串得喜 (已結業)

今次去咗間傳說中嘅正宗烤魚串燒店，開始嘅預感已經話俾我知，今晚一定夠晒嘴🤤。蒜香烤魚做嘅夠哂功夫，口口肉香蒜味濃，嗲到不得了啦！開胃喎！俾佢個湯底燜滷嘅薯仔、豆卜同娃娃菜香滑得嚟又吸晒啲汁，好嘢！串燒方面，喂，個翠肉瓜真係正到爆燈💡，炭香噴香，辣粉撒落又帶點醒神，啖啖肉嘅烤雞腎，啱晒啲鐘意爽口口感嘅人士。雖然部分串燒可能意猶未盡噉，但總體嚟講，依度嘅味道同口感都算係超水準。順帶一提，店員勁好人，仲不時會黎問下食得點，真係貼心！飲食環境都舒服，坐低食嘢傾偈，真係靚仔正妹必到之選。總之，食得嘅朋友哋，唔好錯過呢間寶藏店嚟一試，網上熱爆嘅店鋪，實會令你再三回味👍！

好唔明點解會有咁多好評…難得同老公2個人去2人世界..滿心歡喜咁入去食好西，2個人叫左半隻雞煲（中辣），唔知本身係咩雞，半隻份量感覺好少，都唔緊要，唔辣之餘隻雞又乾爭爭咁。串燒叫左韮菜（最好食係呢樣，臨尾有叫多串）燒茄子（人生食過最難食既燒茄子，食第一啖係凍嘅，其他部分暖暖地，真係唔明點解可以係唔熱）明太子雞翼（凍貨類貨品，熱既，但唔好食）冬菇（還可以）雞軟骨（熱既，咪道正常）印象係食左以上既野，但整體好差，價錢唔算平，2個人食左4百幾（仲叫左2支藍妹），真係可一不可再…

土瓜灣美食攻略2023主打雞煲烤魚加串燒用心做,味道佳,環境走簡約風有時味道先係主角,裝修反而次要土瓜灣出名多美食,呢度有間評價很唔錯既小店,雞煲同串燒都係即點即做等待時間約15分鐘我地今日6點就到,落單用紙仔填飲品12蚊起,呢度係幾有人情味既小店對面既小妹妹,自己放學係度等媽媽,店老闆好似做左佢保母一樣,係外面連鎖店睇唔到既畫面即烤厚牛舌片,燒牛肉牛油蒜金姑重蒜香辣燒原條茄子半隻雞煲,黃金和牛一口牛,燒牛油粟米埋單都係200蚊左右一個人咋,超飽先上牛舌,爽口彈牙,選最嫩個位置,食起上黎無筋又爽口,個粉帶點辣,牛味特濃另外燒牛肉都係一流,一口SIZE,嫩而無渣!香口惹味燒粟米,鹽味牛油燒,帶點甜中帶咸味唔係燒到超乾個種,口感粟米仍有點脆脆爽口,好多汁,呢種口感出面食唔到黃金一口牛,金沙咸蛋味特濃,味道幾夾雞煲真係超好食,小辣個辣度係大眾辣,唔食辣既朋友都食到,香口惹味,雞件肉厚多汁,唔會過熟,人多點一隻更抵食原條燒茄子,唔會太焦,連皮可以食,重重重口味之選啊~超多肉汁又辣又香口平均消費$200/人評分8/10串得喜 地址 土瓜灣落山道96號橋發大廈地舖G/F, Kiu Fat Mans

同朋友經常都會到土瓜灣食飯，因為朋友住附近，而且都多小食揀，今次經過見到呢間串燒店招牌，於是過嚟試下。餐廳唔大，只有幾張枱嘅位置。串得喜雞煲（半隻）$138兩人食半隻雞煲嘅份量剛剛好，食完雞煲之後可以加湯變打邊爐，一次過食雞煲，再加打邊爐。冬菇 $28金菇$22蒜蓉燒茄子(原條) $48雖然揀咗少辣，但唔會太辣，係可接受程度。蒜蓉牛油焗金菇 $28金菇加上多蒜同牛油，比起打邊爐嘅金菇更惹味。燒韮菜 $15泰式燒魷魚筒$58原條魷魚筒，魷魚筒中間位置加上蒜蓉，令到魷魚筒更惹味，口感都好爽口。整體而言，食物價錢都抵食，特別係打邊爐嘅配料。

呢排食得多，係屋企附近跑步見到間新開既串燒店叫串得喜，見都幾多人食好似好吸引，於是今日同屋企人去試下。食之前係網上睇左睇，見好多人都會叫佢地既烤魚，睇黎烤魚係必食。由於我地唔太食得辣，就叫左蒜香烤魚($268)。入面配料都好多，有豆卜、金菇、芽菜、娃娃菜、薯粉，每樣份量都唔少😄當然唔少得條魚，條魚好大條，食落似爐魚。魚皮經過烤焗，好香好脆😋平時食魚鐘意食細魚，因為覺得大魚食落會好鞋，但估唔到呢間店比咁大條魚，肉質都保持到鮮、嫩、滑！加上條魚冇咩骨，就算老人家都好放心食。配料中，我地最鐘意娃娃菜同豆卜，因為佢地最吸湯汁😆個湯既蒜味好香但唔會太濃，可以直接飲入口。.黎得串燒店，我地都叫左幾款串燒🍢1️⃣燒羊肉串(2串)($28)有少少羊既脂肪，燒完之後羊既油香味逼哂出黎，超好食！2️⃣黃金燒魷魚筒($58)黃金指既係用咸蛋黃醬燒🥚咸蛋黃醬撈好多野都好夾，醬入面仲有細細既蛋黃粒，魷魚筒既滑加埋蛋黃既粒粒質地，第一次食呢個配搭，口感好特別。3️⃣蒜蓉燒茄子($48)茄子肉都算好多，而且燒到半離皮，所以好易將皮肉分開，加埋大量蒜去燒，中意食蒜既呢款冇得輸🤣4️⃣蒜蓉牛油焗金菇($28)份量好多，超重牛油味，正！

以前成日去土瓜灣都唔知有咁多美食🥺🥺💫特別係啲窿窿那那先係最多正野夜晚肚子餓可以去食佢地又有串燒又百烤魚 仲洗咩北上食😚啲野食全部都有得揀辣度🌶️想食幾辣就食幾辣❣️港式麻辣烤魚 $268(🍜稻庭烏冬$32 🐮潮汕手打牛丸 $48)烤魚真係幾時都係咁正大大條烤魚 包你兩個人食到飽飽✅除左烤魚仲有唔少配料 有豆卜有薯粉一路烚住🔥啲配料就一直吸收曬烤魚汁個精髓仲係覺得唔夠飽就可以拎烤魚個汁底做打邊爐💗❣️蒜蓉牛油焗金菇 $28⚠️又係邪惡系列食落每啖都有強勁嘅蒜頭同牛油味🧄🧈唔洗我點講一睇相都知完全落重本咁吸引下就食左先再諗如何減肥🙈🤣❣️烤雞軟骨串 $36食串燒點可以唔食雞軟骨！犀利之處就算咁樣燒都無咩油無油膩真係幾時都係最好至少可以食多幾串🥰🥰❣️烤金菇肥牛卷 $28同蒜蓉牛油焗金菇簡直係兩個食法🤪不過一樣都係正正烤到肥牛脆脆🐂又保住金菇個份爽口🍄💥❣️可樂 $12條烤魚同啲串燒咁惹味邊有可能唔飲野💦💦💦點都整返杯可樂爽一爽先飲完即刻爽曬~~~💨

突然間好想同朋友去食烤魚雞煲和串燒！🤪朋友介紹呢間喺土瓜灣嘅小店，性價比高，又坐得舒服，飲品食品嘅選擇都好豐富！餐廳嘅選擇好多，有雞煲烤魚串燒等等仲有唔少嘅火鍋配料俾你選擇可以食到滿足！就算係烤魚啊，都有三個味道選擇，好似我港式麻辣烤魚、泡椒酸菜烤魚及蒜香烤魚，除此之外，仲有雞煲同埋羊腩煲㖭😎亦都有涼拌小食、炸物串燒同埋火鍋配料，火鍋配料嘅種類好多啊，有大受歡迎嘅安格斯牛同埋西班牙黑豚肉，仲有好多菜類我哋叫咗蒜香烤魚$268除咗烤魚，仲有唔少配菜好似芽菜萵筍薯仔洋蔥豆卜等等，好豐富既湯底！美國肥牛 $88正！肥膏和肉比例合適😊皇帝菜$38平時好少見出街有得食！皇帝菜好有益！有十分豐富的維生素A、維生素C🤭燒韮菜$15調味唔錯，烤到好juicy, 唔係乾爭爭燒羊肉串（2串）$28正！孜然粉既份量控制得宜！羊肉肥膏和肉比例合適😊樽式汽水🥤$12食物真係唔錯，仲要價錢係好平，下次再黎試雞煲！串得喜 (土瓜灣)土瓜灣落山道96號橋發大廈地舖

土瓜灣有好多隱世美食，呢間喺朋友屋企附近，賣點係有雞煲、烤魚，仲有串燒！小店大概有6張枱，多數係街坊。我地叫咗幾款特色串燒做前菜，之後就到主菜港式麻辣烤魚。首先有招牌黃金雞翼，鹹蛋味濃，如果係炸雞翼會仲好食🤣之後叫多幾款串燒，用嚟送啤酒一流🍺🍺 分別有肥牛金菇卷，煙肉腸仔卷，烤雞軟骨，烤五花腩片，烤雞肉！全部串燒都揀咗中辣，比想像中辣，燒得好香同惹味。食完串燒就到主菜烤魚，都係揀咗中辣。味道極之香濃，辣度十足🤩 條魚煎到好香口 ，再配合麻辣紅油湯底，口感啱啱好！最正嘅係個湯充分索晒入去啲配料，好足料，豆卜同娃娃菜都好正🤣 入面仲有紅薯粉，略嫌放最底好快煮得太淋。 呢度好啱一班朋友飲啤酒吹水，氣氛亦好似大排檔咁熱鬧！

最近好想食串燒，搵左間土瓜灣間串得喜。蒜蓉原條茄子火候燒得好，連皮都食埋，蒜蓉和茄子🍆肉混和一齊，滋味可口。牛油🌽🌽金黃金黃，牛油香噴噴，微焦，肉粒香甜。烤羊肉這款係我個人最鍾意，首先味道很不錯够鮮够香，又冇咩蘇味，有口感佳肥牛金菇牛肉香嫩，肉汁鮮美，配搭金菇，更香滑。調味料濃。烤韭菜韭菜本身有獨有味，配上呢度燒烤醬真係好好味，韭菜新鮮經烤過後依然保持水份👍整體而言，食物選擇多，價錢不貴。

作為土瓜灣街坊既我 成日都會係附近搵下有咩正野食今日就黎試下呢間街坊推薦既雞煲火鍋仲有即叫即燒既串燒 食物種類唔算太多但勝在價錢抵 食物質素好 夠哂貼地估唔到咁早都已經好旺場 7點已經無哂位✎串得喜雞煲(一隻) $238呢個雞煲既醬真係好好食 重口味得黎又唔係死咸雞肉嫩滑 夠哂大件 呢個價錢真係無得輸美國肥牛 $88好大碟 原本睇落好似好肥 點知淥落岩岩好食落口唔會覺得油膩 仲略帶嚼勁安格斯牛丸 $48爆哂汁既牛丸 我認為打邊爐必嗌出前一丁 $18公仔麵索哂啲湯汁好濃味 原味炸魚皮 $32呢個價錢有一大籃魚皮 份量仲要超級多就咁食就脆卜卜 放落邊爐淥一淥都好正烤牛舌$22 一口牛 $68 烤雞軟骨串 $18串燒有得揀辣度 我地揀左小辣 唔會太辣即叫即燒 所以建議大家可以預番時間嗌呢3款我個人覺得最出色 值得一試泰式豬頸肉 $78好厚切既豬頸肉 夠哂爽口 點埋個酸酸甜甜既醬汁好夾黃金燒雞翼(2隻) $38沾滿左咸蛋黃醬 極邪惡既雞翼真係每人1隻夠哂數🤣

喺土瓜灣等埋朋友收工食飯今次揀咗串燒嚟食點知俾佢個雞煲吸引咗，就叫咗半隻試吓🎈串得喜雞煲（半隻）好惹味 叫咗小辣岩岩好 雞大大舊好多肉 食完之後加湯打邊爐都唔會淡火鍋配料朋友話想食啲索湯啲既野所以叫咗萵筍金菇薯仔同埋豆腐同皇帝菜不得不提個豆腐，真係好滑串燒叫左燒五花腩肉片 燒牛舌燒煙肉腸仔卷 烤金菇肥牛串燒真係好抵食小辣都已經夠辣🔅推介 *燒五花腩肉片*🔅平時一個價錢得一串佢呢度$28有兩串外面燒到脆卜卜 好好味！仲有好多嘢想試，但都已經好飽見到好多人食烤魚都好好食，下次要試吓！

雖然我一向鍾意去cafe, 但有時都要陪下男朋友食佢鍾意嘅嘢。佢就鍾意雞煲、烤魚、串燒、大排檔等，仲好鍾意邊食邊飲啤酒。好啦！今晚就陪佢飲返杯。呢間店有齊雞煲、烤魚和串燒，一定岩晒佢。餐店地方唔算大，有幾張四人枱，整齊企理，環境都光猛。畫紙仔點菜，有幾嗰項目，包括烤魚、雞煲、海鮮類/時令、涼拌系列、黃金系列、烤蔬菜、串燒、火鍋配料和飲品。男朋友揸主意，佢先點支藍妹啤酒($40），是大支裝，當然一滴不留，飲下食下仲想再來多一支，真飲得!不過，他也適可而止。再上幾款串燒。燒韮菜（ $15）好翠綠爽嫩，有韭菜香之餘，仲配咗啲香辣醬和味粉，香辣惹味！烤牛舌 （ $22/串）和烤羊肉串（$28/2串）齊齊上枱，熱辣辣。牛舌係薄切，唔爽口，口感一般，但就好腍嫩入味，鹹香帶辣。烤羊肉串就好肉嫩，有少許油潤的肥膏，食到啲啲羊羶味，加埋孜然粉，好有風味！蒜蓉燒茄子（$48/原條）面頭灑滿調味粉和蒜粒，燒至金黃，好靚！勁有蒜香，鹹香惹味，茄肉仲好腍軟，完全唔乾身。雖然茄子係吸油之物，但食落無油淋淋，正！三款烤魚中揀咗蒜香烤魚（$268/原條），邊滾邊吃， 熱辣辣。呢條魽魚都幾大條，而配料份量都唔少， 有金

同事介紹呢間位於土瓜灣落山道96號橋發大廈地舖既烤魚唔錯，今日放工就話帶我黎試下。我就揀左中辣雞煲，要左一隻，雞件好入味，而且份量都多，重可以食埋串燒飲吓啤酒，正呀🥰🥰🥰串得喜雞煲 ($238)一隻麻辣雞件夠大件、啖啖肉好惹味😋😋😋😋😋😋辣度啱啱好👍🏻👍🏻👍🏻蒜蓉牛油焗金菇 ($28)鋪滿晒蒜蓉勁香口👍🏻👍🏻👍🏻👍🏻烤羊肉串 ($28) 2串、烤牛肉串 ($38) 2串烤金菇肥牛卷 ( $28)一啖一口容易食💕夠入味😋😋😋青島啤酒 ( $30 )大支裝食雞煲既無敵配搭🍺🍻🍾

自疫情封關都有一段時間無食烤魚雖然香港都有但係始終不及內地嘅惹味依間串燒店行親民路線好地道門口就係咪錶位方便泊車岩哂夜晚食宵夜餐廳環境算乾淨 好多食串燒嘅鋪頭油煙味好重但佢無同埋佢地平民地道小店所以價錢都算平餐牌都有多種類嘅食物例如 烤魚 雞煲 海鮮 串燒 涼拌等惹味食物點左佢地嘅蒜香烤魚試下佢地食物新鮮製作所以要花少少時間等串燒點左雞 羊 牛 韭菜整體都火候岩岩唔會太乾而硬辣粉都好香唔會太過鹹至於烤魚都幾大條見到佢都好足料本身已有薯粉係底 可以慢慢煮吸哂啲湯汁蒜香味會唔太咸太濃食完唔會有種好口渴嘅感覺

比個名吸引咗去食😂原本以為串燒為主，原來都有烤魚同雞煲(^^)港式麻辣烤魚 $268鍾意食辣嘅我哋嗌咗中辣，嚟到真係紅噹噹🌶️但係食落就真係唔太辣喇，好似連譚仔三小辣都辣過佢😂可能想貼近返香港人口味🤔成條魚，啖啖肉，條骨好易起到出黎👍配菜都好多，有大豆芽、萵筍、薯仔、薯粉、金菇、娃娃菜🤓本身都唔知道原來已經有咁多材料，仲等我哋另外叫咗一碟萵筍同娃娃菜添😂蒜蓉牛油焗金菇 $28大愛呢一樣💕好多蒜好多牛油😀上菜時仲熱辣辣，金菇吸收晒啲牛油，好正！烤雞中翼$28真係即叫即整！外皮香脆，裏面好Juice👍調味都啱啱好😀我哋覺得佢嘅串燒應該水準幾好，但我哋已經太飽啦，所以就冇再叫其他串燒試吓🫣原味炸魚皮$32個份量大得驚人🫣食極都仲有😝魚皮好香脆～抵食夾大件🥰