308
17
10
港鐵中環站 D2 出口, 步行約4分鐘 繼續閱讀
電話號碼
23872002
特色
包場派對
營業時間
今日營業
07:30 - 20:30
星期一至日
07:30 - 20:30
付款方式
AlipayHK 支付寶 現金 八達通 AE 微信支付
其他資料
電話訂座
外賣服務 詳細介紹
食評 (355)
等級4 2020-05-17
1717 瀏覽
疫情下本身都唔應該出街嘅,但係因為有啲事要黎一黎中環,順手食埋個午餐。見到呢間叫做中環茶記嘅茶餐廳好有特色,裝修好特別好懷舊,入邊亦都好企理,感覺坐得好舒服,於是就入去食個晏晝先。入邊防疫設施做到足,枱與枱之間相距嘅距離非常之充足,枱枱櫈櫈同埋地下亦都賣得非常乾淨,令到食客感覺非常之安心。我同男朋友嗌左兩個餐:一個係雞扒全餐配多士,另一個係叉燒炒蛋飯,另外再加多碟瑞士雞翼。我雞扒全餐非常之足料,雞扒大大塊、條腸煎得好香、炒蛋炒得好香滑、有火腿有薯餅有茄汁豆仲有個非常之邪惡嘅多士,呢個價錢好抵食。另外我男朋友嗰個叉燒炒蛋飯,亦都係非常惹味啲叉燒香甜可口入口即溶,加埋杯港式奶茶就真係Perfect。另外要提一提嘅就係入邊嘅裝修,好懷舊嘅卡位雅座同埋方格階磚,令人好似返咗去七八十年代咁,入邊有好多舊時香港嘅相都幾有氣氛㗎。 繼續閱讀
(以上食評乃用戶個人意見 , 並不代表OpenRice之觀點。)
今日去中環做野,收工約左朋友仔食晚餐,經過威靈頓街見到呢間中環茶記,裝潢走懷舊風格,設計別具心思,座位寬敞舒適,樓底高,空間感十足。黎茶記一定會叫常餐~傳統沙嗲牛肉米粉配火腿炒滑蛋、牛油多士 HK$45牛肉嫩滑切得厚身,食落有口感,沙嗲味濃郁,米粉煙韌彈牙,炒滑蛋口感綿密鬆軟,多士夠脆,正!秘製咖哩牛腩飯 HK$55咖喱香氣濃郁,口感滑順,牛腩炆得入味,軟腍唔柴口。法蘭西多士 HK$24加入蛋汁煎至金黃色,先搽牛油再淋上糖漿,外酥脆內鬆軟,勁滿足。特色豬扒包 HK$25麵包烘至外脆內軟,厚切豬扒份量十足,啖啖肉勁JUICY!凍奶茶 +HK$3入口幼滑,茶香濃淡恰好,相當出色!熱奶茶色澤金黃,茶味香濃,口感厚身。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-04-26
3040 瀏覽
已經有幾個月沒回舊屋打掃,趁今日得閒,返去執拾一下,順便到「中環茶記」吃頓下午茶。餐廳座落於威靈頓街,樓高 4 層,佔地數千呎,每層均以懷舊主題來設計,配上門口以霓虹燈製成的招牌,設計極具特色。至於店內裝潢亦落足心機 ,到處都可以看到不同懷舊風格的佈置 ,如天花吊扇、墨綠色地磚等,盡顯老香港情懷。睇咗餐牌,原來假期無下午茶餐供應,我哋揀咗乾炒牛河、法蘭西多士、瑞士雞中翼、油多同飲品。乾炒牛河 ($55):牛河鑊氣十足,上檯時仍熱騰騰。牛肉夠曬厚身,大片完整,賣相焦香誘人,食落有牛味。河粉透薄分明,乾身煙韌,入口腍滑有米香,吃罷碟子上沒有半點油。法蘭西多士 ($24):件西多送上來時還是脹卜卜,外層炸至金黃香脆,切開裡面軟綿綿,再加上牛油和糖漿,香口而不太甜,簡單又美味。瑞士雞中翼 ($24):雞翼一客有 3  隻,外形屬中等,唔算特大,不過就浸得非常入味,入口皮香肉嫩,香甜惹味,無與倫比。牛油多士 ($15):多士烘得未算很香脆,幸好麵包頗厚身,而且牛油塗得夠多也算均勻,味道亦不俗。牛河配有咖啡或奶茶,如果轉凍飲就要加 $3。我哋點咗凍奶茶 (+$3),另外加咗杯紅豆冰 ($28),奶茶口感非常順滑,奶味和茶味平衡,奶香與茶香並重。紅豆冰非常大杯,夠曬冰涼解渴,紅豆煮得稔而香甜,而且甜度亦十分適中,入口奶味濃,好飲。其實在這步伐急速的大都會裡,間中去一些富有懷舊特色的店子閑坐一會,享受不一樣的用餐體驗,絕對是一個不錯的選擇。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-09-14
0 瀏覽
位於中環威靈頓街一間茶記🍴好有六、七十年代香港懷舊風味🧳🥧🧂📻可惜想試的營多撈麵西多士好搶手🥺一早就賣哂..所以試黃金鹹蛋西多,唔流心🙈但似奶皇咁幾好味鹹蛋炸髀🍗最好味係呢個🤤炸得夠脆豬扒炒公仔麵都好入味,夠獲氣👍🏻尖椒大腸炒得幾入味❣️其餘沙嗲肥牛粉絲煲&生炒骨&上湯時菜等小菜就普通冇特別,建議都係叫返茶餐廳既小食、特餐好d😉飲品我試了「香芋冰」幾香~💜朋友仔試了「懷舊雪兔」是雜果賓治+棉花糖(影相靚靚)穩陣派建議選「懷舊紅豆冰」 繼續閱讀
(以上食評乃用戶個人意見 , 並不代表OpenRice之觀點。)
等級2 2020-09-07
56 瀏覽
陪屋企人到附近身體檢查,趁有時間去食下野~!門面眾所周知中環消費絕不便宜,呢間睇落比較平民,裝修風格非常港式,內裡乾淨衛生,職員服務態度好好,係現代化的茶記餐牌除左感覺熟悉親民,價錢真係親民!30蚊左右就有一碗麵!食物味道不過不失,不過以親民價錢來說性價比就好高!今次叫了茄汁豬扒面和沙嗲牛肉麵。茄汁是普通茄汁(預製),冇特別。 繼續閱讀
(以上食評乃用戶個人意見 , 並不代表OpenRice之觀點。)