串棧 (已結業)

夜晚突然興起成班人去邊度食嘢好? 知道長沙灣有間串燒乜都有得食,咁當然要試試啦! 地方雖少,但選擇亦十分多開支啤酒同朋友邊喝邊食最好𣎴過所以深夜係應該要好串嘅👍🏻👍🏻👍🏻…查看更多

老公一向鍾意食串燒，這一區附近平時有另一間食開的，今晚經過就試試呢間。睇門口佈置以為係日式，原來完全係關！唔錯喎！鍾意佢唔會太濃味。餐牌選擇算唔少，亦有啲較特別嘅食物，好似燒秋葵、燒原隻尖椒、炸彈。個「炸彈」幾好味，裡面係半生熟雞蛋，出面包一層類似薯蓉，再攞去炸。夾埋一齊幾好味，有層次！其他都好味道，不過太肚餓，冇全部影相啦！舖仔細細，今晚所見人手亦只得兩位。即叫即燒，等待時間會小小耐，都算合理。…查看更多

試食報告20160812，串盞食物: 欣賞既有茄子，多春魚，羊架，牛舌，雞翼，雞軟骨不得不讚朋友落錯單，本想叫4粒既墨魚丸叫左錯4串，但出奇地好好食，香口彈牙，有肉粒，招牌凍蜆好惹味 ， 鹽酥雞好香口，但大蝦就唔夠爽，菠蘿唔夠甜， 仲食左雞腎，雞皮，京蔥五花腩，燒帶子，牛柳粒，蘆筍，粉絲焗金菇，燒魷魚乾，都ok環境/舒適度: 全店室內12個位，室外2個位，圓櫈，坐得耐我patpat痛清潔度/服務: 服務細心，唔會吹人落單，我撥一撥扇老闆即刻識做開大冷氣，我白坐左大半個鐘都無黑我面，讚!價性比: 坐吓傾吓食吓3個鐘，除開都係200蚊，抵啦！跟手過隔離食埋松記做甜品，good!…查看更多

呢個位以前係泰國餐廳時，都成日黎食，之後變左車仔面就無再黎呢邊搵野食。今日心血來潮，想去松記食甜品，所以又黎左呢邊。見間店變左串燒，又搞到心思思想試下，所以就去食。見張點菜紙，食物又唔算貴，大約$10-＄20一串。我地2個人叫左雞軟骨，燒墨魚，燒菠蘿，燒元貝，雜菇，翠玉瓜，牛舌，仲有係香港好少有的雞皮。雞皮燒得好脆，真係好好味，其他食物都好好味。最重要係食完都唔覺口乾，我估應該唔係靠味精粉。食完串燒最好有涼茶飲，如果可以有自家煲的五花茶或酸梅湯飲，會仲正。今次太匆忙，都無影相，但可以一定會再去食過，而且要試下其他野食。 …查看更多