中記

營業中

休息中

平日午飯時間灣仔餐廳選擇雖然唔少， 不過求其搵間茶餐廳食個普通碟頭飯都要五十幾蚊。之前同事話駱克道街市熟食中心入面有間大排檔幾好食，價錢又平，今日終於跟咗去試下。熟石中心喺街市二樓， 一入去就見到最大最多人果間就係。講真街市入面環境就一定麻麻，所以食客要男人為主，藍領白領各佔一半。各種炒粉麵飯都有齊，款式都算多。見到廚房一碟碟炒出黎都好有鑊氣，份量又多，連飲品都係$37左右。我同事叫左芙蓉蛋飯，我叫左叉燒炒蛋飯，等左十幾分鐘就有得食一睇就feel碟飯岩岩炒出黎，夠晒鑊氣，啲蛋炒得好嫩好滑，真係好好食見到同枱其他人啲碟頭飯都好似好掂，唔怪得知全場得呢間會坐滿客。除左環境差左啲外，性價比真係好高，款式又多，我諗一星期食足五日都可以，絕對係灣仔 鬧市中的平民食堂。

經上次大夥兒聚餐非常滿意後，呢間中記都進入左我嘅口袋名單。除左價格因素外，呢度你想食邊爐、雞煲、小菜、串燒都有！今次一行兩人，主要就想食呢度嘅串燒，10幾蚊一串仲要大大串ga! 黃金鮮魷 $68呢度嘅黃金鮮魷咸蛋黃部分真係造到零死角，超惹味。 上次食過黃金蝦$70 都係做到零死角，好正！蠔仔粥 $38 （細）蠔仔肉同肉碎都大大粒，冬菜、芫茜夠味。呢個粥唔只兩人份量。雞翼燒得好juicy。強烈推介：火雞腎大大串，爽口惹味又唔韌。 牛舌串$13咋，同樣爽口惹味。燒茄子$19 用左好多生蒜，係略嫌再要收一收水。一大班朋友聚餐都非常推薦佢地過黎

難得於駱克道打完毛毛球, 順道於駱克道熟食市場食晚飯, 現場所見中記特別多客人, 唔食佢食邊個大部份餸菜介於60-70間, 唔算太貴, 2個人點了 炸大腸、小炒皇、椒鹽魷魚鬚、壕仔粥 + 3支 blue girl  一共$226小炒皇最好食, 送酒同送粥一流, 推薦比大家炸大腸夠脆唔太肥, 但份量較小廚師加靚姐推介, 但真係無特別, 唔夠脆又唔夠熱, 仲要漏單壕仔粥反而值得推薦, 料足, 但掛住食已經忘記相機食先PS: 冷氣比較充足, 熱天食得好舒服

呢一間中記餐廳我相信一定係一間有良心嘅餐廳 因為小菜每樣很便宜 尤其是個芝士牛油蝦好抵食只係$68 前兩天同朋友加埋四個人叫了五個餸幾個串燒都只係三百幾元 真係超抵的飯堂👍🏽

好耐無去灣仔，自己一個又唔知可以食乜，去灣仔駱克道街市嘆下一個人的時間。好懷念呢度嘅所有嘢，以前係呢頭返工，窮嘅生活就係去呢度，快靚又正。人都係咁多，之前一放lunch即刻飛出，先可能有位。今次試佢嘅湯飯，比我想像中多料揀，我揀左蝦，鯪魚球，田雞，豬膶。加埋凍飲都係50元。好大碗，料都算多。湯都算清，田雞肉都唔錯，豬膶唔伏，鯪魚球都多同香口。整體都ok，我食唔哂個飯，最衰無叫少飯，最啱一個人唔知食咩個陣叫。

中記•錄 - 第一章 見到係第一章就知道我會再嚟中記食其他餸菜啦！其實同過朋友嚟過無數次,心血來潮,真係要為中記寫下食評。中記嘅野食夠鑊氣又好味,份量較多,價錢好唔錯! 最開心就係一大班朋友嗌好多碟小菜嚟食。最深得我心嘅就係佢地嘅西檸雞,我幾乎每次嚟都嗌!!! 西檸雞嘅汁好甜,啲雞炸得好香口,外脆內軟又滑,口感好味道好。我地兩個人去食爭住食😛 今次叫咗碟白飯魚煎蛋,第一次食。一碟有四塊大嘅煎蛋,清清地口味,份量多又夠飽。我同朋友食兩碟餸,一人一碗白飯,仲送老火湯。真係好味又抵食💕

A cozy local place where just above a historical wet market, traditional Cantonese cuisine can be tasted. I have ordered what I consider the recommendation course. Lemon chicken🤤Fried luscious chicken so tender you know its fresh, the lemon sauce is sour and sweet which covers any greasiness of the chicken, what a perfect combination😣I can't help myself but to order two bowls of rice(don't worry there were two of us)🐧🐧I have also ordered something new 😶Ice fish scramble eggLook at the size of it

今晚跑完步肚餓，上咗駱克道街市熟食中心食晚飯。我哋兩個人叫咗啫啫雞煲同韭菜花炒臘肉。叫完菜阿姐即刻攞兩碗熱湯嚟。啲老火湯好似屋企煲咁樣，冇味精之餘仲有好多紅蘿蔔，好好飲。差不多飲完湯嘅時候韭菜花炒腩肉嚟。成碟小菜鑊氣好夠，不過跟咗腩肉就始終比較鹹，同埋比較多油。之後啫啫雞煲有好多件雞，仲有五六件豬膶，煮得入味，＄55一個煲好抵食。呢度最好係白飯任裝，啱晒我個飯桶朋友。如果係灣仔食飯，唔怕要喺街市環境比較污糟，想慳下錢嘅話，呢度係一個唔錯嘅選擇。

灣仔，是個搵食艱難的地方，午飯時間都是難搵位、勁多人。心血來潮，和友人的飯聚，就來了街市內的大排檔。這裡之前來過一次是晚飯小菜，今次試下lunch有乜食。看食評這家很有名，就試試湯飯味道怎樣。這裡的湯飯像車仔麵，3餸一個價錢，多樣餸再加錢。落單叫了牛肉雞件豬潤、魚腩豬腸肉片，跟湯飯有生菜。友人選的估中兩樣，成績唔錯。人多食野好處係可以share，所以今次可以試6款。天氣涼了些，食個熱熱的湯飯，食完暖番。這裡湯跟飯是分開的，可以選將飯全倒進湯，或者一啖飯浸湯再食。各有所好各取所需。雞件可能浸得耐有些韌，魚腩同豬潤都好味，牛肉同肉片就一般了。豬腸唔係個個啱，我就鍾情肉臟野。覺得最好的就是那碗豉油，點完的食物更覺好味。說回熱鬧，這裡是大排檔，嘈就預計之中，所以如果想細說暢談，這裡就要放大聲先聽到。不過氣氛熱鬧，又是另一番感覺。比起高級餐廳，更喜歡這裡的可以放聲笑、大聲講的地土文化。所以話，香港唔可以冇大排檔囉。

尋晚喺灣仔收工，相約同事去食飯，其實喺灣仔食飯好多時我哋都會去駱克道街市嗰邊食飯，一來選擇多，易揾位，二來價錢平，又有鑊氣！今晚選擇左喺埋邊既中記！中記提供既小炒菜式有很多，平到38 蚊都有，貴到幾百蚊既羊腩煲亦有！我哋一行10人，今晚都叫左9 個餸，每人都叫左杯野飲，埋單每人都係$50左右，以今時今日既香港嚟講，真係非常抵食！ 不過唔好意為咁平佢就一定會將貨就價，結果就係剛剛相反！每樣餸由份量都味道都有一定水準！一齊嚟睇下佢哋d小炒！金姑肥牛+ 黃金豬扒芝士琵琶豆腐回鍋肉豆豉鯪魚炒唐生菜椒鹽雞軟骨茄子斑腩煲千味辣子雞味菜炒雙柳咸魚雞粒芥蘭煲最後都多到食唔晒！證明d份量都唔少！順帶一提，白飯任裝！

呢一間樓面感覺上比同場其他檔位企理。菜式都比其他檔多d 亦比較有獲氣，當日嗌左大千爆子雞，辣味不算強，雞炸得好脆亦都唔鞋口；回鍋肉十分入味，不過略鹹；芝士琵琶豆腐香脆，芝士味淡香。埋單$56，抵食！

星期二嘅的晚上，同寶寶跑完步唔知食咩好，行下行下就行咗嚟灣仔街市。街市熟食中心位於十樓，但升降機只有一部，等了很久才有，然後每隔幾層又停一停，15分鍾才能到達熟食中心。我點了西檸雞，炸雞的份量很多，也不是炸得很油膩，汁酸酸甜甜的超開胃，很適合送飯！寶寶點的魚香茄子飯份量也很多，茄子鋪滿碟了！我也忍不住夾了幾舊口，十分野味，又是送飯一流。$34真是掋食之選。雖然是街市熟食中心，但環境並不污漕。晚飯時段在灣仔有這個價錢和質素十分難得。

係灣仔駱克道街巿的熟食中心，每逢午餐時間就人頭湧湧，無他，平靚正吧！　　一上三樓就有很多店舖可選，也有很多店員熱情地叫你往他們的店。吃過幾間，暫時以中記和英記較好。也因為中記和英記在隔離，所以常常在中英交界午餐。　　今次在中記坐下，選擇固之然多，忽然看見有叉燒煎蛋飯，記得之前在《老爺點心》（之前食評：https://s.openrice.com/QrbT0WKGg00）要七十幾元的黯然消魂飯覺得CP價不高，今次在這裡的叉燒煎蛋飯只收三十二元，抵。　　可能讀者覺得熟食中心的租金比蘭度街為平，當然可以收取便宜價錢，但本人覺得７０元的午餐可以做得更好！　　說回中記的叉燒飲，先說份量比《老爺》為多，豉油汁較濃，不像加水的貨色。至於食物質數方面，３２元叉燒飯不會想要有半肥瘦的選擇吧！叉燒偏瘦，略乾身。煎蛋則合格。可惜這天飯有點生米，結果剩下半碟飯食不下。　　莫非要吃一碟好味的黯然消魂飯真的這麼難？！

兼職第三日，跟同事到灣仔駱克道熟食中心午膳，每日無所事事的兼職，最期待的就是午膳，每日到新的餐廳，見識下港島區打工仔的午市盛況。灣仔駱克道熟食中心，也是以前工作時常知道的地方，也是懶得去逼人，沒有去過。心知多人，真實去到，真的很多人，原打算繞場一週，也打消念頭，見到空位，急忙坐下。中記小廚，人頭攢動，驟眼所見，大多男性，也有女士，三四五人，男人地盤，西裝友地盤佬，滿檯都是，飲食之時，職業階級，也沒分別。乾炒牛河 中記姐姐招呼，坐下點菜，乾炒牛河和茶走，茶記必選。牛河賣相一貫低調，黑壓壓，神秘莫測，雖不吸引，但鑊氣足夠，河粉油滑，條條分明，牛肉有口感，不帶梳打粉餘味，芽菜爽口，一爽一滑一煙韌，讚。茶走茶香奶滑，練奶份量適中，好喝。椒鹽雞小炒 啤酒來到小廚，豈能不叫小炒，同事點椒鹽雞加啤酒，午飯選擇如此瀟灑，甚為欣賞。椒鹽雞賣相非常吸引，雞肉色澤金黃，香氣四溢，肉下青菜，顏色悅目，甚為動心。估計廚師濕炒椒鹽雞，略帶汁，但不損雞肉美味可口，肉滑但微鹹，配啤酒是最佳選擇！同桌的湯飯，大碗足料，有肉有菜，再有白飯，似乎是必食，鄰桌不少人的選擇。今次初嚐，下次可試！

又寫飯堂，冇計，成日去，皆因抵食下午茶，$28碟頭飯+飲品，一支弓去唔外眼，一班人去更加得盞，無得輸！椒鹽豬扒飯，好多塊豬排夠惹味，份量剛好，冇因下午茶價面而節省太多，比起麵餐，哩個抵食呀。