串串金 - 串燒 x 菓茶 (已結業)

係旺角行街，有啲口痕見openrice有呢個$19外賣優惠就買黎試下。落完單行多陣過去拎，點至真係覺得啲串燒好麻麻！牛肉 ($19/2串)見咁平試下點知唔好食，完全係唔夠味，冇串燒既調味同燒香，加上感覺牛肉都唔係好新鮮，冇乜牛味。花枝丸 ($19/2串)普普通通。我覺得串燒最基本要燒得夠香，但係呢個真係唔夠香，好普通既花枝丸。魷魚鬚-辣 ($32)明明揀咗辣但一啲都唔辣，反而有小小酸味，係唔理解既酸味，完全係食咗一條就放棄咗🥺

“四季蜜桃”($24)呢排天氣實在太熱🥵喺街行一陣都出哂汗喺旺角見到有間小食店有菓茶賣😍即刻忍唔住要整返杯🤣叫咗杯蜜桃四季春茶🍑除咗蜜桃,仲可以配百香/荔枝/蜂蜜🍯另外都有啲沙冰同冷泡花茶提供😛成杯茶蜜桃味夠哂香濃😆茶味就比較淡😂不過飲完個人即刻爽返哂😝等天氣冇咁熱先嚟試試佢啲串燒🤣

打電話落單，接線嘅話要20分鐘後。後來打電話通知我整好，即刻落樓拎。🤣牛肉醃得入味，蜜糖味，有d靱。豆卜脆。芝士玉子燒入面有芝士同粟米，芝士未溶透同埋芝士味唔濃。椒鹽燒賣脆，好食。椒鹽雞軟骨都ok

好耐無 BBQ路過旺角見到有間串燒店就試一試頂住癮先 🙈🙈🙈所有串燒即叫即燒好香好好味 😋😋😋極力推介燒雞翼同厚切牛舌會再 encore 😎😎😎另外見到仲有果茶下次要試埋

今日同朋友行完街，黎到呢間串串金飲下菓茶。😾再加上我之後會由旺角區行番屋企 (都要行一兩個鐘嫁👻)，所以就想飲番杯野抖抖先，補充下水份咁。經過呢間串燒小店，一睇餐牌，見到有四季春菓茶。🙈而我自己最鍾意飲四季春茶。因為鍾意四季春淡得黎有茶香，而且吾會太澀。講番杯百香果四季春($18)頂端吾係奶蓋，純粹係搖勻時產生既氣泡。😹一飲落口會飲到個四季春茶味，之後就會係比較重百香果味。成杯茶甜度飲落岩岩好，吾會話甜到喉嚨痛。而個百香果味吾會死甜。可能有落百香果果汁而非百香果糖漿。🧐或者支糖漿係靚野。🤪價錢都算合理。見到老闆娘(應該係)非常細心咁為其他顧客解釋緊個餐單，而且對每位客人都非常有禮貌。重點係因為我驚會阻到其他行人行路，所以我企遠左間店少少，。但老闆娘會主動行出店舖，去將杯菓茶攞比我，而吾係叫我去攞。🙈下次可能會試佢地個串燒！

今日經開旺角洗衣街，見到有間串燒店，本身自己唔係學生，個老闆娘超好人，拖住仔仔都可以享有學生優惠，全張張單有7折我叫左一份雞翼、一串雞軟骨、一串花枝丸、一份魷魚鬚、一杯洋甘菊冷泡茶和一杯芒果沙冰。一份雞翼有三隻，外脆內juicy，好入味，好好食，我一個人食曬。雞軟骨燒到剛剛好，脆脆地，有椒鹽味，好正。魷魚鬚就真係極力推介，小小辣、小小甜、好惹味，叫完係好想再叫至於花枝丸和芒果沙冰比仔仔食，佢話沙冰好好飲。洋甘菊冷泡茶好有茶香、無糖啱晒我。下次一定要來食，試吓其他食品！

想買串燒送啤酒，見到呢間外賣自取牛肉同雞肉都買一送一，買幾串試下雞肉串燒正👍🏻買一送一$9一串非常抵食好大串下架，調味又好味，肉汁夠落單10分鐘就有得食，快靚正

叫完外賣先search下評語發現幾多差評但外賣黎到覺得ok , 正正常常但肉類有陣八角味， 好少串燒會用八角醃唔太中意八角味但雞有沙嗲味幾好， 雞軟骨都ok overall黎講正常串燒又唔算貴

如果您是喜歡吃牛舌、吃羊鞍和吃人情味的,您就一定要試吓這間串串金。食物質素和性價比高,童叟無欺（突然在腦中諗起這成語）😂第一次幫襯時,除了叫咗串燒,還叫咗杯“香港加油”；除了因杯嘢個名特別而引起我注意,當時就真係好想為香港打打氣💪一飲.....嘩...真係好好味！（我無誇張,真係當時嘅反應）跟住同事頭婆傾開先知,原來杯嘢係佢開張前自己試咗無數茶葉和水果配搭,千錘百煉出來的成品！ 唔係出面大部份台式飲料搵粉開水比您嗰D！連一杯飲品都咁認真,這才是真.港人精神！💪💪

聖誕節諗住同朋友一齊食串燒，點知安安燒冇開，所以搵到哩間野。點知真係超級無敵難食，已經冇詞語形容到，自己睇圖，應該會feel到有幾難食😇牛舌厚過午餐肉，連豬頸肉咁好食嘅野都整到超難食，超級腥。仲要800幾蚊賣單🥵總之，一啲都唔推介

本來以為係手抓餅外加一串串燒，原來係串燒燒完夾埋入去做餡，沙嗲濃味得來味道適中，唔會太鹹蜜桃沙冰要加$6，啲冰打得夠碎，易入口，不過平時飲開茶，一時唔記得叫少甜，甜左啲整體都唔錯，但相較飲品，食物份量有點少，食晒野之後飲品飲唔到一半，建議可以改成餐嘅飲品比單買嘅份量少啲，而食物加返多少少環境方面好可惜冇企位供現場食，還好店家包裝方便，一個飲品袋裝得晒另外，見到外賣紙先知電話落單有折，第時有機會會試下其他串燒

見網上多人提過， 又喺旺角咗方便， 今日專登過去食一次，叫咗雞翼撈麵餐同羊架， 雞翼同羊架都好正， 杯香港加油飲落好清爽；唔知係員工定老闆好好傾， 仲請咗支玫瑰花茶叫我返去試吓，飲落好清新， 好解渴， 下次經過會再買， 想試埋其他味嘅花茶， 今日見佢有帶子金菇，店員仲推介大雞脾， 可惜今日太飽啦， 過2日一定會再去，買埋屋企人嗰份應該可以試多啲食物， 仲有外面少見嘅火龍果冰沙，天氣熱， 應該好正唯一可惜係無堂食位， 如果有埋就正啦

我本來是想光顧位於「旺角」「黑布街」，與「亞皆老街」交界小區裡面，主打中式牛肉，跟相關粉麵飯食品的食店，順便購買我的晚飯食品。可惜我去到「旺角」，發現牛肉食品店一直都未有開門營業。結果我被迫暫時放棄在「旺角」「黑布街」光顧牛肉食品專門店的計劃，改為光顧附近的食店。至於我在晚餐裡面的「牛肉」食品，我被迫改為光顧其他「旺角」食店。於是我在原本預計想光顧的「黑布街」食店，食店街道「黑布街」旁邊的另一條街道「洗衣街」，光顧主打燒烤食品和手調飲品的港式燒烤小食店「串串金 - 串燒 x 菓茶」（以下簡稱「串串金」）。「串串金」裡面大約有三個人正在工作，店員的工作大致上分為製作手調飲品，和製作燒烤小食兩種。「串串金」廚房製作的飲品，跟現在大部分年輕人經營的台式飲品店十分相似，就是沒有製作「水蜜桃紅茶」。偏好有「水蜜桃」甜味手調飲品的食店，在「串串金」裡面唯有退而求其次，改選其他跟「水蜜桃」有關的台式手調飲品，例如「蜜桃沙冰」跟「四季蜜桃」。至於「串串金」廚房裡面的燒烤食品方面，「串串金」有很多燒烤雞肉小食食品，方便我在「旺角」購買外賣「咖喱牛腩飯」食品的同時，可以購買外賣燒雞作為「咖喱牛腩飯」晚餐的

今日路過買花茶 好似凍滾水 擺三朵花入去 ， 串燒 好鬼韌 …… 燒嗰陣 熟透都繼續燒 ………！ 搵個背脊 遮住…………！好似 唔想比客見到咁…………！ 啲夥記 木無表情 ……… 感覺係做又36唔做又36， 坐喺張櫈度 玩手機……！， 有客經過 連一句 請問 有乜嘢幫到你 都唔講…！ 感覺似唔憂做 ， 完全食唔到有蜜糖味 ， 連最起碼 串燒爆汁嘅感覺都冇， 同埋 我買嗰陣 見到 冇人買 先至走過去 幫襯……， 食後感……非常失望，講堅 又貴又唔好食 ！！！ 下次唔敢再買……

叫熊貓外賣，店主(好似係)發現比少咗杯飲品車手，即刻打電話黎問地址，好快親自送上門，平時多數就咁話下次補番，抵讚"香港加油"菓茶清清地幾好飲，唔係糖精可能因為係小食店，燒牛肉手抓餅份量有啲細但好味串燒有啲燶所以啲瓜菜有啲苦，希望可以留意吓，雞翼就燒得幾好要二百字先有得比好評，但只係叫咗好少野冇乜好講，不過就係叫咁少佢都咁上心，openrice又得一個食評，所以點都死夠二百字比佢，繼續努力，香港加油！