3
2
1
港鐵長沙灣站 A2 出口, 步行約4分鐘
繼續閱讀
付款方式
其他資料
當面支付
以上資料只供參考, 請與餐廳確認詳情
今晚比較早食晚飯，食完行左陣街，經過長沙灣時，聞到陣好香既串燒味，跟住陣味搵到呢間串燒店！於是決定坐街食返個宵夜！雖然係坐街，同埋位於長沙灣，但價錢比起坐餐廳食還要貴牛油粟米，$20條，食唔出有牛油味、粟米亦唔甜司華力腸，$30，無錯，係$30，我幻想會有什麼驚喜，結果係肉質屬中下，亦沒有什麼燒烤味茄子$30這個味道不錯👍雞翼$25不過不失雞腎$20/串算係最好食既一款，爽口有燒烤味唔會太乾總結：環境及食物不值這個價錢～
繼續閱讀
聖誕節果日我同朋友去搵宵夜食。搵到依間燒烤店。見到門口幾多人食於是就等埋一份。三個人食，叫左兩串䰹魚，三串羊肉，50蚊既4隻所謂大蜆（其實係比一般既蜆大20-30%），同埋一條秋刀魚。啲野食味道係幾入味既，但係份量真係好少。例如一串魷魚，可能就係一條魷魚鬚切開六小部份既內容黎。價錢一啲都唔平民。
繼續閱讀
突然好想食串燒，係屋企附近就有一間性價比高的串燒店。經常會經過呢到，但都未有機會食，今日終於可以一試。晚上7點後才有串燒賣，我地早左到，食左個魚肉碗仔翅先，碗仔翅較稀，唔會漿住個口，入味。串燒肉類都很入味，推介雞軟骨、雞翼、全菇肥牛。多春魚燒到脆卜卜，好好味呀，未試過咁食。香菇和脆肉瓜好多汁。不過味道係偏濃架，如果唔鐘意濃味食物就唔係好啱你啦。另外店主的服務態度好好呀。係天氣凍既日子，坐街邊，食熱辣辣既串燒，正。
繼續閱讀
同男朋友成日會黎呢到食宵夜，因住係長沙彎，宵夜到會係呢頭落腳，而呢間串燒店到係我地中意食既因爲欣賞呢到老闆用心燒烤，雖然時間會等比出面店耐小小，但真係每份到熱辣辣又juice！以下食物係最推介多春魚、魷魚、墨丸、韮菜-以往既多春魚到係燒加，最近食呢次變左炸，味道爭左d！但已前燒真係好好味，每條到燒得好均勻，脆卜卜！但炸到仲可以吾知係咪想快d，墨丸同魷魚到炸左先，感覺爭d！必點半打青口-即燒，加上蒜容葱，真係好正！！已往青口大隻新鮮d！今次到係爭小小！雞中翼-即燒，外脆內嫩推介！總括講下，呢到串燒價錢吾算平，但食到老闆既用心，唯獨今次食水準有小小下降。
繼續閱讀
食好野係要等下嘅，長沙灣街坊特別推介呢間串燒店，又平又好食，星期一7.30pm到都未開門，等到8pm就開了。門面不怎麼樣，原來係坐街邊的，似大排檔格局，非常有特色！真爐即係你面前燒，唔係流的。街上的風景都唔錯，隊啤最正，越夜越少車。選擇都幾多，係紙上tick。由於即燒關係，都要等等。第一碟上就有翠肉瓜$10、韮菜$10、尖椒$10兩條、雞軟骨$10、司華力腸$13，可揀辣度，果然樣樣都好抵食。燒得好惹味，韮菜一D都唔乾，腸係脆皮的，翠肉瓜唔硬且水份充足。蒜蓉荷蘭腸$18切薄片好味道，蒜蓉味也十分香。第二輪牛舌$20、燒賣$10、麻吉燒$13、安格斯肥牛粒$22、鴨胸$15，牛舌和肥牛粒好正，肉質嫩滑，調味和火喉控制得非常好。原隻茄子皇$26好大條，果然係燒的好食。雞中翼$16都冇失手。羊架$25、扇貝$20、雞皮$15兩串、菠蘿$15，羊架都十分有水準，肉質好扎實又有嚼勁。反而菠蘿有D乾，唔夠甜。扇貝都好新鮮大隻。四季豆$10、娃娃菜$10、菲菜 encore，蔬菜份量都唔細，估唔到娃娃菜咁好食，調味十分出色。燒魷魚乾$20切得太細，但係幾香口，送啤酒一流。整體來講，食物水準十分高，如果住附近，真係會個個禮拜黎幫親。
繼續閱讀