然冇推介錯夠哂鮮味茄子🍆又係無得輸，我地人多一條都夠哂勁大條個蒜蓉醬非常惹味蜜糖雞翼又係一絕，夠Juice厚切牛舌竟然唔會韌估計慢煮過再燒，啖啖肉非常滿足韭菜翠玉瓜大推第一次食燒菠蘿🍍好食到要再encore飲酒點少得魷魚雞泡魚干有啲上咗喺隔籬枱冇影到…查看更多

環境小店形式，有D電影海報幾得意睇咗個Menu好多種類！兩味生蠔🦪 大隻野味都幾貼心好多味可以3隻3隻叫，啱晒我兩個人黎食蒜蔥茄子🍆 個蒜蓉醬好好食又夠哂大條！必叫出面食開未見過咁大條成個盤牛舌 好大串好入味又淋身燒雞子 第一次見，爆漿口感好正雞翼食得出有醃製過，冇得輸燒完都好多汁串燒成日食肉，所以叫左幾串蔬菜中和下京蔥，秋葵，娃娃菜都好好食仲有叫左D飲酒小食 同朋友飲酒🍻吹水一流少見有心機既串燒店會有下次…查看更多

睇食評過黎試，好近地鐵站行過黎吸引到係種類多，多魚食！我呢啲無飯夫婦岩哂小店形式，貼左d電影海報餐牌種類都超多，講到明鐘意食魚梗係叫返2條一夜干 非常之鹹香，最緊要唔會死鹹Size都夠大條另外老公叫咗條黃立上枱估唔到咁大條，燒到啱啱好熱辣辣啖啖肉落單講起食評話啲茄子好大條，要試一試老細話揀條大大條出到黎真係估唔到大過個盤，蒜蔥味夠哂嘢味，配啤酒一流我地之前食過其他對比真係大好多老細得閒又會出黎吹下水 交流下答應咗你好食嘅話會幫你宣傳下次我地黎記得識做…查看更多

經過太子突然想食串燒，無意中發現左呢間串燒小店👏🏻 一入鋪頭有種日式居酒屋感覺，牆上貼滿經典日劇、電影既Poster，感覺好親切。落單後野食好快就黎到，見到個茄子黎到個陣好驚喜，第一次見咁大份茄子🍆🤣。其他串燒都好足料大份，燒蔬菜好好味。味道方面都好出色，枱面有調味粉(辣粉/鹽粉)可以根據自己口味調教。加埋支啤酒真係好滿足。老闆好好人，仲好風趣幽默😂希望多d人認識同支持小店。兩個人食到超飽，價錢合理，會再去！…查看更多

朋友介紹一行4人，門外見日本風格裝潢，進店內地方比較細，只有3-4張檯，但坐得尚算舒服，朋友早訂了燒龍蝦，見賣相己經覺得是心機之作，食洛鮮夾彈牙，比起大酒樓龍蝦質素絕不輸蝕，估唔到燒龍蝦原來都可以甘好食，絕對要比個讚，之後朋友說蠔是必食，本人其實對蠔麻麻，但這個燒蠔我覺得好吃，可能完全吃不出腥味，而且size都不細的，相信是對食物貨源有要求的良心小店，還有推介燒茄子，大條燒茄子，估不到在香港都食到大條燒茄子，差唔多手臂甘長，超級好食，最後想講講個韓式串燒牛（好似大概係呢個名），老細推介我地試，唔識形容，但老細話撈埋蛋黃食，又真係超好食，唔識形容到甘好食概…查看更多

三號風，約埋班fd做“追風少年”係open rice見到有新開嘅串燒鋪，作為串燒愛好者梗係冒雨過黎試菜啦店仔細細，得幾張檯，約埋三五知己放工黎小酌幾杯，一日疲勞舒緩曬落雨天時梗係飲翻啖熱辣辣嘅蠔湯啦，用新鮮蠔仔煲成，原汁原味，鮮到呢燒物點可以少得茄子噶？！調味岩岩好，唔會太鹹，茄子嗦曬啲蒜蓉味，冇得輸！翡翠螺口感爽脆，蟶子王鮮甜可口（可惜賣剩一隻），燒大蝦可原隻可開邊蒜蓉燒，個人覺得開邊蒜蓉好味啲，容易食啲，原隻要剝殼有啲麻煩燒雞皮鹹香甘脆，免治雞肉棒有啲脆骨口感豐富，玉子燒香軟嫩滑，燒大蔥有啲乾，不過都幾好食鵪鶉蛋我地加左單，鹽燒汁燒都好正！仲有羊架好味得濟影唔切就分食完4個人人均200+，比起居酒屋鹹到死，呢度嘅調味更適合小酌，我地唔飲酒，都唔會覺得好鹹，老闆仲好有心機親力親為，食飽會問我地岩唔岩食，叫我地比意見，良心小店冇走雞後會有期下次再黎！…查看更多