影片
港鐵銅鑼灣站 B 出口, 步行約1分鐘
繼續閱讀
電話號碼
21436777
開飯介紹
餐廳裝修仿如日本居酒屋，由日本人主理，主打地道大阪菜，提供坊間少見的大阪炸串。而大阪炸串多達30多款，包括黑毛和牛、牛腸、紅薯、日本年糕等。餐廳亦提供多款日本燒酒及啤酒。
繼續閱讀
附加資料
星期一至星期六 Last order 1:30am 星期日及假日 Last order 11:30pm
營業時間
今日營業
18:00 - 02:00
星期一至六
18:00 - 02:00
星期日
18:00 - 00:00
以上資料只供參考, 請與餐廳確認詳情
有關獎賞計劃
一向最鍾意就係食日本嘢，放工之後約咗朋友去左一間日式炸串店，木系裝修營造一種溫暖既氛圍，一路傾計一路享受美食。炸串松葉蟹鉗：肉質鮮美，蟹鉗外皮酥脆，蟹肉保持天然甜味，口感細嫩。洋蔥：口感爽脆鮮甜。特選牛 ：肉質嫩滑，肉汁豐富，每一口都感受到牛肉既濃郁香氣。牡蠣豬肉卷 ：牡蠣既海洋鮮味與豬肉既肉香味完美融合，雙重既美味享受。日本雞蛋豬肉卷 ：日本雞蛋流心，蛋香味十足，必試之選。鐵盒蒸日本生蠔即叫即蒸，大約需時10分鐘。日本生蠔超大隻，蠔身肥厚，質地圓潤，蒸好既生蠔散發出海洋既鮮香。鐵板海鮮明太子明太子釋放出濃郁嘅海洋咸香味，獨特口感與海鮮既鮮甜互相結合，有驚喜。原條池魚刺身肉質半透明，色澤鮮明，切割精細，肉質鮮美、細膩，搭配少許醬油、薑、蔥更提升池魚鮮味。沖繩橘子殘波加入左沖繩橋子果汁，入口酸酸甜甜，口感清新。Calpis grapes soda提子乳酸入口有輕盈既泡沫感，味道清新，為炎熱既夏日帶來一絲涼意。
繼續閱讀
有個日本通嘅朋友真好😙今次朋友帶我去間好有日本feel嘅炸串店🇯🇵餐廳裝修似足日本嘅居酒屋🏮我哋坐咗喺bar枱位置，飲住啤酒🍻傾吓偈，回想吓當年日本之旅嘅歡樂時光🥰🐟原條池魚刺身 ($268) 一見到日本直送嘅menu其實已經睇中池魚刺身🤭呢個價錢食到原條日本直送池魚都唔算貴😆刺身一片片砌得好靚😍望到都已經覺得新鮮👍🏻食落更係鮮甜美味🤤絕對係超值😝😝😝🥘博多牛腸鍋 二人前 ($320)牛腸鍋係博多名物，有鹽味、醬油同味噌三款選擇🙂揀咗最清淡嘅鹽味，滾後先飲啖一口湯👅湯頭鮮甜清爽😙牛腸快淥一分鐘，爽彈嘅腸被厚厚嘅油脂包圍住油香滿溢🤤除咗牛腸，仲有明太子、韭菜、芽菜同高麗菜🥬牛油香同明太子嘅鹹香伴隨大量蔬菜，雜邪惡與健康於一身😈除咗牛腸鍋，我見仲有壽喜燒鍋🥩隔離枱一落牛就勁香🤤勁吸引，下次一定要試🤗🧀明太子芝士玉子燒 ($98) 見枱枱都叫我哋又忍唔到叫😝大推‼️熱辣辣嘅玉子燒，一切開大量拉絲芝士🧀拉極都仲有😂鹹鹹香香嘅明太子配搭甜甜玉子燒，爆餡又濕潤👍🏻好好食🤤🐙大阪代表美食章魚仙 ($48) 好耐冇食過章魚燒🐙外脆內軟，又唔會粉醬感好重，漿住個口😁入面章魚都好大粒，又多爽彈😋下面用咗蝦餅墊底，更添多層口感😙炸串：🍳日本雞蛋豬肉卷 ($38)🥩特選牛 ($32)🥩五花肉 ($22)🐣雞柳 ($22)🦀松葉蟹鉗 ($48)🧅洋蔥 ($18)嚟到居酒居當然要試吓炸串😋炸串款式好多，有肉又菜有海鮮🦑炸衣又薄又脆，炸物唔會炸得乾柴😋日本蛋keep到流心色澤又靚😍洋蔥有驚喜，又爽又甜😋果然係值得推介👍🏻所有炸串都配有日本椰菜🥬清爽又解膩😇
繼續閱讀
同事們建議今日放工後去銅鑼灣嘅 串カツ専門店 happy hour，話生啤只需$39杯🍺？！咁抵地點又咁方便，Duck哥🦆當然舉腳贊成啦。串カツ専門店嘅裝潢同日本🇯🇵居酒屋無異，木枱、木板牆身及木地板，仲有放滿日本🇯🇵漫畫嘅書架，真係好日本🇯🇵feel。海鮮沙律 $108割切新鮮魚生，配上新鮮沙律菜🥗，再混入甜酸醋汁，味道清新又醒胃😋。自家製低溫慢煮叉燒 $98叉燒是冷盤形式上，連碟都係雪凍過，呢點非常細心👍，內質緊緻帶點脂肪香，點配沙律醬或芥末醬，再包裏蔥花食，味道更加豐富😍。醬燒牛胸腹肉 $128牛胸腹🐂肉口感緊緻，牛肉🐂味重混有陣陣醬香味，越食越有口感🥰。明太子芝士玉子燒 $98玉子燒非常嫩滑，加上鹹香嘅明太子醬，中間夾雜著熱熔芝士🧀，口感濕潤味道香濃😍。日本雞蛋豬肉卷 $38原隻蛋🥚上炸粉炸過後，表面非常香脆，蛋白滑溜，蛋黃流心，口感一流，仲有陣陣蛋香味添😋。炸串各2️⃣串：大蝦 $48./ 洋蔥 $18/ 雞柳 $22炸串外層又薄又香脆，大蝦及雞柳啖啖肉，味道香口，洋蔥濕潤多汁，味道香甜🥰，點埋甜甜的炸串汁一齊食，更加好味😋。炸博多地雞雞全翼 $32及炸雞 $78雞全翼及雞件🐓同樣炸得非常香口，外脆內嫩😋。鹽燒牛舌 $98牛舌👅表面燒得焦香，口感濕潤彈牙，有陣陣油脂香味。炸蝦仔 $48蝦仔🦐細細粒炸得香脆乾身，味道鹹香，越食越想食。最後當然唔少得飲咗唔知幾多杯嘅生啤啦🍻，$39杯真心係抵。
繼續閱讀
近排番工好忙，係時候同啲朋友聚下腳chill下。一直都好想搵啲地道日本風味嘅居酒屋，銅鑼灣呢間樓上居酒屋就啱晒我心水，裝修用木系風格，擺放左一櫃漫畫書，加上啤酒加炸串呢個combination，充滿日式氛圍感，日本旅行嘅回憶即刻返晒嚟👍🏻明太子芝士玉子燒🥚份量好足，一切開已經有芝士拉絲，而且明太子好多，但係又唔會好鹹，配上香滑嘅玉子燒，不愧係signature小食！日本雞蛋豬肉卷🐽雞蛋流心，好濃蛋味，豬肉卷配搭得宜，炸得好脆，熱辣辣，呢個款式喺香港比較少見，覺得好似去咗日本咁。汁煮子持魷魚🦑季節限定嘅子持魷魚，入邊有滿滿嘅魷魚子，味道鮮甜，一定唔可以錯過！五花肉、帆立貝炸串🍢🍢炸串新鮮即炸，自家製嘅醬料好香而且甜甜地，仲有燒汁可以淋上去，配上炸串都唔油膩，推介！和牛卡爾帕喬🐮半生熟嘅薄切和牛口感軟嫩，牛味濃郁，底下佈滿酸酸甜甜嘅洋蔥絲，唔單止可以解膩，仲非常開胃😗鹽燒白鰻🐟鰻魚用咗簡單嘅鹽味嚟燒，既有海鮮嘅鮮味，又唔會太重口味，附上醬汁可以自由加上，值得一試。刺身盛合🍣有多款刺身，非常厚切，食得出非常新鮮🐠柚子泡沫啤酒🍺 呢個造型夠晒特別，上邊係啤酒沙冰，要飲晒沙冰先可以飲到啤酒，好得意好特別。整體嚟講食物都好地道，日式炸串喺香港比較少見，而且味道同我喺日本食嘅非常接近，其他菜式亦非常高質，其中明太子芝士玉子令人印象深刻，幾乎每台都嗌。地點方面，銅鑼灣B出口一出行2分鐘就到，啱晒放工同朋友一齊吹吓水食吓嘢，再去銅鑼灣行吓希慎Time Square都非常就腳！
繼續閱讀
近排見朋友去大阪食炸串，睇到我好想食😋其實我之前去日本係未食過炸串😂今晚決定係香港搵間日式炸串專門店😍呢間餐廳主打各式各樣炸串，仲有博多名物牛腸鍋，壽司等等…當晚隔離枱係日本人，感覺置身於日本餐廳一樣🤩博多牛腸鍋二人份 $320香港餐廳比較少見有牛腸鍋🤩鹽湯底配上檸檬嘅酸酸甜甜味道好清新👍🏻仲有大量芽菜韭菜同高麗菜。店員好細心提醒牛腸只需30秒就可以食，口感爽口肥美鮮嫩，湯底好清甜，我哋成煲湯清哂～香辣吞拿卷 $138吞拿魚蓉混合香辣汁，味道獨特辣辣地超惹味，值得一試👍🏻日本雞蛋豬肉卷 $38薄簿嘅豬肉片包住日本溏心蛋，晶瑩剔透仲有流心效果，蛋味香濃好好食😋呢度出名係炸串🍢梗係叫多幾款試吓😋我哋叫左日本秋葵蝦、五花肉、帆立貝、牡蠣豬肉卷、冬菇同海鰻。炸粉好薄身入口酥脆無比，另配上自家製醬油，可減低油膩感同時味道更鮮明👍🏻Melon Frozen Beer $68芒果泡沫啤酒 $68賣相好可愛🤩上面好似雪糕造型，原來係泡沫沙冰🍧口感好特別，仲有好多味道選擇。香草雪糕伴芒果 $38最後食埋甜品，係炸芒果肉好鮮甜配以冰凍嘅香草雪糕，好滿足～
繼續閱讀